استشارة بسبب الشمالي الشرقي

[زبرجد]

السلام عليكم
أنا موعارفة اتصرف..زوجي شمالي شرقي وطلبت منه فلوس للعي ومبلغ بسيييط قال ماعندي ومن هالكلام
المشكلة يصرف على خواتة وامس عزمنا معاهم ودفع دم قلبة وعااادي
ابي طريقة اناقشة فيها يمنع الفلوس عني وعادي لأهله وأنا ملزوم فيني مو فيهم

 

[الوردوالياسمن]

كم لك متزوجه وهل عندك اطفال

 

[زبرجد]

لي 3 سنوات ونصف وعندي طفل والثاني بالطريق

 

[shed_no_tears]

هل أنت موظفة؟
وهل هذه المشكلة موجودة من بداية زواجك؟

 

[زبرجد]

أنا موضفة بس راتب قليل ..وهو شوي حريص على الفلوس علي
وبالعطلة مالي راتب ...ابي طريقة آخذ منه اغراض العيد لأني ماشريت شي للحين
وجزء من اللبس شريته برضاه اني آخذ من أمي وبيعطييني يوم شريته قال ماني معطيك فلوسة كافي سددت جوالك
طيب اعتبر اني ماشريته بتروح معاي وتشتري لي ..سكت ومارد هالنقاش من اسبوعين وماعاد فتحت الموضوع

 

[shed_no_tears]

الله يخارجنا من الرجال الحال من بعضه..زوجي شمالي شرقي..وبرضي بأعاني من نفس مشكلتك..((لمن شفت مشاركتك ..وبرضه كثير من الأخوات بيعانوا من نفس مشكلتنا ..حسيت إنه مني لوحدي في هذه الدنيا عندها هذه المشكلة..)) بس أيش الحل ..؟؟
لي أربع سنوات أبغ حل وما لقيت..الله يعين و يصلح الحال..
بس نصيحة ..لا تبيني له إنك بتأخذي من أهلك فلوس..حتى لو بتأخذي منهم..حسسيه إنك محتاجته...ولمن ينصرف لك راتب لا تعطيه منه ..أتعذري له بأي حجة و أرفعي الفلوس لنفسك..عوديه يصرف عليك..مهما صارت الظروف...ومهما جاتك فلوس..

 

[الوردوالياسمن]

ياقلبي انازوجه شمالي شرقي وجلست سنتين وهومايشتري لي ملابس انا اشتري وفي الاخير طفشت وجلست احاول معاه واقنعه لان الشمالي اهم الشي الفكره تدخل راسه والملابس اللي شريتيها قول له لبستها ولازم جديد للعيد وحددي لك مبلغ حسب ميزانيته في السنه تشتري فيه ملابس وكمالياتها من اكسسوارات وشنط وجزم وغيرها طبعا غير حق المناسبات وخذيها منه في الوقت اللي هو غير مزنوق فيه والله كلامي عن تجربه

 

[زبرجد]

الله يعينا عليهم

انتضر مزيد من الأراء

 

[الزنبقه السوداء]

بصراحه ماعندي خبره بهذا الموضوع الله يعنكم ويرزقكم
لاتنسوا قراءة سورة البقره كل ليله

 

[like sugar]

انا زووجي شمالي شرقي ... ومريت بنفس حالتك ... لا مصروف ولا تموين مطبخ وحاجااات كثيره كانت تنقصني ودايما ( بعدين .. مشغول ... ماعندي الحين ..... الخ)

ومن تجربتي معاااه اكتشفت حاجات

أول شي لمن يقوول لك اخذي من امك او اخوك وانا بعدين اسدد لك <<<< لاتصدقينه لانه ماراح يسدد لك

فقد ماتقدرين لا تصرفين من فلوسك الخاصه ولا تاخذين من اهلك // اصبري عليه شوي لحد ما تعودينه يصرف عليك

الشي الثاني لازم يكون عندك اسلوب صحيح في الطلب .... الرجال يبي لهم اسلوب خاص لمن تطلبين منه الشي

1 ـ اطلبي كــــل اللي خااطرك فيه من زوجك ولا تخمني من نفسك انه بيرفض ... حتى لو كنتي متأكدة انه بيرفض اطلبي منه وخليه يرفض ... وش صار في الدنيا؟ ... تقبلي الرفض بكل رحابة صدر ( بدون عبوس وبدون زعل )

2ـ اختاري الوقت المناسب للطلب ... وقت لما يكون متقبل يسمع منك ... وقت السوالف والروقان

3ـ لمن تطلبين منه ... اطلبي بأسلوب واضح وصريح ( فلان ممكن تعطيني مصروفي بكره ) <<< وبدون ذكر الاسبااب والقائمه الطويله للمبررات ... فقط اطلبي طلبك واسكتي

4 ـ لما يسألك عن السبب ... قولي سبب واحد يكفي ... وارجعي اسكتي وانتظري رده .. رفض وقال ماقدر الحين ؟ .... انتظري كم يوم وارجعي اطلبي منه


في النهاايه تأكدي مو كل مره يرفض طلبك معناه ماراح ينفذه ... راح تشوفين انو بأول فرصه تسمح له راح تتفاجأين هو بنفسه يجيك ويقول لك تفضلي مصروفك

عن نفسي نجحت وياي بقووه ... حتى في حاجات كان يقول لي لما اعطيك مصروفك اشتريلك منه ... صرت اطلبها منه ويجيبها لي وينسى كلامه

والله يووفقك واسألك الدعاء ان الله يسعدني مع زوجي ويسخره لي​