استشاره الله يجزاها خير الي تجاوبني باخلاص

الله يفرج همك
 
الاخوات ماقصرو معاك حاولي ان لاتنسي الصفات الحلوه لزوجك
والشيطان حريص على ان يكرهك في زوجك ولكن استعيذي من الشيطان وحاولي ان تغيري من نفسك للاحسن وتنشغلي بمواهبك عشان تنسين الماضي
والله يكون في عونك وحاولي انك ماتردين عليه اذا عصب عليك حتى يمل ولايسير يهاوشك
 
الماضي خلاص انتهى لاعاد تفكرين فيه ابدي حياتك من جديد اهتمي في نفسك واحترميه وطالبيه باحترامك وحاولي قدر المستطاع انك ماتستفزينه حتى مايمد يديهواكثري من الاستغفار وقيام الليل وقراءة سورة البقرة وخليك فرفوشة وحبوبة وسبحان ربنا قادر يسخر لك زوجك ويصب محبتك في قلبه صب
 
مادام دانة الشام متواجده فاكيد راح تقول نفس رأيي بس باسلوب اجمل واعمق ..اسمعي نصيحة الدانه ولاتنسي الدعاء والله يوفقك..
 
لاتقولي لم أقدر أن أسامحه قولي لم أحاول,,أنتي ياعزيزتي مازلتي عالقة بتلك المرحلة التي كنت فيها واقعة تحت الضغط وكل أنواع الاهانات ومن أقرب المقربين لك ,,زوجك وإخوانك...الحل لمشكلتك المسامحة ,,يجب أن تسامحي زوجك عن السنين الماضية ليس من أجله ولا لأنه يستحق المسامحة بل من أجلك أنت كيف تستمري بحياتك وتستمتعي فيها,,فـأنت للأسف فقدتي متعتك في الحياة بعد كل مامررتي به,,ولكن أن تبقي مشاعر الغضب والكره والاستياء تسيطر عليكي هذا هو الخطأ بعينه!!لأن هذه المشاعر لن تدمر أحدا إلا أنتي..زوجك قد يمل بعد فترة من جفائك ومن كثرة المشاكل بينكما وقد يبحث عن من ترتبط به بعلاته لأنها ببساطة لاتعرف ماضيه,القاسي معك,وأنتي أيتها المسكينة التي لازلتي عالقة في الماضي ستقدمينه لها على طبق من فضة لأنه ببساطة لن يكون معها كما كان معك!!!فالرجل يتغيير على مر السنين ويتكسر كما تتكسر الأغصان أحيانا من الشجر ...لذلك اعلني الحرب على نفسك أولا ,,,بدل أن تعيشي بمشاعر الكبت والاستياء والسخط حوليها لمشاعر قوة,,انفضي عن نفسك غبار الماضي وابدأي من جديد ..طوري نفسك بالمتاح بين يديكي ,,النت فتح أمامنا شتى المجالات وأصبحت العلوم تأتيكي بلحظة,,ادخلي على المواضيع التي تعلمك أن تكوني قوية واثقة من نفسك صاحبة قرار تعلمي كيف تطالبي بحقوقك ولاتتنازلي عنها ,,كوني ذكية متجددة ..هذه الصفات هي من ستجعل زوجك خاتما في إصبعك,,لن تهنئي يوما ما بالطلاق ولن تجدي رجلا تحبيه اذا لم تغييري من ذاتك,,قرري وبإرادتك تفعلي المستحيل ,,ابدأي أولا بالتصالح مع ذاتك وعدم الرجوع لدفاترك القديمة ,,انظري للأمام نظرة تفاؤل ولاتظلمي نفسك وتظلمي زوجك لارتكابه حماقات معك في الماضي ,,ولتكن لك في رسول الله أسوة حسنة ..ألم تقرأي كيف كان يرسل الهدايا لجاره اليهودي الذي كان يؤذيه ويضع القاذورات أمام باب سيد المرسلين ,,لقد أعطانا بذلك أروع درس عن المسامحة,,التسامح سيفيدك أنتي قبل زوجك ,,لأنك ببساطة ستنعمين بالهدوء في حياتك..البداية صعبة ولكن النتائج مرضية جربي وتحدي نفسك <<العلم بالتعلم والحلم بالتحلم>>والمسامحة لن تأتي بعصا سحرية أو جرعة من دواء سحري تتناولينه وتنسين ماقد مضى التسامح قرار تتخذينه ثم تبدأين بالعمل عليه,,اعطي زوجك فرصة واعطي نفسك أيضا تقربي منه خطوة ليتقرب منك خطوات كوني مرحة وانزعي عن وجهك قناع النكد ..وكوني دوما مبتسمة من أجلك أنتي ...بادري أنتي بإصلاح مابينك وبين زوجك بدل أن تقعدي تنتظري منه مايقدم لك تكفيرا عن مافعل بالماضي ,,نحن لسنا في محكمة لنحاسب الناس عن أخطائهم معنا اتركي الحكم لرب العباد ,,عيشي حياتك بنعمة المحبة والغفران يكفي أيامك التي ولت بالحزن والقهر والمشاكل ,,رب العالمين أنعم عليكي بالاستقلالية في بيت لوحدك وبعدت عن الناس والبعد عن الناس غنيمة لم يبق لك إلا أن تركزي في الايام القادمة لأن الأوان آن أن تشفي من جروح الماضي وصدقيني أن تجلبي زوجك إليكي وتجعليه طوع بنانك ليس بالأمر المستحيل فقط يتطلب منك ذكاء وصبر ,,وليكن رب العالمين والتقرب له بالطاعات والعبادات والدعاء هو من يمدك بالقوة والصبر,,ياااااااااه كم أطلت عليك فاعذريني وربي يخترلك الخير.
 
انامع رزايا والدانه ولازم تعطيه فرصه علشان اولادك ونفسك ولازم تكوني قويه وحكيمه في المواقف























































































































































































وكثر الاستغفار والاستخاره والدعاء وان شاء الله يفرجها ويريح بالك وتنسي الماضي وتبداءصفحه جديده0























 
انامع اختى رزايافى الي قالتة انتىالى سمحتى لة يتطاول عليك كان من الاول وقفتية عندحدة لان الرجال يحب المرة القوية الى ماتتنازل عن حقوقة اما الى حياتها كلها تنازلات ماعاد يهتم فيها ولايعبرهاوماعندى غير الدعاء لك ان اللة يسخر زوجك لك ويجعلك قرة عينة قادر ياكريم
 
ام سلطانه الرجال بايع وانت مرخصه نفسك ليه ليه
واالله لو مالك احد ما قعدت عنده اما حياة تسر الصديق اوما ممات يغيظ العدا وهو العدو الي بينقهر لا مت لان عقد النقص والمرض بمن يفضيها غيرك الله المستعان ياحريم لانتم عارفين قدر انفسكم ولا انتم مقتنعات بكلام غيركن
 
ربي يهدّي بالك ويهنيكي بحياتك ..
 
ام سلطانه قال:
مشكلتي الحين اني كارهته كارهته كيف اتصرف مع نفسي واكبت مشاعري صرنا في البيت بس انتناقر يعطيني كلمه ارد عليه بعشر ما اتحمل منه شي وافكر بالطلاق بس ابي رد لهاذي المشكله لاتشعبون وتطلعون برا الموضوع بلييييييييز
أنقر للتوسيع...


اختي الحبيبه انتي تقولي انه كان ساكن بعيد ومايعرف عن شئ........ويوم يجيك اجازه كانو يفهموه كل شئ على هواهم.......اذن زوجك مسكين....لاتحمليه كل الذنب......مين يقدر يكذب امه؟؟انتي تقدري تكذبي امك اذا قالتلك شئ؟؟
احس الامور عباره عن سخافات بس تراكمت.........كان المفروض انتي توصلي لقلبه وعقله اكثر من كذا..........كان المفروض تصلحي كل الاخطاء اول باول.......اصلا وجود الزوج بعيد عن زوجته فرصه لك علشان يشتاق ويتعلق اكثر.....مو العكس
على كل حال......الان ماعليك الا ان تنسي الماضي........وساعدي زوجك ان ينسى الماضي.....تقربي منه...عيشو حياتكم وانبسطو واطلعو مشاوير.....انسي الماضي تماما...واثبتي لزوجك انك عكس ماكانو يقولون عنك.....اذا شعرتي بالغضب تعوذي من الشيطان الرجيم واستغفري.......صدقيني مفعولها عجيب..........والزمن كفيل بالنسيان......ومادام المسبب لكل هذي المشاكل اختفى (الي هو سكناك معهم بعيد عنه) فهذي فرصتك لتعيدي رسم حياتك.....الله يوفقك ويعوضك خيرررررررر
 
أستغفر الله العظيم وأتوب اليه
الله يصبرج أختي على ما ابتليتي به
أكثري من الاستغفار وقومي الليل واطلبي من الله سبحانه وتعالى أن ييسر أمورك جميعا وأن يرزقك من حيث لا تحتسبين وأن يسخر لك زوجك واهله جميعا
أما عن الجرح الذي بقلبك فانه لن يندمل الا عندما تردين اعتبارك لنفسك فجاهدي من الآن لرد الاعتبار لنفسك وذلك بالعمل لكسب قلب زوجك
حاولي معرفة الوصول لقلبه وذلك عن طريق اكتشاف نمطه بالبوصلة الشخصية وحاولي جاهدة للتعرف على أسرار نمطه والأشياء التي يحبها والأشياء التي لا يحبها
وفقك الله لبره ورضاه
 
مشكلتي مثل مشكلتك مو قادرة اسامحه واشعر بانه لا يستحق لانه لم يشعر بانه مذنب وانما انا فقط صاحبة المشاكل والزعل..الله يعنيا ويفرج علينا ويسعدنا يارب امين
 
اختي انتي تبغين تعيشين معه بسلام و تبدين من جديد ..

اللي راح راح ..

ابدي معه حياة جديده صعب تنسين الماضي بس اذا صرتي ذكيه حولتي مستقبلك لشي رائع ينسيك مرارة الماضي ..

اجلسي مع نفسك و جيبي ورقه و قلم اكتبي كل شي يضايقك من زوجك ..
لا تكتبين قصص و مواقف صارت لا اكتبي صفات سيئة فيه ..

1- عصبي يصرخ علي .
2- يمد يده .
3- ...

يعني كذا و بعدين اكتبي صفاته الزينه ..

1- كريم ..
2- ...


و بعدين ابدئي تفكرين كيف تغيرين صفاته السيئة ..

اول شي لا تناقرينه و لا تقعدين تستفزين فيه عشان تنتقمين منه ...
لانه بكذا بتطفشينه منك و تخلينه يقول ليتني تاركها عند اهلي ابرك لي !!

اذا عصب او غلط عليك لا تردين اسكتي و اذا هدأ كلميه بهدوء او ابتعدي عن المواجهه معه اذا كان عصبي و ما يسيطر على انفعالاته استخدمي معه رسايل الجوال ..
اكتبي كل شي فيها و ارسلي و هو يرد عليك برساله او مكالمه موب وجه لوجه ..

اذا عصب لا تناشبينه و لا تستفزينه عشان ما يمد يده عليك ..

حطي في بالك انك اذا تزينتي و تجملتي لنفسك عشان ترضين نفسك و تحسين انك حلوه و المكياج و اللبس يعطيك ثقه بالنفس ..


اجسي لك ثلاث ايام هاديه رزينه عاقله معه بدون استفزاز و لا مناقر ,,
سوي له غداه و عشاه و رتبي سفرتك و نظفي بيتك ,,, خليك اسنع الحريم و بعدها ..

اجسي معه بهدوء قولي انا ابغى انسى ك شي راح و ابغاى اعيش معك حياة سعيده و هاديه ..
ابي اعيشك ملك و انت تعيشني ملكه ..
ما قصرت جبتني معك لديرتك و حطيت لي بيت << ادري البيت حاطه لنفسه بس انتي قولي هالكلمه عشان يتحمس و يكمل معروفه معك ..

قولي اوعدك اطيعك و اصير زوجه مثاليه و ابيك توعدني انك تكون لي زوج صالح ..
ما تنافخ علي و لا تعلي صوتك و لا تمد يدك علي .. اذا قال انتي اللي تخليني اعصب انتي اللي تخليني امد يدي عليك ,, لا تناشبينه اسكتي قولي ان كاني غلطانه انا اسفه و ان كانك غلطان الله يهديني و يهديك انا ابي انسى اللي راح ما ابي احكي فيه !!

خليه يحس انك خلاص صدق بتبدين حياة جديده ..

حسسيه لو هو تغير معك انك بتكونين فعلا زوجه مثاليه و بتسعدينه و بتريحينه الرجال اناني يبي يرتاح و يبي اللي تدلله ..

و انتي قبل هالمناقشه بتكونين لك ثلاث ايام هاجده و وش حليلك ...

يعني انتي شوي شوي اذا تغير طبعه بتنسين كل اللي صار موب في يوم وليله بس سبحان الله المواقف الزينه تمحي المواقف الشينه ..

طلعي نمطه و اعرفي مفاتيحه ..

خليك واثقه من نفسك .. و فكري صدق وش بتسوين في حياتك ..
وضعك صعب لا بترتاحين في بيت اهلك و ا اخوانك بيصدون عنك يعني مالك مفر الا انك تسنعين رجلك و تعدلين حياتك معه ..

مير دام رجلك بعد كل هالمشاكل و هو ما طلقك و للحين يعاشرك و بعد جابك عنده في ديرته معناته يحبك بس شكل اهله يسلطونه عليك ..

و انتي بخناقك معه قاعده تنفرينه منك ..

اذا هو يعاشرك و يستمتع و يطلبك دايم استخدمي هالشي كرت في صالحك ..
ابدعي في هالموضوع و خليه يتعلق فيك اكثر و اكثر و اختاري الوقت المناسب بعد ما ينبسط و يروق اطلبيه بدلع يطلعك مطعم يسوي لك اي شي يوسع صدرك حتى لو تطلبينه اذا بغيتي السوق ..
بس اهم شي عقب ما ينبسط ..

و اهتمي بهالشي اذا كان صدق زوجك يهمه هالشي ..
اقري بالمنتدى و تعلمي الحركات و اشغلي مخه خليه بس يفكر فيك و اذا ملكتي قلبه دعي عمرك و بتنسين كل شي بايخ صار معك من زمان ..

و تذكري ما فيه احد كامل ..
و كل الرجاجيل يوقفون بصف اهلهم و كل الرجاجيل اذا ناشبتيهم و هم حمقانين فأنتي تستفزينهم و ممكن يمدون يدهم ..

بس اذا سكتتي و جيتي هدوء و طلبتي حقك انه يحترمك و لا تسمحين له بالصراخ عليك او الغلط عليك ..

و شكل رجلك عارف ان اخوانك ما يبونك عشان يرضون حريمهم فهو ضامن انك منكسره و محتده له ..

خليك ذكيه اكسبيه و بنفس الوقت بيني له انك ممكن تبدين حياة جديده تتوظفين و تستقلين و تعيشين حية كريمه بدون مذله اخوانك ..

عشان يعمل حساب انك ممكن تطفشين منه اذا زود العيار عليك ..
 
على فكرة ما فيه رجال يعترف بخطأه حتى لو ايش لكن في نفسه عارف انه غلطان و عارف انه تصرفه غير مقبول لكن اذا شافك ساكته و تصبرين يحسبك راضيه ..

لازم تبينين له ان تصرفه غير مقبول و انك ما ترضين له يهينك ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل