اسطوره عذااب حياكم وحدي تتعابنه نفسيااا جزاكم لله خير دخلوا من فضلكم ...

[أسطورة عذاب]

السلام عليكم ..​

اشحـالكم شو اخبااركم ان شاااء لله بخير ...​

اناا قصتــي شوي طويله لكن بحاول اكتبهاا لكم باختصار ان شااء لله ​

اول شي ابي اكون قريبه من ربي لكن مو قاادره .. اناا من عمري 14 سنه تعلمت اول شي منتديات وحبيت منتديات وايد واقراء مواضيع وارد على مواضيع والحمدلله ..​

كنت اخذ مواضيع حلووو مثل ظبخ والحمدلله .. امي واخواني شبااب يقولون انتي فااهمه حياه وعارفه امور بيت الحمدلله وحتى الاطفال عندج عنايه عليهم والحمدلله ..
بعد فتره فتح ايميلات تقريبااا 17 ايميل وكله في الشبااب وبنات .
واضيف شباب من منتديات ...بعدين كرهت شي اسمه النت ورحت عالم ثاني هو مبايل اكلم شبااب وبنات طبعا مو مبايلي خاص هذاا مبايل من وحده من ربعاتي ..طبعاا بس تكلم معاهم في مبايل شبااب بس بدون صوور بل مااطلع من البيت وجي والحمدلله يعني بس مبايل ..
مع الايام مليت من شبااب رحت اشارك مواقع تعارف بنات وشبااب وطبعا تعرف عليهم وبنات يكلمون تقريباا فووق 100 ولد وشبااب اكثر من 100 بنت بعد واكثر ..​

بعدين مليت بعد ..اهلي انصدموا يقولون وووين كنتي نعرفج تتدخلين مظبخ وتنظيف البيت وووينج كله في غرفتج شوو فيج ​

قلت ماافيني شي بروحي لكن مالي خاطر تتعابنه شوي ..​

بعدهاا انحرااف اكثر الشات صوتـي ..سوالف وضحك وصرت مراقبه في الشات صوتي ..طبعاا كل شبااب الشات كانوا يبوني مصلحه عشان انام معاهم لكن هذاا شي عندي في احلام ..​

هذاا كلام سنه مع سنه مع سنه كل شي يصير في ترتيب ..​

عمري 20 سنه ودخلت كليه الحمدلله وبعدي فااهمه حياه هذاا صح وهذاا غلط واعرف بعد لكن انحرااف دخل برااسي احس ان رااسي بنفجر ​

تعرفت على بنات كليه وصار معاايه موقف دخلت دوره مياه وجان اعطي ربعتي مبايلي وطولت في دوره مياه رحت ربعتي تسرق الارقام كلها من مبايلي ​

طبعا اناا كاتبه بوعلي وبومحمد اخواني شبااب اخر يوم في امتحانات رحت تقول للبنات كل كلاس طلبعاا حبووبه مع الكل اناا اعرف وايد بنات في كليه الحمدلله رحت تقولهم هذي بنت تكلم شبااب ​

طبعاا حالتي نفسياا تتعابنه ووايد ..​

بعدهاا ناسيت ..​

حالياا حين ادخل الشات صوتي عشاان انسى ماضي وانسى شبااب وبنات وكلهم واضحك واسوالف معاهم وقتي كله معاهم ​

مبايلي ثاني ؤالارقام غريبه وايد شبااب وبنات ماارد عليهم مبايلي اكثر الاوقات صامت في درج بعد
ياليت لو ارجع مثل قبل ​

تصلت على وحده من بنات وقلتهم قعدوني عشان صلاه يقولون مره مااعندهم رصيد ومره يقولون ناسيناا كل وحده طلع حجه عشان ماتصل ​

وربي وربي دورت بنت من النت عشاان ترووح للقرب ربي
كل ماادخل منتديات حالياا اطلع على طوول مااقدر تحمل كله ارووح الشات صووتي وصلاه تاخر عليهاا وايد​

يوم اضاايق اسمع الاغانــي وعندي 17 ماادخل حين ولا واحد فيهم بعد والحمدلله فااهمه حياه عدل وفااهمه صح ولين غلط واهلي واثقين فيني وايد الاوقات يطلعون من البيت برووحي في البيت الحمدلله ..لكن شوو بيدي شو اسوي يااربي ؟؟؟​

حاليا انام سااعه 4 العصر اقعد من نوم سااعه 6 مغرب وبعدين ارجع انام لين سااعه 10 بعدين سهر لين يووم ثااني ..​

حالتي نفسيه تتعابنه حيل واللهـ ابي حد يشجعـي يساعدنـي والله ​

ياليت تتدخل مواضعي عندهاا حل تقول ولا دعااء ولا شي لوو حتى جدول وتقول شوو اسوي وربي بكون شاكره لكم من قلبي ​

انتوحسيت اقرب نااس لي ..​

سمووحه طولت عليكم لكن هذاا باختصاار اي شي عنده سؤؤال من عيووني برد عليكم بصرااحه ..​

هذي اسطوره عذااب واكثر بعد ..​

سموووووحه منكم ..​

 

[أسطورة عذاب]

تاريخ الميلاد ؟ 25_1_1990

مكان الميلاد ؟الامارات

الحاله " مخطوبه – مطلقه – عازبه " ؟ عازبه
​

الدرجه العلميه ؟ كليه سنه ثانيه

درجة الإلتزام بالدين ؟ يعني مو وايد



هل انتي مداومه على الصلاة في وقتها ؟ لالا بصراحه

المستوى المادي للأسره ؟ الحمدلله

الترتيب بين افراد الأسره ؟ اصغر وحده بينهم بين شبااب وبنات 9

عدد الأخوه والأخوات ؟ بنات 5 وشبااب 4

علاقة الوالدين ببعضهم ؟ الحمدلله اووك مع بعض

علاقة صاحبة المشكله ببقية الأسره ؟لالا
​

هل يوجد زوج ام و زوجة اب ؟لا

علاقتك مع زملاء المدرسه / العمل ؟ قبل اوووك حالياا لالا لكن حين بروووح ادرس كليه ثاانيه ان شااء لله خير

هل تعاني من امراض عضويه او نفسيه ؟ لالا الحمدلله

الحاله النفسيـه حاليا ً عند كتابة الإستشاره ؟ مرتاحه واتنمى احصل حل اقرب وقت

مدة المشكله منذ بدايتها حتى الآن ؟ من عمري 14 لين حين عمري 20 طبعااا فترات كل سنه يصير شي
​

نقاط ضعفك ؟ ناادر يووم اذكر مااضي وايد في بالي ماايرووح



نقاط قــوتك ؟ ماشالله عندي قووه اخواني شبااب ماشالله عليكم مشددين وملتزمين الحمدلله
​

 

[ملاك المستحيل]

يسعدني ان اكون اول من يرد عليك اختي..
*تقريبا جزء من كلامك مافهمته-عشان لهجتك-
بس ان شاء الله بحاول اساعدك..
اول شي لييييييه تخربين ثقة اهلك فيك؟ ارحمي اخوانك..
والله اللي تتكلمين معهم مآآآرح ينفعوووك ابد..بس ماخذينك وناسه وسوالف..
انا إن شاء الله بدعيلك بالهدايه..
*اتوقع ان الحل هو انك تدآآومين على الصلاة وتاخذين على نفسك عهد
انك تداومين عليها حتى لو كنتي عالشاة تطلعين عشان الصلاة..
*خليك قريبه من اهلك والناس اللي حولك واشغلي نفسك فيهم..
*اقعدي مع ناس ما يفكرون زي كذا..عشان تصيرين زيهم..
*حددي وقت تجلسين فيه عالنت..
*الحين حنا برمضان خليه بداية هدايتك-ان شاء الله-...
لآآآزم تعرفي ان هذا معصيه عشان تحسين بتأنيب الضمير وتتركيه..

**هذا رأي اختك ملاك والله ضيقتي صدري بس ان شاء الله انك تتركيه
عآآجلا غير آجل وترتاحي نفسيا..
الله يهديك ويصلحك ويخليك ويطول بعمرك على طاعته..
اسطورة عذاب-اسطورة ونآسه<<خخخخخ ان شاء الله اشوفك كذا..
محبتك: ملاك المستحيل,,

 

[اسيرة ذكرياتها]

اسطورة عذاب
ماعندي معلومة اوشئ اساعدك بيه كثير
لكن حاولي الابتعاد عن الشات ومحادثة الشباب
وويبدو ان لديك رغبة في الالتزام والعودة الى الله
اكثري من سماع القران وكل ماجاك هاجس فيه معصية لله استعيذي من الشيطان واكثري من الاستغفار
البنات اللي تتحادثي معاهم اذا لم يريدو مساعدتك فاتركيهم بدون تردد
هذا مالدي و اسال الله العلي العظيم في هذا الشهر المبارك
ان يوفقك للخيروالصلاح والهدى وان يجعل منك داعية للخير وان ينفع بك الاسلام والمسلمين
اللهم امين

 

[مسك المدينه]

قريت قصتك واقول لك احمدي الله مادامك حسيت بالعذاب اللي انتي فيه واسمحي لي هاذا البعيد عن الله وهذا باءذن الله قائد لك الى التوبه توبي توبه صادقه من اعماق قلبك وتوجهي الى الله في هذا الشهر الفضيل وابكي وانتي تدعين وادعيه ان يمسح كل مامر في حياتك وابدئي صفحه جديده مع الصلاة القرآن الدعاء والله ثم والله سوف ترين تغير جذري كبير في حياتك ...اتمنى لك توبه صادقه وادعو الله ان يهديك الى طريق الصواب ويبعدك عن طريق الخطأ...