اسوي زواج ولا لا ورضي نفوسهم ولى نفسي

[ازمه سكر]

مرحبا بلقيسات 00بدخل بموضوعي على طول وياليت تساعدوني0بقولكم انا جماعتي اهل ابوي مايهتمون بل مظاهر بس لناس عن ناس يعني يفرقون لحضو ابد وهم على قد حالهم خلاص ام اهل امي يهتمون بل مظاهر جداجدن ولازم كل شي يكون كامل ونا هذا طبع ما احبه 00زوجي حدد زواجنا وطلبت منه اني ما ابي زواج ابي ياخذني ون روح الفندق على طول طبعن بتسالوني ليش عشان اهله مو مهتمين بزواجنا ويقولون انه ماله دعي انا طنشتهم لئن انا من البدايه ما حبيت احمله فوق طاقته لنه مو موظف بتقولين كيف اخذتيه وهو مو موظفه هذي لهاسالفه طويله بس وش اقول هذا نصيب وظروف تجبر الواحد غصب عنه اشكوالله فانا بغيت امورنا تكون ميسره وربي يباركلنا هو وافق بس بعد فتره قالي انا بسوي زواج مثل اخواني قلتله ماله دعي هو اصر ويوم قال لهله ابي مثل اخواني قالو ماله دعي قالهم ايه بس بنت خالتي تحمستو وسويتو كل شي بس يوم جا على زوجتي تقولون وشوله وزعل بعدين قالو خلاص انت سو الي تبي هوحجز قاعه صغنونه على قد الحال وكل شي بسيط المشكله اني قلت لئهل امي انناحددنازوجنا وبل قاعه الفلانيه تدرون وش قالو وشوله ماله دعي صلحيها ببيت جدتنا ونجتمع الوحد اذا بيصلح يصلح زين مو خبط لزق لاوناس عندها امتحانات من بيجيكم وين بتسكنون عشان اهله خارج الرياض وكيف بيصرف عليك وكلن يسال وين بتسكن وكيف بيصرف عليها المفروض يوفرون هل فلوس عشان زوجي بيدرس بل خارج بعد كم شهر من زواجنا على حساب الحكومه وخوذي من تحطيم نفسي نفسيتي تعبانه مره من كلامهم مدري وش اقول بس انتم وش تنصحوني فيه اسمع وش يقوله لي عقلي ولا ما اسوي زوج وفتك من اقيل ول قال ولا ااجل زواجي بس احنا كم مره ياجلونه والمره هذي ما صدقت انهم حددوه وفتك من هل هم سا عدوني اب نصيحه من كم يا خوتي

 

[ريشة طاؤوس]

شوفي يا حلوه .. زوجك هو اللي يبي حفله وكذا

عادي سويها بالقاعه الصغنونه اهم شي هو يستانس وانتي بعد ماعليييييك من الناس يا شيخه رضا الناس غايه لا تدرك ولو على المصاريف لا تخافين ربك يحلها ان شاءالله .. استمتعي بهاللحظات لا تشيلين هم شي
ونصيحتي لا تأجلين العرس الله يوفقك يارب ويسعدك ويتمم لك على خير

 

[Queen***]

1- لاااااااا تأجلين العرسوتوكلي ع ربك ...

ثانيا والأهم نصييييييييحه لا تسمعين كلام الناس سوي اللي تحبينه انتي وهو وطنشي الناس ما يعجبهم العجب سوي الحفله بالقاعه اللي اخترتوها واللي يبي يحضر حياه الله واللي ما يبي براحته ... يا كرهي للناس اللي بس تبي تحطم وتتفلسف ع غير سنع ... حبيبتي الناس ليت الواحد بس يسلم من شرهم .. لا تفكرين فيهم ابد وانبسطي مع زوجك واستانسي وفكري فيه هو بس وراعي حق ربك قبل كل شي ..

انصحك بالاستغفار والقراءه خصوصا قصص الانبياء والصالحين بتروح عن نفسك كثير وانا مجربتها ...

والله يوفقك ان شا الله وييسر زواجك ويرزقك بالذريه الصالحه ...

 

[خلود بكر]

دام هو يبي الزواج بقاعه لاتمانعي واذا على موضوع الوظيفه وانه مو موظف لعذر مقبول وانتي راضيه فيه كمان ماحد له شئ عندك دانتي مقتنعه وان احد سألك قولي والله اهم شئ التوفيق وكله الامور الي اسويها انا مستخيره ربي فيها واكيد بتكون لصالحنا وبس لاتفكري بكلام الناس ابدا

 

[ازمه سكر]

تسلمون واللله لما اقرى كلامكم احس الهم يخف عني ربي يسعدكم امين

 

[مشاعر مهمله]

سوي الي مقتنعه فيه انتي وزوجك ولا عليك من الناس كلام اناس ماينتهي ولا يعجبهم العجب >>>الي يعطي كلام الناس أهميه والله يعتب وينكد على عمره وهم ما درو عنه

توكلي على ربك ولا تاجلي العرس

 

[خديجه الكبرى]

مدام خاطر زوجك في الحفلة سويها حتى لو القاعة صغيرونه تستانسون فيها وتنبسطون والزواج مرة في العمر لك وله
الله يهنيك ويسهل امورك وباين عليك انك قنوعة وتقدرين ضروفة

 

[*جوانا*]

حبيبتي إذا هو يبغى يحتفل بقاعة خليه على راحته وأنت تجهزي مثل العرايس عشان ما يقول أنا فاتني شي
يعني فستان ومكياج هذا أهم شي للعروسة
والباقي مو مشكلة


نصيحة حبيتي
لا تشيلين هم الفلوس هو الرجال لا تخافين بيدبر حاله
ما دام قال بيسوي حفلة معناته عنده قدرة ومرتب أموره
توكلي على الله وأنبسطي

 

[تألمت حتى تعلمت]

سوي الحفله وانبسطي واستانسي وعيشي جوك زي جو اي عروسه واذا على اهل امك قولي اللي موعاجبه ماني محتاجه حضوره لان حبيبتي الناس بيحضرون عشانك والا عشان قاعه وخرابيط؟؟؟
ايش هذا التفكير الصغير انتي البسي فستانك ولاتضيعي الفرضه حتى لو الزواج صغير انتي انبسطي وابسطي زوجك وحسي انك عروووووووووووووووووس والناس اخر شي تفكرين فيه بعدين مين قدك حنسافري الخارج مع زوجك ماشاء الله الله يهنيك لاتفكرين في امور تافهه زي كذا
الله يتمم لك ويوفقك

 

[جونار]

حبيبتي عيشي حياتك والعمر مره
دامه حجز القاعه من نفسه مو بطلبك سوي عرس وااااااانبسطي قد ماتقدرين مع زوجك اللي بالرغم من ظروفه يحاول يسعدك
لا تخليه ولا لحظه يندم انه قدرك
ولا تفشلينه دامه بيسوي عرس حتى لو كان بسيط
إنتي إعزمي اهلك واللي بيجي حياه الله واللي مايبي يجي ريح
كل البنات مروا بعذال ألوان وأشكال
اللي يقول ماتصلح له واللي يقول وين يسكنها واللي يقول ليش مهرها كذا لكن سبحان الله هي توافيق واقدار
إرضي بنصيبك ياما شفنا بنات سوو عروس مطنننننننننننطننننننننننه وبيومها رجعت لأهلها
ماتدرين يمكن تصيرين اسعد حال من اللي يتريقوا عليك
الله يوفقك أقولها لك من قلبي
طمنينا عليك بعد ماتتزوجي

 

[اولادي كل حياتي]

[/حبيبتي لاتكسري خاطر زوجك وتمنعي من فرحته خليه يقوم بالزواج وانبسطي ولايهمك كلام الناس لو بتسمعي لهم ماراح تخلصي
ـ بس اهم شي لااااا تخبريه عن الكلام اللي حصل من اهل امك ابدا لانه راح يشيل في قلبه من ناحيتهم ولاراح ينسى الكلام
ـ والله يتمم لك على خير ويوفقكمCOLOR]

 

[فله14]

كل الكلام الي قالوه اخواتك صح مالك ومال الناس عليك نفسك وزوجك وافرحي والف مبرووووووووك
الله يسعدك ويوفقك وييسرها لك