اسمهان وعبدالرحمن!!جديدي لكم وبالأجزاء..عساه يعجب!!

[حلى قهوة]

الللللللللللللللللللللللللللللله من جد روعه وخيااال الله يعطيك العافيه
والله احس اني معهم في القصه
في الا نتظاار الجديد والله يوفقك انشالله في رواياتك الجميله

 

[غرنوووقه]

روووووووووووووووعه عشت جو الملكه ههههههههههه
ننتظر التكمله جيونه

 

[هب النسيييم]

من جد والله الملكة كانت روعة ماشفتيني هناك كنت معزومة هههههههههههههههه
بس في ملاحظة حبيبتي قلتي كلمة من الشركيات واكيد ما انتبهتي لها وهي يا ارض احفظي ما عليك الله الحافظ مو الارض لو تقدري تحذفيها يكون افضل واشوفك في البارت الجديد

 

[عطرالخزامى]

ماشاء الله تبارك الله بنات قولوها

 

[سنيورتا***]

ماشاء الله تبارك الرحمن الله يحرسك من العين
مبدعه لااله الا الله ...

 

[انثى بلا قيود]

مرررره روعه


انا اتابعك من منتدى عالم حواء هههههههههه

 

[umm yusuf]

جيونه عيني بعينك يعني بيمشوها سوالف وهرجه فاضيه؟؟
في تشفير ولا بتنقلي لنا بث حي هههههههههههههههههههههههههههه

 

[جيانة]

جيونه عيني بعينك يعني بيمشوها سوالف وهرجه فاضيه؟؟
في تشفير ولا بتنقلي لنا بث حي هههههههههههههههههههههههههههه

وش هالكلام يابنت؟!ماعندي أحداث مشفرة!
أنا عشان القصة هذي قالوا البعض إني أخرب أخلاق المراهقات بأفكاري!وتبين تزيدين الطين بلة وأكتب مشفر؟؟؟أجل بتلاقيني بكرة ممسوكة بقضية آداب!!!!!!يمه الشر برة وبعيد!!!

 

[جيانة]

من جد والله الملكة كانت روعة ماشفتيني هناك كنت معزومة هههههههههههههههه
بس في ملاحظة حبيبتي قلتي كلمة من الشركيات واكيد ما انتبهتي لها وهي يا ارض احفظي ما عليك الله الحافظ مو الارض لو تقدري تحذفيها يكون افضل واشوفك في البارت الجديد

جزاك الله كل خير على هالتنبيه..والله هالمعلومة جديدة علي....استغفر الله من جميع ذنوبي ماعلمت منها ومالاأعلم..
ومشكلة المنتدى هنا انه مو مثل المنتديات الثانية اللي تعطيك فرصة تعدلين مشاركتك لمدة24 ساعة!

 

[قلب مكلوم]

رووووووووووووووووووووووووووووووووووووووووووووووووووووووووووووعة

ابداااااااااااااااااااااااااااااااااااااااااااااااااااااااااااااااااااااااااااع​

 

[FUTY]

الله يعطيك العافيه
متاااااااااااااااااااااااااابعة

 

[جيانة]

********تتمة الجزء السابق*******
ترى هالجزء لسه ماقرأتوه كله!!لأني أضفت عليه اضافات عما سبق!
دخلت اسمهان الغرفة وجاء عبدالرحمن أخذ كم صورة وأمه وخالته وجوهرة وأخته أحلام وأم اسمهان وأخواتها واقفين معاهم ولبسها الشبكة وباركوا لهم..
أحلام:ألف مبروك ياعروستنا الله يوفقكم ويحفظكم لبعض
أبلة جوهرة قربت من اسمهان شوي وقرصتها بإذنها وقالت:مبروك وان شاء الله الجاي أحلى!الله يعينني المدارس عقب أسبوع!!!!
عبدالرحمن:وش تقصدين ياخالة؟!
جوهرة:هذي شفرة بيني وبين اسمهان وهي أدرى بقصدي!!!!!
أم عبدالرحمن:مبروك ياأحلى عروس بالدنيا الله لايضرك ويحفظك لأهلك ولزوجك وعقبال مانشوفك ببيتك ان شاء الله....
أم اسمهان:جزاك الله خير...
وخرج الجميع من الغرفة وتركوا المعاريس لحالهم!!
(وشفيكم ابتسمتوا ياعضوات؟؟؟أدري هذا اللي تبونه من أول القصة!هههه)
ساد الصمت واسمهان رايحة فيها من الخجل وتناظر الأرض!! وعبدالرحمن بياكلها بنظراته!!
عبدالرحمن:شلونك؟
اسمهان:بخير
عبدالرحمن:بنظل ساكتين على طول؟؟؟
اسمهان:اش أقول؟؟
عبدالرحمن:كلميني عن نفسك..
اسمهان:مايحتاج!كل شي تعرفه عني!
عبدالرحمن:بس انتي ماتعرفين شي عني!
اسمهان:طيب قول..
عبدالرحمن:بأسألك سؤال يمكن غيري سبقني وسألك اياه؟اش شعورك اليوم؟؟؟
اسمهان(بغرور):عادي مثل شعور أي مواطنة سعودية زفوها لعريس المستقبل!!
عبدالرحمن:ههههه لااا تعرفين تعبرين!
اسمهان:طيب اوصف لي انت شعورك!
عبدالرحمن:أنا مثل اللي احبسوه 30 سنة بسرداب تحت الأرض من غير زاد ولانور ولاهواء وفجأة اطلقوا سراحه!!!!تتوقعين كثر ايش بتكون فرحته؟؟؟
اسمهان:ليه سجين سياسي؟!
عبدالرحمن:هههههههه..عسل يااخواني عسل!إلا سجين العزوبية ياسمهونتي! تسمحي لي أناديك بسمهونتي؟؟
اسمهان(بخجل):أكيد!
عبدالرحمن:الكل يدري وش كثر كنت مخنوق أيام العزوبية وأحلم بالاستقرار..والحمدلله تحقق حلمي!
اسمهان(ببكش!):الصراحة أنا آخر أحلامي الزواج لسه قدامي أكمل الثانوي وبعده الجامعة ويمكن ماجستير بس اش أسوي ؟النصيب!
عبدالرحمن:مغصوبة يعني؟!!!!!!
اسمهان:لا بس حبيت أفرح أمي وأبوي!!!
عبدالرحمن:أقول ياشين التغلي!!ماكأنك رحتي تشرين لبس جديد مخصوص لي يوم الشوفة عشان تلفتين انتباهي!!!!!
اسمهان(بكل سذاجة)قالت:يوووووه مين قال لك؟؟؟
عبدالرحمن:ههههههههههه يعني صدقت البنت الصغيرة؟!أظنها بنت وحدة من خواتك!!
اسمهان بنفسها حست بفشلة وقالت يابنت بلاها تمثيل!!
وجلس عبدالرحمن يتأمل شكل اسمهان بصمت وقال:تصدقين؟كنت زمان أقول أروع عروس قد شفتها بحياتي أختي أحلام..بس انتي اليوم خليتيني أغير رأيي!!كل شي فيكي حلوومبهر..
اسمهان:شكراً هذا من ذوقك!
عبدالرحمن:طيب وأنا اش رايك فيني؟؟؟
اسمهان:من أي ناحية؟؟
عبدالرحمن:بمظهري!
اسمهان:ثوب وبشت وشماغ..مثلك مثل أبوي!
عبدالرحمن:أفااااااا..يعني....
إلا قطع حديثهم صوت الباب وقامت اسمهان تفتح باب الجناح اللي جالسين فيه ولقت أخوها محمد وجايب لهم عشاء عروسين فاخر..وعاد اسمهان قام بطنها يقرقر بس مستحية تاكل ونظرات العريس مسلطة عليها!!
وجلس محمد معاهم شوي يسولف..
محمد:هاه..ياعريسنا..اش رايك بالعروس؟؟؟
عبدالرحمن:بدر ليلة تمامه ماشاء الله تبارك الله!
محمد(وقام يغلس على اسمهان بمزحه الثقيل!):لايغرك!ترى لو غسلت وجهها مابتعرفها!بلاك ماتدري عن هذول النسوان تروح الوحدة الصالون وتعطي الكوافيرة كل فلس بجيبها وتقول لاأوصيك كل علب البوية اللي عندك كبيها على وجهي!!والكوافيرات مايقصرون!تصدق؟قبل شوي قابلت زوجتي ماعرفتها!!!
عبدالرحمن:هههههه..حرام عليك والله الحلو حلو ولو قام من النوم!
اسمهان(بغيظ):مقبولة منك ياأبوسعيد!!
محمد:وعاد الله يعينك ياعبدالرحمن على هالسمهونة !يوم الزواج بأعطيك فاتورة وانت ماخذ اسمهان مكتوب فيها البضاعة المباعة لاترد ولاتستبدل!!
عبدالرحمن:هههههههه..ياشيخ اتقي الله والله انت ظالم هالقمر بكلامك!
محمد:أي ظالم؟هذي ملسونة ياولد الناس..تراك كسبت فينا جميل يوم خذيتها! بلاويها بتنتقل من عندنا لك!وعليك بالعافية!
اسمهان(بعصبية):جاي تبارك؟ولا تتشمت؟
محمد:لا جاي أستفزك عشان يشوفك عبدالرحمن وانتي مكشرة عن أنيابك!ويحرِّم بيوم من الأيام يزعلك!!
واستأذن محمد من العرسان وتركهم يتعشون وخرج
وشوي ودق الباب إلا هو أبواسمهان وأمها ومعاهم بنات ابتسام(سارة وهيفاء)...
الأب:مبروك..مبروك..ماشاء الله وش هالزين كله؟؟الله يوفقك ويحفظك يابنتي..
الأم:عاد أبوك جاي مخصوص هو وبنات ابتسام عشان يتصورون معاك...
اسمهان:هلا فيك...
ووقفوا جنب بعض والأم تصورهم بكاميرا الفيديو..وجلسوا يسولفون..
وقال عبدالرحمن:يازينهم هالبنيات!انتوا اللي شفتكم بيوم الشوفة؟؟
سارة:إيوه إنت اللي شفناك اليوم اللي طاحت فيه خالة اسمهان..!!
عبدالرحمن:ههههههه
وناظرت فيه اسمهان بنظرات حاقدة خلته يسكت!
هيفاء:شوفوا خالة اسمهان كيف تشمق..تحسب نفسها حلوة!!!!!!!!!
أما الأب قام يتنحنح وقال:تعشوا ليه مخليين عشاكم؟
الأم:طيب خلنا نعطيهم فرصة يتعشون ونطلع إحنا..
وخرج الجميع من الغرفة وبقي العروسين..وكانت اسمهان ودها تنط بالصحون من الجوع!بس الحيا مانعها تحط لقمة بحلقها قدام خطيبها!!
عبدالرحمن:يلا..مدي يدك وقولي بسم الله...
اسمهان:لااااا..كل إنت أنا مالي نفس!
عبدالرحمن:وليش مالك نفس؟..الأكل شكله لذيذ وريحته تشهي..
اسمهان:صحيح..بس أنا متعودة على الأكل الخفيف..وماأحب آكل بالليل..
عبدالرحمن:طيب لو أكلتك أنا بيدي مابتنفتح نفسك؟؟
اسمهان:لا...لأني فعلاً حاسة بشبع...
عبدالرحمن:براحتك..بس الصراحة أنا ميت من الجوع وقام ياكل..
واسمهان تتابعه ولعابها يسيل بس تكابر!!وبنفسها تدعي إن الأكل مايخلص!!
وقام عبدالرحمن يحكي له قصصه القديمة وطفولته ودراسته وحياته وهي تسمع والجوع ذابحها!ومر الوقت....وأخيراً دق الجوال..أجرى عبدالرحمن مكالمته وقفل السماعة وقال:هذي الوالدة..الوقت تأخر ولازم أوصلها هي وخالتي جوهرة البيت!
اسمهان:وأحلام؟وينها؟
عبدالرحمن:أحلام سبقتهم على البيت مع زوجها وعيالها
وراح عبدالرحمن دورة المياه اللي بنفس الجناح يغسل يدينه..وماصدقت اسمهان انه يروح وانقضَّت على الصحون تاكل بسرعة قبل مايرجع عبدالرحمن ويشوفها!
لكن المفاجأة انه عبدالرحمن غسل يدينه ورجع بهدوء ومن غير ماتحس وقف وراها وظل يراقبها وأختنا في الله منهمكة تحشي فمها وتجهز اللقمة اللي وراها!
عبدالرحمن(وبداخله ضحكة!):على هونك على هونك لاتشرقين يابنت الناس!!ماوراك َطرَّادة!!
اسمهان بخرعة:بسم الله!انت من متى ورايا؟؟(وفمها مليان واللقمة تتطاير منه!!)
عبدالرحمن:من اللحظة اللي أعلنتي فيها الهجوم على محتويات الصحون!!ههههه..كلي كلي بالعافية!
وشوي واسمهان من خرعتها إلا شرقت بذيك اللقمة وصارت مختنقة وتكح وصار عبدالرحمن مو عارف اش يسوي وقام يخبطها بأقوى ماعنده على ظهرها!! ومحمد وأمه كانوا يطقون الباب وماسمعوهم العروسين اللي كانوا مشغولين بزحلقة اللقمة المحشورة بحلق اسمهان!
محمد:يمه أنا قامت تراودني الشكوك!
الأم:توكل على الله وافتح عليهم الباب!
وماكذب محمد خبر وفتح الباب ولقى اسمهان واقفة ووراها عبدالرحمن اللي جالس يخبطها بقوته على ظهرها والبنت وجهها أحمر وعيونها تدمع!!
محمد(بعصبية):هييييه إنت! وشفيك تضرب أختي؟؟مامداك تشوف خيرها من شرها ..وقمت تمد إيدك عليها؟؟؟؟
الأم:يمه بنتي وش سويت فيها؟؟؟
عبدالرحمن:البنت مختنقة حرام عليكم..قاعد أساعدها!
إلا الأم مسكت البنت من وراها ولفت ايدها حول خصر اسمهان وضغطت عليها للأمام وتفلت اسمهان اللقمة ورجعت الحياة لوجهها!!
عبدالرحمن:واااويلي ويلاه..آثاري حالتك صعبة لاصرتي جوعانة!!!
الأم:بسم الله عليك يابنتي..ياشين طفاقتك دايم أوصيك كِلِش ولاالعجلة بس ماتسمعين!
محمد:لاإله إلا الله..أحد قايل لك إن الأكل بينقرض من الأسواق؟!!
عبدالرحمن:ياجماعة الخير قولوا لها الحمدلله على سلامتك..أزمة وعدَّت!!
الأم:ياولدي ترانا طلعنا نقول لك إن أمك وخالتك بانتظارك في مدخل الفندق..وجينا نلم أغراض اسمهان عشان نسري!
عبدالرحمن:يعني طردة؟؟؟
محمد:ياشيخ لاتستعجل بكرة بتزهق منا وبنزهق منك!
ودخلت الأم الغرفة اللي بالجناح تجمع أغراض اسمهان وأغراضهم الثانية اللي جابوها معاهم وتعطيها محمد اللي كان قاعد ينزلها...
واستغل العريس الموقف وقام يودعها بطريقته الخاصة!!!!!!!!!!!!!!!!!!
ثم قال:اسمهان أبيك تعطيني رقم جوالك!
اسمهان:بس أنا ماعندي جوال!
عبدالرحمن:معقوووووله؟؟في بنت بهالزمن ماعندها جوال؟؟؟
اسمهان:إيه..أنا!
عبدالرحمن:أجل شلون نتواصل؟؟
اسمهان:على تليفون البيت الثابت!
عبدالرحمن:صعبة!كذا ماراح يكون في خصوصية وبتكلميني والعيلة كلها جنبك!
اسمهان:اش أسوي أجل؟؟
عبدالرحمن:ولايهمك بأحلها بطريقتي.....
........وتوادعوا وراح عبدالرحمن وطلعوا اخوات اسمهان وساعدوها في تبديل فستانها ولم الأغراض ورجعوا بيتهم......
وأما عبدالرحمن طول ماهم في السيارة هو وأمه وخالته وهم يتبادلون أخبار الملكة.....واش صار ودار..
وكملوا السوالف بالبيت..ورجعت خالته جوهرة معاهم..
وأما اخوان عبدالرحمن خرجوا من الملكة بدري عقب عشا الرجال مباشرة وواحد سافرلأشغاله..والثاني رجع نام......
ودخل عبدالرحمن يبدل هدومه.....
أبلة جوهرة:أما أهل العروس ماشاء الله ماقصروا كل شي فخم وراقي سووه بملكتهم..من جميع النواحي من القاعة للضيافة لكل الترتيبات...
أحلام:أنا استانست مرة..والله زمان عن أعراس السعودية..كل شي بالملكة كان يهبل وخصوصاً العروس!ماتوقعت ذوقكم بيطلع حلو لهاالدرجة!!
أم عبدالرحمن:الله يخليهم لبعض..العروس الله يحميها طلع لها طلعة بالفستان والتسريحة والمكياج..
جوهرة:فعلاً..ماتخيلتها أبداً بتكون بذا الحلا كله..
أم عبدالرحمن:أما أنا ياجماعة خقيت عند لابسات الوردي!!!اسمهان حلوة وقرايبها حلوين مثلها!
جوهرة:ومين قال لك إن لابسات الوردي قرايبها؟؟هذول صاحباتها بالمدرسة!
أم عبدالرحمن:ياحليلاتهم..شكلهم يحبونها مرة..مطقمات ملابسهم مثلها..وغنوا لها ورقصوا لها..ماقصروا
أحلام:فعلاً سووا أجواء غير عادية بالقاعة حتى الطيران خذوها وطقوا فيها..ونسونا الصراحة...
إلا عبدالرحمن جاء وقعد معاهم......
جوهرة:مبروك ياعريس..إلا اش أخبار العروس؟
عبدالرحمن:اسكتوا مادريتوا اش صار! بغت تفطس علي وتروح بغمضة عين!
أم عبدالرحمن:ليش؟واش سويت فيها ياالمهبول؟
عبدالرحمن:أنا برررررررريء!ماسويت شي!بس يظهرإن الجوع ألح عليها إنها تسكته بأي وسيلة!وماقصرت شرقت شرقة قوية!!!!وأهلها دخلوا علي وحسبوني أطق بنتهم!
أم عبدالرحمن:ياحليلك ماقد قابلتها إلا مرتين وبكل مرة تواجهك معها مواقف!هالحين شرقة وأمس طيحة هههه!
أحلام:وش سالفة الطيحة هذي بعد؟علموني!
وقعدوا يتكلمون طول الليل ويضحكون على المواقف وعلى مواقف ثانية حصلت لكل واحد منهم بالماضي...



​

 

[nana9379]

واصلي وحنا معاكي واصلي ,,, الله يحميكي

 

[هب النسيييم]

رووووووووووووووووعة ما شاء الله كملي متابعين طبعا هذا مو جزء اليوم هذا تكملة الجزء السابق صح

 

[جيانة]

رووووووووووووووووعة ما شاء الله كملي متابعين طبعا هذا مو جزء اليوم هذا تكملة الجزء السابق صح

جزء كتبته أمس واليوم كملت عليه ماقرأتيه؟؟

 

[it's me**]

هههههههههههههههههههههههههههههههه
حلوه يا جيونة يا عسل انتي
تسلمي يا ورده عن هالجزء العسل متلك
وانا بستنى الجزء التاااااااااااااااااني على احر من الجمرررررررر

 

[سنيورتا***]

زوار هذا الموضوع الآن : 46 (16 عضو و 30 ضيف)

 

[مجنونة ميدو]

الله يعطيك العافيه حبيبتي ويوسع صدرك يااارب

 

[ام وسومي]

منتـــــــــــــــــــــظرتك وبقوووه <<<<متحمسه مراااا

 

[جيانة]

إش رايكم نقفل القصة مرة..ولاوحدة تكتب رد
وأرجع أعيد كتابتها في موضوع جديد لأنه الأجزاء صارت ضايعة بين الردود والصفحات الكثيرة وأحياناً أنزل جزئين باليوم وأتفاجأ بالعضوات اللي يردون ويقولون وينك من زمان ماكتبتي؟!!!!!!!!!!!وأنا أكون كاتبة بس ماهم داريين!!