استاذه ناعمه انقذينييييييييييييييييي

[أ. باسمه الكوس]

السلام عليكم ورحمةالله
هلا حبيبتي , أتمنى من الله أن يوفق بنات المنتدى لكل خير , شفتي منهم الطبيه والنصيحه والتعاون اللي ما توقعتيه صح :msn-wink:
دائما الشخص المخطئ لما يأتي ويضع رحاله :surrender:ويستسلم ويقول بكل صدق أنا غلطااان الأفضل أن نتبع معه أسلوب النصيحه وليس اسلوب التأنيب
كثيرات من الأخوات يكتبن مشاكلهن ويعرضن أزواجهن كأسوء رجل في الكره الأرضيه وتصف نفسها بأرق الصفات وكأنها ترغب في جذب الانتباه فقط والتعاطف , وبهذه الحاله فإنها لاتوفق لنصائح مفيده .. بالعكس تجد الجميع يسب زوجها ويألبها ضده .... وتكون هي الخسرانه في النهاية ....!!

ندخل في المهم ..( جهزي ورقه وقلم ... واكتبن معها يا بنات )
- شخصيتك = مجموعة السلوكيات التي اعتدتي أن تقومي بها
- وانت تعودتي انتكوني محط الانظار في أسرتك وعائلتك , ولما تزوجتي رأيت بعينك أن ما تفخرين به فهو قليل مقارنه بزوجك وأهله .. الجمال والمال والترابط الأسري , وكان من الصحيح أن تفرضي نفسك و وجودك عليهم بما تملكينه .. بدل ان تحزني على مالا تملكينه..
وهو حسن الخلق وحسن التعامل , الثقافه .. الاتيكيت.. المرح وخفة الظل .. وحلاوة الكلام ...وكما يقال..

صدر المجالس حيث يجلس لبيبها ........... فكن اللبيب تكن أنت صدر المجلس

وحصل عندك التسلسل الذي كتبتيه .. رأيت نفسك أقل منهم .. حاصرتك مشاعر الضعف .. حاولتي ان تكسبي زوجك .. لم يكن عندك في ذهنك مرجع سلوكي يعلمك حسن التصرف في مثل هذا الموقف.. تذكرتي كيف كنتي تتدللين على أهلك وتتنفذ طلباتك .. حاولتي تمارسين على زوجك وسيلة الدلع ولوي الذراع والضغط. وزوجك بالضبط كما قالت هدهد يحب الحيااااة والاستمتاع بها
وكنت في نظره انسانه بائسه ضعيفه ممله .. فلم يتعب نفسسه بأقناعك ..... وفرد جناحيه و هرب خااااارج العش ...... وبقيت أنت حزينه كسيرة .. وبدل ان تكسبي وداده وتفهمي نفسك ونفسية زوجك ... غردتي خارج السرب ...( مع رغبتي الشديده بترك الحوار حول هذه المعصية التي مريتي بها )


ولي عودة

 

[haya_sa]

اهلين اختي الزوجه الحكيمه مرورك اسعدني جدااااااا تو ما نور موضوعي بمشاركتك انتي واخواتي فعلا مشاركاتكم تخفف عني كثير وتصدقون كل شوي ادخل واشيك على الموضوع اشوف مشاركات جديده بصراحه كلامك فعلا يصف واقعي اللي اعيشه وياليته يتغير والله اتمنى اعيش بسلام واستقر واتهنى تصدقين امي دايم تقوللي اقارنك بين البنات اللي تزوجو بعمرك بالعيله بس اشوفهم مبسوطين وعايشين احسن من عيشتهم قبل ما يتزوجون مع انهم اقل منك بكل شي جمالا وثقافة

 

[أ. باسمه الكوس]

وضعك الآن في بيت أهلك جداا صحي بالنسبه لي
حتى تبدأي بالنظر إلى نفسك بمرآة العقل والمنطق , اعيدي النظر الى ذاتك بمنظور الحكمه والسنـــــــــــع ولا تقيسي نفسك باشخاص آخرين , فقد يكون هناك تفاصيل في حياتهن لا تعرفينها تكون سبب سعادتهن ,

- أهم ما اطلبه منك أن تتركي التفكير في الماضي , ما مضى , والمؤمل غيب , ولك الساعة التي أنت فيها ..

- مارسي أكثر متع الحياة لذة ...( إعادة تشكيل الذات )
ضعي لنفسك دفترا خاصا أكتبي فيه ما يلي :
كل جمله عنوان لصفحه :
1- أنا أشعر بالسعاده عندما ....
2- أنا أشعر بالقوة عندما .......
3- أنا أغذي عقلي وفكري عن طريق ........
4- أنا أهتم بجسدي وشعرري عن طريق .....
5- برنامجي الإيماني الجديد للتقرب من ربي هو ....


فقط ...إبدأي الآن .. اكتبي ... واكتبي واكتبيي
إعيدي إكتشاف ذاتك .. غوصي بعمق في عالم الافكار المثمرة والايجابية ,,, واجعلي لك وقتا خاصاا تجلسين فيه لوحدك .. تفكرين وتقرأين ما لا ينميك بذاتك ( لا تقرأي هذه اليومين فقط عن الحياةالزوجية ) ولمدة اسبوع

فكري بنفسك ... وافهمي الطفله لصغيرة التي تعيش في أعماقك .. إنها تحتاج إليك .. تنتظر حبك .. وتنميتك ... ولطفك ... ولكنك تركتيها والتفتي الى الاخرين .
عودي اليها بحب ولهفه وشووووووق
كثير من الناس يفرونمن تحمل مسئولية حياتهم والشخصية بالتركيز على الاخرين ( ويظنون أن هذا هو قمة التضحية والحب والعطاء ) فيخسرون أنفسهم والأخرين , أنت لا تستطيعين تغيير زوجك أو إصلاحه
كرري معي هذه الجملة
(( الشخص الوحيد الذي أستطيع تغييره هو ...ذاتي ))

-هل تعلمين أن أكثر الناس مقيدوون بقيود ذاتيه ؟؟ قيود فكريه وعقليه .. وحتى تتغير حياتهم يجب أن يغيرو أفكارهم

(( غيري افكارك وقناعاتك ..... تغيري حياتك إلى الأفضل ))

مثلا : كنت تعتقدين أن وسيلة كسب قلب زوجك هي ( الزعل) والآن اكتشفتي إنها غلط
كنت تعتقدين أن وسيلة الهروب من المشاكل أريح من حلها
كنت تعتقدين أن مشكلتك الزوجية بسبب ( زوجك فقط)
ايضاا ؟؟
سطري في دفترك كل ما كنت تظنينه واكتشفي انه خطأ
-............
-............
-...........

ثم ابدأي بوضع افكار مثمره معاكسه لما اكتشفتي خطأه من الأفكار

(( احيانا نعتقد بصحة أمر ما .. لمجرد أننا نريد أن يكون ذلك صحيحا.... مما يؤدي الى خدااااااااع الذات والهروب بها عن مواجهة الحقائق ))

 

[haya_sa]

الله يجعلك بكل حرف كتبتيه مليون حسنه والله نصايحك جدا عقلانيه وتنم عن عقليه فكريه واعيه ومثقفه ولها تجارب حيه بهالحياة والله يا اختي كل كلمه قلتيها ابعمل فيها وبسوي اللي نصحتيني فيه بس اللي ابيه كيف الواحد يقدر يحصل على حقوقه من غير مشاكل وزن ما ابغاه يقصر معي ويجزل العطاء لغيري وهل السكوت عن التقصير يجيب نتيجه بنظرك لأنها حياة زوجيه وليست فرديه كل واحد عايش بلحاله لأن كل ما قلتله انا بأيش مقصره معك فيه او ايش اللي تبغاه مني يرد علي برد بارد مثله ويقول : اتركيني بحااااااااااااليييييييييييي بس هذا اللي ابيه منك يبغى نعيش كل واحد بجهه حتى من ثاني سنه بزواجنا كان يقول وش رايك يكون لي غرفه وانتي لك غرفه بيكون الوضع كذا مريح بصراحه شي يقهر

 

[روعة روح]

يبغى نعيش كل واحد بجهه حتى من ثاني سنه بزواجنا كان يقول وش رايك يكون لي غرفه وانتي لك غرفه بيكون الوضع كذا مريح بصراحه شي يقهر [/FONT]

اها هذا مربط الفرس << انتي يسهل استفزازك

ليش ماتعتبرين الامر تحدي انك تسوين اللي تبين

مثلا يوم قالك كذا قولي ولا انا ابطاوعك واذا شفتيه اصر قولي بكيفك واجذبيه بهدوء لانه شخص ينفر من المشاكل

 

[haya_sa]

والله يا روعه حبيبتي انا مو من النوع المشكلجي بالعكس اكثر الناس يصفوني بالبرود بس بعد ما ولدت ولدي ورجعت لبيتي حسيت اني فيني شي يبغى ينفجر حتى امي تقوللي ساكته طول هالسنين والحين انفجرتي مره وحده طبعا كان فيه مشاكل قبل بس ما قد طولت زي هالسالفه يعني بعد ما كشف خيانتي له حسيت ان الأمور متساويه عندي وما عاد يهمني شي اول مره اوقف بوجهه احس انه هو مصدوم زيي تماما بصراحه اول مره اقدر على بعده احس اني هالمره قويه مدري ليه مع اني غلطانه عليه

 

[روعة روح]

حبيبتي انا ماقصد ا انك راعيت مشاكل

لا بس مع زوجك احسك ماتملكين اعصابك

واعتقد انتي كذا لانك تجمعين كل هالسنين

اختي خوذي مني هالهمسه

الحياة السعيده ماتجي بيوم وليله لا تجي بعد صبر وتعب ووقت
تخيلي حياتك تربه قاحله
لازم تزرعينها وتهتمين فيه واكيد تتعبك
بس بتنسرين اذا شفتيها مليانه ورد

<<<<<<<<<

انا حبيت اعلق كثير على الموضوع
لاني كنت زيك تايهه احس مااحد فهمني لي حقوق عليه ولا اقدر اخذها

مريت بدوامت مشاكل لاحصر لها

بس الحين احمد ربي واشكره الحال افضل

 

[haya_sa]

ما شاء الله تبارك الله الله يديم عليك اختي من تجربتك ايش اكثر شي فادك وحسيتي بعده بالراحه والأستقرار انا ثابته وقويه مع الناس بس معاه اتحول لطفله متمرده ومو عارفه ليه انا عارفه وش اللي ينقصني اللي ينقصني الثقه بالنفس وبس

 

[fo0ony]

اقسم باللة يا اختي الغالية والحبيبة قصتك قريبة جدا من واحدة اعرفها اسمعيني يا حبيبتي ..صح ان عمري صغير بس الحياة علمتني دروس كثيرة انا الان تطلقت قبل رمضان لية لاني كنت مثل اسلوبك لا اعرف قيمت نفسي كان اهم شي في حياتي وهو يكبرني بعشرسنين اقسم اقسم باللة اني انسانة مخلصة لة ومع هذا فظحني وتبلي علية وكان يقوال اسراري لناس ولاهلة انا اقوال لك كذا عشان تعرفين ...........ان زوجك واللة انسان فية الخير وابن حلاال وانتي بنت ناس حبيبتي انا بنسبة لي اكرة الرجال كلهم بس احترم منهم مجموعة وحدة هو الرجال الذي يستر على حرمتة ولا يفظحها قدام النا س لو واحد غيرة كان راح قال لاهلة ولناس اجمعين بس زوجك يحبك واللة يحبك بس هو يمكن يكون مثل مقالو انسان يحب الوناسة >حبيبتي حطي كلامي هذا في قلبك وعقلك الانسان اذا كان قريب من رب العالمين راح يشوف السعادة فكري بربك بربك حبيبك ادعي الواحد الاحد لك ولزوجك ان يبعد عنة الحرام واللة اذا عرفتي باب الرحمان فلن تدقي باب ولا تحتاجين اي احد ثاني لان الناس لا ينفعوك بشي لا تنتظري ردود الناس ارفعي يديك الي الحي القيوم في هذة الايام المباركة واللة ياربي ليسعدك ويوفقك انا يا ختي ما اكنت اعرف ربي زين وبعد انفصالي عرفت ربي اكثر واكثر واللة ان بقلبي راحت بال رغم المشاكل التي مررت بها <شاهدي موضوع الاخت مستغربة كيف تردين زوجك الي احظانك
<....ارجو اللة سبحانة وتعالي ان يهديك ويوفق ويصلحك وعيال ويسخر زوجك لك لما يحب ويرضاء انتي وجميع الاخوت المحترمات

 

[زهور فرنسية]

الله يفرج همك وترجعين الى زوجك واولادك

 

[haya_sa]

شكرك اختي foooony على مرورك ومشاركتك والله يعوضك بالرجل الصالح اللي ينسيك همك ويسعدك ان شاء الله وبالنسبه لتعليقك على زوجي انه ستر علي هو طبعه كتوم ويمكن يرد لي الجميل لأن الى يومك هذا محد يدري بسالفة الشراب الا انا وهو واخوياه وتقولين هو يحبني يااختي اللي يحب ما يعذب ويهجر ويطنش وش هالحب هذا حب 2007 يمكن على العموم مشكوره على اهتمامك ياحلوه

 

[النرجسية]

تصدقين يأختي .. البنات ما قصروا معك
خاصه أخت هدهد والزوجه الحكيمه ومميزه
بس انتي مو راضيه تفهمين وتقتنعين .. العيب فيك انت
تفهمين العيب فيك .. نكلمك عن نفسك ..تكلمينا عنه
نجيك يمين تجين شمال ..
اتمنى فعلا إنك تقرأين ردود البنا ت ألف مره .. قبل ما تردين علي
أو على غيري وتكلمينا عنه .. باختصار إنت حاطه نفسك في صندوق
وقفلت عليه بالمفتاح ورميتيه في البحر .. لاحظي على ما كتبنا وردينا
ماكلمتينا عن نفسك .. أو اعترفتي انك غلطانه ..
انهضي بنفسك هزيها واستعيدي نفسك .. ما تحتاج معاناه أو لف ودوران
لأن كل مشكلتك مع زوجك هو اهماله لك بس .. يعني لاضرب ولاطويل لسان
أو إهانه .. وهو عارف انك مركزه عليه مطفشك ويستفزك ..
اصحي دوري عل نفسك .. فوالله انك اجحفتي في حقها .. (ولبدنك عليك حق)
دوري راحت بالك تثقفي دوري حل لنفسك مو له ..
سمعينا رد حلو إنك قادره تحبي نفسك .. انا متأكده إنك اهملتيها
لا تقولين ردي قاسي .. أو احد البنات يقول قاسي
الإستاذه ناعمه أول ما شافت أم الوليد وذكرت قصتها للاستاذه
قالت لها:أتعلمين لو كنت مكان زوجك لطلقتك .. وتخلصت منك سريعا
فأنتي سيده تجلب الهم ..حتى لو كنت مكانه ما قربت منك نهائيا
ردت أم الوليد: هل تقصدين بأني لست جميله في الحقيقه جأت على عجل ولم اتزين
قالت الأستاذه : أبد لم اقصد هذا .. اقصد هذا البطن المتدلي للأمام .. وهذه الشخصيه الضعيفه
إننا في مجمل يومنا يا عزيزاتي نرسل للآخرين رسائل معبرة عن ذواتنا.. من خلال مظهرنا
وطريقتنا في الحديث.. وسلوكنا العام وبناء على سلوكنا وتصرفاتنا الخارجيه يتم الحكم علينا
من قبل الآخرين كما يتم التعامل معنا بناء على ذلك ..
هكذا نحن البشر ... نهتم بمن يهتم بنفسه .. ونتجاهل من يهمل نفسه .. وهنا تسقط مقوله المظهرلا
الجوهر.. المظهر والجوهر معا .. وربما المظهر أولا.. فمن خلاله يحكم علينا الآخرين )
فهمت اقرائي مليون مره هالمقاله .. انا ما أقول انك مو جميله او ما تهتمين بنفسك
هذا معناته اهملتي نفسك اعتزازك وثقتك وميولك وشخصيتك المحبوبه وتحولتي إلى جلاد
لزوجك .. عسى ان شاء الله وصلت لك شيء وقدرتي تفهمينه زين

 

[النرجسية]

وينك يا haya-sa
ما عاد سمعنا عنك أي خبر ان شاء الله تكوني استفدتي من الأخوات
وغيرتي من شخصيتك واسلوبك ..
الله يوفقك

 

[haya_sa]

مشكوره على اهتمامك اختي نرجسيه وبالنسبه لأخباري قاعده احاول اطبق نصايح اختي الزوجه الحكيمه جزاها الله خير بس المشكله طرأت مشكله جديده بيني وبين زوجي افضل عدم ذكرها لأني عارفه اني راح اتهزأ بصراحه غلطت عليه وما كان المفروض اسوي هالشي بس الشكوى لله المشكله تعقدت من جديد وانا السبب الله يلعن الشيطان بنات تكفون ادعولي ان الله يفرجها علي الله يرضى عليكم كلكم ويوفقكم ويسخر لكم رجالكم ولا يوريكم مكروه

 

[البرائة]

الله يرجعكم لبعض ويهديكم والله محد ضحية في هالمشكلة الا اطفالكم..
بس اتمنى اتمنى من كللل قلبي انج تعتذرين له عن هالمشكلة لاني احس الغلط منج..واختي اسفة عن هالكلام بس احس انه انتي غلطانة من البداية ..لانج لما خففتي النكد شالج من عالارض شيل ..
تدرين احس ان زوجج يبيج تدلعينه وتدارينه مثل الطفل يبيج تحتوييييينه..وانتي سويتي العكس تماما ابعدتيه عنج بكل الطرق..
عموما انتهى وقت اللوم والتانيب وابتدا وقت التنفيذ والاصلاح عشان عيالكم اتمنى انج تمشين على كلام الزوجة الحكيمة..

وانصحج تتصلين بمركز الدكتورة ناعمة وتتطلبين الاستشارات الهاتفية+ وانج تشتركين بمجلة الجنس الحلال..لاني لاحظت انهم مفيدين لكل زوجة..
وانتي الحين بالعشرة الاواخر تقربي لله وادعي من كللللللل قلبج..هذي فرصتج الحين

 

[ياسمينه]

والله ياااختي قلبي معاك وضاق صدري ،، على شانك ..

من خلال معرفتي ,, احب اقولك ,,ان الأخت الزوجه الحكميه انسانه واعيه وفاهمه وبتساعدك بإذن الله ،،

وننتظر ردها وفقها الله

وانت ربي يعينك حاولي تثقفي نفسك في الحياه الزوجيه اكثر وفي طرق كسب الزوج

هذا المنتدى يضم اشياء كثيره بها الخصوص

واعتقد في مجله الجنس الحلال مفيده جدا لمثل حالتك

 

[واثقة]

وينك.. طمنينا عليك

الله ييسر لك امورك..

 

[فنكوشه]

[quote=haya_sa]اهلين فنكوشه كيفك ان شاء الله امورك تمام حبيبتي ممكن اطلب مساعدتك اذا ما عليك كلافه عارفه بتقولين انا مو استشاريه وما لي خبره معليش اذا ما عليك كلافه اقري قصتي بمواضيعي واذا عندك حل لا تبخلين فيه الله يسخر لك القلوب القاسيه والعبيد العاصيه يختي تعجبيني احسك فاهمه الرجال ولماحه ما شاء الله والف شكر يالغلا على وقتك بس انا امر بوقت عصيب وزوجي احتمال يطلقني ومو هو وحده السبب انا بعد لي دور بس الله يصحيني من غفلتي ومشكووووووووووووره[/quote]

شوفي انا توني خالصه موضوعك
حبيتي انا زيك بالضبط من حيث الشكاوي
ما يحبني
يقعد مع ربعه
مهمل عياله
والى يومك هذا تفكيري
طيب
بس احاول ما اظهر هالشيء
كلام البنات حلو بس صعب التطبيق لما تكونين فاضيه
مثلا
انا اليوم اللي يكون عندي شغل ومشاوير ومواعيد احس نفسيتي زينه وماعندي عقد وافرح فيه اذا جا اخر الليل حتى لو بعد الساعه وحده
عادي لأني كنت مشغوله بشغلات ثانيه وصدقيتي يلقط الذبذبات اللي ترسلينها وربي اليوم اللي فعلا اكون مبسوطه ومادريت عنه يلزق فيني بدون ما اسوي شيء
واليوم اللي هامه عمري فيه ومنقهره من اهماله يروح يحط راسه وينام ولا يلتفت علي
كلنا عندنا رادارات تلقط

انا مو قاعده اوجهك ترا حالي مو احسن منك ونقرا مانطبق
بس خلني اقول لك شيء يمكن يفيدك
لنفرض انه بعد عمر طويل جا واحد بيكتب قصة حياتك وفصولها
ياترا وش بيكتب
فكري معي
وش انجازاتك وش طموحاتك وش نظرة الناس عنك وهالامور
صدقيني اذا حياتك عشتيها بس بناء على مشاعر زوجك قصة حياتك بتكون فصل واحد
بس ليش. مو حرام عليك
سواء كان الكتاب عشر ولا عشرين ولا ثلاثين فصل
خليه فصل من فصولك بس ولا تخلين كل الكتاب عنه
لا تظلمين نفسك ولا تظلمين اهلك ولا تظلمين عيالك
لازم يكون عندك دوام وعلاقات برا علاقتك بزوجك ( صديقات طبعا )
واذا سامحتك نفسك ونسيتي زلتك بيخانتك لزوجتك راح ينسى هو هالشيء
حبي نفسك
لا
اعشقيها
وفريلها الراحه والاستجمام
دلعي عيالك وحبيهم
احيطي نفسك وبيتك بحاجات تبعث على الايجابيه والسعاده
القراءه زي السحر فيها متعه غريبه
اقرأي
صدقيني انا يوم ما افتح كتاب انساه الين ما يخلص الكتاب
وماكنت منتبهه انه حاس بأهمال لأنه دايم برا
بس في يوم قال لي بجيبلك سناره وبتفرج عليك وانتي تصيدين
قلت ليش
قال بس عشان ماتقرين روايات
هو اصلا طول وقته برا البيت ويجي يحط راسه وينام بس يوم درا اني اقرأ بغيابه ومو حاطه يدي على خدي استنا جيته انقهر
ليش الكتاب شغلني عنه
فلا تقولين مايحسون الا يحسون
أسالي نفسك بصراحه وش فيك عشان يحبك
بدون زعل
هل تعتقدين لمجرد انك زوجته وام ابنائه فهو مجبور على حبك
لا طبعا
مافي شيء غصب
ابدا
اذا صرت مبسوطه وسعيد ومايكون هو السبب طبعا دوري على اسباب ثانيه غيره تسعدك راح يحس فيك وراح يحس بسعادتك وراح يحاول يقرب منك عشان يلمس هالوهج اللي حوالينك وراح يغار انه مو هو سبب سعادتك لأنه يدري انه ماقدم شيء عشانك . وراح يسأل نفسه من وين هالوناسه . وبيحاول يخلق ظروف عشان يكون جنبك ويمكن في البدايه يحاول يخرب عليك جوك يهزك يبي يحس بقوته عليك اذا انتي سعيده من دونه هو يقدر يقلبها تعاسه لكن مهما حاول خليك مبتسمه وياجبل لا يهزك ريح
ومو وقته من حقي ومن حقي
قربي الرجال منك بالأول وبعدين تدلعي عليه طبعا هذا الكلام يبي له وقت عشان يحس فيه
واذا شفتيه ابتسمي
بس ابتسامه في هالمرحله لا توجعين راسك ( اسوي له ليالي حمرا اطبخ له مدري وشو )
لا بس ابتسامه .
وامشي واتركيه .
واذا سألك عن اخبارك لا تسهبين بس كلمه ورد غطاها شلونك؟ الحمدلله .
حتى اذا سأل عن اغراض لا تكثرين الحكي اكتبي له ورقه
خليه يحتار فيك وصيري غامضه .
انسي كل اللي فات وابأي صفحه جديده انتي البطله فيها
شوفي الاخبار ( مدري ليش بس الرياجيل يحبون المطلعه ) .
وماينفع تمثلين لازم فعلا تتغيرين
صدقيني التمثيل ماينفع
قون الاستشعار حقتهم ارسالها قوي تلقط صح!!.
وبعدين اذا هو عند اهله دايم ليش ماتودين عيالك هندهم عشان يقعد معهم مو لازم تروحين .
اذا جا يروح قولي له ابي مشوار معليش تنزلين في المكان الفلاني وتروح بالعيال معك لأهلك
حبي اهله حبيهم من قلب صدقيني راح يحبك عندها
اكثر ناس يسووون دعايه للوحده عند رجلها اهله . ولا تنسين . ( الداعيه لها دور )
روحي لهم لما مايكون عندهم يكون احسن عشان مايحس انك لاصقه فيه
واذا شريتي لعيالك اشتري لعيال اخته .
لا تقولين ماشريت لعيال اختي اشتري لعيال اخته . ( خليك ذكيه ).
ولا تشكين منه عند اهله ابد. بالعكس امدحيه عندهم . واذا مافيه شيء يمدح . كذبي.
صدقيني راح يوصل له هالشيء .
ترا نص الحقيقه وهم يا هيا . وربي
كل واحد يحاسب على عمله .
ابدأي بالتدريج زي البيبي اول مايمشي . يزحف بعدين يحبي بعدين يوقف بعدين يبأ يخطي ويطيح بعدين يمشي بيعدين يركض . بعدين يقفز.
انتي تحتاجين القفز يا هيا .
بس مو تروحين تجيبينن وتقومين تطامرين ببيتكم.
هههههههههههههههههههه
بس هالقفزه ماراح تجي على طول .
كل شيء في الدنيا ياخذ وقت .
زي الطبخه مهما زبطتي ل المقاديرحقتها صح ماراح تعجبك الا بعد ماتستوي وعشان تستوي تاخذ وقت.
وخذيها قاعده .
اذا خليتي الرجال اكبر همك ماراح تا خذين منه الا الهم.
وحبيه.
حبيه بعيوبه.
تقبليه.
احتويه.
وكوني شهوانيه بالفراش.
مو مهم ينبسط هو اهم شيء تنبسطين انتي ( ترا الرجل وناسته في الجنس انه يبسط اللي معه . عندها يحس بفحولته وانه رجل يثير المرأه )
ولا تتسببين يعني مو تروحين تسوين موقف او تطلبين شيء ويرفض وبعدين يدخل عليك وتبتسمين له وتضحكين لا انتبهي.
ابتعدي عن كل هالامور اللي بتسوي شرار او توتر .
اطلبي اللي تبين بأدب . بس الحاجات الضرويه . لا تطلبين يقعد في البيت ابد. ولا تعلمينه وشلون يحب عياله.
ترااكره شيء عند الرجال تقولين له اقعد مع عيالك حتى لو كان ناوي يغير رايه عشان مايحس انك أمليت عليه تحركاته وانه نفذ اوامرك ادري مساخين بس شنسوي
CANT LIVE WITH THEM, CAN LIVE WITHOUT THEM .
ولا تصيرين متوفره .
يعني مو يصير عندك طلعه ويقول بقعد تروحين تقولين اجل اا بقعد بعد.
اطلعي واتركيه
لازم يحس انك صعبه .
اذا حس انك متوفره عنده ويقدر يحصلك اي وقت ماراح تهمينه.
أقرأي في المنتدى فيه حاجات كثيره تجنن هنا .
ترى الرجال يحب يشوف المرأ ه مستمتعه بشغله ثانيه غيره بس ساعات يخرب عليها لنه يغااااااار.
كذا نحاسه ربي خلقهم كذاااااااااااا
وترا فعلا يا هيا زوجك يجنن والله.
بس انتي تجنين بعد وانتي احسن منه وانتي احق بهالوقت اللي تضيعينه تفكرين فيه .
خليك انسانه منتجه .
حبي نفسك يحبك زوجك . اهتمي بنفسك راح يهتم فيك .
واسمعي نانسي الدنيل حلوه .
اعظم شعور في العالم يا هيا انك تقدمين لشخ محتاج .
انك تعطين .
انك تشوفين بعينه المتنان والشكر لأنك مديتي يدك .
ومافيه احد محتاج اكثر منك.
عطي نفسك لهيا لأنك تستاهلين . ​

وبالتوفيق


معليش انا كتبت لك هنا عشان كلامي كثير وعيا يرسل بالايميل

شاو يا حلوه

 

[عذابي عزتي]

اختي فالله انتي الخسرانه الوحيده اذا طلبتي الطلاق لن تجدي ربع مانتي فيه الان من نعمه وسوف تعضين انامل الند انضري حولكي واحسبي الخساره والربح ماذا تريدين زوج ثاني يعطيك الحب لا لن تجدي فحمدي ربك على النعمه وطوري من نفسك اجعليها مسالمه اعطي الحب تجديه يكفي ان ابناك في احضانك وفي بيتك معززه مكرمه اعيدي النضر فيما حولك واتقى الله في نفسكي وفرج الله همك

 

[حبيبت رشيد1]

الله يهديه لكي ويسخره لكي ويحنن قبه عليك ويرد لكي زوجكي ردا جميلا
اختي رددي هاذي الدعاء \اللهم يا مسخر القلوب القاسيه والعباد العاصيه والجبال الراسيه سخر لي زوجي
الهم لين قلب زوجي علىقلبي كما لينت الحديد لداوود
الهم ياولي نعمتي وملاذي عند كربتي اجعل نقمت زوجي على بردا وسلام كما جعلت النار برد وسلام على ابراهيم
عليكي يا اختي الصلاة ثلث اليل وكثرة الدعاء والاستغفار وقراة القران والجئ الي رب العالمين