استاذه نجوىتعالي بردي على قلبي مهمومه...

[الدلوعــــه]

اختي الفاضله احس بالقهر ونار شابه في ضلوعي من بنتي الله يهديها
اتبعت معها كل اللي قلتيه لي وكلمت ابوها باللي قلتيه لي وطبقناه بالحرف لدرجة اخواتها يقولو اشمعني فلانه!
المهم شيخة زمانها لعبت الدور وتتدلع علينا واي شي تبيه ان شاءالله وصارت فيها امورحسيتها بدايه لاكتسابها
بس للاسف طلعت كذابه درجه اولى مع مرتبة الشرف !!!
بعد الحب والحنان اللي عطيناها جت عندي تقولي يمه ابي اقول لك شي بس لاتهاوشيني !!قلت لها لا حبيبتي مو مهاوشتنك خير حبيبتي قالت لي يمه انا وتلعثمت (لعبت الدور باتقان وانا الهبله صدقت )انا من كنت بصف ثالث ماكنت اصلي وصاحت !!! قلت لها شلون ماما انتي تصلين انا كنت اشوفج قالت لي لا كنت امثل بس ماصلي !!!وصااحت !!!وتوصيني مااقول لابوها وقالت يمه انا بالليل مانام من الخوف لاني امثل اني اصلي
وانا اصلا ماصلي ، طبعا وقتها كان ودي اخنقها واطيح فيها ضرب بس مسكت نفسي وظميتها وقلت لها ماما معليه خلاص لاتصيحين ومن اليوم ورايح لاتعيدينها ....ابوها سالني بس ماقلت له قلت دامها كلمتني اكيد حست بالذنب وبدت تتقرب مني وهذااللي ابيه كسبها ....
تذكرين قصة صديقاتها اخت نجوى اللي كانت معاهم وعلموها الالفاظ والرسومات ، من فترة وتجي اتصالات لها من مدرستها القديمه ويوم اسالها من تقول لي فلانه اقولها فلانه ماغيرها اللي كانت معاج بالمشكله؟تنكر وتقول لا يمه مب هي وحده ثانيه اقولها زين تحملي يمه تكون هي خلاص ربعج ذولاك اتركيهم ماشفنا منهم خير تهز لي الراس ان شاءالله ،كنت نفسيا مب مرتاحه بس قلت لاخلاص صرت انا وياها ربع ماعتقد بتكذب علي المهم اليوم البنت هذي اتصلت وردت هي عليها وصكت قلت لها من قالت وحده من مدرستي القديمه سكت ، جه نفس الرقم قلت من هذي قالت لي يمه ردي عليها قلت شبلاه كله تتصل رديت وكلمت البنت وطلبت بنتي شفتها فرصه اسالها من هي خاصه اني اعرف اسامي البنات ذولاك سالتها انتي من ؟قالت انا فلانه قلت فلانه بنت من؟ قالت بنت فلان الفلاني وطلعت راعيه المشكله اللي كتبت لبنتي (فك يو)وكانت من ضمن الشله الفاسده صعقت وصدمت وصكيت التلفون وشفتها قلت لها فلانه بنت فلان ؟؟؟؟؟؟؟؟؟ انكرت وقالت لي لا يمه مب هي !!!!!!!!!!!كذبت !!!طار عقلي واخذ اي شي قريب واضربها فيه تكذبين واضربها بكرتون فاين لين انشق وهي الله اعلم خايفه وله تتصنع الخوف وتصيح واخذ التلفون واضربها بالتلفون لين زرقت يدها وضربت فيها رجلها بعد ادري اللي سويته غلط بس انقهرت حسيت اني لعبه تلعب فيني وتمشيني على كيفها واخذ شعرها واشده واضرب من دون حاسيه وقلت لها لمي اغراضج وذلفي الغرفه مابي اشوفج وحبستها بالغرفه ماتطلع منها
انقهرت منها مافي شي ماسويته لها مافي شي مالبيته لها مافي طريقه ماتبعتها بس مافي فايده منها كذابه وماتصدق معاي فكرت اكلم ابوها لانها تحط له حساب بس قلت اكلمك واستشيرك بالاول
لاحولولاقوة الابالله العلي العظيم

 

[الدلوعــــه]

رحت لها الغرفه قلت اكلمها واشوف مبرراتها شفتها مبطله الشنطه تحل الواجبات اللي عليها ناديتها قلت لها تعالي ابي اكلمج وهي تشوفني بنظرات خوف (هذااللي اعتقده مع اني اشك)قلت لها ليش كذبتي علي ؟ انا قلت لك ماتكلمي البنات ذوله ليش كلمتيها ؟لاتقولين انج خايفه مني لانج لو خايفه مني بتحطي لي الف حساب وماتكررين نفس الغلط قالت لي يمه كنت خايفه وقطعت كلامها انتي كذابه ماصدق عطيني سبب مقنع جسور الثقه اللي بيني وبينك انتهت انتي دمرتيها قل ماقول اني كسبتج واني مثل اختج الكبيره مب امج اتفاجئ بشي جديد منج وكل مرة الله يكشفج عندي ومع هذا ماتوبين وتستمرين بالكذب الحين شلون اوثق فيج؟طبعا هي اغلب الوقت ساكته انا اللي اتكلموارد اسالها ليش كذبتي علي وقلتي لي انها مب هي البنت وطلعت هي ؟قالت لاني خفت منج ؟قلت لا انتي ماخفتي مني انتي لو تخافيني كان مسويتي جذي قالت لي هي تتصل انا ماتصلت قلت لها ليش ماقلتي لي انها هي وانا الي كنت بكلمها ماتتصل مره ثانيه كم مرةاسال وانتي تنكرين اخرتها انكشفتي واناعرفت ؟طبعا خلال الوقت هذي انا اعيد عالرقم عشان اخليها تكلم البنت انه ماتتصل مرة ثانيه ابدا وله سببت لها مشاكل لوتتصل لين رن التلفون وردت البنت علىبنتي قالت لها فلانه لاتتصلين مره ثانيه علي قالت ليش ؟ قالت لها بس لاتتصلين قلت لها قولي امي تقول لو اتصليتي بتصير مشاكل البنت قالت زين وصكت التلفون وتميت انا وياها نفس السؤال اللي مالقيت له اجابه ليش كذبتي علي واخر شي قلت له انا تعبت خلاص ماعاد اقدر اصبر دام هذا حالج انا بكلم ابوج يتصرف معاج وهي شكلها تغير يوم ذكرت ابوها والين الحين هي محبوسه بالغرفه ماطلعت وهددتها اذا حالها هذا بيتم جذي بطلعها من المدرسه عنها مادرست ولاتعلمت
مادري صح اللي سويته وله لا

 

[أ.نجوى ناجي]

صراحة ولا في أي شئ صح كله خطأ للأسف ... حسستي البنت انك كنتِ تمثلين عليها الصداقة هي ماكانت اطمئنت لكِ بعد , صراحة الوقت قصير جدا مالحقتي تأخذي ثقتها إلا وكشفتي عن أظافرك وأنيابك مرة ثانيه , ارجوكِ المعالجة تأخذ وقت , من غير المعقول بعد يومين تمثلين الصداقه عليها وفي النهاية تضربيها كل هذا الضرب ؟

عدنا لنقطة الصفر مرة ثانيه للأسف , كان الأولى بكِ عندما اكتشفتي أنها صديقتها تأخذيها على إنفراد وتتحدثي معها .. حبيبتي لقد تحدثت مع صديقتك وقالت انها فلانه بنت فلان .. لماذا لم تخبرينني ؟؟لماذا أخفيتي عني ؟ ( ولا تقولي لماذا كذبتِ علي ) الم نتفق أننا صديقتان .. هل فضلتي صديقتك الثانيه عني ؟؟ .. وهكذااااااا أما هذا الأسلوب لن يجدي وستكذب عليكِ مرارا وتكرارا ...

أما عن تهديدك لها فحدث ولا حرج أرأيتِ صديقة تهدد صديقتها وتستمر معها في الصداقة مرة ثانية ؟؟؟
​