******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
مــــــــــا شـــــــــــاء الله تبارك الرحمن


ياريت الكل يقووولهاااا

لان العين من تصيب حتى من الاعجاب


قراءه ممتعه للجميع
 
شكلوه زواج رائع ومبدع مثل كاتبتنا المبدعة والرائعة وعالية الذوق بأسلوب كتاباتها الجذاب والممتع
 
وااااااااااااااوووووو
احداث رهيبه
اتوقع سمهونه مشغله عبدالرحمن بالملاهي اللحين

 
تعلقت بالقصة حيييييييييييييييييييييييل لدرجة ماودي أنام من كثر ماهي شادتني
 
بلييييييييييييييييييييز بدون سحر خليه يرجع عليهم والله مافيا للقهر
 
متابعة بشغف
أحس عبير كانت ضحية بس تصرفها مع امها بهذه الطريقة كانت خاطئة جداً
ولزم يتحملوا نتائج خطئهم
الام شكلها كانت مخططة للمسأله من أول
وستعدت للشيء وطلب وتشيرطت وحطت مؤخر كبير عشان تربطه طيب غصب بالبنت
بس في الشرع يحق له يفسخ العقد ويسترجع جميع امواله لان هذا عيب خلقي يعيق حقوق الزوج

الله يعين تركي على ما بتله
والله يهني عبد الرحمن واسمهان

تابعي فنحن بالانتظار
 
سلمت يداك يا أروع جيونه

هذي القصة جات بوقتها خصوصا بعد انقطاعي فترة الاختبارات اشوة ما فاتني شي

يعطيك الف صحه وعافيه وواصلي وبالتوفيق
 
يعجز قلمي كيف يعبر لكي عن مدى اعجابي بقصتك الاكثر من رائعه

لكي كل التقدير والاحترام

تحياتي لك

حبيبتي جيانه
ننتظرك ..............................................................​
 
اللله عـ الجزء فيه اكشن ولعب بالاعصاب اتمنى ابو عبير يكتشف عمايل حرمته ويطلقها او عـ الاقل يكون متزوج من وراها >>>>>>>>مقهووووووره منهايسلمووو حبيبتي جيانو
 
يليت يا أخواتي العزيزات كل وحده تقول ماشاء الله تكفووووون العين حق
ابدااااااااااااااااااااااااااااااااااااااااااااااااااااااااااااااااااااااااااااااااااااااع لأبعد الحدود
ماشاء الله تبارك الرحمن
 
اووووووف من ام عبير ترفع الضغط بس هي لو سحرته مابيزبط معها لان تركي يحافظ على صلواته في وقتها ياحظك حبي لهلي شفت سمهونه:bigsmile:​
 
:cupidarrow:جزء جديد يالغاليات:cupidarrow:
أولاً:لكم عميق الشكر على تحملكم لي في تقطيع الأجزاء بس والله مو بيدي أكتب بشكل متواصل..
ثانياً:أنا ماأحب النكد لذلك مهما مر في القصة من أحداث صعبة فهذا لأنه حياتنا الواقعية ماهي سعادة كلها ولا حزن كلها بل خليط من هذا وذاك..
ثالثاً:لولا ردودكم الرائعة ماكان استمريت..لذلك لاتحرموني من اطلالتكم المميزة...​
========================
نرجع لقصتنا..أول مانزلت عبير لبيت أهلها ودخلت استقبلتها أمها بالعتب واللوم...
أم عبير:هلا يالخفيفة ماصار لك 5 أيام من تزوجتي..وعلى طول سلمتيه نفسك بالساهل؟!!
عبير:يمه أنا ماسلمته نفسي ولاشي..هو اللي شافني بعد ماطلعت من الحمام..
أم عبير:حسبي الله عليك..خربتي كل شي..
عبير(بغضب):يمه خلك واقعية!لين متى بنكذب عليه؟شي مثل هذا لايمكن يتخبى!الشمس مايغطيها غربال!!
وانفجرت عبير تبكي......
أم عبير:احنا لازم نسوي شي قبل مايفضحنا هالتركي بكل محل..
عبير:يمه تصرفي بأي طريقة أنا ماأتحمل بعاده عني لحظة وحدة...
أم عبير:جبتي ملابس لتركي؟؟
عبير:ايه..
وفتحت شنطتها وطلعت بيجامة تركي وناولتها أمها...
عبير:يمه انتي اش تبين بملابسه؟
أم عبير:حبيبتي لازم نسوي له شي يحببه فيك ويربطه جنبك!انتي مو تقولين ماتتحملين بعاده؟؟خلاص بعد اللي بنسويه بيلزق جنبك على طول!!!!!
وقامت أم عبير تنادي سيريس..ولما جت سيريس قالت أم عبير:خذي ملابس تركي وحطيهم بكيس واعطيها زوجك يوديها بسرعة ذحين حسب الاتفاق!!!
وطبعاً سواق أم عبير كان هو زوج الشغالة سيريس واسمه محفوظ..
وأخذت سيريس الملابس وراحت لمحفوظ عشان يوديها لواحد ساحر ساكن في الأحياء الشعبية المتهالكة المشبوهة..البعيدة عن عيون القانون!!
عبير(بدهشة):يمه..انتي بتسوين سحر لتركي؟؟؟
أم عبير:ليش؟عندك حل ثاني؟؟
عبير:لا...بس هالشي مابيضره؟؟
أم عبير:لا مايضره تطمني!إحنا بنسوي له سحر عطف مو صرف!!
عبير:وش يعني؟ مافهمت؟؟
أم عبير:يعني السحر هذا بسيط بس يحببه فيك ويحن عليك ويعطف عليك..لكن الصرف هو اللي بيصرفه عن محبة أهله وناسه ويتغير عليهم وحِنا مابنسويه....
عبير(بغيظ):يمه سوي اللي تسوينه..أهم شي يرجع لي بأسرع وقت..ماأبي الناس يتشمتون ويقولون اسمهان توفقت وعبير لا!!
وكان السواق خارج من البيت وصارت أم عبير تصيح عليه من الشباك: بسرعة يامحفوظ بسرعة قبل مايتصرف تركي.....
وخرج السواق وركب السيارة وصار يسوق بأقوى ماعنده......لين ماقطع مسافة من الطريق وهو سايق بسرعة وقاطع الاشارة وكان فيه ولد صغير عمره مايتجاوز الست سنوات وراجع من البقالة مع أبوه ويمشي صدمه السواق وجاء شارد انتبهوا السيارات انه السواق شارد قاموا سدوا عليه الطريق فرجع بسيارته للخلف واندعس هالطفل مرة ثانية وتوفى على طول..قاموا الناس تجمهروا حول السيارة وجاء أبو الولد وفتح باب السيارة وخَرَّج السواق وجلس يضرب السواق وهو في قمة الانهيار من منظر ولده اللي مات قدام عينه ...
وبلغوا الناس عن الحادث وجاء الاسعاف..ومسكت الشرطة السواق وحققوا معاه واكتشفوا انه اقامته منتهية من شهرين وماتجددت!!
فصارت المسئولية كاملة على أبوعبير لأنه هو الكفيل..وراحوا الشرطة للبيت وسووا استدعاء لأبوعبير..لكن أم عبير قالت لهم انه مسافر ومابيرجع إلا بعد مدة..وطلبوا الشرطة رقم جواله وعطتهم أم عبيررقم جواله الأساسي اللي يستخدمه بالسعودية بس!!وانصرفوا الشرطة...
وكان من عادة أبوعبير لما يسافرللخارج ماياخذ جواله الأساسي ويقفله..ويستخدم جوال برقم ثاني مايعرفه إلا ناس معينين...
طبعاً الشغالة لما عرفت باللي صار لزوجها محفوظ انهبلت وصارت تصيح على أم عبير وتلومها ليش انها ماعطت الشرطة رقم أبوعبير الثاني؟!!!
أم عبير:انتي مجنونة؟تبين أبوعبير يرجع بسرعة ويشوف المصيبة اللي بنته فيها؟؟كل ماتأخر أفضل له ولنا!!
الشغالة:أنا في خوف يمكن شرطة فيه يقتل مهفوز!
أم عبير:وش هالهبل اللي انتي فيه؟بيطلبون منه كفالة وأبوعبير بيدفعها!بس المصيبة لو أهل الولد طلبوا دية كبيرة!!
عبير:ليش؟؟أبوي مبسوط مادياً وأكيد بيدفعها!
الشغالة سيريس:بس مهفوز مافي اقامة دهين!هادا مشكلة كبير..
وقامت تبكي...
أم عبير(بكل قسوة):روحي لابارك الله فيك..كأني ناقصة أحد ينكد علي!المصيبة لو زوجك فتح فمه وقال للشرطة سبب سرعته والسحر وماالسحر!ليتني ماطاوعتك ياوجه البلا!!
عبير(بعصبية):هالحين وش بنسوي في سالفتي مع تركي؟؟
أم عبير:حريقة تحرقك انتي وتركي!يمديه قد قال لأهله عن كل شي!وملابسه وراحت بالسيارة!والساحر ومحد يعرفه إلا محفوظ!يعني مابيدنا شي إلا ان كان حصل معجزة!!
ودخلت أم عبير غرفتها وقفلت الباب...
وقعدت عبير تبكي من القهر..
=========================
وفي دبي كانت الأوضاع مختلفة اسمهان وعبدالرحمن يتنقلون من مهرجان لمهرجان حتى الحديقة المائية راحتها اسمهان وقالت:ياليتني أقدر ألعب في كل هالألعاب!!
عبدالرحمن:شلون بتلعبين بالله؟؟ماتشوفين هالأجانب لابسين ملابس البحر ويطامرون ويتسبحون في الموية!!الحمدلله انا مسلمين وديننا أمرنا بالستر..
وخرجوا وصاروا رايحين جايين بين المولات والمطاعم والقرية التراثية حتى مدينة مدهش راحت اسمهان ورسمت رسومات على وجهها!!واشترت بالونات وايس كريم!
وشافت مدهش وبغت تطير وتحلف الا تتصور جنبه!!ووافق عبدالرحمن بعد مافشلته وخلاها تتصور وقال:حشا..ماشي مع بنتي أنا مو مع زوجتي!!!
===============
انتظروني في الجزء القادم(انتقام الشغالة!!!!!!)​
 
فديييييييييييييييييييتك جيونه يعطيك العافيه
بانتظاااااااااااااااارك
 
سبحان الله بينقلب السحر على الساحر بس وش ذنب الصغير والله قطع قلبي
 
الحالة
مغلق و غير مفتوح للمزيد من الردود.
عودة
أعلى أسفل