استشاريات ارجو الرد أمي وابي في حاله لا يعلم بها الا الله

[أمي الصغيره]

لدي اخوان اثنان الكبير 22 سنه واللاخر 19 سنه يعلم الله ان ابي وامي لم يقصروا معهم في شي جميع متطلباتهم موجوده ويكل ما يطلبونه موجود وينفذ لهم صحيح ان حياتنا كانت في مجملها مشاكل بمشاكل لا كن الوالده حفظها الله كانت تعوضنا عن تلك المشاكل بكل ماتستطيع من عطاء وابي صرف على اخواني بالرغم من الديون وخسارته في تجارته الا انه لم يبخل عليهم مشكلة ابي انه منان يمن على اخواني بما يعطيهم وانتم تعرفون المراهقين متحسسين من هذه الناحيه اليوم اصبحنا على مشكلة كبيره بين اخي 22 سنه وابي اخذ اخي يقول لابي انني اخجل منك واخجل من ثيابك الرثه واخجل ان يروك اصدقائي وانت بهذه الحاله فقال له ابي انا لا اهتم بنفسي لأجلكم ومقصر على نفسي من اجلكم احتدم النقاش لدرجة انا ابي غضب كثيرا لان اخي قال له من اجبرك على هذا لم نطللب منك ذالك مما دفع ابي الى ضربه اللله المستعان مالحل والله امي اخذت في البكاء والنحيب على الحال الذي وصلنا اليه ارجووو المساعده ...ز

 

[زمرة مشاعر]

الله يعينكم بس لازم تتناقشين مع اخوك
يعني مو مراهق ووصل سن الرشد قوليله يعتذر من ابوك وذكريه بكلام الله في بر الوالدين
ويحاول يتفاهم مع ابوك بطريقه ثانيه يعني يهديه ثوب جديد
يوديه معاه للصالونكصدقين
يعني مايحسسه انه اهو اللي ينصحه ماراح يتقبل بس فيه طرق ثانيه تقربهم من بعظ
والله الموفق

 

[أمي الصغيره]

والله الحال مستمر ياليت احد يفيدنا لدرجة ووصل الموضوع انو يسبو ويدعو على ابي وامي يالله مدر يهيا عين وصابتهم ولا مدري ايش

 

[جنة أهلي]

شوفي حبيبتي انا مو استشاريه و لا شي بس انا ام و و اذا اطفالي قالوا لي جذي ,اطقهم و اسوي اكثر من جذي .

اولا : اخوانك مو اطفال و لا مراهقين , هذولا رجال محاسبين امام الله .

ثانيا :: احنا قاعدين نتكلم عن ابوهم , يعني لو يهاوشهم و هم رجال و طقهم و كسر راسهم المفروض ما يحطون عينهم بعينه . و حتى اذا كان ابوج منان او ما يهتم بلبسه و المفروض ما تتفشلون منه ,و تكونون فخورين فيه , لانه هو الانسان اللي رباكم و صرف عليكم

حبيبتي تصرف ابوك ناتج من جرحه و ضيقته , هو صادق هو ضحى بروحه و فلوسه و سعادته بس علشان يشوفكم مستانسين و سعيدين . .

و هذي اخرتها يقوله اخوج : محد قالك تصرف علينا .

هذا بدل ما يقوله : الله يجزاك خير و يرزقك الجنه , و ما قصرت معانا و الحين انت ارتاح .

حبيبتي انصحي اخوانج , الحين هم مو حاسين بشي , بس و الله بكرا بيتزوجون و بيصير عندهم عيال , و بيعرفون شلون غلا الضنا , و اشلون بيشيلون اللقمه من حلوقهم و يحطونها بحلق اعيالهم .

خليه يعتذر من ابوج و يحب راسه ,و يطلب السماح . و لا يعيدها مره ثانيه .

اذا رفض ذكريه بحق الوالدين , و رضاهم من رضا الله , ذكريه انهم بيوم بيرحون من هالدنيا , و بعدها هو بيندم كثير و يتمنى لو يوم ما زعلهم ابدا .

ارسلي لهم احاديث و ايات عن بر الوالدين .
و ادعي لهم انهم يكونوا بارين بامهم و ابوهم .

 

[محرومه من زوجي]

حبيبتي لا يضيق صدرك,,كل بيت فيه من هذه النوعيه من المشاكل,,
لكن انتي حاولي ان تشتري كتاب المراهقون للدكتور عبدالعزيز النغيمشي واهديه الى ابيك,,
واشتري كتب عن بر الوالدين واهديها الى اخوانك,,