استشارة مستعجلة جدا ضروري تدخلوا

[احلام تائهة]

مرحبا انا بقولكم باختصار انا عندي مشكلة مع زوجي قلتها من قبل هنا ولي تقريبا شهر انا عند اهلي المهم زوجي اصر اني اقعد عند اهلي الى بعد الحج بس انا كنت رافضة وحصلت لي اشياء كثيره ايضاء قلتها من قبل في المنتدى وقبل يومين قلت الي حصل مع اخوي والهوشه الي صارت بيني وبينه وانه هددني لو طلبت الطلاق بيحول حياتي لجحيم انا طبعا دافعت عن نفسي واصريت اني ماارجع لزوجي بمذله من الاهانات الي صارت لي منه من بعد المشكلة انا من بعد الي صار لي مع اخوي على طول ارسلت لزوجي رساله هو من قبل طبعا ارسل لي قال اطلبي الطلاق وانا بطلق على طول
بس انا تائثرت من كلام اخوي وظلمه وظلم زوجي علي وصارت نفسيتي دمار وانهرت وارسلت له انت تبغاني ولا لا ترغب فيني كالزوجه او لا مارد علي ارسلت مره ثانيه قلت جاوبي لا تخليني اقرر شي مو لصالحنا قالي سؤال صعب مارح اجاوبك (اكيد بتقولون الجواب واضح يبغاني بس مايتنازل يقولها ) وبعدها ارسل لي قال لا تقررين الحين افضل بعد الحج وعاد صرنا نتراسل وعرف اني منهاره ومعصبه من الي قاعد يسويه فيني من ذل واهانه والله اعلم يمكن رحمني ربما (يارب لطفك على ذولي الرجال مايتنازلون متكبرين :30 المهم بعد يومين من المراسلات هذي قبل شوي ارسل لي ( يمكن اجي الاسبوع هذا عندكم ) هو في منطقة بعيده عن اهلي
انا الحين مارديت عليه بشي ايش تنصحوني فيه ايش ارد عليه وش اقوله مو عارفه ايش في نيته عشان اعرف ارد عليه ولا اطنشه :35:

 

[دنيا الصمت]

هذا هو جي لحد عندك . يعني الحمد لله مافيها ذل و لا مهانه لك

خلاص هدي شويه . و ارجعي لبيتك و زوجك . و الله يصلح حالكم يارب

 

[دانة الشام]

أنا لو منك أرسل له <<نارك ولاجنة هلي >> هههههههههه أمزح معك.. ارسلي له فورا: أهلا وسهلا بك متى شئت وإن شاء الله ربي يكتب لنا كل الخير والصلاح ... الزمي الاستغفار والدعاء واستخيري.. ربي يحنن قلبك على زوجك ويحنن قلبه عليكي ويسخره لك تسخير العبد لسيده عاجلا غير آجل ..

 

[صعبة المراس]

ردي عليه. ( حياك الله )
وبس
الله يصلح أحولكم يا رب

 

[يالوردي]

زين اذا هو جاي فيه فرصه تتفاهمين معه

 

[حناني متعبني]

الله يكون بعون يسهلك عليك بالدعاء

 

[خلآص...!]

قولي له ربي اجعلني سكنا لزوجي واجعل زوجي سكنا لي واجعل بيننا مودة ورحمه انك انت ارحم الرحمين .. رحبي فيه .. والله يوفقك

 

[بريق الحب]

فعلا ردي عليخ بي اختصار حياك الله [/SIZE]

 

[بريق الحب]

تصحيح عليه عذرا[/SIZE]

 

[احلام تائهة]

من جد ما تقصرون الله يسعدكم
تعودت عليكم ما اسوي الحين اي شي لحد ما اخذ رايكم .. انتم الوحيدين الي وقفتوا معاي حتى لو بمجرد بعض الكلامات او دعوه خالصة ,, ما انسى من رفع من معنويات ونصحني في ازمتي هذي ولسى ما خرجت من ازمتي باقي لي كثير لحد ما اتجاوزها بفضل ربي عز وجل ثم بدعمك
ولكم مني دعوه خالصة من اخت .
لو قلت له حياك الله كيف بيعتبرها اني اركض وراه واني مااقدر اعيش من دونه وهذا اتوقع مو زين لشمالي صح ولا ايش يعتبرها ؟

 

[الجده الصغيره]

زوجك شمالي؟؟

ارسلي له...بانتظارك...وبس...​

 

[دانة الشام]

زوجك شمالي؟؟

ارسلي له...بانتظارك...وبس...​

طيب مارأيك ياجدة أن ترسل: انتظرك على أحر من الجمر ؟؟؟ ههههههههه يااا الله كم تعجبني ردود الجدة الصغيرة في الصميم.. نفذي ماقالته الجدة وبإذن الله ربي يختار لك الخير ولاتنسي أن تطمئنينا عنك .

 

[احلام تائهة]

رهيييبه يادانة الشام ردودك عجبتني خلتني اضحك وانا لي فتره ماضحكت ولا انبسطت واكيد بقولكم اخباري اول باول
و حاضر ياجده بقوله انتظرك .

 

[احلام تائهة]

ايوه انا زوجي شمالي شرقي

 

[انين الخريف]

قولي له باختصار


ايا يكن ماستاتي لاجله الله يحييك


فهميه انك متوقعه اي شي


وانك موخايفه من اي قرار


وبكذا ماتعطين نفسك امل ولايحس انك تجرين وراه

 

[جـــــولي]

الله يسخره لك ويصلح مابينكم

 

[نضوج أنثى]

مهما صار من خلاف بينك وبين اخوك يعتبر اخوك وتتقبلينها منه لكن زوجك لو اسأ لك او اهانك لا تعدين هالموضوع بالساهل انا ماعرف قصتك مع زوجك لكن بما إنه قالك اجلسي عند اهلك لازم يكون فيه سبب ماينفع الزوج يحط زوجته عند اهلها ويقولها اجيك الشهر الفلاني الدنيا ماهي فوضى لام يكون يه اسباب وتفاهم من الطرفين على العموم الحين انصحك تلتزمين الصمت ولا ترسلين لزوجك إلا إنك تبدين رغبتك بزيارته وخلاص اقطعي اي اتصال لا تضغطين عليه واستخيري في الرجوع وادعي واستغفري كثير واهم شي تدعين إنه ربي يستر عليك ومايصدر اي تصرف من اهلك يقلل من قيمتك او يعبر إنه متضايقين من وجودك في بيتهم قولي هالكلام لأخوك فهميه قولي له تبيني ارجع لزوجي لاتوضح له إننا مانبي الطلاق او انكم متضايقين مني لانه بهالحاله كل مره بيرميني عندكم ويقول حتى اهلك مايبونك الخلاف اللي صار خليه بينا وخلي يعمل لكم حساب ويخاف منكم ومايتنازل عني بسهوله ويعرف إنه ورايا رجال والله يسهل امرك يارب .

 

[نضوج أنثى]

معليش فيه حروف ناقصه بس المعنى إن شاءالله واضح لأنه الكيبورد عطلان عندي.