استغرب!!!!!!!!!!!!!!! من

[تصبيره]

السلام عليكم ورحمة الله وبركاته
موضوعي هذا مو مشكله وانما تساؤل اتمنى لالقي اجابته عند احداكن واذا كنت غلطانه نبهوني
بصراحه استغرب من بعض الاخوات اللي يكتبون مشكله تخصهم مثل
د ناعمه الحقي علي او
مشكلتي صعبه ساعدويني يا د ناعمه
بالله عليكم انا من شاركت في هذا المنتدى الاكثر من رائع ما شفت ولا رد للدكتوره على اي مشكله وان كان فيه رد بيكون 1 والا 2نساء تستنجد بالكتوره ويتمنون ردها ولكن هيهات ترد الدكتوره عليهم بتقولون مشغوله نعم مشغوله ولكنها من الاساس اخذت على عاتقها مهمة المساعده والنصح المفروض يكون عندها وقت للرد على الاقل للي فعلا مشكلتهم صعبه ومحتاجه للدكتوره الاخوات ما يقصرون ولكن يظل ردها هو الاهم انا كلامي صحيح والا غلطانه انا وحده من اللي محتاجه لمساعدتها هي ود نبض القلب ولكن لم القى منهم اي تجاوب مع ان د نبض القلب قرات مشكلتي وانا بنفسي لقيتها موجوده بالصفحه ما كلفت على نفسها بالردعلي
شرايكم خواتي انا غلطانه والا؟؟؟؟؟؟؟؟؟؟؟؟ويمكن مو فاهمه فهموني

 

[البحر غدار]

معك حق بس مابنعرف يمكن عندهم اشياء تمنعهم ومشغوليين والدنيا مشاغل ياالله البنات بالمنتدى بيحلوا اكبر مشكلة لايهمك

 

[ذكريات الطفوله]

ياقلبي وين تبين أ ناعمه ترد عليك هنا مستحييييل
اصلا بترد على مين ولامين وحتى لو ردت على اللي مشاكلهم كبيره الحريم ماراح يعجبهم الوضع بتلقين الأحتجاجات والهواش
وبعدين هي ماقصرت تقدرين تستشيرينها عن طريق الاستشارات الهاتفيه وتقدرين تحضرين الدورات او تروحين لها الامارات...
الله يكون في عونها ويجزاها عنا كل خير
والله يحل مشكلتك ويفرجها عليك يارب

 

[فدى حمودي]

حبيبتي انتي حطي عمرج مكانهم

اكيد كل واااحد وله مسؤولياته وشغله وبيته وعياااله محد فاضي

بعديين اذا ناعمة حطت المنتدى عسب الكل يستفيد مب عسب ترد ع كل وحده تحتاجها
والصراحه انا ما الومها
واذا تبينها في استشارات خاصة
وفي قصص الي هي عالجتهم تقدرين تستفيدين منهم

وحتى الدكتورة نبضة قلب هيي اكييد بعد مشغووله ولا تنسي هي مشرفه وعندها مسؤلياتها الخاصة ولو كل وحدة حطت مشكلتها وردت عليها... ما بتحصل دقيقة فاضية
واحنا الي احنا ما نقدر نمر ع كل المشاكل الموجوده ونقراها بس..
عيل كييف هم..

 

[آآآآه على آآآه]

نفس الشي انا لقيت الدكتوره نبض تقرا مشكلتي وتوقعت انها ترد وماردت

 

[حبيبي ربي]

المنتدى هذا هو الطريق لمعرفة الاستاذة ناعمه الهاشمي ومعرفة المركز الخاص للاستشارات الاسريه وانظمته وطريقته
كذلك الاستاذه ساعدتنا من خلال افكارها اللي قدمتها لنا من خلال مقالاتها وقصصها في قسم قصص حكايات من ملف الااستشارات وكذلك التعريف بالدورات الي تقدمهات الاستاذه في كل مكان

وهالايام بالذات بتلاحظين الاستاذه مي متواجده لانشغالها بتقديم دوراتها وانا شخصيا حضرت وحده من هالدورات واستفدت منها

عزيزتي انا من دخلت الموقع استفدت وايد وايد
والخوات اللي يحطون نداء للاستاذه وطلب مشورتها احسهم ماقروا كفايه في المنتدى ولا جالسين يستفيدون هم بس يبون حد يحلهم المشكله
وبدايه الحل اقري المواضيع وخاصه مواضيع ناعمه والمشرفات والاستشاريات المميزات وستجدين المنفعه ان شاء الله​

 

[قمة التحدي]

بنات
الله يجازي د ناعمة ألف خير
قصص الأستاذة ناعمة بها جميع حلول مشاكلنا
أنا بصراحة ردت علي في يوم قدمت مشكلتي هنيه و تفاجأت بردها
و الموقع هذا فتح عيني على اشياء كثيرة



جزاهم الله ألف خير​

 

[زمرة مشاعر]

الخوات كفوو وفو ماشاء الله عليهم
بس حبيت انوه ان الدكتوره نبضة قلب مو استشاريه
هي دكتوره للصحه الفمويه ومشرفه وهي دايم تنوه حق هالشيء
والأستاذه ناعمه تعطي حلول عامه في قصصها واحنا بمعرفتنا ناخذ منها اللي يناسبنا
وهالشئ برضو للدورات

تحياتي​