اسعااااف حاله طارئه للجنوبيين الغربيين

  • بادئ الموضوع بادئ الموضوع مجروحهs
  • تاريخ البدء تاريخ البدء
مجروحهs

مجروحهs

New member
إنضم
2010/06/21
المشاركات
36
السلام عليكم يابلقيسيات
اتمنى تكونون في احسن حال
بنات اتمنى تفيدوني وتساعدوني في أزمتي والله تعبانه نفسيا أنا زوجي جنوبي غربي وكثيير فيه من الصفات اللي ذكرتووها ماعدا كم صفه منها مايحب الرومانسيه والجنس كثير أحسه بارد في كللل شي وانا شماليه غربيه
مشكلتي هي

انا وزوجي صار بينا خلاف كبيرطبعا قبل مااسمع عن الانماااط :21: واتفقنا نبتعد فتره عن بعض والحين أنا عند اهلي من شهرين وكم يوم وقالي بيجي ياخذني بعد فتره هو حددها( 3اسابيع) بس ماجاء وتخيلو حتى ماعبرني باتصال او مسج والله بموت من الصدمه
المهم الحين كيف اخليه يرجع بدون مااجرح كرامتي او اذل نفسي لانه هو الغلطان في كل شي و هو معترف انه غلطاااان كيف اخليه يتصل ويرجع يترجااني عشان ارجع
لاني احسه مايعرف يتصرف لازم حد يوجهه ويدله تكفووووووووووووووووون دلوني على طريقه مع هالجنوبي الغربي؟؟؟:icon1366:
 
ادعي ربي مالك الا هو حنا مابيدنا شي انتي بشهر كريم ومفتيح قلوب العباد بيد الله مااقول الا الله يرده لك ردا جميلا
 
اللهـــــــ يرده لك عاجلا ويفرج همك انا ماعندى خبره عاى هذا النمط شوفى الغربيات ان شاء الله يساعدوك
 

معليش عزيزتي بس أنا ما فهمت..؟

يعني هو طلب منك تروحين بيت أهلك...؟

اذا كان هو اللي طالب انك تروحين بيت أهلك فأنتِ غلطانة بأنك طاوعتيه لأنه ما طلب هالطلب إلا لأنه يبي يكون لحاله و انتي عطيتيه هالفرصة...

مدري وش أقولك لكن أدعي ربك أنه يهديه و يرده لك رد جميل..

بدت العشر الأواخر اغتنمي الفرصة و ألحي بالدعاء لله و أكثري من الاستغفار و الله يفرج همك..​
 
طيب خلي احد من اهلكم يتدخل
ولاتضيعي الفرصه عليك
مووووووووووفقه
 
الله يفرج همك ويرد لك زوجك استغلي هذا الشهر بدعاء وخاصه في

ساعة الفجر وبعد الفجر حتى طلوع

الشمس وصلي وادعي واستغفري وقبل الفطور
​
 
زوجك حبوبه جنوبي غربي يعني مافيه تصرف اصلا ولاتخلين احد يدخل بينكم لانه اصلا حساس وينجرح بس دايم يخبص شوفي احسن حل انك تكلمينه بطريقه غير مباشره يعني امشي على الجانب العاطفي اتصلي عليه وقولي انك تبغين ظروري مستشفى مافيه احد يوديك وبعدين استغليها فرصه وعلياك بانواع بالبكاء بس بطريقه ذكيه حطي انك ماتبغينه يعرف انك تبكين بس تطلع الشهقات غصب عنك
واذا قالك وش فيه قولي مافيه شي استمري في البكا وبعدين راح يسالك ثاني وافتحي الموضوع معه هو راح يعتذر بس اعتذاره بطئ وبطريقه صعبه على الشماليات لانهم كل شي يبجونه
المهم لانتتظرينه لانه لو انتظرتيه ماراح يجيك شخصيته كذا خليك معه زي ظله ولا هو مايعرف يتصرف اصلا لازم احد يوجهه
 
زنابق الود قال:
زوجك حبوبه جنوبي غربي يعني مافيه تصرف اصلا ولاتخلين احد يدخل بينكم لانه اصلا حساس وينجرح بس دايم يخبص شوفي احسن حل انك تكلمينه بطريقه غير مباشره يعني امشي على الجانب العاطفي اتصلي عليه وقولي انك تبغين ظروري مستشفى مافيه احد يوديك وبعدين استغليها فرصه وعلياك بانواع بالبكاء بس بطريقه ذكيه حطي انك ماتبغينه يعرف انك تبكين بس تطلع الشهقات غصب عنك
واذا قالك وش فيه قولي مافيه شي استمري في البكا وبعدين راح يسالك ثاني وافتحي الموضوع معه هو راح يعتذر بس اعتذاره بطئ وبطريقه صعبه على الشماليات لانهم كل شي يبجونه
المهم لانتتظرينه لانه لو انتظرتيه ماراح يجيك شخصيته كذا خليك معه زي ظله ولا هو مايعرف يتصرف اصلا لازم احد يوجهه
أنقر للتوسيع...
تسلمين الغاليه ع نصيحتك والله انك صادقه ماعندهم تصرف ابد بس احس مب حلوه اتصله لانه وعدني يجي وماجاء وع فكره اتصلتله بس مارد ولارجع يتصل فيني حتى وبيت اهلي في مدينه غير عن المدينه الي هو ساكن فيها يعني ماينفع
و ما احب الانتظار اكرهههههه شي اسمه الانتظار وهذا بيجلطني وش اسوي؟؟؟؟؟
 
مشكوراااات يالغاليات اسعدتوني بردودكم ونعم بالله الحي القيوم اللهم اني اسالك ان تسخر لي زوجي وترده لي ردا جميلا وتحنن قلبه علي ياااارب
 
هلا جنى (:
انا كنت طالبه اروح لانه خلاص الوضع صار لايطاق وهو كان رافض بعدين يوم شاف المسأله بدت تتعقد لانه هو حتى نفسيته كانت زفت اتفقنا نبعد فتره كل واجد يرتاح ويراجع نفسه وعسى النفسيات تتحسن وصراحه انا كنت حييييل زعلانه بس هو قالي لا تخبرين اهلك وانا عشان اعطيه فرصه ماقلت حق احد بس شوفي شو سوا؟؟؟؟؟؟؟؟؟؟؟؟؟
 
الغــــــــــاليه بقولج بحل بيعذبج بيجرح كرامتك ،،،، يباله سيطره على اعصابك،،،

الحل انك و بكل بساطه ترجعين بيتك،،،، لا تخلين له المجال بغيــــابك

قوليله هدأت اعصـــابي فحبيت ارجع بيتي ،،، وبس

ترا الجنوبي ما عنده كلمه،،، يعني لا تاخذين على كلامه شو قال،،، و ما يعرف يتصرف فلا تحطين استقرار حياتك بيده،،، و عاطفي واااااااايــــد يعني بيفرح برجوعك بس بيكابر شوي،،،،

اذا جد تبغينه تحركي،،، بيضيعك يالشماليه انتي و مثالياتك هالجنوبي الغربي

صارتلي هالحركه من قبل وكنت مصممه ما ارجع الا اذا هو جاني،،، ولا كان يتصل ولما اضغط على نفسي واتصل مااااااايرد،،،، بس بعدين جاتني عمتي و اقنعتني ارجع،،،،

لما رجعت عصب وكابر ،،، بس بعدين كانت فرحته وشوقه ما ينوصف،،،،

نصيحه لا تعودين الجنوبي الغربي على غيابك ،،، على الأقل اتصلى او طرشي مسج،، واذا تبين رايي ارجعي،،، جد بيقدرلج هالموقف بعدين بعديــــن
 
الله يكون في عونك
انت نفس سالفتي تقريبا
زوجي غربي وكله يقولي ليش ما تروحين عند اهلكك
بس انا احقره وما اروح لانه ما ابغي اخليه على كيفه
بس صج والله حيرني
ليش هم كذا

وترى عادي روحي عند بيتك مع احد من اخوانك
وكأن شي ماصار
بعذر ان انك تنظفي الشقة
ترى والله هالنوعية ماينفع معهم الا كذا
خلك عله
لاتخلينه بكيفه
وصدقيني بدايتها صعبه بس بعدين راح تضحكي على روحك
ولاتنسين رب خلق ما ضيع انك تدعين بالحاح
وما اوصيك بسورة البقرة
 
ردي بيتك حبيبتي طالما إنت ما طلعتي من البيت بنية الطلاق .وخلي أمر رجعتك عادي شئ طبيعي إني برد بيتي!!!!!

الله يوفقك ويسخرلك زوجك
 
صح زي ماقالو البنات روحي البيت وفاجئية بحفله ولا حاجه كبيرة وحطي انك مازعلتي منه انتي زعلتي من تصررفه هذي النقطه ظرروريه عند الجنوبي الغربي لانه يدور الي يحبونه ويموتون فيه وتراه سهل ان اي احد ياخذه منك ويضحك عليه ارجعي لبيتك احسن لك وخلي عنك الكرامه ولاانفه مانتفعك الله ييسر لك
 
الله يرده لك ان كان فيه خير لك ياااااارب
بس ما كنت اعرف انه الجنوبي الغربي ماعنده حسن تصرف
انا زوجي جنوبي غربي
ما احس انه اسلوبه هو لو يبغى شي والله يعرف يجيبه
بس بما انك خرجتي فارجعي بكرامتك ولا تتصلي عليه خليه هو اللي يتصل
ويجي يرجعك
ولو انا مكانك لو كلمني وقلي بجي ارجعك مثلا اليوم بقوله لا خليها بكره او بعد بكره عندي كم شغله ابغى اخلصهم مو لشي بس عشان احسسه اني ماني على كيفه وانه وقت ما انا برجع برجع
وبعدها بيومين اتصل عليه يجي ياخدني
طبعا هذا لو مكانك وللعلم انا كمان جنوبيه غربيه يعني امكن هذا الاسلوب مايناسبك
بس انا اشوف دا الاسلوب اللي يناسبني لو اني مكانك وانتي لك حريه التصرف
ونصيحه مني اكثر من الاستغفاااااااار وان شاء الله بيرجعلك
والله يسخركم لبعض ياعيوني ويحفظكم​
 
ونسيت اقولك لو جا رجعك لا تبيني انك زعلانه بالعكس حسسيه انك مبسوطه ونفسيتك مرتاحه
ولا كانه صار شي​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل