استشارة بنت معرفه عالخااااااااص

[@غلا بوظبي@]

هلا خواتي

ابصراحه انا كل موقف يصير لي اجي اخبركم واشوف رايكم لنكم خواتي العزيزات والمفضلات عندي
:blush-anim-cl:

والله احبكم في الله :in_love:

يالله بديت اتغزل هههههههههههههههههه


المهم

انا مشتركه بمنتدى نسائي ثاني
وكنت منزله موضوع مفيد دعاء لي تبيتتزوج

المهم ردت علي وحده بالخاص قالت لي عندج ارقام خطابات قلت لها لا اختي سمحيلي بس ليييييييييش؟؟؟

قالت لي والله ماعرف شقولج اختي انا خاطري اتستر والله الوحده مالها الا الستر بهالايام
مع انتشار كل هالمنكرات شو لنا الا الستر
قالت واستغفر الله احس الرياييل قلو شحو ماصار في احد يبا يتزوج ولا شو

قلت لها لا تقولين جي اختي الرياييل موجودين بس شكلهم مايفكرون بالزواج الحينه ههههههههه:msn-wink:

قالت لي شكلهم جي

قالت انا ابي رقم خطابه بس خايفه

قلت لها لييييييييس تخافين

قالت الخطابه الا تبا اسمي ووين ساكنه وشو قبيلتي

قالت اتخيلي لو راحت عند ناس نعرفهم وقالت اسمي شو بيقولون عني

وقالت بعد حتى اذا تزوجت من الخطابه الريال اللي بياخذني بيعايرني عقب بيقول انا عرفتج عن طريق خطابه

بيحسبني اني كنت مستعيله عالعرس وانا بس ابا الستر والله

قاااااااااااالت واااااااااااااايد افكر في الخطاااااااابه بس متردده والله

قالت لي ماتعرفين احد تزوج عن طريق خطابه قلت لها لا والله اختي









فلحين يابنات قولولي شو اقولها والله انها ماهانت علي ابي اساعدها

اللي منكم تزوجت عن طريق خطابه تقول تجربتها

واللي في خطابه هني او تعرف خطابه تجاوب عن اسالة البنيه

ان عادي الرجال يعايرها او انه اذا راحت عند ناس تعرفهم وشافو اسمها عند خطابه عادي يعيبون عليها ويعايروها

وانه لازم الخطابه تاخذ الاسم كامل وليش

واللي تحط اسمها عند خطابه لازم تكون مستعيله عالعرس على اعتقاد الناس


بليييييييييز ساعدوها والله انها وايد كسرت خاطري

 

[Ms.RoZa]

سبحان الله , النصيب لا جاء بيجيك عن طريق خطابه ولا زماله ولا معرفه سطحيه ولا حتى من الشارع !!
الخطابه وسيله للوصل لنصفك الثاني فقط لاغير ولا هي عيب ولا غلط , هذا شي متعارف عليه منذ الأزل

اما الي بيعيب ع قولتك , فهو بيعيب حتى لو كان جاي لها زحف , وقليل الذوق يبقى قليل الذوق مايملى عينه شي : )

 

[@غلا بوظبي@]

صح كلامج اختي

بس هي ماعرف من رمستها حسيتها مسكينه متردده قلت لها ليش تسبقين الاحداث انتي تاوكلي عربج

وهو بيده كل شي

 

[اعلامية طموحة]

طيب توصي الخطابه ماتخبره ان هي مسجله معاها .. تقولهم ان هذي بنت بشوف اذا بتوافق

عادي مافيها شي بالعكس الخطابة احسها طريقة حضارية

واللي بيعيب مثل ماقالت بيعيب على كل شي

 

[@غلا بوظبي@]

ياحياتي بعض الناس مايشوفوها طريقه حظاريه هذي المشكله

والله حتى قبل شوي دزت لي رساله تقولي بعدني حيرانه

 

[قلب وافي]

اعتقد انه في رجال يتزوجون عن طريق الخطابه

فهالخطابه راح تختار لها من ضمن القائمه اللي عندها


يعني ماراح يعايرها وان عايرها تقدر ترد عليه ! . .



ثاني شي البنت محتاجه الستر على كلامها ومتردده علشان هالكلام ربما قد يحصل


وتبتلش . . وتندم . .


لكن تحط في بالها اللي بيصير راح يصير يعني المكتوب مكتوب مهما تحاشت عنه وخذت

حذرها بيقع .


اذا هي جآده تشوف لها او أنتي شوفي لها خطابه مضمونه ومعروفه انها أمينه


وتتفاهم معها على كل شي تبيهـ . .


خليها تصدق النيه وتوكل آمرها لربها ولآ يكون همها الزواج


لها نصيب راح تاخذه



يختي تظل العزوبيه لها حسناتها وحلوه ان قارنها بالزواج كله مشاكل وغثا وتعب وقهر


موفقه خيتو

 

[@غلا بوظبي@]

يا اختي

بس العزوبيه مهما صار فما راح اطول ولو طولت بتطلع بحق البنت مو زينه وبيقولو انها عنست وعقب يوم بتقول ياعرس ما بتحصل احد ياخذها

وبعدين يا اختي انتي ما عشتي وياها فديتج ماشفتي ايش ظروفها من كلامها حسيتها انها تبا تبني حياه تحس فيها بقيمتها تحس بمسؤوليتها تحس انها تربي صغار من احشائها والله دمعت عيوني يوم قالت لي


تدرين خاطري بياهل اربيه اهتم فيه البسه اكشخه ادلعه العب وياه احاتيه
قالت يوم اشوف عيال اخواني وايد اتعلق فيهم واقول متى انا بيكون عندي ياهل شراتهم

يا اختي

اي وحده تكون تبا تعرس لا تحكمو عليها انها مستعيله
ماتعرفون هي كيف عايشه شو ظروفها
ليش محتاجه انها تزوج
اكييييييد تبا تصون نفسها من كثر ا للي تشووووووووووفه
صج الزوااااااااج انه كله مو عسل
بس اهم شي فيه ان وحده متستره مهما سوت ويا ريلها محد راح يقولها عيب منقووووووووووووود
ما تسالون نفسكم ليش قامن البنات ينحرفون

ليش قامن هم اللي يغازلن الشباب
صدقوني اذا سالتوهم بتحسون ان كل وحده فيهم محتاجه ريال
هي الحرمه جي الله خلقها جي
خلقها من ضلع ااااادم لازم بتحن له مهما صااااااااااار
وليش الوحده تنحرف بدل لا تنحرف
تتستر احسن لها صح كلامي ولا غلط
لين متى بتكون الوحده عزوبيه لين ماتكبر وبسرعه علامات الكبر تظهر عالحرمه
بعدين منو بياخذها بترجع تقول ياريت وياريت

حتى في بنات عايشات يشتغلن ومرتاحات بس بعد يحتجن لريل هي الحياه جي خواتي

وانا والله اني ابا اساعدها باي طريقه ووعدتها وبخبر خواتي بعد يساعدوني

بس اباها تتخذ قرااااااااااااااارها وانا بوقف وياها لنها بعدها متردده


ومشكوووووووووووورين خواتي

 

[قلب وافي]

يااختي العنوسه بيدها ؟


الزواج بيدها ؟


لا


هي تسعى تسوي اللي عليها المكتوب مكتوب


ايه فعلآ كثير بنات مستعجلين على الزواج وصار هوجاااااااااااس وام طعش سنه تقول عنست !


انا ماانكر حاجتنا لرجل بحياتنا لكن نفس الوقت لااقعد اقارن حالي بحالي غيري اللي تزوجو


واللي بسني واقعد اقول متى وليه وكيف . .


واللي بيسمع كلام الناس تراه بيتعب بيتعب بيتعب كلام الناس ينداس


هذي اقدار محدآ بقدره يتحكم << هذا العاقل بيفكر كيذا اما غيره مايشوف زين :surrender:



الله يرزقها اللي تبي ويعاونك يااختي

 

[فلـونة"]

عاااادي جدا ش يها الخطابه
بالعكس كثر ناااااس تزوجو من خطابه من صداقه من معرفه
طيب هاذولا مايعتبرون خطابه اذا مثلا انا رحت لناس والناس هاذولا ذكروني لاحد بي يعرس ؟؟؟
ش بيصير ماصارت خطابه
والخطابه ياحياتي مو عيب

والله يعين يـــارب

 

[البسمه الخجوله]

خليها تتوكل ع الله وكافي كاااااااااااافي تخلف وهمجيه

هي صادقات الرجال بيعاير الحرمه للمات ويشوف نفسه دايم هو الصح

لان مجتمعنا ذكوري بحت والحكيمه هي اللي تحرص على نفسها ووتزوج بالستر عن طريق خطابه

او معرفه او حتى زماله من العمل ,, اهم شي النيه الصادقه وصدقيني ربي ربي سبحانه بيرزقها

ع نيتهااا دامها تبي بالحلال والستر والحمدلله .

 

[GirlishVipGirl]

لاحول ولا قوة الا بالله
الناس يعقدون كل شي الله يهديهم
وش فيها الزواج عن طريق خطااابه
احسن من زواج عن طريق حب..!! وهو الي ممكن يعايرها فيه
لكن خطابه طريق ممتاز وحلال
الله يوفقها ويوفقنا وجميع بنات وشباب المسلمين والمسلمات لما يحب ويرضى

 

[سمتي الوفاء]

خليها توكل على الله وباذن الله ما يعايرها ولا شيء وتقول للخطابه تقول للرجال انها شايفتها بمكان

 

[~دلـع الـكــون~]

حبيبتي بقولك شئ...

اهلها موافقين ع هالشئ...

كيف بتكلم الخطابه كذا من غير ما تقول لاهلها...

قولي لها انها تخبر اهلها او ع الاقل امها انا اعرف وحده تزوجت عن طريق

الخطابه بس بعلم اهلها وهم اللي كلموها واللحين هي متزوجه من3سنين وعندها ولـــــد...

بس احنا مو متعودين ع هالشئ يعني راح يكون صعب عليها...

بس بعد صعب كثير انها تسوي هالموضوع بدون علم اهلها لانه اول مايجي

يخطبها ع طول راح يسألونه كيف عرف العائله...

ربي يرزقها الزوج الصالح ويفرحها بس اهم شئ ما يكون الزواج ماخذ تفكيرها كله....

لانه بتتعب كثيييير ماتدري متى ربي كتبه لها....

 

[وردة كرستالية]

خليها تتوكل على اللله سبحانه حنا عندنا عيب بس حرااااااااااااااام موشرط انها مستعجله على الزواج