استفتاء:لحظة صراحة 2 : الخلافات المادية بين الزوجين

هل الماده سبب لبعض خلافاتك الزوجيه؟

  • نعم

    الأصوات: 512 85.9%

  • لا

    الأصوات: 84 14.1%
  • مجموع المصوتين
    596
انا اشارك بالمصاريف
نصف الاجار لان الحكومه تعطيني بدل اجار و ادغع جزء منه للاجار
و
 
ادفع ثلث مصروف الاكل و لا يعطيني زوجي مصروف لكنه يشتري لي الهدايا في المناسبات و يخرجني و يفسحني كل اسبوع
و السبب اني عامله و راتبي اقوي من راتب زوجي و راتبه ليس قويا كفايه
حاولت الثوره لكني سببت الكثير من المشاكل وو جدت ان المهم العيش بسعاده مع زوجي و هدوء و الحمدالله الله مغنيني و هو لايصرف النقود بل يجمعها لمستقبلنا
و هذا هو الزواج مشاركه و تعاون
 
انا الحمدالله اانا مااشتغل بس ريلي مب حسسني باي نقص
بس اذا اشتغلت لازم اشارك بالمصروف واساعده
وبالنسبه لميمو قطر
انتي اشلون سمحتي من بدايه زواجج بهاي الشي صراحه وايد شي صعب بس انتي الحين عندج عيال
بس حاولي باسلوب حلو والوقت المناسب اذا احتجتي مبلغ من المال عشان يعطيج وهو راضييي
 
أشكرج وايد ياقطريه حساسه على النصيحة والله يهديلج زوجج
 
قطريه حساسه أرجو لوسمحتي تتقبلين نصحتي بصدر رحب ولاتسمحين لنفسج أن تساعدين زوجج لأن من كلامج فهمت مايقصرعليج وعنده الخير فليش أتفكرين أتساعدينه
 
انا لان انا جاتني وطيفه واحتمال اشتغل في نفس اداره زوجي
بس لوسمحتي مارديتي على سؤالي انتي عندج عيال ومن جم سنه متزوجه
 
أحترسي وايد وخلج واعية أكثر أذا زوجج نفس نوعية زوجي ونادر الرجل يذل نفسه واناأتعجب منه أشلون ينزل نفسه لين ألحين .
 
صج الماده اهي سبب المشاكل الأول بالحياة الزوجية

انا بصراحه أكره الساعه اللي صرت فيها مهندسه ومعاشي هالكثر!!

المشكله الرجل لما يستغل المرأة له مليوووووووون طريقة وطريقة !!

البعض يكون غبي ويستخدم الضغـط على زوجته

والأصعب اللي يستخدم اللين ويتمسكن لين ما يتمكن ...


نصيحتي لكل متزوجه :
لاتخلين زوجج يعرف اي شي عن رصيدج .. ويستحسن تخلين بطاقتج عند أمج وقوليله انج توفرين حق شغله في بالج ..
وسبحان الله في الدين الزوج اهو المسؤول يصرف على زوجته حتى لو كانت غنيه ...


واللي يقرى هالرد يدعيلي انه الله يصلح حال زوجي
 
بالنسبه لي أنا أشارك زوجي في مصروف الخادمة فقط وأشتري لأطفالي الملابس و ذلك بإرادتي لأنني أعلم برصيد زوجي و راتبه والمعيشه لدينا غاليه جدا ولايكفي راتب واحد فقط بسبب الالتزامات الكثيرة وأنا أعمل والحمدلله راتبي مكفيني و أدخر جزءا منه شهريا ..لو كان زوجي يملك مالا كثيرا وكان بخيلا لما شاركته لكنني أعلم بالحال ...
 
هلا ميمو قطر لا الحمدالله ريلي طيب واطباعه زينه بس انتي احترسي وحاول تغيرن حياتج
 
السلام وعليكم ورحمة الله وبركاته بالنسبه لموضوع المصروف فأنا ما أشارك فيه لأني لست امراه عامله ولكن المشكله اني من يوم ما صار عندي سيا ره أصبحت مسؤوله عن كل شي تقريبا يخص البيت والأولاد وطلباتهم التي لا تنتهي وأنا شايفه وعارفه أنو أحوال زوجي ممتازه والحمد لله ولكن هو دائما يكلمني بالمصروف وأنت مسرفه ولا عندك تدبير ما تحسين فيني السبب انو هو دائما يدخل نفسه بمشاريع لابد أنو يلتزم بالدفع فيها لكن أنا مو ذنبي أنا وأبنائي انو نعاني من هالموضوع كل العمر صدقوني والله اني ما أحاول اني أصرف أي شي من دون فائده ولكن ما شا الله العيال سته وأصبحوا كبار في سن المراهقه وعندهم طلبات كثيره وهو مو حاسس بهذا الشي صح هو يعطيني مصروف البيت وما يقصر والحمد لله بس بعد ما أكون سمعت ألف كلمه.ونصيحتي لكل فتاة مقبله على الزواج انه تفهم زوجها من البدايه انو مسؤول عن مصروف المنزل وما في مانع انها تساعده اذا كانت موظفه برضاها.
 
انا صراحه ربة منزل واغلب مشاكلي مع زوجي كانت بسبب الماده وحساباته اللي على كل صغيره وكبيره ..

حتى على القرش يطالعه قبل الريال وهذي مشكله كبيره سببت لي اشد الازمات النفسيه ..

اخيرا ..

وبكل بساطه ..

تماما تركت المصروف وماعاد اطلب منه ولاريال الا اذا هو بنفسه جاء وقال لي امسكي هذا مصروف البقاله

بيجي الحين وسلميه له ..

لاااااا ومستحيل اخذ منه ريال فوق اللي عطاني اياه للبقاله طبعا هذا مثال ..

وبالاخير افتكيت منه ومن غثاه واتلذذ لو لبست ملابس مقطعه ولا صرت اقرف واقل وحده بالعالم لاني احس اني

بكرامتي وماتهاوشنا على الفلوس لاني احس انها وصخ الدنيا خليتها له ..

صحيح اني مجروحه من كذا بس على الاقل اكره الوقه قدام وجهه علشان اقوله عطني مصروف واحمدي الله انك ماتظطرين

تاخذين من الرجال شئ لانه بيصير غصة نيران بحلقك ..وجمره تبلعينها ومسؤوووليه

الله يسخر لنا ازواجنا ورجالنا القرايب ويحنن قلوبهم علينا يارب ..
 
زوجي مايدفع دينار في البيت كلة علي مماسبب لي حالة نفسية سيئة ونتظر الوقت المناسب الذي يجتمع فية اهلي مع زوجي واكلمة في الموضوع
 
انامتاكدةان كل وحدة مو موظفة تتمنى الوظيفة وتحسد كل وحدة موظفة على معاشهاالي انا اعتبرة نقمة مو نعمة والسبب ان زوجي مايدفع دينار في البيت كله على راسي وذا كلمتة يقول معاشك موجود وانا والله مو مقصرة لاني اخاف الله في عيالي اكيد بتقولون عودتية حاااااااااولت ماكو فايدة مرة عيالي قعدو يبكون من الجوع وانا رادة من الدوام اقول للخدامة ليش يبكون تقول ماما ماكواكل قلت لها ليش مايقول حق بابا كان تقول ماما بابا مافية فايدة حتى السيلانية ناقدة علية
 
المفروض ان الزوج واجب عليه ان يصروف للبيت ويعطي مصروف لزوجته ليش عيل متزوج لازم يصرف وماتسكين عن حقج كزوجه حتى لوكان عندج دخل هوملزوم واطالبين بحقج باسلوب لبغ وحلو ولا بالغصب وبالعصبيه ماراح يفيد مع الرجال لو شنو سويتي بس انا مع تجربتي انا عودته من بدايه زواجي ان يعطيني مصروف في يدي وحساب خاص لي واشلون اقنعته قلت له خاطري احس مثل الحريم اللي عندهم حساب خاص بطريقه حلوه تكءسر خاطره وعلى طول فاد معاه فلازم الوحده تكون ذكيه
 
انا انشاء الله بشتغل قريب وزوجي شهر يعطيني وشهور ما يعطيني مصروفي بس ما يقصر في مصروف البيت وانا خايفه اشلون اواجهه وقوله اني اساعد بلمصروف بس بطريقه حلو مو كل مصروفي
 
اول يوم طلعت بطاقة البنك قوم الدنيا وقعدها ويقول ؟؟؟؟انا الرجال والبطاقة لازم تكون معاي...هني انا انهرت وحسيت الدنيا دارت فيني وقلت لة اسفة انا موراضية قال كل اصدقائي في الدوام معاهم بطاقات حريمهم اخذت البطاقة بالقوة والحين وبعد عشر سنوات زواج مااذكر مرة غلط وشراء شي لي او للعيال
 
صح ألسانج ياليلى 78الرجل يستهزئ بزوجته ويسئ لها أذا طلبت مصروف فهذا هو الرجل البخيل الذي أعتبره في نظري مايستحي على وجه لأن ينزل من قيمته أمام المرأه وأتحدث عن الرجل المقتدر وألي زوجته أتعرف أن عنده الخير من خلال صرفه على أقاربه والربع والميالس الليليه وألي يحب يصرف عليهم من خاطره أما زوجته فينفر ويعصب خاصه أذا عرف أنها تملك أي مبلغ حتى ولو كان بسيط فيهرب من أن يعطيها أي مبلغ عن طريق الصوت العالي أو يطنش ولا جنه سمعها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل