اسمهان وعبدالرحمن!!جديدي لكم وبالأجزاء..عساه يعجب!!

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
الجزء السادس

الجزء السادس....
وحشتـــــــــــــــــــــــــــوني وجيت أكمل...

ماقصروا الأب والأم وقعدوا يتتريقون على بنتهم اسمهان...وأنواع التعليقات...وأسماء لابد ماتحشر خشمها معهم!!

وماأنقذها من الموقف إلا صوت جرس التليفون!!
راحت بسرعة البرق ترد:آلو

المتصلة:أهلين!! سمهونة شلونك قلبي والله زمان عن هالصوت!!

اسمهان:هلاااااااا ابتسام حبيبتي وينك؟؟ وحشتيني.....أبشرك تراني انخطبت!!...

ولا جت أم اسمهان وسحبت السماعة من يد اسمهان بسرعة ولقيت ابتسام تقول:
إيـــــــــــــــــــش؟؟! انخبطتي؟! سلامتك حبيبتي! ومن اللي خبطك؟ أكيد أسماء! عقرب وتلدغ!!

أمهم:هلا ابتسام بنتي..عاش من سمع صوتك..شلون زوجك وبناتك؟!

ابتسام(وهي الأخت الوسطى مابين اسماء واسمهان متزوجة وساكنة ببلد ثاني وعندها بنتين توأم سارة وهيفاء):
الحمدلله يمة...بس سلامتها اسمهان مين خبطها؟

أمهم:ههههه..أختك المطفوقة ماينبل بفمها لقمة توه جانا ناس يخطبونها!!! مو يخبطونها!!

ابتسام:مبــــــــــــــــــــــــــــروك...الله يوفقها..بس علميني بكل التفاصيل من طقطق لسلام عليكم!!

الأم:بعدين..المهم انتي اش اخبارك والله لك اسبوعين يالقاطعة مارفعتي علينا سماعة حتى أبوك بس يسأل عنك..وشفيك؟؟

ابتسام:يايمة ..مسرعك نسيتي؟!
أنا آخر مرة كلمتك فيها قلت لك أم زوجي بتجينا تقعد عندنا..والله وكيلك لبدت عندنا اسبوعين وكأنها قاعدة على قلبي...ماصدقت سافرت وجيت ركض أكلمكم!!!!!!!!

الأم:مالك حق تقولين هالكلام يابنتي!! هذا بيت ولدها لو قعدت شهور عندكم مافيها شي!

ابتسام:ياحليلك يمة! وانتي تحسبين كل أمهات الأزواج بطيبتك؟! هذي نسرة اسأليني عنها بس!
كل شي تتدخل فيه..لا..وفوق هذا كريهة لاتبي الناس يزورونا ولا نروح لهم!!! تصدقين أسبوعين كاملة ماشفنا فيها الشارع؟!!!

الأم:الله يعينكم..بس أهم شي يابنتي إنك قمتي بضيافتها على أكمل وجه...وقدرتيها..لاتنسين إنها أم زوجك..وقيامك بحقوق أمه يحببه فيك أكثر..

ابتسام:لاتوصين حريص!..والله إني من صباح الله خير وأنا أعجن وأخبز عشان أفطرها..خبرك فيها..عندها سكر وماتاكل من أكلنا!وليته يثمر!
إلا طايحة فيني نقد ومعاير...ومدح بحريم أولادها الثانيين!!

الأم:لما تسوين شي لأحد سويه لوجه الله...لاتنتظرين كلمة شكر من أحد!! إلا يابنتي ماودك تجينا؟!!

ابتسام:كيف؟؟ إلا بأجي ونص!! عاد زوجي يوم شافني انغثيت بجميع أنواع الغثا والحبسة من يوم ماأمه جتنا...وعدني أول ماسافرت إنه بيعوضني ويجيبني عندكم نهاية الأسبوع الجاي!

الأم:الله يبشرك بالخير......ويحييكم ان شاء الله..
***
******أكمل بعدين اعذروني ياحلوات!!!
 
جوجو في بعد جزء والا اروح ادهن ظهري بفكس000؟؟؟
 
قصه رائعه بروعة صاحبتها ...

كملي حبيبتي ترى الفكس خلص واحنا ندهن فيه من قعدتنا وحنا ننتظرك وبنبدأ في أبو فاس ...

لا تطولي علينا حبيبتي ...
 
نكمل الجزء السابع....
(المعذرة على التأخير)..سامحوني!
طبعا استمرت المحادثة التليفونية بين ابتسام أخت اسمهان واسماء مع أمها اللي سردت لها الأحداث بشكل سريع ومن بعدها الأب كلم بنته ابتسام وراح لغرفة المكتب الخاصة فيه لإنجاز بعض الأعمال..
بقيت اسماء(وكانت حامل..وعندها ولد عمره سنتين إلا كم شهر) مع أمها واسمهان ودار بينهم هالحوار..
الأم: أبشركم أختكم ابتسام بتجينا نهاية الأسبوع الجاي!
اسمهان:هيييييييه!! الحمدلله!
أسماء:خبر حلو..بس عسى زوجها الغثيث بيرافقها بذي الجية مثل العادة؟!!
الأم: وانتي اش حارق رزك؟! بتستضيفينه في بيتك؟!
اسمهان:والله في هذي اسماء معها حق!!زوجها غثيث بالحيل! أنا شخصياً فقاعتي مرمورة منه!!!!!
أسماء:وش هاللهجة السريالية اللي اخترعتيها؟!!
اسمهان:يوووووووه قصدت أقول(مرارتي مفقوعة منه!)
الأم: وانتم بإيش تأذيتوا منه؟!
أسماء: يايمة نسيتي؟ كل ماجاء لازم يقعد معاها ببيتنا ويجننها بكثرة طلباته مافي سالفة كاملة نقدر نكملها معها لازم كل دقيقة والثانية عبدالعزيز أفندي يناديها!!حشا شغالة!!
اسمهان:زيدي عليها انه مثل أشعب يحب يحشي كرشه بس ماعنده استعداد يحط قرش بالبيت!يعني مافي مرة يغلط ويجيب غدا او عشا على حسابه! حتى لما جتنا وهي نفاس جاء معها وقعد عندنا شهر يتشرط وش ياكل بالغدا والعشا علينا لأن زوجته نفاس لاحيا ولامستحى!
لا وكل مادخل او خرج رجع وبيده ضيف من أقاربه او اصحابه وإحنا شغالين ضيافة طول الوقت! وش هالغثاثة؟ ياربي!
الأم: عيب عليكم ومالكم شغل..أهم شي انه زين مع أختكم ولاقد غلط عليها وتبقى مسألة الخفة والثقل مسألة شخصية خاصة فيه!
اسماء: ولا بناتها!! يوووه منهم! عالم ثاني من الشقاوة ولااجتمعوا على ولدي جننوه!!

اسمهان:وإذا اجتمعوا مع أولاد أخوي محمد أعوذ بالله خلوا الدنيا دمار!!
الأم:وش رايكم اتصل عليها أحسن وأقول لها هوني عن الجية ولاتجين؟!!!
اسماء: وشفيك زعلتي؟! احنا بس ننتقد!!
الأم: ومادام نقدكم ماله فايدة احتفظوا به لأنفسكم!
......
وبعدها جهزوا العشا ومرت الأحداث اعتيادية لين اليوم الثاني..وكان يوم الجمعة والعائلة الكريمة كلها تجتمع فيه للغداء..أسماء تجي تتغدى عند أهلها وزوجها يروح لأهله!
ومحمد الابن الأكبر للعائلة يجي هو وزوجته(سماح)وعندهم ولدين(سعيد ووليد)4+5 سنوات..
والكل فرحان ومستانس وغالبا يكون الغداء سمك..
وسماح زوجة محمد كانت حبوبة والكل يحبها كأنها ابنة لهم بس لاتخلو الجلسة من المزح ذو العيار الثقيل بين البنات وبينها وبين أخوهم!!!
فقالت اسمهان:ماوصلتكم آخرأخباري ياسماح؟
سماح:لا والله.. خير؟ فصلوك من الثانوية؟!
اسمهان:أعوذ بالله! ان شاء الله عدوي واللي يكرهني!...لا بس ابشرك جاني عريس!
سماح:لا..لا..احلفي!
ضحكت اسمهان بخجل وقالت:ورب البيت..
سماح: وش اسمه؟!
اسمهان بدلع: عبدالرحمن!
سماح:الله يقطعك! عساك وافقتي؟
اسمهان: وليش لا؟!
سماح: يالهبلة!!أخوي تركي أحسن منه..بس قاعد ينتظرك تتخرجين من الثانوي!!
اسمهان:اللي سبق يفوز!!
سماح:إلا اللي يصبر ينال مراده!
إلا الأب استغل الجمعة الحلوة هذي وخبر ولده محمد عن عريس الغفلة عبدالرحمن!!
فقام محمد يبي ينكت على اسمهان وقال:انخطبتي؟؟ ومنهو هالضعيف اللي أمه داعية عليه بـــــ طيحة الحظ؟!
اسمهان: إلا قول حظه طاير بالسما يوم فكر ياخذ وحدة مثلي!! هو أنا شوية؟؟
التفت محمد لأبوه وقال:يبه..ماكأنكم استعجلتوا عليها شوي؟!
الأب: لسه ياولدي ماصار شي لاقابلناه وناسبنا ساعتها يحلها ألف حلاَّل!!
اسمهان:أي بدري؟!وإنت يوم خذيت زوجتك كانت بزرة ماتعرف تمشط شعرها!!
وقام الكل يضحك!!
الأم:يالله لاتبتلينا!! بحياتي كلها ماشفت أحد بطفاقتك..استحي استحي لو تمثيل!!
سماح:أنا بزرة؟! ياويلك من الله كنت بأولى جامعة يوم خذاني أخوك..وإن كنت باقي ماأعرف أمشط شعري مثل ماتقولين!!فأنا أعتبرك باقي ترضعين!!
وقامت اسمهان تعصب وتتمازح بمناقرة مع سماح
والكل مبسوطين على الهوشة..
وأسماء تقول:واش ذا كله؟ حشا قاعدين ببيت قطاوى!
.......
.......المهم اعذروني شوي لظرف طاريء بأكمل بعد ساعة ونص..
 
والله القصه حلووووه واسلوبك يجنن
وحلوه شخصيه اسمهاااان

بانتظارك
 
أشكركم من كل قلبي على متابعتكم بس عشان تعرفون إني ماأماطل حبيت أقول بإذن الله مايجي الفجر إلا وأنا خلصت الأجزاء بس الان أنا عندي مشكلة بالنت تتعدل بعد كم ساعة
 
خذي راحتج حبيبتي
متابعيييييييييييييييييييييييييين
كملي
 
معك معك معك

ننتظررررررررررررررك يالحلوه ...................
 
الله يوسع صدرك ياجوجو دي دعوة مني لك ربي يتسجيبها
 
متابعينك ....ويرفع لعيونك....
يا جيانه المليانه وبالدرر عمرانه وانت ولا فكرانه اني لقصصك عطشانه على طول هربانا و قال النت عطلانا .
 
ربع توله قال:
متابعينك ....ويرفع لعيونك....
يا جيانه المليانه وبالدرر عمرانه وانت ولا فكرانه اني لقصصك عطشانه على طول هربانا و قال النت عطلانا .
أنقر للتوسيع...
تسلمين على القصيدة السودانية هذي!
 
الجزء الثامن من اسمهان.......
أولا:من باب العلم بالشيء أنا هذه القصة وغيرها من قصصي الأخرى أكتبها مباشرة كل ماطرأ على ذهني أحداث والجزء اللي أكتبه هنا على طول آخذه وأنسخه لمنتديين ثانيين اكتب فيهم!!
ثانيا:القصة أساسا ماهي جاهزة عندي كل مالقيت وقت أقدر أدخل فيه نت جيت وكتبت جزء.. فعلي أي أساس تحسبوني قاعدة أماطل وأستخدم أسلوب تشويق؟!!
المهم ماعلينا..جيت أكمل لأني أحترم المتلقي وأحترم تقديره لي ومتابعته وجزاكم الله جميعا كل خير..
طبعا يوم الجمعة كان حافل جدا بالأحداث والنقاشات والتعليقات في عائلة أهل اسمهان..ومر اليوم اللي في نهايته بدأت اسمهان تستعد لليوم اللي بعده ألا وهو يوم السبت..لأنها مثل ماعرفتوا سابقاً إنها طالبة بالصف الثاني ثانوي!
بدأ يوم السبت وتهللت أسارير اسمهان اللي كانت مو مصدقة نفسها!! طبعاً مين قدها؟ عندها أخبار جديدة بتزفها لشلة الصاعقة!!!!!
وبالفعل راحت للمدرسة والابتسامة شاقة الوجه!
والشلة كلها كانوا بانتظارها..وبس شافوا قائدتهم اسمهان خانوم...أقبلوا يركضون عليها..
وشافتهم وقالت:هــــــــــــــــــــاي شلة!(قولوا السلام والله مافي أحلى من تحية الاسلام..)!!!!
ردوا عليها:هـــــــــــــــــــــاي سوسو..
وقالت صاحبتها رانية:ياشينك يالقاطعة ماهي عوايدك يعني!! ربوع وخميس وجمعة لااتصال ولا سؤال؟!
نجلاء:أكيد في شي مهم أشغلك عنا!
أفنان: ولا تكونون سافرتوا مكان ولاعلمتينا؟!
اسمهان:لو فيكم خير كان اتصلتوا علي وسألتوا!
مرام:ليش خير؟! إحنا شفناك مااتصلتي على أحد قلنا أكيد مو فاضية لهذرتنا!
اسمهان:بصراحة صار لي حدث مهم!
رانية:لايكون أختك المقرودة أسماء تطلقت وجت تقعد فوق رووسكم؟!!!!!!!
اسمهان:لا...يووووه الله لايقدر!
نجلاء:شالسالفة؟ تراك رفعتي ضغطي!
اسمهان:جاني عريــــــــــــــــــــــــــس!!
نجلاء: عادي واشفيها لاجاك....!واشـــــــــــــــــهو؟؟ جاك عريس يالنذلة ولاتقولين؟!!!
اسمهان:هذا أنا قلتلكم..واش بتسوون يعني؟!!
أفنان:ياالله يعني بتتزوجين وتتركينا؟!
اسمهان: وش دعوى؟ أنا مالي غنات عنكم!
مرام:إلا بتتزوج وتشوف نفسها علينا وهذا وجهي إن ماقالت:أنا ماأجلس مع بنات!!!!!!!!
..........إلا بهاللحظة مرت أبلة جوهرة من جنب شلة الصاعقة وابتسمت ابتسامة ذات مغزى وقالت:صباح الخير شلونك سمهونة؟!!
اسمهان ناظرتها بخجل وردت بحياء غير معهود:الحمدلله بخير!
والشلة يطالعون باسمهان بفضول غريب!!
قامت رانية تغمز لاسمهان وتقول:خير؟اش القصة؟ صباح الخير..وياسوسو..وانتي تردين وتتبسمين..وشوي بتذوبين مثل الشوكليت!!!!
قالت نجلاء:غـــــــــــــريبة مو هذي أبلة جوهرة اللي ماتطيقينها؟! واشفيها الميانة طايحة بينكم؟؟
وبعدين تركت شلتنا كلها عشان تسلم عليك لوحدك يااسمهان؟.........لاااااااااا أنا أشهد إنه في شي مو طبيعي!!!!!!!
اسمهان:بالعكس الأمر جداً طبيعي!!أنا قائدة الشلة فأكيد مابتسلم إلا علي وحدي واش تبي فيكم مالت عليكم!!!!!!!!
مرام:يلا يلا...الطوابير بدت وإحنا ماخلصنا هذرة نكمل بعدين.......
وطبعا في هذي اللحظات أبلة جوهرة نشرت خبر خطبتهم في الإدارة ووحدة من الإداريات ملقوفة حبتين لها أخت بفصل اسمهان قالت لها الخبر والبنت علمت صاحباتها وصاحباتها خبروا صاحبات اسمهان...واسمهان ياحظي آخر من يعلم إن الكل يعلم!!!
ماجاء وقت الفسحة إلا والثانوية بكبرها داريين!!
وكل شوي تنهال التعليقات من كل حدب وصوب واسمهان ياغافلين لكم الله!!
أفنان: في بطن أمي ولد..تدرون اش بنسميه؟؟
ردوا الشلة بصوت واحد:عبد الرحمن!!
واسمهان تطالع ومو فاهمة!
نجلاء:يعني ماحكيتي لنا ياسوسو..اشلون تمت الخطبة واش صار ودار؟!
اسمهان:أسرار شخصية وهذا مو وقتها!!
نجلاء:الله أكبر!!بدينا بالخشخشة والدسدسة؟!!
مرام:خليها... من اليوم ورايح شكلها بتتنصل من ثوبها وتستقل عنا!!!!
اسمهان:ياغــــــــجر!! اش اللي أتنصل منكم وأنا اللي لميتكم وضميتكم في شلتي؟!!
أنا بس ماودي أحكي لكم عن شي وينتشر الخبر.وهو لسة ماصار شي!!!
رانية:ياحليلك!! شفتي هالمدرسة بطولها وعرضها؟؟ يدرون بسالفتك!! حتى أم سالم الفراشة جت تبارك قبل شوي!!!
............
............جزاكم الله خير أستكمل بعدين والمعذرة لو مصختها معاكم..بس والله الظروف هي اللي تجبر الواحد ينشغل بس بإذن الله ربي ييسرها اليوم وأخلص هالقصة على خير!!!
وأعتذر لكل وحدة على إطالتي لاتحسبوني استخدم أساليب التشويق والتحميس والكلام الفاضي هذا بس والله العظيم عندي ظروف!!!
 
يالله جوجو احنا في انتظارك لاتتأخري علينا
 
جيانه

قصتك حلوه بس هي حقيقيه ولا من بنات افكارك عموما في كل الاحوال ونستني القصه
 
هههههههههههههههه

المدرسه كلها عرفت
احلى شي تعليقات البنات هع هع
 
الحالة
مغلق و غير مفتوح للمزيد من الردود.
عودة
أعلى أسفل