استفسار عن مصر

[اغلى حب]

السلام عليكم
ودي اسال عن محلات شنط الماركات العالميه وين احصلها ومحلات قمصان النوم ومحلات ملابس الاطفال وصنادل الاطفال الماركات ..
واي شي حلو استفيد منه في مصر
شاكره لكم....

 

[وله المشااااعر]

حبيبتي أغلى حب

في موول حلو بمدينة نصر اللي في القاهره واسمه ستي ستار
وراح تحصلين كل شي فيه واغلب الماركات موجوده فيه
بس اذا انتي من الخليج عندكم ارخص
هنا الاسعار غاليه عندهم لانها بضائع اجنبيه..لأن عندهم الضرائب هنا
انتي براحتك انا اغلب اشيائي اجيبها من الرياض او أخلي اهلي يرسلونها لي.لان نفسها موجود عندنا بالسعوديه احصلها هنا عندهم السعر دبل
وانت براحتك

أي استفسار من عيوني

 

[اغلى حب]

شاكره لك وله المشاعر...
بس وش رايك اخذ ولدي معاي عمره سنه و6 شهور وايش احتياجات الاطفال هناك

 

[وله المشااااعر]

هلا حبيبتي
أنتي ماذكرتي كم فترة تواجدك هنا بالقاهره.........أذا كانت قصيره وبتسكنين بفندق وكانت أجازتك قصيره او بتاخذين شقه اذا اخذتي شقه انتبهي من الشغالات

واهم شي زوجك ماعنده مانع انكم تتركون ابنك عند اهلك
يكون أفضل تخلينه
وتقدري تجيبيه معك هنا لأن سنه كبير شوي يعني يمشي وماراح يعذبك

وفيه العاب في اغلب الأسواق عندهم............وهذا شي راجع لك ولزوجك من ناحية ابنك أذا متعلقه فيه حييل وتقعدين كل شوي تفكرين وبالك مشغول وتقلبينها عكننه على زوجك هههههههههههههههههه
الافضل تاخذينه
الجو هنا حلو بالنهار حار شوي وفي الليل يجنن الهواء بذات على النيل
يعني جيبي معك ملابس صيفي للجميع

أي خدمه من عيوني

والله لو ماعندي سفر بعد عشر ايام كان اعطيتك رقمي وقمت معك بالواجب

أي أستفسار من عيوني

 

[صرخة انثى~~~]

افضل سوق ستي ستار وانصحك ماتاخذين ولدك لانة راح يتعب ويتعبكي اتمنى لك رحله سعيده