******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
يالله القصة القصة
 
جياااانه الله يشرح صدرج
قولي اميييييييين
ونستينا بهالقصه
وعلى فكره انا متابعه كل قصصج قريتها كلها
بس ياااااااااااليت لو خلصت اسمهان وعبد الرحمن
تبدعين فقصه ثانيه
لن اسلووووبج روعه يونس
 
مملكة أنثى قال:
جياااانه الله يشرح صدرج
قولي اميييييييين
ونستينا بهالقصه
وعلى فكره انا متابعه كل قصصج قريتها كلها
بس ياااااااااااليت لو خلصت اسمهان وعبد الرحمن
تبدعين فقصه ثانيه
لن اسلووووبج روعه يونس
أنقر للتوسيع...
في بالي الآن فكرة حلوة لقصة جديدة بس بعد ماانتهي من اسمهان اتحفكم بها ان شاء الله
 
جزء اليوم ياستات!!​
مرت الأيام واقتنع تركي بفكرة الزواج ولكن....​
تركي:أنا بأتوكل على الله وأخطب بنت الناس اللي كلمتوني عنها!ولكن إن طلع فيها عيب فلا تلومون إلا نفسكم توقعوا إني بأسوي أي شيء!!!
سماح:تفاءل بالخير..الله يسامحك إشفيك صرت معقد من تجربة وحدة؟؟
هند:وبعدين أنا متأكدة إنك لو تشوفها بتعجبك مرة..أخلاقها وهدوئها أحلى شي فيها..
تركي:مدري أحس الحماس مقتول فيني!
أم تركي:ناصر اللي هو ناصر..تغير رايه وصار وده يخطب اليوم قبل بكرة..وإنت باقي راسك يابس مدري اش تنتظر!!
تركي:زين من هي بنته؟؟وكم عمرها؟
أم تركي:عمرها 18 سنة وتدرس بالثانوية العامة وأزيدك من الشعر بيت صاحبة اسمهان..وهي بنت فلان بن فلان الفلاني!!
تركي:ايــــــــــــــش؟؟أبوها يشتغل بوزارة الحج والأوقاف؟؟
أم تركي:ايه صحيح..وإنت اش دراك؟؟
تركي:يمه..هذا الرَّجال اللي حجيت معاه قبل سنتين!
سماح:يامحاسن الصدف!هذا إنتوا طلعتوا تعرفون بعض..يعني متسهلة المسائل ان شاء الله...
تركي:الصراحة كان نعم الرجال كان كل يوم بالمخيم يسوي لنا محاضرة..وقبل لانفترق عطاني كرته عشان كذا مازلت ذاكر اسمه وشغله...سبحان الله من يصدق إنه بيجي يوم وأخطب فيه بنته؟!
هند:يعني نتوكل على الله ثم نكلم الجماعة ونتفق معاهم على موعد؟؟
تركي:على بركة الله....
أم تركي:أجل خلاص بأكلمهم..وإن عطونا موعد قريب رحنا لهم أول بعدين نكلم أهل البنت اللي بنخطبها لناصر..
تركي:إلا هي وش اسمها؟؟
سماح وهند:أفنـــــــــــــان
تركي:ياســــــــــــلام!!
===============
وبالفعل تم الاتصال على أهل أفنان ورحبوا بأم تركي....وراحوا يتقدمون رسمي وراح تركي واستقبله أبو أفنان بالأحضان بعد ماتذكره مباشرة...
عند الحريم أم تركي كانت صريحة من البداية وحكت لأم أفنان قصة تركي مع عبير..
أم أفنان:لاحول ولاقوة إلا بالله يارب..بعض الناس صارت ذممهم واسعة..بس توصل الدرجة للسحر؟هذا اللي مو معقول بناس مسلمين..الله يهديهم ويغفر لهم والحمدلله اللي نجى ولدك من كيدهم..
أم تركي:الحمدلله..
أم أفنان:أما انتم والنعم فيكم يكفي انكم مناسبين أم اسمهان الله يحفظها ناس راعيين دين وأخلاق ومحبوبين من الناس ماشاء الله...
سماح:جزاك الله خير...
أم أفنان:مدري إن كان عندكم فكرة عن بنتي سندس؟
سماح:ايه سبق وكلمتنا اسمهان عنها الله يشفيها ويعافيها..
أم أفنان:تدرون السبب في أمراض ضمور الدماغ راجع في معظم الأحيان بعد ارادة الله لزواج الأقارب..عشان كذا أنا ضد إني أزوج أفنان لأحد من القرايب..وربي يكتب لها اللي فيه الخير.
واستمروا سماح وهند وأم أفنان وأم تركي في سواليفهم المختلفة وأفنان جالسة بصمت تصب القهوة والشاي..
=======
وفي مجلس الرِجال كان تركي وأبوأفنان واخوانها جالسين..
يسولفون في مختلف الكلام..ومن ضمنه...
أبوأفنان:والله والنعم فيك ياتركي..عاشرتك 6أيام بالحج وكنت فيها نعم الرجل..لكن ودي أقول لك إن الزواج قسمة ونصيب إحنا بنشاور البنت ونخليها تستخير وعقبها يصير خير ان شاء الله...
تركي:وأنا لو أدور الدنيا وأدور عن عائلة فاضلة وشخص مثلك بأخلاقك وسماحتك فما ظنتي بألقى!!
أبوأفنان:هههه وش دعوى ياتركي؟لو تدور بتلقى اللي أحسن مني..أنا ماني أحسن الناس أبد...
تركي:والله هذا من تواضعك بس
====وتمت الزيارة والوعود بالتفكير ثم الرد في أقرب فرصة..
=================
وراحت أفنان ثاني يوم المدرسة وهي بتطير من الفرحة!! وبشرت الكل بخطبتها البارح...
الكل:مبرررررررروك
مرام:أجل جاء دوري أصارحكم!ترى عن قريب ان شاء الله بأصير سلفة اسمهان!!
الكل:لاااااااااااااا م معقول...
اسمهان:إلا صحيح..مشاعل لعبدالمجيد ومرام لعبدالرحيم..
وأفنان لتركي ان شاء الله....
نجلاء:وشوفتك صارت يامرام؟؟
مرام:لا بإذن الله نهاية هالأسبوع..ادعوا لي!!
أفنان:عاد اسمهان بتسوي فيها حركات وتجي تزوركم على إنها زوجة الكبير!!
اسمهان:طبعاً زوجة الكبير دايماً أحسن من زوجة الصغير في كل عيلة!!!
الشلة:هههههههههه
أما رانية انسحبت من الشلة وراحت للحمام وعيونها مبتلة دموع!
وقامت تتساءل بينها وبين نفسها:ياترى بإيش قصرت مع اسمهان؟فكَرَت بمستقبل كل الشلة إلا أنا!!!معقولة تشوفني شينة لهذي الدرجة؟؟ولا يعني عشان وزني زايد شوي؟؟
وقررت رانية إنها تبدأ بنظام حمية قاسي!!(بيني وبينكم البنت ودها تلحق على عمرها!!!!)
==============
ورجعت اسمهان من المدرسة للبيت وكانت كالعادة لما يكون دوام عبدالرحمن صباحي لازم تروح يومياً لأختها اسماء وتزورها لمدة نص ساعة إلى ساعة مخصوص عشان تشيل النونو الصغيرة لينا!!
كان عندها تعلق غير طبيعي بهذي البنت وبدأت تتعلق بكل طفل تشوفه!لأنها من وجهة نظرها متأخرة بالحمل!!
ومرة من المرات....
اسمهان:عبدالرحمن بأسألك سؤال وأبيك تجاوبني بصراحة؟؟
عبدالرحمن:تفضلي...
اسمهان:وش أكثر شي يعجبك فيني؟؟
عبدالرحمن:​
يعجبني فيك إنت الدلع
حنون وفيك رقــــة طبع
وأحلى شي يمـــيزك
طبيعي ومنته مصطنع!​
اسمهان(بحزن):أنا أكلمك بجد ياعبدالرحمن..ماقلت لك اكتب فيني قصيدة..
عبدالرحمن:ياحياتي أوقات الشعر يكون أبلغ من الكلام..عموماً تعجبيني بكل شي فيك من راسك لرجولك!والطباع حتى الشين منها أحبه لأنه منك انتي!!
اسمهان:يعني انت مو متضايق إني أنقص من غيري؟؟
عبدالرحمن:وشهو؟أنقص من غيرك؟ ماعاش من يقول هالحكي!ليش ياعيوني تقولين إنك ناقصة؟أنا زوجتي أحب إنها تكون انسانة عندها ثقة بنفسها وقدراتها وماتصدق هالحكي عن نفسها أبد!!!!!!!
اسمهان_(بصوت باكي):بس أنا إلا الآن ماحملت!اللي بسنك عندهم أطفال بالمدارس بس انت محروم لسه وش ذنبك؟؟
عبدالرحمن:ردينا على نفس الموضوع ياسمهونة؟يابنت الحلال أنا اللي غلطان إني ماتزوجت بدري وجبت عيال!انتي ليش زعلانة؟وبعدين إحنا ماصار لنا إلا 6 شهور متزوجين.تبين على طول يصير عندنا عيال؟؟وين صارت هذي؟؟
اسمهان:طيب اش تبيني أسوي أنا مليت مليت!
عبدالرحمن:ليش مليتي وانتي أساساً ماعندك وقت تمِلين فيه؟كل يوم أجيبك من المدرسة الساعة 2 الظهر وأروح دوامي الساعة 3 الظهر وماأجي البيت إلا الساعة11 بالليل وألقاك بسابع نومة!!!ويومك كله ضايع بين النوم أو شغل البيت أو المذاكرة أو التليفونات والنت!
اسمهان:بس أنا أحس إن عندي مشكلة وماني مثل غيري!كل اللي أعرفهم تزوجوا بنفس الفترة اللي أنا تزوجت فيها حملوا إلا أنا!!
عبدالرحمن:اسمهان كل شي مقدَّر ومكتوب وبيصير في وقته..بس انتي لاتشغلين بالك وفكري بدراستك وبس..وعقب التخرج من الثانوي يحلها حلاَّل!
===============
وكانت رانية قاعدة مع أمها بالبيت
رانية:يمه..أنا لازم أسوي موعد عند أخصائية تغذية!!
أم رانية:ليش؟خير؟
رانية:يمه وزني زايد ولازم أشوف لي حل!
أم رانية:مبررررررروك..بس صح النوم!لي سنين وأنا أتحايل عليك وأقول لك استحي على وجهك مرة وارحمي نفسك من الأكل وماكنتي تسمعين!هالحين اش اللي استجد؟؟؟
رانية:اعتبريها صحوة ضمير!​

 
وقررت رانية إنها تبدأ بنظام حمية قاسي!!(بيني وبينكم البنت ودها تلحق على عمرها!!!!)

من جد انتي تحفه ما شاء الله عليك ايش الابداع هذه كله
موتيني ضحك هههههههههههههههههههه
 
:e032: مشكــــــــــــــــــــــــــــــــــــــــــــــــــــــــــــــــــــــــــــــــورة يعطيكـ العافية ع عاللابداآآآآآآع
ماشاء الله .... الله لا يهينـكـ مغطيهــــــــــــا عشان مـــــــــاينقطع الحماس يوم نشوف الجزء من جد احس من زود الحماس الانتظار قاطع قلوبنــا :c017:
 
هههههههههههه ياحليلهـآآآ رآنية ^^

ربي يعطيييك العوآآآفي جيونه
 
وقررت رانية إنها تبدأ بنظام حمية قاسي!!(بيني وبينكم البنت ودها تلحق على عمرها!!!!)


ههههههههههههه

آآآآآآه بس هذي كأنها أنا

بعد ماانخطبت وجد الجد أنصدمت بجسمي والا

أزيدك من الشعر بيت المحروس يقول ليت تنحف
اهي اهي اهي ..راحت سنين والناس يقولون لي الدبى املح من النحاف

كركركركر..ماأكلها غيري اف بس


يالله جيانه فديتك كملي قسسسسسسسسم ميته حماس وفتح بعد​
 
واااااااااااو توها صحيت لنفسها وتبي تسوي رجيم بيجيها ناصر ينحفها من المقالب
ههههههههههههههههههههه
تسلمي جيووووووووووووووووووووووووووووونة
 
تسلمي جيونه

بس انا اقول انه رانيه لما تنخطب راح تشيل مشروع الرجيم من بالها <<<<المعرس وبيدها
 
ياحليلهم يضحكوووووووووووووني
ميتين على العرس وهم دوبهم بالثانوي
اجل لو تخرجوا من الجامعه وهم لسا عزباوات
ايش بيصلحون؟؟؟؟!!!!!! اتوقع ينهارووووووووووووون
 
أخيرا بدت رانيه تفكر بجديه
الله يعطيج العافيه
متااااااااااااااااااااااااااااابعه
 
زهورة قال:
ماصارت كولهم تزوجوا هههههههه
أنقر للتوسيع...
عاد احترت فيكم!!!!:33:
أنا في بالي انه الوحيدة اللي تتزوج بالقصة اسمهان!
بس بعد ماشفت ردودكم وأمانيكم ان الشلة كلها تتزوج قلت لنفسي يابنت ياجيانة زوجيهم وافتكي!هو أنا دافعة من جيبي شي؟؟؟؟؟؟؟
 
الحالة
مغلق و غير مفتوح للمزيد من الردود.
عودة
أعلى أسفل