استازتنا ناعمه ... القصه هذي من صميم اختصاصك تفضلي برأيك ولا يهونون الاخوات

[بشرى ساره]

القصه يااخوات من بداية فصولها حصلت امام ناظري وهي تخص انسانه غيري
اولا ... هي بنت عمه وتزوج منها بعد سلسله من المشاكل والانفصال اثناء الخطوبه والعوده بحجة انه ولد عمها واهل وقرايب والدم مايصير ماء وتم الزواج !!!!!!!

ثانيا هي انسانه اقبلت على الحياه تريد الاستقرار وتريد الاحتواء خصوصا انها الكبيره في البيت
متعلمه وخريجة جامعه

ابوها استاذ جامعي وعايشه في مستوى مادي معقول

هو ... ابن عمها يتيم الابوين ......... مستواه تعليم متوسط
انسان متذبذب شكاك غير مستقر نفسيا ... مهزوز لايثق في احد ... مراوغ ... يوسوس من ناحية صحته يدعي المرض والفقر ليستعطف المحيطين والجميع يعرف الحقيقه ...

عاش حياه مليئه بالاحداث من طفولته المشتته الى مراهقته الى شبابه الضائع مع البنات والاسراف حيث كانت له وديعه بنكيه انفقها في اسبوع مما انعكس على سلوكياته فيما بعد ليتحول الى البخل والتقتير
والكثييير مما لايسع ذكره

الزواج . تم بعد شد وجذب من ان يهرب ويضحك الناس على بنت عمه وانه ماسكهم لانهم مايبغون طاري الطلاق او الفشل

ويخافون من كلام الناس

من اول يوم في الزواج اكتشفت بالصدفه انه لازال على علاقه باللي كان خاطبها قبلها عن طريق الجوال والرسائل المتبادله اللي كشفت العلاقه

من اول يوم ماعطاها وجه ومن فندق لشقه بحجة الراتب قليل وهو مو مستقر والفتره اللي بيزورها فيها في بيت اهلها او فنادق ومايقدر على بيت وسكن

معتمد على سكن من ابوها لما تخلص العماره الجديده ياخذ شقه ببلاش وهو يتقاعد بحجة انه مريض وعنده تقارير وهي تتوظف ويعيشون على راتبها !!!!!!!!!!!!!!!!!!!!!!!!

مايحب يخرج معاها وقته في القهوه ومع الاصحاب ومن اول ايام يتركها في غرفة الفندق نهار كامل ويرجع ينام
يسب اهلها دايما ويكرههم

بخيل ويكره الانفاق يقول ليش الاسواق والفسح والمطاعم والفنادق كلها مالها داعي واذا خرج معاها يمشي بعيد عنها ويحاول مايقرب منها ........... بعد شهر من الزواج رجع من اجازه واخذها لمدينه ثانيه ورماها في بيت خاله كل يوم يطلع ويرجع اخر الليل ينام وهي جالسه في بيت الناس لا استاجر فندفق وهي عروسه ولا تمشيه ولا اسواق الى ان حصل نقاش كبير بينهم ورجعت معاه لبيت اهلها


مايعطيها مصروف كفايه وكل ماجابت طاري البيت والاستقرار يهرب من الموضوع وظروفي وراتبي ومكان عملي صعب وهي راضيه تصبر وتروح عشان تحس انها تزوجت وبجانب زوجها لكن مايبغاها جنبه نهائي

المعامله الخاصه سيئه رغم مرور شهرين الا انها لاتعبر عن عريس يريد حياه زوجيه اللقاء يتم تلقائي بدون مقدمات مجرد واجب مهما عملت من تهيئه مايعتبرها وكلام فاضي والاهم النهايه


تعبت من التفكير والتنازلات من البدايه بحجة اصبري والحياه تضحيات وتقدير لكن هو ماطمر فيه لدرجة انه ركب عليها واي طلب للحياه الكريمه تنازلات وذل وهو صاحب الفضل وهم اللي يدورون رضاه !!!!!!!!!!!!!!!!!!!!!!!!!!!!!!!!!!!!!!!!!

الحل مع هذي الشخصيه ببساطه :dunno:

 

[some1]

قصتها قصة ، والله عقلي سكّر من كثر التفكير !! رجال آخر زمن ، ياخذوا بنات الناس ويقوموا بإهاناتهن ، حسبي الله على كل رجال حقير وماعنده كرامة ومايصون بنات الأوادم !!!

 

[&زهور الياسمين&]

مالي غير أن أدعو لها غاليتي بأن يفرج الله همها لأنه بالفعل وضع لا يطاق أبدا وكان الله بعونها

 

[om yussef]

:tears: لا حول ولا قوة إلا بالله .:icon28: فعلا اللي يشوف بلاوي الناس بتهون عليه بلوته :dunno: الله يكون في عونها

 

[هدأة الغسق]

يا أختي المسألة واضحة وضوح الشمس ..

مافي توافق بينهم الإتنين ولا من أي ناحية..

ايش يني ولد عمها ؟ هل هذا يعطيه الحق إنه يهينهاوتصرف عليه ويسكن ببلاش وبعدين هي تتوظف ويصرف من راتبها.

لا يا أختي هذا غلط كبير .. الله سبحانه وتعالى قال: الرجال قوامون على النساء بما فضل الله بعضهم على بعض وبما انفقوا من اموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فان اطعنكم فلا تبغوا عليهن سبيلا ان الله كان عليا كبيرا

لاحظي بماذا ؟ بما انفقوا من أموالهم .. لم يقل من أموالهن..

يا حبيبتي والله أنا في نظري الأفضل لها تنفصل عنه مادامت في البداية ..

عادة البداية تكون أحسن شي .فإذا هذا أحسن شي عنده أجل أيش أسوأ شي !!

قولي لها تعيد ترتيب أوراقها وتشوف لها طريق للخلاص .

 

[نسائيات]

ختي اللي يخاف من كلام الناس ويخلي نفسه مدوسه للغير يصير مدوسه وينداس عليه ومحد ينظر له
اختي صديقتك من الاساس رخصت نفسها ورمت نفسها لولد عمها شو يعني من اهلها
اقرب لك عقرب لك
بعدين الطلاق او الانفصال عن انسان لا يحبني مريض بالوسواس جنه وليس نار
وان كانت كارهه للطلاق فعليها بان تكون ذكية وتقلب السحر على الساحر
يعني تنازلات بس واذا يبا يطلق يطلق تراه هو الخسران
اساسا هذا الشخص مسترهنهم ومستقلنهم
وينتظر كل شيء من اهل زوجته وهذا غلط
يعني ابوها المفروض ما يعطيهم شيء ولا شقه ولا مصروف
وهي تهدده بطلب الطلاق اذا ما اعتدل
او تتحايل عليه
وانصحها بطلب استشارات عاجله

 

[أمل أمه]

بخيل ويكره الانفاق يقول ليش الاسواق والفسح والمطاعم والفنادق كلها مالها داعي واذا خرج معاها يمشي بعيد عنها ويحاول مايقرب منها ...........

هههههههههههههههههههههههههههههههههه اسمحولي بس ضحكت غصب عني

يعني ليش ايطلعها ويفشل نفسه ويفشلها

والله ابتلشنا بالهرجال المرضى .. الواحد بدال لانسال عنه عند الناس مفروض نوديه لدكتور نفسي يسوي له اختبار صحه نفسيه

 

[أم عيالي]

كالمي نفس كلام الأخت حمرة الورود وحكاوينا ولايهينون الباقيات يعني وإذا طلقت وش صار بالعكس إن شاء الله الله يخلف عليها بواحد احسن قبل ما يجيها عيال وفعلا تتوهق لأن الأبنا مهما كان بيتأثرون بأبوهم

 

[غدير الحب]

الله يعينها

احس الحل موجود بس لازم المثاليةالي عنداهلها تزول

النفس والطمانينةغاليةع الانسان ع حساب الغير

لازم تاخذموقف هالبنت ولوابوها عاند

حياتها مب حيات اهلها

الله يعينها

 

[وردة بوظبي]

مشاءالله عليهم الخوات كف و وافن....ورائي اول شىء ادخل الاهل يعني ابوها ويحاول يصلح اذا في مجال للصلح مع اني استبعد هالشىء مع هالنوعيه م الريايل..

اذا ما فااااااااااد..خلالالالالالالالالالاص لا حول ولا قوه الطلاق افضل خاصه انه ما في عياااااال بينهم...

 

[ضياء القمر]

طمنينا على رفيقتج وشار يوياها
نتمنى ان تكون بتخير

 

[مرمورة]

عفوا عزيزتي هل هذا زوج يستحق التمسك به ؟؟؟؟؟؟؟؟؟؟
اما أن ينعدل ويعطيها حقوقها التي شرعها الله لها أو مع السلامة قبل أن تتعقد حياتها بأطفال تضطر كي تضحي بسعادتها من أجلهم

 

[hnooood]

الله يعينها ويكون في عون كل عبد ​

واقول للاخت امساك بمعروف او تسريح باحسان والانسان ماياخذ غير نصيبه