اسمهان وعبدالرحمن!!جديدي لكم وبالأجزاء..عساه يعجب!!

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
جزء رائع كما تعودنا منك
في انتظار الجديد ياحلوووه
 
انا متوقعة مواقف كتير بتضحك وقت كتب الكتاب وبعدو
جيوووووووووووووووونة كملي بسرررررررررررررررررررررررررعة
 
واااااااااااااااااااااااااااااااااي حدي اندمجت بالقصة لدرجة اني ماخليت احد ماوصيته يقرا الموضوع سويت دعاية قوية الصراحة تموت من الضحك ياليت دمي خفيف مثلك احس الدنيا بتصير احلى (لا تخافين من الحسد قلت مليون ماشاء الله)
 
كملييييييييييييييييييييييييييييييي
كملييييييييييييييييييييييييييي
كملييييييييييييييييييييييي
كمليييييييييييييييييييي
تكفيييييييييييييين
:bigsmile::bigsmile::bigsmile::bigsmile:​
 
الله يعطيج العافيه
مت اااااااااااااااااااااااااااابعه
 
يا حلوك ويا حلو قلمك ياجيانة

ربي يسعدك ان شاء الله

متابعة
 
بصراحه ابدااااااااااااااااااااع ,,,
تسلم اياديك ع القصه ,,
بانتظارك ياعسل ,,,
 
وصلت منأخرة بس الصراح ابداااااااع عيشتينا جو رهيب وذكريات قديمه
الله يوسع صدرك وفعلا خفة الدم شئ فطري مو اي احد يقدر يتصنعه
مبدعه يا جيانه
 
**الجزء الخامس والعشرون**
ياأحلى عضوات بالدنيا..فديت روحكم يالغوالي على هاالمتابعة المخلصة!!والله ينكسر خاطري لاشفتكم تقولون كملي كملي وأكون بعز انشغالي وتعبي اللي يمنعني أكتب شي!!لكن خذوا هالجزء وتستاهلون!!
طبعاً اسمهان بعد الحوار اللي دار بينها وبين أمها وابتسام طلعت غرفتها عشان تنام..ولكن هيهات يجي النوم عقب ماشمت ريحة تأخير للملكة والزواج لين السنة الجاية!!!!
قلبها تعلق حيل بولد الناس!!وصارت تبني آمال وأحلام وأشواق//على فكرة ترى هذي مو أسماء بنات!هههه
و...اتصل عبدالرحمن على أبوها وعبر عن رغبته بزيارتهم مع أعمامه والأب مالقى منهم مفر فقال:الله يحييكم!!
واتجه بعدها لأم اسمهان وقال:ترى الجماعة اتصلوا فيني وودهم يزورونا وأنا قلت تفضلوا عندنا الأربعاء وشكلنا بنخليها عزيمة عشاء!
أم اسمهان:طيب..ولو طلبوا تكون الملكة في الاجازة الجاية بتوافق؟؟
أبواسمهان:وليش هاالسربعة؟؟ كل تأخيرة فيها خيرة!!
أم اسمهان:ومادامك مبيت النية..إنك تأخر الملكة أجل على أي أساس عجلت الشوفة؟؟؟؟وإنت تدري إنه الولد بعد مايشوفها بيتعلق فيها؟؟؟وتبيه يصبر هالمدة كلها؟؟ لايمكن!!! والبنت بعد أنا جاسة نبضها وشكلها مستعجلة هي الأخرى!!!
أبو اسمهان:ماشاء الله!قيس وليلى على غفلة!!أنا مدري اش اللي عماني على عيوني وخلاني أوافق عليه بسرعة!!البنت بعدها صغيرة..ابتسام وأسماء قبلها زوجناهم يوم كملوا دراستهم..والمفروض إن بنيتنا اللي هي آخر العنقود نكون أحرص عليها ومانزوجها إلا لاضمنا شهادتها بيدها!!!على الأقل الثانوي!!
أم اسمهان:ياولد الحلال إنت لاتعقد المسائل!أنا أشوف إننا نملك بأقرب فرصة والزواج نخليه بعد سنة تكون البنت تخرجت من الثانوي..ويادار مادخلك شر!!
أبواسمهان:أخاف رجله كل يوم توطوط بيتنا بعد مايملك على البنت!!وأنا ماأحب هالسوالف!!
أم اسمهان:ماعليك..مع الوقت بيعرف طبعنا وبتكون زياراته محدودة..هذا شي مقدور عليه..إنت بس خلك في المهم وخلنا نعرف كيف نرتب أمورنا..لنا أكثر من خمس سنين مافرحنا!!تتذكرأيام زواج محمد واسماء وابتسام؟؟على كثر ماتعبنا وحِنا نجهزللبنات ونأثث لمحمد..إلا كان لها طعم خاص!!
أبواسمهان:صادقة ياأم محمد..إذن على بركة الله لااستقبلتهم يوم الأربعاء...بأشوف وش بيقولون وبعدها أسايرهم وأقول لهم شلون نتمم المسائل.
وفرحت أم اسمهان يوم لان راس الأب شوي وراحت تبشر ابتسام..وشوي ونزلت اسمهان وكان الوقت عصربعد ماالنوم جافى عيونها!!!
شافتها ابتسام وقالت:غريبة؟؟ليش مانمتي لهاالحزة؟؟؟؟
اسمهان:فكرت بكلامك..وقلت مايسيرتُمر الأيام وأنا ماجلست معك!!!!
أم اسمهان:اللهُ أكبر!!صدقناك! إلا جاية تتطمنين عن آخر الأخبار يا السوسة!!!
ااسمهان:ووين المشكلة؟؟لاعيب! ولاحرام! من حقي أتطمن على مستقبلي!!
ابتسام حبت تقلق ابتسام وقالت:أجل بأقول لك بكل صراحة ترى أبوي ماراقت له فكرة الملكة الحين وعصب وصمم يلغي هالخطبة من الأساس!!
اسمهان:لا..لا..لاتقولين..وقامت دموعها تقطر!!
وبعصبية قالت:وشفيكم علي ماودكم أفرح حالي حال البنات؟؟انسان وجاء خطبني وعجبكم..أجل ايش تنتظرون؟؟
أم اسمهان:استغفر الله..هالكلام اللي تقولينه أتمنى تجيك جرأة وتقولينه قدام أبوك لو مرة!!وش قلة الحيا فيك؟؟وميتة على الزواج ليش؟انتي بعدك صغيرة!والعادة الوحدة تتحمس لاكانت راعية بيت شاطرة وطباخة وتجمل..لكن انتي مانتكل عليك تقطعين سلطة!ولو دخلتي المطبخ ماتدخلين إلا عشان تسوين حلى ومرة تصيب وعشر تخيب!!
اسمهان:انتم عندكم الحياة الزوجية شغل و طبخ ونفخ وبس!!
ابتسام:طيب نورينا بخبرتك وعلمينا وشهي نظرتك لمفهوم الحياة الزوجية..يادكتورة؟!!!
اسمهان:الحياة الزوجية..حب وتفاؤل وتضحية ومودة وعواطف وعطاء...
ابتسام:وكم دبدوب وشموع معطرة وورد أحمر؟؟مو كذا؟؟هذا اللي انتوا فالحين فيه..من بره الله الله ومن جوه يعلم الله!!
اسمهان:وش المشكلة لاكانت الوحدة رومانسية وشاعرية...
ابتسام:لأنه الرومانسية اللي كلها شكليات خارجية ماتوكل خبز ياماما!!!المفروض الوحدة تزين داخلها أول..وتحرص تكون شاطرة بكل شي بشغلها ونظافتها وطبخها وواجباتها الاجتماعية مو بس أناقتها!!
اسمهان:الصراحة ومن غير زعل..كلامك بأسمعه من إذن وأطلعه من الثانية!لأني مااعتبرك انتي واسماء نموذج مثالي أقتدي به!!!
أم اسمهان:والله طالت وتشمخت!!بعدك مافقستي من البيضة..ولسانك ياطوله!!أجل لاتزوجتي بتشوفين نفسك علينا ولاتحترمينا!!
أجل اسمعي ماراح أقول لك أي شي دار بيني وبين أبوك عن موضوع خطبتك..يوم الأربعاء الجاي تعرفين كل شي بنفسك!!!
 
في الانتظار ياعسوله
لكن هاه موتاجلين القصه للاربعاء نفس خطوبة اسمهان
 
الحالة
مغلق و غير مفتوح للمزيد من الردود.
عودة
أعلى أسفل