******اسمهان وعبدالرحمن********من جديد

[فارسة الحق]

دمتِ محلقة في سماء الإبداع

يا رب لا تحرمها أجر كل بسمة ارتسمت على شفاهنا

دمتِ بود

 

[رهومــا]

الله يوفقك يالغلا قصة ممتعــــــــــــــــــــــــة جدااا

 

[AL-SHEIKA]

ليش ليش مب مكمله

 

[سكون...]

جيونه



بلييييييييييز


موضوع جديد للبقية

وركزي على ايجابيات وسلبيات اسلوب اسمهان ويا عبد الرحمن

ماشاء الله عليج وعلى ابداعك


ربي يعافيج ويحفظج

 

[جيانة]

صباح المسك والعنبر*جزء جديد​

اليوم الثاني كان يوم الجمعة وقبل مايروح عبدالرحمن لصلاة الجمعة عرض على أمه وأخوانه يطلعون لاستراحة أسماك يتغدون فيها ووافقوا وقال لاسمهان اللي جلست تعبي ترمس الشاي وللقهوة ولوازمها!
=========
بالطرف الآخر راح تركي لصلاة الجمعة وأمه كانت تطبخ الغداء...
ولما رجع من الصلاة وتوه يقعد تفاجأ باتصال من ولد عمه(ناصر)!
ناصر:آلو..تركي الحقني..!!!
تركي:خير ان شاء؟لايكون مقلب من مقالبك السخيفة؟؟ترى ماني خلقك!!
ناصر:هذا مو وقت مقالب..توي رجعت من صلاة الجمعة وتفاجئت بالشغالة تصيح فيني وتقول أمك تعبانة مدري وشفيها!وجيت أشوف أمي ولقيتها مغمى عليها!مو عارف شلون أتصرف وإنت أدرى بأمي حرمة كبيرة ومشلولة.تكفى الحقني!
تركي:اسمع..اتصل بالاسعاف وهالحين أنا بأجيك!
وقام تركي على عجل...
أم تركي:اشفيك ياولدي؟؟
تركي:يمه هذا ناصر كان يكلمني..الظاهر إن زوجة عمي تعبانة مرة وبينقلها بالاسعاف للمستشفى!
أم تركي:يالطيف يارب..خذني معك أجل أروح وأتطمن عليها...
وبالفعل خرج تركي وأمه وراحوا لبيت ناصر وكان الاسعاف توه شايل أم ناصر وناصر راكب معاها...ولحقهم تركي بسيارته للمستشفى ودخلوها قسم الطواريء...
وبعد اسعافها واتخاذ كافة الاجراءات من قياس للنبض والضغط وغيرها وجدوا إنه عندها ارتفاع شديد بالضغط مماسبب لها أزمة قلبية أثرت على كفاءة القلب في أداء عمله..
وأم ناصر كانت كبيرة في السن وانسانة مشلولة من 15 سنة وهي حبيسة الكرسي المتحرك والشغالة هي اللي قايمة بأمورها الشخصية وناصر ولدها الوحيد هو اللي متكفل بعلاجها..
وكان أبوناصر المتوفى من 20 سنة متزوج زمان من حرمة وعنده6أولاد منها والان هم كبار في السن وعندهم أحفاد..وتزوج للمرة الثانية من أم ناصر..اللي مع الوقت صارت تعاني من مشاكل صحية في صمامات القلب وغيرها مما جعل الأطباء يمنعونها من الحمل نهائياً خوفاً من مخاطر صحية محتملة ممكن تؤدي للوفاة..لكن اكتشفت بعد 10 سنوات من زواجها إنها حامل بناصر ورفضت اسقاط حملها!مماتسبب بمشاكل بينها وبين أبوناصر..إلى أن ولدت ناصروكانت بحالة صحية سيئة وكبر ناصر ليبلغ من العمر 9سنوات ومات أبوه بحادث..وبدأت المشاكل بين أخوان ناصر من أبوه وبين أم ناصر الزوجة الثانية على حكاية الميراث!
وطلع من نصيب أم ناصر البيت اللي هي ساكنة فيه..وراتب بسيط شهري يمشي لها من أولاد زوجها وقطعة أرض..ولما كبر ناصر صارت علاقته بأخوانه رسمية..وكانوا كبار في السن ومخلفين أولاد بعمره تقريباً(29)سنة..
ظل ناصر قلقان من وضع أمه وتركي واقف بجنبه يطمنه..
وخرج الدكتور وخبرهم إنه وضعها الصحي سيء جداً ولازم تتحول لقسم العناية المركزة..
وبالفعل تم تحويلها للعناية المركزة ومر عليها ساعات ونبضها ضعيف...
وناصر وتركي وأمه ينتظرون برة..
وبعد ساعات في المستشفى فتحت عينها ودخلت أم تركي تتطمن عليها....
أم تركي:ألف سلامة عليك ياأم ناصر ماتشوفين شر ان شاء الله...
أم ناصر:لاتتحمدين لي على السلامة وأنا عن قريب بأفارقكم!!!
أم تركي:وش هالكلام يابنت الحلال؟ان شاء الله إن مافيك إلا العافية..بس انتي تفائلي بالخير!
أم ناصر:ياأم تركي..كنتي لي نعم الأخت فلاتنسين جميلك عقب ماأموت واعتبري ناصر مثل ولدك تركي ..اللي تحبينه لتركي لاتعزينه عن ناصر!
أم تركي:ناصر بعيوني وحسبة عيالي..وان شاء الله بكرة تقومين بصحتك وعافيتك وتفرحين فيه..
أم ناصر:ماأظن أبد عقب طيحتي هذي بأقوم!
وقامت أم ناصر تهذي بكلمات غير مفهومة وتنادي الأموات اللي ماتوا من زمان من أهلها وعيونها زايغة...
وقامت أم تركي تبكي لأنها حست فعلاً باقتراب أجل أم ناصر..وخرجت من الغرفة ونادت ناصر وقالت له:أمك تبي تشوفك ياناصر..
دخل ناصر وباس راسها وكان منظرها محزن الأجهزة مشبكة بجسمها من كل صوب..
ناصر(وهو متأثر):الله يشفيك يايمه وقدامك العافية ان شاء الله....
أم ناصر:ياولدي..ابن آدم يحس بقرب يومه من القبر..وماظنتي باقي لي بهالدنيا مقام!!كلها ساعات..
قام ناصر يبكي وقال:يمه تكفين لاتقولين هالكلام ان شاء الله بتطلعين من المستشفى وانتي تمشين على رجولك..
ومسك يدينها ولثم بها وجهه وهو يبكي..
أم ناصر:تكفى ياناصر..حرمتني من شوفة عيالك بحياتي..فلا تحرمني من تنفيذ وصاتي بعد مماتي! تزوج ياولدي وافرح بعيالك ولاتنسوني من دعاكم
وصار بصرها زايغ وجهاز قياس معدل التنفس ونبضات القلب يصدر طنين إلا الممرضات جوا ركض للغرفة وبدأت أم ناصر تفقد الوعي تدريجياً وصار ناصر بحالة انهيار ودخل تركي خرَّجه من الغرفة بقوة..
ناصر:أمي بتموت ياتركي أمي بتموت...
تركي(وهو حاضن ناصر بقوة):استهدي بالله ياشيخ وادعي لها...
ودخل الدكتور وحاولوا يفوقونها من الغيبوبة بصدمات كهربائية وانعاش للقلب..
وخرج الدكتور وقال:المريضة نبضها ضعيف وتحتاج لعناية مشددة ورجاءً ممنوع الزيارة الكلام يتعبها ويجهدها جداً..انتم روحوا واتركوا أرقامكم وإحنا لو صار أي حدث جديد حنتصل عليكم......
قام تركي ومسك ناصر وقال:ناصر ارجع معانا البيت.....
ناصر:شلون أرجع وأمي هنا بين الحياة والموت؟
تركي:وجودك ماله أي داعي..انت سامع الدكتور حالتها صعبة وهو مانع الزيارة عنها..يعني انت وش بتستفيد لو قعدت..اترك رقمك عندهم وهم بيطمنونك عنها....
أم تركي:وأنا رايي من راي تركي ياولدي..خل أمك تستريح..وانت بعد ارجع معانا وتغدى وارتاح..
وبالفعل رجع ناصر معاهم ودخلوا البيت وتغدوا وشربوا الشاي...وجاء ناصر يبي يرجع البيت..
تركي:إلا شغالتكم ياناصر وينها؟؟
ناصر:يووووووووه ذكرتني فيها..قاعدة بالبيت بروحها...
أم تركي:اسمع ياولدي ماهي حلوة ترجع بيتك والحرمة الغريبة موجودة فيه لحالها..أنا أقول اجلس هنا وأنا وتركي نروح نجيبها تقعد عندنا لين مايصير خير...
تركي:صادقة أمي هذا الشور الزين..
وبالفعل قعد ناصر وراح تركي وأمه يجيبون الشغالة...
وشوي واتصلوا عليه المستشفى وطلبوا حضوره ضروري!!
وراح ناصر بسرعة للمستشفى!!
===============
في الجانب الآخر اسمهان وأم عبدالرحمن كانوا قاعدين بكبينه من كباين استراحات الأسماك وعبدالرحمن وأخوانه بكبينة ثانية...
ودق جوال أم عبدالرحمن ولما ردت كانت المتصلة أختها جوهرة!
وجلست أم عبدالرحمن تكلمها وهي فرحانة باتصالها...
ودخل عبدالرحمن بهاللحظة على أمه وزوجته ومعاه الغداء...
وبعد ماانتهت الأم من مكالمتها قالت:أبشركم هذي جوهرة تكلمني من أمريكا وتقول أوضاعهم زينة وزوجها ان شاء الله بكرة بيسوي جراحة في أعصاب رجله والظهر وتطلب دعواتكم له في هذا اليوم الفضيل..لعل دعواتكم توافق ساعة إجابة..
عبدالرحمن:أسأل الله العظيم رب العرش العظيم أن يشفيه ويرده لبيته سالم..
اسمهان وأم عبدالرحمن:آمين...
============
في المستشفى عرف ناصر ان أمه توفت نتيجة لسكتة دماغية بسبب التفاوت في ارتفاع الضغط وانخفاضه مما تسبب في أزمة قلبية حادة أدت للسكتة......
ولما وصل تركي للبيت هو وأمه بالشغالة مالقيوا ناصر ولما اتصل عليه تركي خبره بوفاة أمه..
وخبر تركي أمه بوفاة زوجة عمه وجلست تبكي...وقعدت الشغالة تبكي أيضاً...
وراح تركي لناصر وقاموا بإجراءات الوفاة...
==============
أما في بيت أبواسمهان..كان الجميع مجتمعين ماعدا اسمهان لأنها طالعة مع أهل زوجها لكبينة الأسماك..
وكان كلام ابتسام وسماح يدور عن الحمل وعن أسماء المواليد و..و..الخ
سماح:ياترى اش بتسمين النونو اللي ببطنك ياأسومة؟؟ماقد خبرتينا؟؟
أسماء:أنا مريحة بالي..ينولد واسمه معاه..
ابتسام:بالعكس حلاة الاسم يكون مخطط له من البداية...
أسماء:وش الفايدة؟قعدت طول حملي السابق بولدي وأنا مختارة اسم مازن..ولما ولدت رفض زوجي الاسم وأصر يسميه أنس!!
سماح:مو مشكلة..المهم ماراح سماه اسم شين أو على اسم من أسامي الأولين!!
ابتسام:ياخوفي إن طلع اللي في بطني ولد!لاتركب أم زوجي راسها وتصر تسميه على اسم زوجها الله يرحمه..!!
سماح:وياترى اش اسمه أبو زوجك؟؟
ابتسام:معيــــــــــقل!
==============
التكملة في المساء.....
​

 

[my dreem]

انا لسه ماقريت الجزء بس ابغى اكون اول وحده ترد
تسلم الانامل ياجيونه
ياسلاااااااااااااااااام اول مره اشوف جزء طازه <<<<<<<<<<<وحده كسلانه

 

[توت كرز]

مشاالله مبدعه بكيت حسستينا انه صدق
بس المقطع الاخير يضحك

 

[dadeam]

السلام عليكم ورحمتة االله وبركاتة

عجيب هالمقطع
بس كسر خاطري ناصر

وستنست ع المقطع الاخير

يسلللللللللموا حبوبة

 

[الأمل دوماً]

بكيتينا على ام ناصر مع ان الشرح ما كان مأساوي جدا وهذا شيئ تشكرين عليه لاني لا استسيغ كثرة التراجيديا في المسلسلات عامة والخليجية بصفة خاصة
سلمت اناملك واعانك الله لكل ما يحبه ويرضاه

 

[ريم الهاشمي]

مزج رائع بين الفرح والحزن ، عشنا الموقف وكأنه أمامنا .

سلمت اناملك التي تهبنا اجمل الأوقات في قراءة ما سطرت يداك.

دمتي سالمة .

 

[غرنوووقه]

بكيتينا على أم ناصر .... أن شاء الله الأحداث الجايه تعوض بكانا ههههههههه

 

[نونيـ]

ياحرآآآآآآآم كسرر خآطري ناصر

ننتظررر ^^

 

[اي دمعة حزن]

يسلموووو حبوبة
يعطيكِ العآفية يا قلبي​

 

[سكون...]

صيحتيني جيونه


ذكرتيني بوفاة أبوي الله يرحمه

ويرحم موتى المسلمين

 

[crestena]

يووووووووووهـ جيوووونة لا تطولييييييييييين

أبي أعرف شو بيصير لناصر !!!!!!!!!!!

 

[المتميزة دايما"]

:9::9:ما اقدر غير مبدعة اللة يبارك فيك عيشتينا الاحداث كانا مع اهلنا بانتضار :11::11:

 

[هند بنت عتبة]

يا مسكييين ناصر الله يعينه يارب

اتوقع اخوانه بيلعوزونه بعد وفاة امه

امممم ننتظرك يا جيونة ..

 

[nono115]

كنا في كل جزء نضحك بس هالجزء بكيتينا يااااا جيووووووووونه

 

[همس الأنين]

تسلمي ومبدعه بقوه والكل يشهد
الله يعطيك الف الف عافيه
ويابخت اهلك وعيالك فيك اكيد القصه عرفوها قبلنا زي قنوات التشفير خخخخخ

 

[دلوعة سيمو]

عظم الله اجرك ياناصر مسكيييييين يحزن يلا الله يرزقه ببنت الحلال اللي تسعده يارب..<<0_0 عايشه الموقف بقوه