******اسمهان وعبدالرحمن********من جديد

[جيانة]

سلام جيوونة حبيت اسال هل انتي اللي بتكتبي باسم رماح ردينية في منتدى عالم حواء؟
لاني قريت نفس القصة بالمنتدى بهالاسم وشكرا على قصصك الراااااااااااااائعة فانا من عشاق الروايات والقصص وكنت اتابع الافلام (ولكن تاب الله علينا ولله الحمد) ولا احب المسلسلات تدري ليش ؟:sadwalk:
عشان التقطيع وتعليق النفس اللي ما احبه
ثقلنا عليك لكن اتمنى تنشري الاجزاء متصلة ولو كل يوم فصل

إيوه ياقلبي أكتب بإسم رماح ردينية في عالم حواء..وتقريباً بشكل يومي أكتب جزء أو جزئين بس في ناس كثير طماعين يبغون أكثر!!!!ههههههههه ياليت أقدر بس مو دايم الالهام موجود ياحظي!!!

 

[جيانة]

وش هالموضة ياعضوات اللي ماقد شفتها إلا بمنتدى بلقيس؟؟؟؟؟
تكتبون لي زوار الموضوع؟؟أساساً أنا حريصة إني أطَّلع عليهم بأسفل الصفحة كل مرة!!مستخسرين تكتبون لي بدالها ردود حلوة تفتح النفس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طييييييييييييييييييييييييييييييييب!!!!!!!!!!!!!!!

 

[مايا2]

ياحبيلك بس والله انتى ام الابداع

 

[دمعة بلا دمعة]

السلام يالحلوة
صراحة ننتظر على أحر من الجمر عشان ندفى مع موجة البرد القارصة وننتظر الجزء الباقي

 

[AL-SHEIKA]

مشكوره على القصه الحلوه

نتريا الجديد

انا وصلت لين صفحه 25

 

[غرنوووقه]

الله يسعدج يا جيانه ويخليج لزوجج وعيالج ... والله أنج عسسسسسسسسل في كل ألي تكتبينه

 

[لارا رفيف]

يعطيك العافيه خلتيني اسجل في عالم حواء بس عشان اشوف تكملة القصه

 

[حلمي بعيد]

رووعه رووووووووووووووووووعه القصه
ماشاء الله
ونتريا الابدااع اكثر واكثر

صدج صدج مبدعه ياجيانه

 

[نحلة جنوبية]

تسسسسسسلم ايددك يا قمر والى الامااااااااااااااااااام

 

[جيانة]

يعطيك العافيه خلتيني اسجل في عالم حواء بس عشان اشوف تكملة القصه

حبيبتي في عالم حواء مافيه شي زيادة عن اللي أكتبه هنا!!!
بلقيس هو الأساس أكتب الجزء وبعدين أروح لعالم حواء وأنسخه هناك!!!!

 

[smile moon]

ان شاء الله ينزل عليكي الهام من العيار الثقيل ههههههههه
بس ما قلتي لي متى بتطلع عندك الافكار تنزل عليكي الالهامات قبل النوم او اثناء الاعمال المنزليه ؟؟؟

 

[جيانة]

## تكملة الجزء الثاني والثلاثون##
سافرت ابتسام ورجعت بيتها...
و من كثر مااسمهان ميتة على مكالمات عبدالرحمن راحت لأمها بنفس اليوم اللي رجعت فيه من المدرسة وقالت:يمه تكفين...طلبتك لاترديني!!
الأم:خير؟؟وش تبين؟؟
اسمهان:أبي جوالي!
الأم:تبين الجوال؟؟ولا تبين تسمعين صوت اللي جاب لك الجوال؟؟؟
اسمهان:الصراحة...الاثنين!!
الأم:يابنتي أبوك يبي مصلحتك..ماهي حلوة هالخفة بحقك...بكرة لاتزوجتوا وأخذتوا على بعض مع الوقت بيتجرأ عليك عبدالرحمن ويعيرك بخفة عقلك!!
اسمهان:انتوا اشفيكم علي؟؟كأني قاعدة أطارد وراه طول الليل والنهار!ماكأنه هو اللي بيستخف عشان يسمع صوتي ويراسلني!!!!
الأم:ولو يابنتي...بس بالرغم من هذا كله أوعدك أكلم أبوك في الموضوع.....
وبالفعل بعد الغداء كلمت أمها الأب في الموضوع وبعد جدال ناداها وقال:اسمعي يااسمهان جوالك بيبقى عندي من السبت للثلاثاء وأعطيك اياه بس بعطلة نهاية الأسبوع!!وترجعين تعطيني اياه وتاخذينه بعطلة نهاية الأسبوع اللي بعده وهكذا..وتفهمين خطيبك هالحكي.عشان مايقعد يأذينا بمكالماته كل يوم!!!!!
اسمهان:ان شاء الله يبه أوعدك!!
الأب:خلاص..اليوم سبت يعني باقي 3 أيام ويجي الأربعاء...يومها تعالي خذي الجوال!!!
اسمهان(بخيبة أمل):ان شاء الله...
_________
في بيت عبدالرحمن كان عبدالمجيد يتحاور مع أمه عن رغبته بالزواج وخاصة انه نقل بشكل رسمي لجدة...وفرحت الأم وقالت:أبركها من ساعة..بأعطيك وحدة من الشقق اللي فوق..ويصير زواجك بنفس الليلة اللي بيتزوج فيها عبدالرحمن...!
بس ينقصنا العروسة المناسبة..وبدأت رحلة البحث..
ونهاية الأسبوع رجع الجوال لاسمهان اللي كانت طايرة من الفرح بعد ماانحرمت من صوت العريس 3أيام وراحت تتصل عليه ولكنه مارد عليها!!حاولت مرة ومرتين وثلاث ولامن مجيب وكان الوقت بعد العشاء!!
رجعت أرسلت رسالة عتب تقول فيها:

هذي جزات اللي زف لك بشرى
تبادله بـصــــــد وهــجر وحرمان؟
تحلم أرد ولو تتـــــصل إلى بكرة
خلك تشوف وِشهي قيمةاسمهان
ومردقايق ثم ربع ساعة واتصل عبدالرحمن ومن فرحتها نسيت رسالة العتب حقتها وردت بسرعة!!
اسمهان:آلو..هلا!!!!!!
عبدالرحمن:مو انتي اللي تقولين ماراح تردين لو أتصل إلى بكرة؟؟؟
اسمهان:ماأنلام..قهرتني بتطنيشك!ماتجيبك إلا المسجات!!
عبدالرحمن:ولاتطنيش ولاشي أنا اليوم عندي دوام مسائي بدأ من بعد الظهر إلى الليل وقبل شوي كان عندنا اجتماع وممنوع دخول الجوالات..فحطيت جوالي على الصامت وحضرت الاجتماع وتوني طالع شيكت على الجوال ولقيتك زعلانة وقلت لازم أوضح لك الموضوع!!
اسمهان:ومتى بتطلع من عملك؟؟
عبدالرحمن:بعد ساعتين..
اسمهان:خلاص إذن ماأعطلك..إذا فضيت كلمني...
وانتهت المكالمة..ونزلت اسمهان للصالة..لقيت أمها مستعدة للخروج.
اسمهان:على وين يمه؟؟؟
الأم:رايحة المستشفى ولدت بنت صاحبتي عواطف ورايحة أبارك..ودك تجين معي؟؟؟
اسمهان:لا...مالي نفس بأنثبر في البيت..بس بكرة لازم تطلعوني وتعوضوني عن قعدة اليوم!!!!
الأم:ان شاء الله ..أي طلبات ثانية ياأميرة؟؟
اسمهان:لا شكراً..رافقتكم السلامة!!!!!!
وخرجوا أبوها وأمها..وظلت هي بالبيت...
شوي واتصلت أفنان...وبعد السلام والكلام...قالت أفنان:غريبة اليوم أربعاء وقاعدة بالبيت يااسمهان؟؟؟؟؟
اسمهان:واش الغريب؟؟تحسبيني رانية؟؟
أفنان:لا بس أخيراً لقيت أحد مثلي جالس بالبيت...
اسمهان:صحيح...انتي ليه دايماً قاعدة بالبيت؟مع إن أهلك يطلعون؟
أفنان:وأختي من يجلس معاها؟؟
اسمهان:وليش ماتاخذونها معاكم؟
أفنان:كيف ناخذها يااسمهان أختي سندس معاقة!!!!!!!!!!!
اسمهان:معقوووووووله..كل هالسنين وعمرك ماكلمتيني عنها؟
أفنان:تكسر خاطري دايماً لاجبت طاريها..ماأحب أتكلم عنها كثير..
اسمهان:وكم عمرها؟؟
أفنان:عمرها13 سنة!!!!!!!!!
اسمهان:ياقلبي عليها واش مرضها بالضبط؟؟
أفنان:عندها ضمور في الدماغ ومشلولة كلياً..وكفيفة..وماعندها أي وسيلة تتواصل فيها معانا إلا اللمس!!
اسمهان:طيب تتكلم؟؟
أفنان:لا..عندها ضمور كلي وتخلف كامل..بس أحس إنها تعرفني وتفرح فيني لاكلمتها وكنت قريب منها..لأنها معتمدة علي بكل شي حتى بتغيير غيارها الداخلي الله يكرمك!!!
تبللت عيون اسمهان بالدموع وقالت:هي بالغة؟ومثلها مثلنا تتعرض للـ....؟ الشهرية؟؟؟؟
أفنان:ايه..وأنا المسئولة عن تنظيفها والتغيير لها...
وانفجرت أفنان بالبكاء..لدرجة انه اسمهان ماعرفت كيف تسكتها..
أفنان:نفسي أعيش حالي حال البنات..بس من أتذكر أختي ومعاناتها ينكسر خاطري وأموت من الحزن وأقول الله يسخرني لخدمتها طول العمر...
اسمهان والعبرة خانقتها:الله لايحرمكم من بعض..ويشفيها يارب
أفنان:لهذا السبب أمي حالفة ماتزوجنا لأحد من الأقارب..لأنه أبوي يصير ولد عم أمي..وسبق إنه كان عندي أخ يعاني من نفس المرض لكنه توفى بعمر5سنوات..
وواحد من أولاد عمي يعاني من نفس المرض...إلى الان..
اسمهان:الدنيا هذه ابتلاء ياأفنان ومن شاف بلاوي الناس هانت عليه بلاويه الحمدلله ان ربي خلى ابتلائنا بأنفسنا..غيرنا ابتلاهم بالحروب والفقر والخوف والجوع..وثقي تماماً إن ربي بيجازيك على صبرك خير..وهذا توفيق من الله لإختك انه سخرلها أخت تحبها وترعاها...
أفنان:الله يسعدك يااسمهان ماتصدقين اش كثر كلامك خفف عني بعد ماالهم ضَيَّقْ صدري..والحين عن إذنك صار وقت نومها ولازم تنام...مع السلامة
اسمهان:مع السلامة..
وحطت اسمهان السماعة وراحت تبكي...وشافتها شغالتهم كاتيا وقالت:ليه مدام اسمهان انتي فيه يبكي؟؟مستر أبدورهمان(يعني عبدالرحمن)سوى مشكله؟؟؟؟؟؟
اسمهان:بعيد الشر عني ان شاء الله روحي اعصري لي جلاس أورينج يبرد على قلبي..
وراحت كاتيا وظلت اسمهان حزينة تفكر:ياترى اشفيها الدنيا كذا؟محد مرتاح؟كلن يشكي همه ويعاني من بلاوي..وأنا إن حصل لي موقف بسيط مع عبدالرحمن اسودت الدنيا بوجهي؟؟؟؟؟؟!!!!صدق اني سخيفة!!وعايشة بنعمة ومو حاسة!!!
وقعدت تطقطق على النت وقرأت عن استشارات خرافة الأزلي ويوميات مها وفيصل وجدتي شعيبية وقالت بنفسها:ياحليلها العضوة جيانة دايم توسع صدري بسواليفها وموضوعاتها!!!!!(هههه يقطع أبوالثقة!!!)
إلا اتصل عبدالرحمن وكان عمله انتهى وقد رجع البيت...وبعد السلام..وشوية كلام لاحظ انه اسمهان مهمومة شوي وسألها عن السبب وحكت له عن سندس أخت أفنان.....
عبدالرحمن:طبيعي يااسمهان إنك تلاقين من حولك أنواع الابتلاءات الله ذكرها في كتابه الكريم من قرون وقال(أحسب الناس أن يؤمنوا وهم لايفتنون)...دائما على قدر إيمان الشخص ربي يبتليه ويمحص قدرته على الصبر والتحمل..لكن بأقول لك خبر يمكن يفرفشك شوي!!!
اسمهان:قول..قول
عبدالرحمن:أخوي عبدالمجيد نوى يخطب...وبإذن الله بيكون زواجه بيوم زواجنا..
اسمهان:الله يسامحك..مافرحتني!
عبدالرحمن:أعوذبالله ليش تقولين هالكلام؟ماودك أخوي يتزوج؟؟
اسمهان:لا..وإنت الصادق ماودي يكون زواجه بيوم زواجنا!!!!
عبدالرحمن:يالطيف يارب وش هالحسد؟؟؟؟
اسمهان:ولا حسد ولا شي..
المفروض بيوم زواجي محد يخطف الأضواء غيري..وانت تبي تجيب عروس ثانية تنزف معي؟؟؟عشان تخرب طلعتي؟؟؟
عبدالرحمن:انتي وين والنضج وين؟صدق إني ماعندي عقل ولامنطق يوم إني خطبت بنية صغيرة!!
اسمهان:ايشششش؟لك الشرف ياابن الثلاثين!بعد ماشاب ودوه الكُتَّاب!!!!!!
عبدالرحمن:يابنت الحلال خذي الموضوع من منظور ثاني..انتي بتتزوجين وتلاقين لك جارة بنفس العمارة تونسينها وتونسك!لاتزوجتي ومعاك عروس ثانية ثقي إني بأحجز أفخم وأغلى قاعة لأن التكاليف راح تكون بيني وبين أخوي بالنص..مو مثل لو تزوجتي لحالك بتكون التكاليف كبيرة علي وأضطر آخذ قاعة عادية!!!
اسمهان:آآآآآهاااا...يعني بخلك بيجي على قفاتي؟؟زواج منفرد بيكون خربوطي؟؟وزواج الشراكة بيكون خقاقي!!
عبدالرحمن:وش هالألفاظ؟من وين تجيبينها؟خربوطي وخقاقي؟أتوب إليك يارب من فعايلها!!!!
اسمهان:تدري؟ ماأبي أتزوج!
عبدالرحمن:الله يهديك بس..أساساً عقد الزواج معاي وانتي بنظر الشرع زوجتي يعني لو أسحبك من شوشتك لبيتي محد يقدر يكلمني!لكن إحنا ناس نؤمن بضرورة الإشهار وإقامة عرس مرتب يشاركنا الكل فيه بالفرحة....ولاتحسبينه بيكون عادي بنحاول نظهر بعرسنا بأحسن صورة..
اسمهان:تسحبني من شوشتي؟
ليش أنا خروفة؟؟؟؟
عبدالرحمن:الله يصلحك بس!الحين تركتي الهرج كله؟ومسكتي علي هالكلمة؟؟وبعدين فيه حيوان في الدنيا اسمه خروفة؟؟؟؟؟؟؟
اسمهان:إيه..زوجة الخروف خروفة
عبدالرحمن:والله أنا اللي صدق خروف يوم إني جيت أشاورك!!مع السلامة!!!!!!!
اسمهان(وتبي تستفزه):ماااااااء مع السلامة!!!!!!!!!!!!!​

 

[ام وسومي]

اممممممممممممممم مرااااا حلووووووووووووو مااااااء خرووفه <<<<ههههههه

بس ياااريت تخلي بينهم شوية تفاااهم لانك حسستيني ان عبد الرحمن بدا يتندم انه اخذ اسمهااان.....

 

[FUTY]

أجزاء حلوه ونستينا حييييييييييل
الله يعطيج العافيه
متاااااااااااااابعه

 

[smile moon]

هههههههههههههههه عبدالرحمن يبغى له قرصه اذن

 

[حصاد الالم]

ههههههههههههههههههههههههههههههههههههههه


ماااااااااااااااااااااااء

 

[هند بنت عتبة]

ههههههههههههههههههههاي تحفة

 

[حلمي بعيد]

ياسلاااااااااااااااااااااام كملي بارك الله فيج كملي
خليتيني متشوووقه

هههههههههههه وكأني اتاابع مسلسل كل يووم حلقه ^__^

 

[حور و عمر]

هههههههههههههههههههه
هو اللي عايز واحده صغيره يستحمل
وبعدين مش عارف يتصرف بهداوة معا
جزاكي الله خير
منتظرين الجديدد
طماعين

 

[جيانة]

:icon26::icon26::icon26:الجزء الثالث والثلاثون:icon26::icon26::icon26:
مرت الأيام بسرعة واسمهان وعبدالرحمن هذا حالهم...يتناقرون ويتصالحون..ويعوضها عبدالرحمن بزيارات وهدايا...وكان عبدالرحمن يفضل الهدايا اللي لها قيمة معنوية..بس اسمهانوه كانت عكسه كل ماكنت الهدية أغلى كل ماكانت أحلى!!!!(نظريات بنات)
ومرة في إحدى زياراته لها عطاها كرت وقال لها:تفضلي...
فتحته بشغف ولقته فاضي!!وقالت:اش هذا؟؟
قال عبدالرحمن:لو قلت لك ترجمي أحاسيسك بسطرين..في هذا الكرت الفاضي..ياترى اش راح يخط لي قلمك من كلمات؟!!!
قالت اسمهان:جايب لي كرت فاضي يادحوم؟؟ليش؟؟؟ قلة حبر بهالديرة؟!!!
عبدالرحمن:يابنت الحلال ودي أقرأ أفكارك..ودي أراقب أسلوبك..ودي أفهمك أكثر..صدقيني لي نظرة ماتتوقعينها !من خطك أقدر أقرأ نفسيتك!!
اسمهان:أما صحيح إنك واحد فاضي!وليش ياقلبي تتعب نفسك وتقراني شايفني كتاب؟؟ببساطة اسألني عن نفسيتي وأنا أجاوبك!! وبعدين انت جاي تزور خطيبتك ولا تشتغل عليها طبيب نفسي؟؟
عبدالرحمن:يارحمة الله..بسرعة تثورين!!
اسمهان:وش قصدك؟ ثورة؟؟
عبدالرحمن:وش ثورة هذي بعد؟؟ لايكون تقولي لي زوجة الثور؟؟
اسمهان:بالضبط!!
عبدالرحمن:يعني ماصدقنا نخلص من سيرة الخرفان طلعتي لي بسيرة الثيران؟!!!زوجة الثور بقرة يامثقفة!!!!!!!
اسمهان:تطمن أنا لاثورة ولابقرة إنت اللي ثورة!
عبدالرحمن:اسمهان؟؟؟عيب عليك!!!
اسمهان:إنت ماتقول إنك ثورة قلم؟!!!
عبدالرحمن:هههههه..فهمت غلط راح مخي بعيد!هيا وريني ثورة قلمك وش بينتج عنها!!
ومسكت اسمهان القلم وبكل سذاجة سألت:انت اش تبيني أكتب بالضبط؟؟؟
عبدالرحمن:اللي يخطر ببالك ياعمري حطيه الخيار مفتوح أمامك!
وقامت اسمهان تكتب وقالت بشرط انت تكتب في الكرت كلماتك عشان أحتفظ فيه وأنا أكتب بورقة!!!
عبدالرحمن:موافق!
وبدأت تكتب وتغطي الورقة عن عبدالرحمن ماتبيه يشوفها لين ماتنتهي!!!
وأخيراً ناولته الورقة وكان بينه وبين نفسه يتمنى يلقى عبارات مماثلة لــ تختلج في نفسي مشاعر كثيرة يصعب علي الافصاح عنها ويأبى القلم إلا أن يبوح بها!!
أو..أنت فيضٌ من طهارة قد حكتها مقلتيك يعجز الطرف التغاضي عن جمالٍ ساحرٍ بل آسرٍ..كامناً في شفتيكِ!!!!
لأنه العبارات السابقة كتبها لها في الكرت..
لكنه لقي هذه الكلمات:
فرن كهرباء.....غسالة أتوماتيك....قدرضغط...
مدخل لونه بيج...أبجورات راقية...دعاسات!!!!
عبدالرحمن وهو مصدوم:اش هذا؟؟؟الحين لك ساعة تكتبين وبعدها هذا اللي طلع معك؟؟؟؟؟
اسمهان:انت قلت لي اكتبي اللي يخطر ببالك!!
عبدالرحمن:مضبوط..قلت اكتبي اللي يخطر ببالك ماقلت لك وش تبين من البقالة؟!!!!!!!!
اسمهان(بضجر):انت وش يعجبك بس علمني؟؟تبين أكتب لك التمنطق حول اللامنطق؟!
ولا السعي الحثيث لكبح الغزو الفكري؟؟؟؟
عبدالرحمن(بفرح):ماشاء الله هذي عناوين لآخر مقالاتي! انتي تتابعينها؟؟؟؟
اسمهان:إيه,,وأبشرك مافهمت منها شي!!!
عبدالرحمن:في هذي أنا مصدقك!أنتي لو فهمتي وحدة منها أحلق شنبي!!!
إلا دخل أبواسمهان عليهم وجلس وكانت نظراته كافية توضح لعبدالرحمن انه غير مرغوب بوجوده فاضطرعبدالرحمن ينسحب بهدوء!!!
وحط بيدها كيس وهو ساكت ومشى وكان فيه علبة لساعة ماركة وغالية!!نست عقبها الزعل كله!!!!!
ومع الوقت لاحظ الأب انه اسمهان ماالتزمت ببنود المعاهدة اللي تنص على الاتصال بعريس الغفلة نهاية الأسبوع وبس!وعلى ضرورة تباعد أوقات الزيارات وتكون لضرورة بس كمشاورتها في شي معين!!!!!فأعلن الثورة فجأة وصاح:اسمعي يابنت يااسمهان اللي مثلك ماتنعطى وجه وانتي تماديتي مع ولد الناس هذا لذا أنا مافي قدامي غير حل واحد وغصب عنكم راح يصير..
مسكته أم اسمهان تهديه...
وصارت اسمهان تصرخ بأعلى صوت:لاتقولها يبه لاتقولها..خذ جوالي وامنع الزيارات بس لاتفصلني من مدرستي!!!!وقامت تبكي
الأب:وش هالكلام يالثولة؟؟مين قال اني بأفصلك من المدرسة..انتي لو تصيرين تحبين على أربع ماني مطلعك من المدرسة!!أهم شي الشهادة!القرار اللي اتخذته وبيصير سيف على رقابكم هو
إن الزواج لازم يتم بأسرع وقت!يعني بإجازة الصيف ومابقى عليها إلا شهرين!!!!!وغير هالهرج ماعندي!!!!!
اسمهان نشفت دموعها وقالت بداخلها:ينصر دينك يايبه!!!!
هههههههههههه