استغفر الله العظيم..

[اميره الذوق]

:sadwalk:

اهلين..

عندي اشكاليه مع البيه حقي..مدري هي مشكله او انا مكبرتها في عيني..


هو شماااالي اول زواجنا كان وش حلالاته فيه بعض المنغصات مثلا يدخل المطبخ ويصلح له الي يبي؟؟؟ قلت ممكن يستحي يقولي سوي لي كذا؟؟


اشووووفه متضايق ومستحيل يقولي وش الي مضاااايقه..يحب النت..قلت مابعدتعود لي

المصيبه انو الحين صار اكثر جفا(بعد سنه وشوي ) طوول اليوم ساااكت..(وهو طبيعته قليل الكلام)

24ساعه قدام النت بحجه الشغل؟؟


اذا كان فاضي شاف فلم ع الجهاز؟؟؟طيب انا وين من قاااموسك

احيانا يطلع وما يقولي وين ويتاخر.

صحيح اني تعلمت من المنتدى بس والله تعبت وطفشت

قهر ابتسم عنده ..بعدها اطلع ابكي في غرفه ثانيه(الشمالي يكره الدموع)

يشوفني تعبانه مايسال:sadwalk:
الحمدلله من ناحيه بنتنا هو كويس معاها ومايقصر في شي..

ماديا الحمدلله زين ولو انه حريص..

الجنس ساااعات كل اسبوع وساعات كل شهرين؟؟؟

ماااااااااااافيه تواصل بينا ابد


في نظركم وش الحل.؟؟؟؟؟؟؟؟؟؟؟؟؟؟؟؟؟؟

 

[اميره الذوق]

نسيت اقول اني وبنتي في نظره قلق ؟؟؟؟

هي طفله تحب تلعب وكثيره الحركه..و بحكم انها متعلقه فيني فوين ماروح تكون معي ووين ما اجلس تجي


طيب انا وش ذنبي؟؟؟؟؟؟؟؟؟

 

[أنوار الولاية]

حاولي تقسمين وقت يعني مثلا عودي بنتج ان في هالساعه تنام او اشغليها باي شي عشان تتفرغين لزوجك غيري شوي امممم حاولي تتقربين له باشياء يحبها

والله كريم

 

[اميره الذوق]

من قالك اني ما حاولت؟؟

بس عادي يجلس(وهو ساكت) او يسوي نفسه نايم واقوله خلي احط راسك في حظني يقول لا؟؟


صرت استثقل جلسته معي ؟؟؟

 

[وحيدة في الزحمة]

انصحج تقرين كتاب : رجال من المرخ و نساء من الزهرة
بيفيدج

ممكن تلاقينه في الانترنت مجانا

و الله يصلح حالكم و يوفق بينكم

و بعد اظن انه في المنتدى بتلاقين مواصيع عي كيفية معلملة الزوج الشمالي

و ان شاء الله تستفيدين
و لا تنسين الدعاء و الذكر و الاستغفار:
استغفروا ربكم انه كان غفارا يرسل السماء عليكم مدرار و يمددكم باموال و بنين و يجعل لكم جنات و يجعل لكم انهارا​

 

[تيماء3]

الله يعينك خلي لسانك دائما رطب بالاستغفار وبتتحسن الاحوال

 

[اميره الذوق]

يا حبيلكم...


قريت الكتاب وما استفدت شي..وبالعافيه خليته يقراه وماكمله يحس انها تفاهات؟؟؟

 

[فديت بنتي]

الله المستعان

 

[ضحكتي دموع]

حبيبتي اغلب الرجال كذا صعب انك تدخلين في عالمهم الخاص اذا كان رافض دخولك فية
لكن لا تياسين وحاولي تتقربين منة بوسائل اخرى ومو يقولون لكل رجل مفتاح خلاص اللة يعينك حاولي تعرفين مفاتيحة ومداخلها بس مع شوية صبر وطولة بال اللة راح ينولك الي في بالك بحولة وقوتة

 

[اميره الذوق]

والله احس قمه الاستغلال..وقد هو مايبيني يلقاني جنبه وحاجني العاطفيه ما عطاني اياها


ساعات احس كنه ي فندق اقدم له الخدمات وهو يعطي ماديات؟؟

 

[ضحكتي دموع]

عزيزتي عليك با الصبر وكثرة الدعاء
وترى اغلب الرجال صعب كسب ودهم ورضاهم او حتى دخول عالمهم الخاص طالما اهو رافض دخولك فية الامن رحم
المهم حبيبتي لا تياسين وحاولي تدخلين لة وتتقربين منة بوسائل اخرى المهم استخدمي ذكاء الانثى وحاولي ومالك الا الصبر واللة انشاء اللة يسخرة لك والبنتك اهم شيء الصبر مع الدعاء فانة يدفع البلاء

 

[امل حياتي4]

الله يعينك ويسعدنا احنا يالحريم مساكين

 

[محبة مكة]

الله يوفقك
ممكن ابتلاء من الله
فما عليك الا الصبر
اجعلي الصبر شعارك مع هذا الزوج
ولا تنسي المغريات
والروائح الجميلة
اصنعي له بعض الحلى
وبعض الاوقات طنشيه
يعني غيري من روتين الحياة
وكمان طبعا قبل كل شيء لا تنسي انك في هذه الدنيا للابتلاء
فاجتازي الاختبار بتفوق
وكما قالوا بعض الاخوات الاستغفار

 

[اميره الذوق]

الله يجزاكم خير..


والله يفرجها من عنده.....

 

[ام صوبي]

حبيتي اذا كان له عالمه الخاص ليه انتي مالك عالم خاص ؟ سويلك عالم واشغلي نفسك ودلعيها وانسيه وصدقيني راح ينشغل فيك . والله يجعل بينكم مودة ورحمة

 

[ياربي انصرني]

يمكن ان تنضمين الى قافلة زوجات الشمالي في قسم الزوج والزواج

 

[ملكة غير متوجة]

يمكن ان تنضمين الى قافلة زوجات الشمالي في قسم الزوج والزواج

أنا شمالية متعصبة:msn-wink: .. بس لو تطيحون على مفاتيحنا ما في أحلى من العيشة ويانا :icon30:

أما عن الأخت .. فالله معاك وييسر لك أمورك مع زوجك:c016:

 

[RedRose]

حاولي تدخلين معاه في عالمه .. كييييييييييف

اجلسي معاه عالنت وشاركيه اهتمامه ,, شوفي هو على ايش يدخل في النت اخلي المواقع وتعلمي اقري فيها عشان تلاقين مواضيع تتكلمين فيها معاه ,, تصيرين اذا شفتي شي جديد من الاشياء اللي تجذبه تقولين له لقيتلك موقع حلو ,, وتتكلمين معاه . اذا شاف فلم مثلا اجلسي شوفي معاه الفلم ,, حاولي بكل ما تقدرين تشاركينه .

وبالنسبة لبنتك حاولي تقربينها من ابوها اكثر عشان ما تصير قلق.. خليه يتحملها ,, قوليلها تروح تلعب معاه واطلبي منه يلعب معاها . خليه يحس بأهميته كأب ,, قوليله البنت تحتاجك كثييير تلعب معاها ,, قريبهم من بعض قد ما تقدرين ,,


انصحك تقرين الموضوع هذا للاستاذة موزة عن الرجل الصااامت هنــــا
الله يعينك ويفرج همك ويسخر لك زوجك يااارب

 

[*سندرلا زوجها*]

(انتى قلتى شمالى) احسنلك بدل الف والدوران دوري على شغل او كملى دراستك اوادخلي معهد لان الشمالي يحب المرءة العمله الطموحه وغير كذا تبعدين عنه ويكون فيه اشتياق......

 

[معشوقه]

السلام عليكم ورحمة الله وبركاته ..

بصراحه كنت بقول كلام الاخت رد روز بس ماشاء الله هي اسبقتني ,,,

على كل أضيف لك اعملي أجواء السينما لبيتك لما يشوف فلم مثلا بوب كورن و بارد و من هالأشياء ... و خلك فعلا مثل ما قالت أب ديت معاه في المواضيع إلي يحبها و قد ما تقدرين اتحاولين تدخلين عالمه و إذا من ضمن اهتماماته بالنت القيم فراح يكون الموضوع أحلى و أحلى لأنه مطلوب منك تتعلمين اللعبه و اتنافسين معاه على السكور و بنفس الوقت نصيحتي لك لا تكونين دايمه متواجده يعني ممكن يكون لك مشوار طلعه مع صديقة زوارة و البنت تكون عنده خليه على المحك يحتك فيها بشكل مباشر و يحس بالعلاقه إلي بينهم ,,,

في الأخير حابه أطمنج ترى الموضوع مو صعب و خصوصا إني مريت فيه بس يحتاج وقت طوووووووويل و لا تتأملين التغيير السريع التغير يكون بطيء جدا بس إن شاء الله يكون مرضي و بعد لا تنسين التجديد الدايم بنفسك يعني كل مره يشوفك بشكل طبعا يا بلبس يا شعر يا مكياج يا كله على بعضه ,,, و التغيير مهم في كل شي حتى السناك إلي اتقدمينه له كل مره طريقه في تقديم العصير مره تخلطين أكثر من نوع مره تضيفين شريحة برتقال أو أي نوع ثاني من الفواكه مره كيكه بالبيت و تزينينها بالكريمه و تكتبين بالكريمه رساله له اليوم أبيك الطلعني يعني من هالأشياء بدل البكي حاولي تبتكرين اساليب جديده تخليج تندمجين بزوجك و يندمج زوجك فيج ....

و الله يوفقكم و يسر أموركم و يجمعكم بخير ....

تحياتي و دمت بود