******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
الصراحة الجزء روووووووووووووووووووووعة واالله انا ما صدقت يوم قلتي انه هذا الجزء مو بالمستوى الكل يعرفك ماشاء الله ولاقوة ا لا بالله عليكي ........الله يحفظك يبعد عنك العين قووووووووووووووووووووووووولو آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين
 
بجد رائعه والله عجبتني القصه خاصة اهل اسمهان كانك تحكي عن اهلي وعن افراحنا جزاك الله خير
 
جيانة ماشاء الله عليكيييييييييييييييييييييي القصة روععععةةةةةةةةةةة دايما متتبعة بس بد الفرح لازم ررررررررررررررررررررررررررررررد احلا جيونة والله متاااااااااااااااااااااااااااااااااااااابعة
 
:icon26::icon26:تتمة جزء الزواج ياحلوات:icon26::icon26:
ولما شافت المطربة إنه المسألة فيها أمن وما أمن انسحبت وهي تشتم وتسب وراحت هند ونادت أم عبير وقالت لها عن السالفة وسألتها:كيف تحجزين مطربة وإحنا جايبين فرقة طقاقات بدفوف وطيران ومن غير الآت؟؟؟؟؟؟
أم عبير:اش قصدكم تتبلون علي؟أنا ماناديت أحد! لابدها أم اسمهان اللي سوت كذا!!!!!!
طبعاً سماح وهند عرفوا إنها كذابة وتبي تتهم غيرها وبس..ولا أم اسمهان لاتبغى الطرب ولاعندها سواق!!!!!!!!
________________
وكانت عبير قاعدة تغلي في غرفتها ودها لو تشوف اسمهان وبالفعل راحت لغرفة اسمهان ودخلت ولقيت سماح جالسة معاها....
سماح:هلا عبير محتاجة شي؟؟؟
عبير(بـ دهاء):وحشتني سمهونة وجيت أسلم وأبارك...
وسلمت على اسمهان وباركت..
واسمهان مستغربة الذوق اللي نزل فجأة!!
سماح:طيب أنا أستأذن بأنزل أشوف المعازيم...
قربت عبير بكل حقد من اسمهان وقالت بكل غيرة:مالقيتي أحسن من الكوافيرة اللي رحتي لها؟؟
اسمهان:لا مالقيت..والحمدلله شغلها أكثر من رائع والنتيجة أروع مما تصورت!!!
عبير:شكلك على الطبيعة أحسن!ياترى إنتي وش بتسوين في الزفة؟؟؟
اسمهان:سوات أي عروس!!
عبير:أقصد كيف بتزفين؟
اسمهان:لاجات زفتي بتعرفين!!
عبير:ماألومك!الغيرة ذابحتك!!
وطقت اسمهان بتشميقة وطلعت من الغرفة!
اسمهان(بتعجب)وتحاكي روحها:والله مدري من اللي يغير من الثاني!!!
____________________
طبعاً شلة اسمهان جالسين يسولفون وكانوا مبسوطين بهالمناسبة الكشخة..وفجأة طالعت رانية في وحدة من المعازيم ترقص وقالت:شوفوا شوفوا راعية الأحمر!
التفتوا الشلة وقالوا:شفناها!!!
رانية:واي واي..خقيت على فستانها!ودي أشلحه من فوقها وألبسه!!
مرام:وبيدخل فيك عاد ياالدبة؟!!!
نجلاء:جداً عادي..بس رشاقتها محليته مرة...
وشوي مرت أم عبير من جنبهم..
رانية:أعوذ بكلمات الله التامات من شر ماخلق!
الشلة:ههههههههههه
رانية:والله مصدقة نفسها هالعنز!على بالها صبوحة الشحرورة!!
مرام:حرااااااام طاحت بيد كوافيرة لعَّابة!لو جات مشغلنا كان ضبطناها!
نجلاء:إذا الأم كذا؟أجل الله يخلف على عبير وش سوت بنفسها!
أفنان:وش رايكم نطلع نسلم على اسمهان؟؟
الشلة:يلا!!!!
وطلعوا فاجئوا اسمهان بجيتهم وسلموا عليها....
اسمهان:غريييييبة وين التطقيم اليوم؟؟ أشوف كل وحدة لابسة على كيفها!!
رانية:عاد حلاوة هي؟؟قصوا ظهري ذاك اليوم وأنا أفتر بالمولات أدور فساتين وردي!!!
اسمهان:آآآهااا...يعني كان عندكم خبر مسبق بأني راح ألبس وردي وماقلتوا؟!!!!!
نجلاء:حِنا مالنا شغل!هذي المحقق كونان اتصلت على بيتكم وسألت بنت أختك!!!!
قامت اسمهان تناظر برانيةبنص عين وقالت:وليش مااتصلتي هالمرة بعد وسألتي وش بألبس؟؟؟
رانية:بعد هذي مايبي لها سؤال!العروس وش بتلبس يعني غير الأبيض؟؟وعاد ماأحلانا مطقمين معاك أبيض تقولون كفن!..حشا ماكأننا بنروح عرس إلا كأننا بننزف على المقبرة!!
الجميع:ههههههههههه
اسمهان:الله يستر هالمرة وشلون بتزفوني..المرة اللي راحت وسويتوا لي دبكة سورية هالمرة أخاف ترقصوني عراقي!!!
أفنان:حِنا لو نطاوع رانية تخلينا نرقص دقني ومعلاية!!بس الحمدلله باقي في راسنا عقول!
رانية:وهي أم عبير خلت أحد يرقص من أول العرس؟مسنترة في المنصة هي وقرايبها تقولون مطلعين عليها رخصة لولا أم زوجك نزلتهم بالذوق!!!!
اسمهان:ماشاء الله بيسوون نفسهم نجوم الحفل بالغصب!تخيلوا عبير جات غرفتي قال إيش بتبارك؟وهي خارجة تقول لي ماألومك الغيرة ذابحتك!!!!
رانية:يقطع أبو الثقة ياشيخة!!وأقص إيدي من هنا لو ماكانت مسوية لوحة تشكيلية على وجهها مثل أمها!ماأقول غير الحمدلله إنه ممنوع اصطحاب الأطفال والا كان حضروا فيلم رعب اليوم!
الشلة:ههههههه...
اسمهان:الناس أذواق!بس ماقلتوا اش رايكم فيني؟؟
رانية:بسم الله عليك تهبلين..
نجلاء:ماشاء الله تبارك الله حلوة دايماً ياقمر...
مرام:مايحتاج نقول رأينا..أهم شي رأي العريس!!
أفنان:حصِّني نفسك ياعسل..
العين حق...
ودردشوا شوي مع اسمهان بعدين قدموا لها صندوق مغلف تغليفة كشخة وكان هدية بمناسبة زواجها والهدايا اللي بداخله قطة بينهم...وخرجوا من عندها...
1167419546.jpg

رانية:اش رايكم نمر على عبير نسلم عليها؟؟
أفنان:إن كان سلامكم عليها بغرض الشماتة والتريقة بس..فأنا أول وحدة بأعترض وماني رايحة معاكم!
نجلاء:ياشيخة ندخل نبارك لها مادام وصلنا لها...
مرام:بيني وبينكم مو حلوة نبارك لاسمهان ونطنشها!تعالوا نسلم عليها وننزل...
ودخلوا كلهم على عبير..وتفاجئت وقالت:نعم؟؟
مرام:الله ينعم بحالك..جينا نسلم ونبارك..
ودخلوا وسلموا وهي مو متطمنة لهم تناظر فيهم باستغراب...
قاموا استأذنوا وخرجوا من الغرفة
وأم عبير دايرة بالصالة تسوي مقارنات ومشاكل ناظرت بالصالة ولقيت أغلب المعازيم من طرف أم اسمهان وصاحت بأم تركي:اشفيكم ماعطيتوني كروت كثيرة مثل أم اسمهان؟؟حبايبها معبيين القاعة وأنا كأني يتيمة!!!!
أم تركي:نفس عدد الكروت اللي أخذتيهم..أخذتهم أم اسمهان..لكن فيه معارف كثير مشتركين بيني وبينها وأنا اللي عازمتهم وهي تعرفهم عشان كذا تلاقينها معاهم!
وراحت أم عبير..
هند:أعوذ بالله هالحرمة كل دقيقة تسوي لنا قلق!أول راسلة مطربة وتبي تورطنا فيها..ورجعت تقول ليش غرفة بنتي أصغر..وبعدين حطت أقاربها فوق المنصة يجلسون ويرقصون هم بس!ومعترضة ان زفة اسمهان بتكون قبل!وتبي تركي يطلع!والحين تقول الكروت وماالكروت!اللي هذا أوله ينعاف تاليه!
أم تركي:الله يرضى على أم اسمهان ياشيخة...
_________
بعد شوي طلبت اسمهان من أمها انها تنادي أبوها ومحمد والعريس يطلعون يتصورون معاها...
ودخلوا الغرفة وطاحت عين اسمهان على عبدالرحمن وانذهلت من منظره..وتصورت كم صورة جماعية مع أخوها وأبوها وزوجها...وبعدها خرجوا كلهم من الغرفة وبقي اسمهان وعبدالرحمن والمصورة واقفة بعيد تضبط أغراضها...
عبدالرحمن(وهو يطالع باسمهان):ماشاء الله تبارك الله..سبحان من خلق وأبدع...
واسمهان ساكتة ومتنحة!!!
عبدالرحمن:سمهونتي اشفيك ماكلة فول؟؟؟
اسمهان:إلا ماكلة تراب وساكتة!وش هالشيفة؟لابارك الله في ابليس!مالقيت تكشخ وتتفنن إلا بيوم العرس؟؟؟؟؟
عبدالرحمن:ليه؟ثوبي وشماغي وبشتي من أغلى محلات شاريهم ولا هي معجبتك؟؟؟
اسمهان:أنا أقصد شنبك ولحيتك يافصيح!
عبدالرحمن(وقصده يستفزها):التغيير مرغوب يوم العرس!!
اسمهان:مضبوط!بس التغيير للأفضل مو للأقبح!طالع بنفسك حرام عليك..المسافة اللي بين خشمك وفمك ملعب كورة قدم!!
عبدالرحمن:لاتزيديني غبن قالوها أعمامي قبلك بس مو ملعب كورة لأنهم مايشجعون أي فريق!!بس قالوا ساحة قتال!!
اسمهان وهي تكلم المصورة:مدام دينا بليز العريس مايبي تصوير صوريني لحالي بس!!!
عبدالرحمن:ليش؟مين قال؟أنا جاي مخصوص أتصور معاك!!
اسمهان:معليش خلك بعيد..الصور هذي بيشوفونها أحبابي وأصحابي بعدين..موب ناقصة فشايل وضيف على كذا إني دافعة عليها مبلغ كبير فـحرام جداً إنك تخربها علي بوجهك الصافي هذا!!!!
عبدالرحمن:صدقيني أنا زعلان أكثر منك بس هذا اللي صار نتيجة مقالب نويصر صاحبي!!
اسمهان:مو هذا النذل اللي كنت دايماً تحكي لي عنه!وش تبي فيه وياكثر هزله ومقالبه؟!!!
عبدالرحمن:نفس اللي تبينه من شلة الصاعقة على كثر هزلهم ومقالبهم!!!!!!
ساعتها تفشلت اسمهان وانطمت وتصورت مع عريسها وهي ساكتة!!!

ملحوظة:عشان تتعلمون يانسوان تلمون ألسنتكم ومو كل شي تقولونه لأزواجكم أو لعرسانكم!!
ههههههههههه
شوي وأكمل....
 
يسسسسسسسسسسسسسسسلموووووو جيونه ع البارت ,,,
لسى ماقرأته بس حبيت أكون اول وحده ترد عليه ,,,,
 
هههههههههههههههههههههههههههههه
والله أن روووووووووعه
تسلم أناااااملج
كنت منتظرة لحظت يوم اسمهااان اشوووووف عبد الرحمن من دوووون لحية
هههههههههههههههه
نحن في نتظااااركي ياااعسل
 
بنات شفتو ام فستان احمر الي ترقص وعجبت رانيه هذي انا وش رايكم فيني ههههههههههه ترا انا من معزيم ان سمهونه لا تضنون اني من معزيم ام عبير بس والله قهرتني قلت اقوم ارقص وقهرها ويا اهلها مستحلين المنصه ول عليهم
 
سكنات في القلوب قال:
بنات شفتو ام فستان احمر الي ترقص وعجبت رانيه هذي انا وش رايكم فيني ههههههههههه ترا انا من معزيم ان سمهونه لا تضنون اني من معزيم ام عبير بس والله قهرتني قلت اقوم ارقص وقهرها ويا اهلها مستحلين المنصه ول عليهم
أنقر للتوسيع...
هلا سكنات..آثاري راعية الأحمر انتي؟؟...زين شفتي اللي مرت من جنبك وانتي ترقصين ولابسة كرتة زم فوشي مع أصفر ومخططة بأحمر؟؟؟؟
تراهي مو أنا!!!!!
 
ربنا ما يحرمنا من العسل يلي بنقط درررر وافكار رررررررررروعه...خدى راحتك ياقلبي وجهزي لنا جزء مطبوخ طبخه هنديه مع شويه مصريه واختميه بخليجيه...



ماشاء الله جمهورك كبير ربي يسعدك ويحفظك من العين...شو شعورك وانتي تلاقي هذا الكم (ماشاء الله) من البلقسيات حولك؟
 
ماشاالله تبارك الرحمن ,,, كل ذولا معازيم وحاضرين
اللهم زد وبارك ...
بانتظارك ياعسل ,,
ودي ام عبير تطيح والا ينكب عليها بيبسي والا شوكولاته <<< قاهرتني من أول الليل ماغير تطالع وتشمق كل ذا عشان انا من معازيم ام سمهونه ,, الله يحفظنا قولو امين
 
التعديل الأخير بواسطة المشرف:
هلا حبيبتي جيوووونه..
هالبارت اكثر من راائع ....
بس حبيت اعرف من هي هند؟؟؟؟
وين خالت المعرس جوااااااهر؟؟؟؟؟؟
 
ههههههههههههههههههههههههههههههههاي وناسة

تذكرت عرس اخوي هع هع
 
الحالة
مغلق و غير مفتوح للمزيد من الردود.
عودة
أعلى أسفل