******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
مشكلني حبك ياروح الروح مشكلني
 
الله يسامحكم محد نبهني ان الآية اللي كتبتها في الجزء ماقبل الأخير موصحيحة!!!!!
تصحيحها(أحسب الناس أن يتركوا أن يقولوا ءآمنا وهم لايفتنون)
 
ايه يالحبيبة نبي الأكشن هذا نبي نوصل للعرس وأحداث مابعد العرس
نبي العرس يصير بسرعة بعد ونشوف وش بيصيرمع إسمهان العروسة
الله يعين عبد الرحمن عليها أتوقع بتبدع معه وأتوقع بتصيييييييييييير أحداااااث وتروووح أيام الرومانسية وأحس بعد بتبدأ الأحداث اللي عليها الكلام يعني أتوقع أكشن كثيييييييييييير
مدري أنا عندي الحاسة السادسة
 
هههههههههههههههههههههههههههههههههههههههههههههههههههههههههههههههههههههههههههههههههههه
والله شكلي بموت من الضحك تسلمين يااحلى جيانه وانا راح افتقد قصتك لاني بسافر واروح القاهره من شان علاج لدي وراح افكر باحداث قصتك
 
هههههههههه
ياحليلها اسمهان
شابة ضو حتى مع زوجها


الله يعافيك ياقمر ويوفقك
تابعي بالغلا

 
هههههههههههههههههههههههه
ههههههههههههههههههههههههههههههه
مااا صدقت تعرس يااا حليلهاا
 
:icon26:تكملة الجزء الثالث والثلاثون:icon26:
راحت اسمهان تركض على الجوال بسرعة واتصلت على عبدالرحمن..
وقالت بفجعة وطفاسة غير طبيعية!!:عبدالرحمن بارك لي بأتزوج قريب!!!
عبدالرحمن:ايششش؟؟بتتزوجين مين؟؟
اسمهان:الله يقطع ابليسك بأتزوجك إنت اشفيك فقدت الذاكرة؟؟؟
عبدالرحمن:وانتي اشفيك طايرة؟؟ومين قال إننا بنتزوج قريب؟؟
اسمهان:أبوي قال إن الزواج بعد شهرين!!
عبدالرحمن:ماشاء الله..أبوك يخطط والعريس آخر من يعلم!!لهاالدرجة انتي ذابلتن كبده وموب طايق قعدتك ببيته؟؟؟
اسمهان:إخس عليك يادحوم!!وأنا اللي قلت إنك بتطير من الفرحة!!!
عبدالرحمن:إلا بأطير من القهر والتهريج اللي قاعد أسمعه!انتوا من صدقكم؟؟أنا لسه ماجهزت البيت ولااتخذت أي ترتيبات..على أساس إنه الزواج باقي عليه سنة كاملة وزيادة!!
اسمهان:المفروض أنا اللي أقلق أكثر منك لأن وراي تجهيزات كثيرة...وبالرغم من هذا تحمست..
إلا عبدالرحمن جاله خط ثاني على جواله وقال لاسمهان:يلا عن إذنك هذا أبوك يتصل فيني!
قفلت اسمهان الخط وندمت أشد الندم على طفاقتها وخفتها!!!!قالت بنفسها هالحين بينظر لي إني مرجوجة ومو مصدقة إني بأتزوجه!!ليتني تعقلت ومااتصلت!!!!!
وكلم أبواسمهان عبدالرحمن مكالمة مختصرة مفادها إنه قابلني في بيت ولدي محمد وعطاه العنوان وتقابلوا هناك..(لأنه بيني وبينكم الأب مايبي عبدالرحمن يجي بيته ويضطر يخلي اسمهان تقابله!!!!!!!!)
ولما تقابلوا الثلاثة الأب والأخ والخطيب حاول الأب يجبر عبدالرحمن على تقديم موعد الزواج لأنه مو راضي بالوضع اللي قاعد يسيرمن مكالمات وزيارات..أو يقبل بالحل الثاني وهو قطع المكالمات والزيارات بينه وبين اسمهان لمدة سنة كاملة ومايشوفها الا يوم العرس السنة القادمة!!!
عبدالرحمن:أكذب عليك لو قلت لك إني أقدر أبعد عن خطيبتي لمدة سنة كاملة!!لكن عطنا فرصة 4شهور نرتب وضعنا فيها...
الأب بكل عصبية قدامك شهرين ماغيرهم وهذا آخر كلام عندي!
عبدالرحمن:بس انت بالطريقة هذي بتخرب على أخوي عبدالمجيد..لأنه مخطط يتزوج معاي بنفس الليلة وهو للحين ماخطب!!!
الأب:يمديه يخطب في يومين لو يبي...وبنات الناس ماليين البيوت!!!
وبعد شد وجذب وافق عبدالرحمن وقال لهم:بآخذ راي الوالدة وأخوي وعساهم يوافقون...
ورجع عبدالرحمن لبيته وكلم أمه بهالموضوع وتفاجأ بحماسها للموضوع وفرحتها!!
عبدالرحمن:غريبة منك يمه!أكثر شي كنت شايل همه إنك ماتوافقين!
الأم:بالعكس هذي الساعة المباركة..العمر يجري وبعدنا مافرحنا فيك إنت وأخوك..
عبدالرحمن:بس عبدالمجيد لسه ماخطبتي له وتدرين وضعه صعب يمكن مو بسهولة بتلقين له عروس!!!
الأم:مثل ماربي يسرها ولقينا لك عروس..بنلقى له ان شاء الله..أهم شي إنت ابدأ من هالحين بتأثيث شقتك..
وبعد ماانتهى الحوار خرج عبدالرحمن وخطر على بال أم عبدالرحمن وحدة من بنات معارفها فكرت تخطبها وبعد ماكلمت أهلها تفاجأت بإنه البنت محجوزة لواحد من أقاربها!!!
وقعدت بينها وبين نفسها تتذكر آخر مناسبات حضرتها ومين قد لفت انتباهها من البنات!! ولقت إنه آخر مناسبة حضرتها كانت ملكة اسمهان وعبدالرحمن وانه محد أثار انتباهها إلا لابسات الوردي!!
واتصلت بأختها جوهرة فوراً وبعد السلام قالت أم عبدالرحمن:جوهرة تتذكرين لابسات الوردي بملكة ولدي اللي تقولين انهم بمدرستكم؟؟؟
جوهرة:ايه..اشفيهم؟؟
أم عبدالرحمن:فيه وحدة منهم عاجبتني حيل بس نفسي أعرف اسمها واسم عيلتها...
جوهرة:ياحليلك..تبيني أتذكر؟؟كلهم كانوا لابسين نفس اللبس وحاطين نفس الميك آب ومسويين نفس التسريحات..!!!
أم عبدالرحمن:أدري..بس هالبنت اللي قعدت صورتها براسي كانت ثاني وحدة من البنات اللي طلعوا يزفون اسمهان بالسوري!!
جوهرة:الصراحة ماأتذكر مين فيهم طلعت ثاني وحدة..لكن اش تبين فيها؟؟لايكون ودك تخطبينها لعبدالرحيم؟؟؟
أم عبدالرحمن:وليش فكرتي بعبدالرحيم اللي هو أصغرهم؟وماقلتي عبدالمجيد؟؟؟؟؟
جوهرة:يعني لاتآخذيني ياأختي..بس عبدالمجيد انتي أدرى بوضعه..ماأتوقع إنه أي وحدة بترضى فيه!!!!!!!!!
أم عبدالرحمن:ليه؟؟مكسح؟ولا ينقصه إيد ولا رجل؟؟الحمدلله ولدي من خيرة الشباب وألف مين يتمناه!!!!
جوهرة:الله يوفقه يارب..بس أنا قلت اللي عندي ومو متذكرتها!!!!
واتصلت أم عبدالرحمن على أم اسمهان وكلمتها ثم طلبت اسمهان..وبعد السلام قالت:اسمهان حبيبتي بغيتك بسالفة!
اسمهان:خير ياخالة؟تفضلي!
أم عبدالرحمن:بما إنكم قدمتوا موعد العرس صار لازم إني أستعجل وأخطب لولدي عبدالمجيد بأسرع وقت!وبصراحة معجبتني وحدة من صاحباتك لابسات الوردي وموعارفة اسمها!!!
اسمهان(بفرحة):أي وحدة منهم؟؟
أم عبدالرحمن:الصراحة كلهم كانوا متشابهات بس اللي أذكره زين إنها ثاني وحدة طلعت على المسيرة تزفك بالسوري!!!
اسمهان:آآآآآآهآآآآآآ....تقصدين نجلاء!
أم عبدالرحمن:ماشاء الله اسمها نجلاء؟؟الله يحفظها حلوة واسمها حلو مثلها..بس هي مين بنته؟واش يشتغل أبوها؟؟
وماقصرت اسمهان عطتها بعض التفاصيل ورقم أهل البنت...
وبسرعة راحت اسمهان بصرقعتها المعهودة واتصلت بنجلاء وردت أختها وقالت اسمهان:عطيني نجلاء لو سمحتي!!
نجلاء:أهلين...
اسمهان:نجول نجول مبروك ياعمري أنا وانتي عن قريب بيجمعنا بيت واحد!!!!!!:surrender:
نجلاء:أخاف مضيعة يالحبيبة!ترى أنا نجلاء موب عبدالرحمن!!!!!!!!
اسمهان:دارية يالخبلة بس السالفة ومافيها إنه أم خطيبي نوت تخطبك لأخوه!يعني بنصير سلايف ونسكن بعمارة وحدة وبعد شهرين بعد!!!
نجلاء:الله يبشرك بالخير..بس انتي خيالك واسع حيل!!يعني حطيتي إنه أهلي بيرحبون وبيوافقون وبيزوجوني بعد شهرين؟؟؟؟؟؟؟
اسمهان:وليش هالتشاؤم؟؟أنا ماتوقعت إنه بيجي اليوم اللي يقبلون أهلي يزوجوني فيه وأنا بعدي ماتخرجت من الجامعة مثل خواتي!!!
نجلاء:الله...ياليت يااسمهان يكون الواقع سهل مثل الكلام..بس عطيني معلومات عنه..
اسمهان:تصدقين إني ماقد جبت طاريه مع عبدالرحمن؟!!!!بس كل اللي أعرفه إنه راعي أخلاق ودين...
 
جيانة قال:
:icon26::icon26::icon26:إن الزواج لازم يتم بأسرع وقت!يعني بإجازة الصيف ومابقى عليها إلا شهرين!!!!!وغير هالهرج ماعندي!!!!!
اسمهان نشفت دموعها وقالت بداخلها:ينصر دينك يايبه!!!!
هههههههههههه
أنقر للتوسيع...


عز الطلب هههههههههههههههههههههههههههههههههههههههههههههههه
 
هههههههههههههههههههههههههههههههههههههههههههه
كل يوم تفاجأينا بأحداث جديده ...الله يسعدك يا جيانه
 
روووووووووووووووووووووووووووووووعة ماشاء الله :a084:

وخيالك واسع مرة:c028:
 
ينصر دينك ههههههههههههههههه
هاي احلى جملة متت عليها من الضحك
حتى زوجي قاعد بالصالون سمع صوتي بضحك وبحكيلي انتي طبيعية
ولا شوووووو ههههههههههههههههه ربي يوسع صدرك ويفرحك يا جوجو
 
ما ادري عندي احساس ان ام عبد الرحمان كانت تقصد افنان مو نجلاء ما ادري ويمكن هنا ممكن يحصل موقف اكشن في الموضوع ..
بس اكتر شي شدني وضحكني من قلبي في الاجزاء الاخيرة مواضيع دحموني في الكتابة ما فيها اي تشابه مع مواضيع اسمهان المنطق ولا المنطق والتقوقع مع خلطات الركب والاكواع وقلوسات الشفايف بصراحة روعة بس اتمنى اسمهان انها تفوق وتصحصح للواقع اللي منتظرها قبل ما الفاس ماتوقع بالراس وتروح بيت العريس وتشوف الهنا على اصوله(صدمة المتزوجات) هههههه اللامعقول في الواقع المنطقي عند المتزوجات حديثا ياعيني عليك يا اسمهان ايش مستنيك يابنتي ..

تسلمي ياجيانة ياعسل الله يسعد قلبك زي ما اسعدتينا واضحكتي قلوبنا..
ودمت بخير,,
 
جيانة قال:
الله يسامحكم محد نبهني ان الآية اللي كتبتها في الجزء ماقبل الأخير موصحيحة!!!!!
تصحيحها(أحسب الناس أن يتركوا أن يقولوا ءآمنا وهم لايفتنون)
أنقر للتوسيع...
والله يالغاليه ماانتبهنا من كثرماحنامنسجمين
تخيلي كل شوي اشيك اذافيه جزء جديد
تسلمين حبيبتي حنا في الانتضار
 
بارك الله فيكي اختي جيانة
حقا انتي مبدعة
اضحكتينا جعلكي الله ضلحكة مبتسمة دائما
 
بارك الله فيكي اختي جيانة
اضحكتينا
جعلكي الله ضاحكة دائما
 
الحالة
مغلق و غير مفتوح للمزيد من الردود.
عودة
أعلى أسفل