استشارة بخصوص مخطط البيت**تم الرد**


معك يشال افضل .....​
 
السلم عليكم

اولا اله يسهل امركم

ثانيا اذا سكنتي وقبل ماتنقلي شي من اثاثك اقرأي سورة البقره في البيت لازم لازم واقرأي دعاء سكن البيت.

ثالثا ما انصحك ابدا تشيليه وهذا من خلال تجربتي ..صدقيني حتتعذبي كثيرا خاصه اذا درج الصاله هو الطريق لزوجك حتى يطلع لغرفته !!

وتأكدي ان التفصيل الذي يجعل ظيوفك يطرقون البيت من اوله لأخره حتى توصلينهم للمجلس هذا ح يتعبك فيما بعد ...والدليل شوفي اكثر من حولك اذا صار عندهم نفاس تلاحظي اغلبهم يستخدم مجلس الرجال لاستقبال الحريم ! ليش ؟؟

لانهم يلاقونه اسهل في التنظيف وبعيد عن الاستخداد ..



واذا تبغي تفتحيها فخلي لك فوق مطبخ حتى ترتاحي من طالعه ونازله في اليوم عشرين مره...


والله سكتب لك الي فيه خير لك
 
كل الشكر لكن على المرور الرائع..

حبيبتي دونات666

أولا:أشكرك على المعلومه والتذكير برقية البيت أسأل الله العلى العظيم أن يجزاك خير الجزا..

ثانيا:بالنسبه للدرج راح أحط أن شاءالله (درج خدمه) من ورا..

وبالنسبه للمطبخ بعد حاطه فوق مطبخ صغير (بوفيه)


وأنا بصراحه موشايله هم غير الصاله أخاف أفتحها وأندم
وخاصة من ناحيه أنها راح تكون على المطبخ وغرفة الطعام ..
يعني لما يكون عندي ضيوف وجالسين بالصاله يكون مكشوف عندهم لما أقدم من المطبخ لغرفة الطعااااام
أبي من خلال تجاربكن تعطني آرائكن وكل وحده تحط نفسها مكاني هل لوبيتها بتحس أنها راح تأخذ راحتها بالتقديم وضيوفها بالصاله...

وعلى فكره أنا ماجربت أنه يكون لي بيت لحالي لأني ساكنه مع أهل زوجي ومالي غير غرفه...

لاتبخلن علي بالآراء والنصايح الحلوه...

وآسفه طولت عليكم..
 
مرحبااااااااااااااا

وياك

نعم هذا كلامي من خلال تجربتي ...كنت ساكنه بيت فيه صاله كبيره جدا وبصراحه اذا دخلوا الناس ابهرتهم لانهم كأنهم داخلين صااااالة عرض تعطي انشراح للبيت لكن شرحت قلبي وعذبتني منتهى العذاب !!

لاني ما اقدر افرش السفره وارتب الملاعق والصحون الا قبل التقديم بدقايق وهذا صعب جدا ويحرمك ترتبيها ترتيب بفن وذوق ...خاصه اذا المعزومات عندهن اطفال ...كمان لو فكرتي تحطي بوفيه كيف بيجي المطعم يرتب طاولات البوفيه والمكان مكشوف ع الحريم ... بيتي الي قبل كان عندي مقلط عادي يتسكر بباب وكنت من الليل افرش السفره وارتب المناديل والاكواب والاطباق وملاعق الغرف ونفس يوم العزيمه من المغرب اغلف السلطه واحطها حتى توسع علي في المطبخ وارتاح منها...وهكذا ارتب ع رواقه واقفل الباب اذا رحت للمطبخ خوفا من دخول الاطفال ..... وياسلام

لكن بيتي الي بعده كان المقلط هو الممر الوحيد بين المطبخ والمجلس يعني مستحيل ارتب السفره الا قبل التقديم بدقايق لذلك صارت العزايم لي في منتهى العذاب ..

....

اما البوفيه الي فوق ليش مايكون مطبخ كامل حتى لو كان صغير لكن اهم شي مايكون مفتوح .. يكون مثل اي غرفه يتسكر بباب وتطبخي فيه غداكي وفطورك ليش بوفيه وتجلسي كل يوم طالعه نازله بين المطبخ الي تحت وغرفكم فوق؟؟؟؟؟؟؟؟؟؟

وايضا لو جاكي ظيوف تلاقيك حايسه مطبخ فوق قلي وتقطيع وطبخ وتحت يكون نظيف ..

يعني لو حبيتي جلستس فوق 5ايام مانزلتي لانك فوق كل شئ عندك في مطبخك ثلاجه كبيره وفرن كبير ومواعينك انت وعايلتك ..ومواعين التقديم كلها من بيالات وفناجيل وطقم سفره يكون كلها في مطبخ تحت .


طيب غسالة الثياب وين حطيتيها؟؟

والله يوفقك


سبحان الله وبحمده سبحان الله العظيم
 
33608_01316244983.jpg
​


اولا الله يبلغني واياك
انا الان اشطب بيتي الله يتمم لنا على خير وسلامة
ثانيا المطبخ ليه عند المدخل ومجلس الحريم داخل
المفروض العكس حتى يكون بعيد عن الضيوف والمقلط مقفل ومجلس الحريم بعد يعني عادي تقدرين تقدمين فيه وانتي مرتاحة...
سؤال انتي وين بتستقبلين الحريم؟؟
في الصالة والا الصالة لكم؟؟
وعلى كل حال خليها مفتوحة اشرح ويصير اضاءتها طبيعة
والا بتصيرر ظلام ليل نهار
وترى الامر سهل مع العظم بيبين لكم كل شي اوضح
والمخطط بيصير بوادي والبيت بوادي
اساليني غيرنا كثير عن المخطط لما تشوفينه على ارض الواقع غيييييييير
انا الدور اللي تحت كله استقبال ماعندي مجلس حريم مقفل
لكن المقلط مقفل والمطبخ بعد ماتعجبني فكرة مطبخ مفتوح
وعندي على الجنب غرفة ضيف لان حنا ساكنين بعيد عن اهلنا
فحطينا غرفة وحمام للي يجي وطبعا مجلس رجال
وخزانة وغرفة شغالة وحمامها تكرمون جنب المطبخ
الدور الثاني غرف النوم وصالة جلستنا وبوفية على الجنب
وبس اهم شي انتم اللي بتعيشون في البيت
دايم نشيل هم اذا جانا ضيوف طسب وانا اللي ابقعد فيه ليل نهار ابي اللي يريحني
وسلامتك
اوجعت راسك بالكلام
واذا بغيتي شي ارسلي لي خاص عندي خبرة بكل شي

​
 
دونات666
أسعدتيني بأطلاعك على موضوعي للمره الثانيه وطرح تجربتك..


بالنسبه للبوفيه اللي فوق حطيتها لأني ماراح أستخدمها كثير ودام عندي مطبخ كبيرتحت ماأظن راح أحتاجها للطبخ الرئيسي هي راح تكون للوجبات الخفيفه ولعيالي في الليل علشان مايحوسون المطبخ تحت...

وبالنسبه للغساله مفكره أن شاءالله أحطها بالمطبخ..


موية ورد..
أشكرك حبيبتي على مرورك ورأئيك ..
راح أجاوبك بشكل نقاط...


أولا:حطيت المطبخ عند المدخل علشان المقلط مقابله أسهل بالتقديم ولو أحطه بمكان مجلس الحريم راح يعذبني بالتقديم وتصير المسافه طويله بين المطبخ والمقلط..

ثانيا: أستقبال الحريم راح يكون بالصاله..والمطبخ اللي تحت مقفل ..
 
حبيبتي الله يساعدك ويكتب لك الخير
فيه موقع اسمه المهندس
اطلعي عليه بيفيدك كثير
وبالتوفيق للجميع
 
مرحبا

شكرا رحاله ... اي والله تعبت من التفصيل الفاشل الذي مايناسب عاداتنا..اول وحده تتعذب الحرمه .


طيب نفس السؤال والثياب قبل ماتنكوى وين تكون فيه ؟؟؟

كان عندي سله اجمع فيها الثياب قبل الكوي في سيب في نفس المطبخ ..فهمتي علي ؟ يعني تدخلي المطبخ وبعدين تدخلي الغرفه هذي الي تكون فيها الملابس ومع ذلك تتشبع برائحة الطبخ ..ودايم يشكون من ريحة الشماغ والثياب ..ولم اجد حل حتى الان لهذه المشكله..


ولن اكرر عليه الكلام لكن ما زلت انصحك بالمطبخ فوق ...ماراح يكون كافي لتجهيز وجبه اذا الثلاجه الرئيسيه تحت !


وحقول لكم قصه :

مره من المرات كنت بزور قريبه لي في النفاس وكان ذلك في رمضان ..واطريت اروح لها مع اذان العشاء((فشيله)) قبل التراويح!
المهم انت عارفين عايله كبيره وفي رمضان يعني ليس من السهل يكونوا متجهزين في هذا الوقت المبكر ..
ولكن ما اعجبني اني دخلت صاله كبيره ما فيها الا البنت اللي بنفاس فقط ... وخوانها واخواتها وابوها وكل شئ فوق ...حتى مطبخ العائله فوق !

تحت فيه مطبخ جهزوا فيه الشاي والقهوه وكانت ظيافه مرتبه وهاديه وبدون ازعاج اطفال وحوسة بزارين.

واعرف لك ثنتين مسوين بوفيه فوق ولكن تقول ليس لذيك الدرجه استفدنا منه ..

وانت اعرف بما يناسب عاداتك ..


والله يوفق الجميع
 
اهلين

تصدقين الحين ركزت في مخططك ..

الله يصلحك ..ما ودي اظيق صدرك لكن والله احب انصحك لوجه الله فقط وان شاالله ما تكوني من الحريم الا تزعل من كثر النصيحه ومن الصراحه ..

عزيزتي مخططك متعب جدا ..

سأذكرها في نقاط وفكري فيها بجد وشوفي تجارب الناس ..

المقلط غلط واكبر غلط يكون هو الطريق الوحيد لو حبيتي تعطي الرجال القهوه.


هناس مساحات كثيره ظايعه عندك ..

موقع المطبخ غلط .. غلط جدا لان ليس كل الظيوف الي بتجيك بتكون اما غدا او عشى ..بيكون اغلبها ظيافات عاديه ..

يعني لو بتسير عليك حرمه وحده ولو وحده من جاراتك لا زم يكون المطبخ (( مثل مطبخ دعايات كلوركس))

والله يعينك اذا شغالتك ميته او شغالتك مسافره !!

واستغرب من كبر صالتك ..كم مساحتها؟؟

وهل صالة فوق مفتوحه على تحت او لا؟

كنت في بيت صالته حوالي تسعه في سته ياااااااااااااااااااااااااااااااااااه كم عذبتني

لا استفيد منها لا شتاء انا وعايلتي ولا هي تعجب الجالسين صيفا برغم انا فيها صحراوي قوي لكن كانت مفتوحه وفيها عامودين يعني شكلها حلو

لكن كانت مهلكه لي جدا الحسنه الوحيده الي فيها الاضائه الطبيعيه فقط.

وحلفت لو فصلت بيت ما احط فيه صاله ابد والغى تمااااااااما الدرج الي بصاله (لانه يكلف ويسوي زحمه مالها داعي )

ارجع لتفصيلك.... فكري عزيزتي وين بتحطي الفريزر الكبير لا تظحقين علي ولا تستهيني بالفكره !

فكري فيها الان مشكلت بيوتنا مساحات ظااااااااايعه وبعد ما نسكن مانلاقي مكان للفريزر !!! ولو لقينا مكان مناسب مانلاقي فيش.

الله يسهل
 
دونات666

آرائك ونصيحتك تفرحني وأنا سعيده بها...



وراح أجاوبك بشكل نقاط:

أولا:مساحة صالتي 9x6هذا أذا ماشلت اللي مخططه عليه بأحمر لو أشيله أكيد راح تزيد مساحتها..

والصاله مسكره من فوق يعني فيه صاله فوق وصاله تحت..

وبالنسبه للفريز فيه عندي مستودع بمساحة4x3راح أحطه فيه علشان مايخرب على تفصيل المطبخ..

أما الافياش فأنا أخذه أحتياطي لانها أهم شي بالنسبه لي فقررت أني أنا أحدد موقع الأفياش بنفسي مع الكهربائي وبتكون على حسب توزيع الأثاث..

وأما أصرارك على المطبخ أنا معك لوكانت العايله كبيره بس أنا عايلتي صغيره (أنا و زوجي وطفلين)
وقسمي هذا اللي بالمخطط هو جزء من الأرض والجزء الثاني راح يكون لأهل زوجي..
 
بسم الله الرحمن الرحيم​
السلام عليكم ورحمة الله وبركاته
اختكم مشاركه جديده في اسرة مملكة بلقيس اتمنى ان تستفيدو من مشاركاتي القادمه ان شاء الله كما استفدت منكم عظيم الفائده
وتقبلو شكري ومتناني]
اختكم اطلالة أمل​
 
اهلين

طيب اذا كان الطبخ تحت وين بيكون غرفت الجلوس والاكل ؟؟


وغسالة الثياب وملحقاتها اين موقعها ؟؟


مع تمنياتي لك بسكن مريح والله يتمم فرحتكم و اذا صالتك تحتاج لاعادة التفكير فيها وليس تركها مفتوحه هو الحل ... فستكون كبيره جدا
 
مرحبا

تذكرت شئ بسألك عنه :


هل فيه دورة مياه تحت للعايله ؟ غير دورة مياه النساء والرجال حقت الظيوف


وحتى لا اعيد كلامي الصاله المفتوحه حتتعبين معها جدا وبكره تقولي دونات قالت !

مثل السيراميك الابيض صح حلو ويشرح البيت وياسلام عليه ...لكن يعذب ويتعب في التنظيف و من اقل شئ متوسخ وصاري شكله كأنه ما نظف من فتره ... كأنه صالتك الي يتفرج عليها غير التي تعاني من ترتيبها وتنظيفها ( انا فكرت فيك وفي معاناتك)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل