اسمهان وعبدالرحمن!!جديدي لكم وبالأجزاء..عساه يعجب!!

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
&الجزء الثامن والعشرون&&
إلى أروع عضوات بالدنيا......
إلى من لاألقى دعم وتشجيع بكتاباتي في أي منتدى بقدر ماأجده بينكم....رعاكم الله ولاحرمني من ردودكم الرائعة التي هي بمثابة البلسم..(أقول اخلصي!!!!!!!:bleh:)
طبعاً مرت أحداث الأسبوع الأخير من الدراسة اللي بعده عطلة الربيع وشلة الصاعقة مشغولين بتحضير ترتيباتهم واسمهان ياغافلين لكم الله!!!
وكان آخر يوم بالدراسة وهو الأربعاء...وملكة اسمهان بتكون الأربعاء اللي بعده....المهم وقفوا الشلة يودعون بعض ..
أفنان:سمهونة بأقول لك شي..بس أمانة ماتزعلين!
اسمهان:خير ان شاء الله؟!
أفنان:الصراحة أهلي منعوني من حضور ملكتك وقالوا ماعندنا بنات يحضرون أعراس!!!
اسمهان:لا ياشيخة؟؟قولي غير هالكلام!أشوف ماشاء الله كل المناسبات السابقة اللي اجتمعنا فيها كنتي أول الحاضرين!
أفنان:أدري..بس هالمرة حكم القاضي وأبوي مدري اشفيه رافض!
اسمهان:ماعليك..بأخلي أمي تتصل تعزم أمك رسمي..
أفنان:لاتتعبين نفسك هي رافضة أكثر منه..وبعدين اجازة الربيع قصيرة وأقاربنا كلهم مجتمعين وأمي ماعندها استعداد تضيع يوم عشان تحضر فيه مناسبة!!!!!!!!بس مايهمك أعوضك بالزواج!!
وقامت اسمهان تناظر أفنان بخيبة أمل لأنها ماتوقعت عدم حضورها!!
نجلاء:أنا بعد يااسمهان المعذرة منك بس صدقيني مو بيدي!!أبوي مصمم نستغل الاجازة بما إنها قصيرة ونسافرمن بكرة للمدينة!!!
اسمهان:حرام عليكم!اش قاعدين تقولون؟؟؟؟؟تكفون عشان خاطري اضغطوا على نفسكم شوي!!!!!
أفنان:هذي قرارات عُليا!يعني ماباليد حيلة سامحينا!
اسمهان (بعصبية):وانتم يالباقيين؟من منكم بعد وده يعتذر؟؟قولوا لاتستحون!!ناوية تعتذرين انتي بعد يامرام؟؟
مرام:لا أنا جاية ان شاء الله بس مثل ماانتي عارفة ملكتك بتكون يوم أربعاء..وأختي عندها ضغط بالمشغل ومحتاجة أحد يساعدها بالاستقبال والحسابات ولازم أكون معاها..يعني حتى لو جيتك راح أضطر أتأخرمرة..ويا ألحق على زفتك يا ماألحق!!أنا وحظي!!
رانية:لاتخزيني بعيونك اسمهانوه!!أنا جاية.. بس يتوقف هذا على اللي بيرضى يجيبني!!لأنه الأسبوع اللي بتسير فيه ملكتك كله مناسبات عند أقاربنا..أخاف يقولون أهلي خلاص كفاية مو كل يوم وانتي بعرس!!!!
اسمهان:الله يبشركم بالخير!بس ماهقيتها منكم!جاملت كل وحدة فيكم بمناسباتها..وتوقعت انكم بس تسمعون بملكتي بتفزون تساعدوني وتكونون حولي بس للأسف طلعتوا أي كلام!!!!!!
نجلاء:ياشيخة لاتهتمين..مثل ماقالت أفنان نعوضك بالزواج!!!!!
اسمهان:أي زواج؟؟ أنا أبيكم بملكتي..الملكة فرحتنا حِنا أهل العروس ومناسبتنا اللي نستانس فيها براحتنا من أول الليل لآخره....لكن الزواج من اختصاص أهل العريس يعني احنا بنجي فيه ضيوف ولابأنزف إلا آخر الليل يعني مابتستفيدون من حضوركم بزواجي شي!!!!!!!يلا الله يعين والله يعوضني بحضور بنات خوالي وأعمامي!!!
وحسوا الشلة بضيقة اسمهان وواجهوها بالصمت وودعوها...وبدأت الاجازة..وبدأ أبو اسمهان بعزيمة أهله وأقاربه للملكة....
ويوم الخميس كانوا ابتسام واسماء واسمهان وأمهم جالسين ورن التليفون وردت الأم وكانت المتصلة عمتهم شريفة (أخت أبوهم)..وبعد السلام والسؤال عن الحال..
شريفة:صحيح ياأم محمد إن ملكة اسمهان الأربعاء الجاي؟؟
الأم:ايه صحيح..وننتظركم ان شاء الله..
شريفة:ومين بتاخذ؟؟؟؟
الأم:ولد فلان الفلاني(وقالت لها الاسم)
شريفة:وعساهم بس ناس زينين؟؟
الأم: أكيد!!يعني حِنا بنقط بنتنا بحلق ناس مايسوون؟!!!!!!!!!
شريفة:لأني ماتوقعتها منكم هالحركة بصراحة!شلون تنخطب اسمهان وأخوي مايشاورني؟؟؟؟؟؟
الأم:ولامؤاخذة يعني!بس يشاورك ليش؟؟
شريفة:لأن كان نفسي في اسمهان لولدي فيصل!تروحون انتوا تعطونها للغريب؟؟؟؟
الأم:والله ياحبيبتي..ماعمرك لمحتي لنا من شرق أو غرب انك تبينها لولدك..حتى ننتظركم!! ولا حصل انك تقدمتي رسمي..لكن ولد الناس هذا جانا ودخل البيت من بابه وطلب البنت رسمي!!
شريفة:الله يعوض علينا بس!مع اني دارية انها لو تلف الكون كله مابتلقى مثل ولدي فيصل أخلاق وذوق ونسب ووظيفة!!
الأم:انتي متصلة تباركين لنا وتعرضين فزعتك معنا بالملكة؟؟ولا لك قصد ثاني وأنا مافهمتك؟؟؟
شريفة(من ورا قلبها):مبروك...وسلمي على الجميع..مع السلامة!!
الأم:مع السلامة....
وصكت السماعة .......وقالت:استغفر الله!!
ابتسام:مين هذي يمه؟؟
الأم:عمتكم شريفة!
اسماء:يوووه قطيعة!!واش تبي؟؟
الأم:ماتجوز عن طبايعها!نفس الحركة اللي سوتها أيام خطبتك يااسماء رجعت تعيدها..لايمكن تتصل تقول مبروك من قلب صافي!!لازم تعاتب وتقول كالعادة كنت أبيها لولدي فلان وليش تعطونها الغريب؟!! وهي أصلاً ماقد خطبت لعيالها من عندنا!!!!!!!!مدري اش القصد تبيني أكتب بناتي باسمها ولا اش سالفتها؟؟؟
اسماء:هالحين من زين عيالها ولا من طيب عودهم؟؟!!!!صايعين ضايعين!!وكل يوم بديرة ولاشهادات زي الناس ولامرجلة!وفوق هذا كله دايرة تمدحهم من بيت لبيت وتلمع صورتهم!كأن الناس اللي حولها ماعندهم عقول ومايدرون عن سوالف عيالها!اللهم لاشماتة بس!!!!
اسمهان:إلا الحمدلله انها ماخطبتني رسمي لأحد من أولادها!!أتوقع أبوي ماكان يردهم لو خطبوني!
الأم:ليش يمه؟؟على بالك أبوك مايبي مصلحتك؟؟صحيح انها أخته..بس الحق حق عيالها الله يعافيهم ولايبتلينا أخلاقهم طايحة بالأرض..وسمعتهم مو ذاك الزود..وأتوقع لو بتخطب لهم من العيلة محد بيوافق!!!
.......وبعدها بكم يوم بدأوا الأهل والأقارب يهلون ويزورون أهل العروس اللي مستأجر منهم برة واللي عنده بيت..واللي جالس عند أقاربه اللي بنفس الديرة وكان عند اسمهان خالة اسمها(نوال) وكانت ماشاء الله عليها انسانة ملتزمة وماترضى بالغلط وبناتها محبوبات عند اسمهان..
زارت أهل اسمهان قبل الملكة بكم يوم وكانوا اخوات اسمهان وأمها وسماح زوجة محمد قاعدين..وكانت تقدم لهم نصايح..
الخالة(نوال):اسمهان حبيبتي..مبروك خطوبتك يابنتي وعسى الله يجمع بينكم في خير..ويجعلكم دوم برضا وسرور...قولي آمين
اسمهان:آمين..
الخالة(نوال):شوفي يابنتي..أول يوم بتجتمعين فيه مع خطيبك وتقعدين معاه هو يوم الملكة..وعشان تكون بدايتك معاه مباركة من أولها فابعدي قدر استطاعتك عن كل معصية يابنتي.....
اسمهان:ان شاء الله.....
خالتهم نوال:لاتكون ليلتكم طرب وموسيقى..
الأم:لا لا تشيلين هم يانوال حِنا حريصين على هالشي واشترطنا على الطقاقة تجيب دفوف بس وحتى كلمات العشق والغرام تحوِرها لمعاني زينة!
خالتهم نوال:بارك الله فيكم...وان رحتي يابنتي للكوافير لاتخلين الساعات تمر عليك بغير فايدة خذي معاك كتيب صغير واقرأي فيه عشان تستفيدين..أو استغلي الوقت بذكر الله والتسبيح والاستغفار والتهليل والتكبير بتلاقين الوقت مر فيك بسرعة من غير ماتحسين واستغلتيه بشي مفيد وانكتب لك أجر عظيم وماأدراك بفضل الذاكرين والذاكرات....
اسماء:جزاك الله خير ياخالتي..نصايحك درر.
نوال:ويابنتي ابعدي عن الحرام بكل أمورك لاتضحك عليك احدى هالكوافيرات وتقول لك نوصل لك شعرأو رموش!أو نحشي لك شعرك بحشوات تخلي راسك مثل سنام الجمل!!ترى هالصنف من النساء نسأل الله السلامة لايدخلون الجنة ولايجدون ريحها!!!!!!!
اسمهان:ان شاء الله....
نوال:والنمص بعدي عنه الله يرضى عليك..كِلِش ولالعنة الله اللي تحل عليك بسبب كم شعرة تشيلينها!!
اسمهان:ان شاء الله.
نوال:والوشم..وكشف جسمك قدامهم لأي سبب تجنبيه يابنتي..
اسمهان:ان شاء الله..
نوال:ولا أوصيك يابنتي الحياء مطلوب قدام العريس حتى لو تصنع!!
اسماء:في هذي ماأضمن لك اسمهان!!
وقاموا بنات الخالة نوال واخوات اسمهان.. وسماح يضحكون.....
نوال:لا ان شاء الله إنها قدها وقدود...وخلك ناعمة ورقيقة في كلامك وتصرفاتك يابنتي..لأنك بهالمرحلة تكونين تحت المجهر وانتي ماتدرين!!من بدايتك معه بيحكم عليك على طول كيف بتكونين بعدين فخلي بدايتك زينة!
اسمهان:ان شاء الله..
نوال:ولاتكونين قدامه كتاب مفتوح مفضوح!!
فيه كلام كثير يابنتي لازم تكونين حريصة انه مايطلع قدام خطيبك!!
ابتسام:وضحي ياخالة مافهمنا عليك..
الخالة نوال:يعني بعض أسرار العائلة..أو الصديقات أو حتى أسرار عن نفسك..في أشياء من الأسلم إنه مايدري عنها شي..
اسمهان:ان شاء الله..
الخالة نوال:وكوني حريصة بكلامك وحذرة في انتقاء ألفاظك وتنميقها..
اسماء:ياخالة أختي ثقافتها انجليزية! اسمهانوه خالتي تقصدلازم تسوين كونترول على لسانك وانتي تكلمين المعرس!!تكفين..حِنا ماصدقنا متى تجي اللحظة اللي بنفتك فيها منك!!انتي لو تكلمينه مثل ماتكلمينا فأنا ضامنة انك راجعة لنا وورقتك بإيدك!!
الجميع:هههههههههههههه
الخالة نوال:فاولي خير الله يصلحك ياأسماء..!سمهونة قلبها أبيض من يومها..أهم شي يابنتي انك تحاولين تكونين بأحسن صورة قدام ولد الناس ومايقدر يمسك عليك زلة..خليه بداخله لاشافك يقول ونعم التربية!
اسمهان:ان شاء الله.....
سماح:اللي تعد منكم كم مرة قالت اسمهان ان شاء الله ؟؟بأهديها عريس من عندي!!!
بنات الخالة نوال:5 لا لا 6..أنا أنا سبقتك!!!
أم اسمهان:حليلكم بنات هالزمن كيف مشفوحات على الزواج!!!!!
وقام الكل يضحك......
سماح:لاتصدقوني ترى أمزح..!!!
اسمهان:خلصت نصايحك ياخالة؟؟؟تراني بحاجتها!لأنها مو مثل نصايح بعض ناس كلها تشمت وتشفي!!!!وتناظر بطرف عينها لأسماء!!!!!!
الخالة نوال:والله الحديث يطول يابنتي بس هذا اللي براسي هالحين وقلته...
........وعدت هالزيارة على خير وبعد كم يوم كانت الملكة!!!!!!
انتظروني في الجزء القادم(جزء الملكة)بيكون بإذن الله حافل بالأحداث!بس بياخذ شوية وقت لأنه اسمهان محتاجة فزعتي!!ههههههههه
 
تسلمين يالغاليه بس لالالالاتتأخرين علينا من زمان وانا انتظر الملكه :icon30::icon30::icon30:
 
الصراحة كلمة إبداع شوية عليج ...

ما ادري دايماً النجاح يكون له أعداء ...

أو يمكن إن الغيرة ذابحتهم من جذي ما يبونج تواصلين في هالموضوع ؟؟؟

بس انا اقول لج ما عليج منهم ..

ترا كل اللي تقولينه يصير في كل بيت وفي المدرسة وفي كل مكان ويمكن أردى من جذي ..

وانا اقول لج واصلي في ابداعج ورسمي البهجة على وجوه عضوات المنتدى ..

وانتظر ملكة أمهان وعبدالرحمن والمواقف اللي بتصير فيها على أحر من الجمر ...
 
جيونة ربي يسعدك ويحفظك ياااااااااااااااااااااارب
يا اجمل كاتبه في الدنيا
 
رووووعه ماشاء الله عليك ..

الله يسعدك ياقلبي وبانتظــــــــــــــــاركـ ..
 
حبيبتي :icon26:جيوووونة شوفي اللي مو عاجبتها قصتك ياعمري فهاذي اكيييييييد تكرة الضحك والفرفشة مليون في المية الله يعينها على نفسها يعني اذا مو عاجبتك ياختي لا تقرين ولا تجرحيين في بنات الناس واما انتي يا قمر يا جيوووونة فنفسي اشوفك واعطيك بوسة على راسك لأن ماشاء الله لو ما هالراس اللي ابدع بالقصة الرائعة ما كنا انبسطنا وفرفشنا جعل:c016::c016::c016: ربي يحفظك لكل عين ترجيك
 
ماشاء الله عليك ربي يحفظك ويسلمك من كل عين
تغيبي وتغيبي وترجعي لنا بأحلى جزء عسانا ماننرحم منك حبيبتي
 
ماشاءالله عليكي مبدعه و مفاجاتك كتير
طبعا هي في قالب نصايح ممنونون
 
الحمدالله على السلامه
القصه وااايد حلوه واللي مو عاجبته لا يقراها
الله يعطيج العافيه
بس حبيبتي بغيت أسال القصه كم جزء
متاااااااااااااااااااااااااااااااااااااااااااابعه
 
راح اقول لك شي واحد ((الشجرة المثمرة هي التي ترمى بالحجارة وارضاء الناس غاية لن تدرك )) اسلوبج قمة في الروعة فما عليك من احد ....... متااااااااااااااااابعين .
 
ما شاء الله عليك في قمه الابداااع الله يحفظك
 
جيونه قلبي

(لايضر السحاب نبح الكلاب)

ماعليك قلبي كملي

واتحدى اللي رسلت لك هالرساله احد يحبها او لها شعبيه كثرك انتي الله يلعن الغيرة

من فين ماطلعت ناس فعلا يحزنون فيهم عقد نفسيه وحابين يطلعونها

على الناس المحبوبين

احنا متشوقين لجزء الملكه على احر من الجمر ...

ولاتنسين الفرفشه والوناسه و(الرومانسيه)
 
الحالة
مغلق و غير مفتوح للمزيد من الردود.
عودة
أعلى أسفل