******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
هلا فيكم بجزء جديد​
في البداية دعواتي لكل فتاة بالزوج الصالح الَّذي يكرمها..
ولكل محرومة من الإنجاب أن يهبها الله ذرية تقية نقية توحد الله...
==============
وبعد ماجلسوا العائلة يتبادلون الأحاديث المختلفة مع أسماء..
جاء زوج أسماء(أحمد) ودق باب الغرفة فانتقلوا الجميع للجهة الثانية من الغرفة وهي جهة مخصصة للزوار..أما الجزء الآخر من الغرفة كان فيه سرير المريضة..
وجلس يتناقش معاها عن اختيار اسم للمولودة وانه هذا صار ثاني يوم لها ولسه ماصار لها اسم..
أسماء:اش رايك بــ وسن؟؟
أحمد:واش معناه؟
أسماء:بداية النعاس!!
أحمد:ماشاء الله..تبين بنتنا تقعد نايمة24 ساعة..أحد يسمي بنته نعسانة؟؟!!!:11:
أسماء:طيب بلاش..وش رايك نسميها رواسن ؟أشوفه لايق مع اسم أخوها أنس!
أحمد:طيب اش معناه؟
أسماء:له عدة معاني منهاالحبل المرتخي!
أحمد:أنا بنتي أسميها الحبل المرتخي؟ليش عشان تطلع بنت مفتلتة؟وشفيك ياأسماء ماتسمعين لقالوا كل انسان له من اسمه نصيب؟؟
أسماء:خلاص بأحِط لساني بحلقي وأنطم!!وإنت سمي على كيفك!
أحمد:الصراحة أنا خاطري أسمي أفنان معناه الغصون ومذكور بعد في القرآن ويبدأ بحرف الألف مثل أنس...
أسماء:ولو إنه مو داخل مزاجي كثير.. بس يلا أحسن من غيره...
وخرج أحمد من الغرفة ورجعوا أهلها قعدوا معاها(أمها وسماح وابتسام واسمهان)
أسماء:أبشركم يقول يبي يسمي البنت أفنان!
اسمهان:ونعم الاختيار!لو تطلع حلوة بعد وخلوقة مثل صاحبتي أفنان يكون ياحظك فيها..
وقامت اسمهان وأرسلت رسالة لرانية بخبر ولادة أسماء وتسميتها لبنتها بإسم أفنان..
وطبعاً رانية أرسلت البشارة بسرعة البرق لباقي الشلة..ز
وبدأوا يتصلون على اسمهان ويكلمون أسماء يباركون لها..
اتصلت أفنان تبارك لاسمهان..وبعد السلام والسؤال عن الأحوال..
أفنان:مبروك على ولادة أسماء..
اسمهان:الله يبارك فيك..
أفنان:صحيح إنها سمَّت بنتها أفنان؟
اسمهان:ايه يالغالية صحيح وأنا أيدتها في الاختيار وياليتها تطلع مثلك...
أفنان:هذا من ذوقك ياسوسو..ومادام الموضوع كذا إذن وجبت زيارتها..
اسمهان:صدق؟؟بتجين تزورينها بالمستشفى؟؟
أفنان:ايه إذا مايضايقكم بأجي أنا وأمي نبارك لها ..
اسمهان:ليش يضايقنا؟إلا هذي الساعة المباركة..الله يحييكم..
ودق باب الغرفة وكانوا الحاضرين أم تركي وهند بنتها أخت سماح وشوي وبدأوا أهل زوج أسماء يجون يباركون..وناس تروح وناس تجي...
وبعد ساعة حضرت أفنان وأمها ودخلوا بهداياهم معاهم..وسلموا على الحاضرين..
أم أفنان:مبروك المولودة..والله يجعلها من البارَّات الحافظات لكتاب الله...
أسماء:اللهم آمين..
أم اسمهان:جزاك الله خير..
ودار حديث بين جميع الحضور أما هند وأم تركي جلسوا يناظرون طول الوقت بأفنان ويتهامسون!!
أم تركي:ماشاء الله تبارك الله..البنت وهي على طبيعتها ومن غير أي مكياج وياحلاتها أجل شلون لاتزبرقت..
هند:طالعي يمه بهدوئها وثقلها ماهي أحسن من عبير المغرورة؟!
أم تركي:شوفي عباتها وعباة أمها حشمة وستر ماشاء الله..
أما أفنان واسمهان جلسوا يتكلمون مع بعضهم وياخذون الأخبار والعلوم..
ولما قاموا أفنان وأمها بيروحون قالت أم أفنان:ياجميع الحاضرات الله يجزاكم الخير اللي تحب تفيد وتستفيد وتكسب أجر تزورني ببيتي كل يوم اثنين ما بين صلاة المغرب والعشاء..كل مرة أسوي محاضرة أو أستضيف بعض الداعيات وتلقي محاضرة...ولي ولكم الأجر ان شاء الله..وعنوان بيتي تلاقونه عند اسمهان..
الجميع:الله يكتب لكم الأجر وجزاكم الله خير...
ولما خرجت قالت سماح بهمس لأمها وأختها:واشفيكم تناظرون البنت كذا؟أكلتوها بعيونكم!!
أم تركي:ماشاء الله عليها..مناسبة لأخوك مرة..بس هو يرضى؟؟
سماح:ماعليك منه مصيره بيرضى!
وشوي إلا دق الباب وقامت ابتسام تفتح إلا دخلت وحدة مليانة ومغطية وجهها وجايبة هدية كبيييرة وبس وطتها في الأرض كشفت وجهها...
اسمهان(وهي متفاجئة):رانية الدبة؟؟؟؟
وحضنوا بعض..وقام الجميع يسلمون..
جلست رانية....
رانية:عاد أنا قلت هذي الغالية أخت الغالية ولدت ضروري أجي أبارك وأهني بنفسي..
أسماء:جزاك الله خير..مشكورة حبيبتي..
أم اسمهان:وشلونها أمك يارانية؟
رانية:مبسوطة ماعليها..هذا أنا صحيت البارح مالقيتها اتصلت فيها لقيتها سافرت هي وأبوي مكة يحضرون زواج ولد خالي!وبغى يجيني سكتة ليش إنهم ماخذوني معاهم..بس الله ستر!!
الجميع:هههههه
اسمهان:بلاكم ماتدرون الأخت رانية مافي عرس بالديرة ينعتق منها توَّجِبْ القاصي والداني!!
سماح:ياحليلك والله إنك سويتي أجواء مو طبيعية بملكة اسمهان..الله يهنيك بـسعة صدرك
رانية:آمين..يازين الوناسة والفرفشة ومشاركة الناس أفراحهم..وش نبي بالغثا وضيقة الصدر..خلي القلب شباب على طول..
وقامت رانية تهذر على الحاضرين وتحكي لهم عن مواقفها والكل ميتين ضحك عليها وعلى خفة دمها..:31:
اسمهان:يازينك يارنو..مدري ليه ماأتخيلك بتصيرين عجوز!
رانية:إن كنت بأصير عجوز مثل عجايزنا الملَّقفْ..فعساني أموت الليلة!!
أم اسمهان:يوه اسم الله عليك..
رانية:لأنك ماتدرين ياخالتي عندنا نماذج للعجايز بجماعتنا يخرعون الجِن!!كل ماكبرت الوحدة بعمرها طال لسانها وزادت لقافتها وتدخلاتها ويعشقون النكد مثل عيونهم!!الوحدة منهم ناقصها عصا تقعد عليها وتطير بها مثل الساحرات!!!
أسماء:ههههه..حرام عليك من يوم دخلتي وأنا أضحك وكل ماضحكت تنشد خياطتي..
رانية:بالعكس هذا وأنا قاعدة أعطيكم جرعات مخففة مراعاة لكبار السن اللي معانا!!
قامت أم تركي تضحك وقالت:قولي آمين يابنتي!
رانية:ماني بقايلة لين أسمع وش بتدعين!أخاف بتدعين علي؟!!
أم تركي:هههه وش دعوى وانتي وسعتي صدري الله يسعدك..عسى الله يحفظك لأهلك ويرزقك كل ماتتمنين..
رانية:آمين..
اسمهان:بالله ادعي لها ياخالتي ربي يرزقها عريس..ترى هي ماتناقز في الأعراس من شوي!!
رانية:وادعو لاسمهان ربي يرزقها بطفل وتصير أم وتعقل شوي وتفكنا من التهيبل والاستهبال...
ومرت الجلسة بنكت وضحكات..إلى أن استأذنت رانية تمشي...
ابتسام:باقي بدري اجلسي ونستينا والله...
ر انية:خلني أرجع بيتي قبل ماتنفتق خياطة أختك!!!
==============
ولما رجعت أم تركي وبناتها للبيت قاموا يسولفون عن ماحدث ودار بالمستشفى...
أم تركي:تصدقون يابنات؟أنا عزمت أمري أخطب أفنان لتركي..أحسهم لايقين على بعض حيل..وعساه يوافق ومايردني..
سماح:يارب ياكريم...
هند:ورانية يايمه؟؟
أم تركي:اشفيها رانية؟تقصدين نخطبها لتركي؟؟لا لا ماتصلح له! تركي ثقيل شوي ورانية راعية ضحك وتهريج ماتناسبه أبد!!!!
هند:ايه هي ماتصلح لتركي أبد..بس يايمه تناسب ناصر مرررة!
سماح:ايه والله شلون غابت هذي عن بالي؟؟فعلاً لايقين على بعض..ناصر من يومه راعي مقالب ودجة..طبعه مثل رانية..بس تهقون أهلها بيوافقون؟؟
أم تركي:ان شاء الله يوافقون..بس قولوا ناصر أساساً بيرضى يتزوج؟
=========​
 
ههههههههه....الله يجزيك الخير يا جوجو ...والله رانيه هذى مو بطبيعيه ولايقه على ناصر بعد خصوصا بعد الموقف اللى سواه فى عبدالرحمن وتركى ....كل جزءمضحك اكتر من التانى ...
 
يــــــــــــــــــالــــــــــــــــبى قلبك والله جيووووووووووونه
تصدقين فرحت لشله الله يسهل امرهم ويعرسوون.
وااااااااااااااااااااااااى ى ى تسلمين جيونه
 
شكلك بتزوجي كل الشلة
أفنان لتركي
رانية لناصر
يلله يا بنات اللي لساتها ما تزوجت تخلي جيونة تشوف لها عريس
 
ما شاء الله ابدااااااااااااااع
سلمت أناملك
 
سبحان الله والحمدلله ولاحول ولا قوة الابالله
تسلمينــــــــــــــــــــــــــــــــــــــــــــــــــــــــــــ​
 
هههههههههههههههه

عجيييبه ياجيوونه

والله مادري استانس ولا احزن قربت الاجزاء تخلص وخلاااص تعودت كل يوم افتح اللاب توب واسوي لي شاي بابونج واول ماقعد افتح قصتج

ياااااااااااريت تكون فيه قصه ثانيه من تاليفج الروعه
 
ماشاء الله ..... ماشاء الله

قصه وااايد حلوووه ...... وابدااع

عسى الله يوفقج ياارب .....
 
الله عليييك ياجيونه

تكفين تكفين مغطي لنا شويه في القصه لاتخلينها تخلص

بسرعه

الله يعطيك العافيه قلبو
 
روووووووووووووووووعة ومبدعة جوجو

بس بليز من تخلص القصة نزلي غيرها هههههههههههههه

شكلي طماعة بس شسوي من يوم يومي اذا متضايقة افتح قصتج اوسع صدري
 
ما شاءالله عليكي مبدعه
و الجزء الاخير خطير بجد
و عرضك للاحداث شيقه و خيالك واسع
الله يوفقك حبيبتي
 
الحالة
مغلق و غير مفتوح للمزيد من الردود.
عودة
أعلى أسفل