haya_sa
New member
- إنضم
- 2007/09/26
- المشاركات
- 65
السلام عليكم اسمحي لي استاذه ناعمه ان استنجد بكي بعد الله سبحانه وتعالى انا امرأه متزوجه منذ 5سنوات و6 أشهر وانجبت ابنه ثم ولد متخرجه من الجامعه بتخصص علمي اسمحي لي اتكلم بالعاميه عشات توضح الصوره اكثر بس اللي اترجاه منك انه توقفين معي لأني متعشمه فيك خير وبقولك قصتي بكل تفاصيلها :انا عمري 26 تزوجتوعمري عشرين بين اهلي وناسي كان سني صغير مقارنة بقريباتي انا الأولى بين اخواتي وكنت المدلله في بيت اهلي ماينرفض لي طلب بس كنت مؤدبه وعاقله وتربيتي راقيه ويرجع السبب يمكن لعلاقتي القويه بوالدتي الحكيمه وعلاقتي بوالدي كانت بارده ورسميه يسودها الاحترام وبين اخواتي كنت الأجمل والأطراءات دايم في اذني وتزوجت هالشخص وعندها بدت المعاناة انا صحيح كنت حلوه بس زوجي بين الرجال كان وسيم بدرجه كبيره والحريم مبهورات فيه وهو عارف هالشي فترة الملكه ولا اروع كنت دلوعته ومبهور فيني بس بعد الزواج وبليلة العرس وشهر العسل !!! بدا البرود والتجاهل زي الطفل اللي يبي لعبه جديده يحوم حولها بمجرد ماأبوه يشتريها له وتصير عنده تصير ماتسوى يعني بأختصار تحصيل حاصل المهم انا خليت الزواج غايه والمفروض يكون وسيله نسيت نفسي عشانه حتى صديقاتي تركتهم ولا تحسبين هو طلب هالشي بالعكس هو يحب المرأه الاجتماعيه بس كان هالشي غصب عني وهو ما شفت منه تدليل حتى وانا عروس كان يسهر عند اصحابه للفجر يوميا وانا يوديني لأهلي ومرات اذا حس بالذنب نروح نتعشى بمطعم وحتى اذا رحنا مطعم احس عقله مو معي فيه شي شاغل تفكيره وانا اعترفاني كنت احس انه احسن مني بكل شي شكليا واجتماعيا ولباقة وحتى اهله احسن من اهلي بينهم تكاتف مو متشتتين مثل اقاربي المهم كنت احس اني نكره وماني معجبته وكنت اقول بخاطري ما ينلام تلاقينه شايف حريم احلى مني حتى بالعلاقه الخاصه ما احس بأي متعه ودايم بخاطري كنت اقول ياليتني ما تزوجته يليتي اخذت واحد مستواه اقل مني عشان يطير فني المهم مرت الأيام وكل ما صارت هوشه بيناتنا انا اللي اراضيه واذل نفسي ليه ما ادري بس كنت غبيه بس كان له مميزات وهي السخاء المادي بس شحيح بعاطفته وكان يقولي كل المتزوجين كذا وقد شفت مسجات من حريم بجواله وقالي انه ماهي له بس ما صدقته وطنشت الموضوع في سبيل ان حياتنا تمشي وان الرجال مايحب المره النكديه بس اللي كان منكد علي عيشتي انه ما يطيق القعده بالبيت ولا الخروج معي زي الهم الثقيل على قلبه وهو انسان اجتماعي بالويك اند يسهر لحد الصبح مرات ومن مميزاته كمان انه واصل بأهله وبأقاربه وبار بوالديه وخصوصا امه يموت فيها وقريب مناخوانه واخواته واحس اني بين هالعالم مالي خانه بحياته وكمان يحب عياله بس مو مثل اخوانه الجلسه فبيت اهله يحبها يقعد عندهم مرات 5 ساعات ولازم يومبا يروح لبيتهم وانا وظيفتي انتبه لعياله وانام معه بسس احس اني ميته وانا حيه احس اني بالخمسين وانا بالعشرين حتى مو قادره اعطيهم الحنان لأن فاقد الشي لا يعطيه المهم المشكله بعد ما طلعت من الربعين بولدي من 6 اشهر ر جعت لبيتي انصدمت صارت طلعاته من البيت اكثر الوقت اللي يقعد معي فيه اقل وشرود ذهني ما فيه لهفه وقتها كان ينام بالمجلس كان يقوللي الأولاد يزعجوني وانا عندي دوام الولد رضيع ويصيح بالليل المهم بلحظة ضعف مني ولأني كنت عايشه بفراغ عاطفي والجو مهيأ ما كان ينام عندي بديت اكلم رجال بالجوال سمعت منهم اللي ما سمعني زوجي لمدة شهر بعدين اكتشف زوجي هالموضوع وعندها انهرت توسلت له انه يصفح لي وينسى رفض المهم قاللي روحي لبيت اهلك ومتى ما رقت قلت لك ترجعين حسيت انه زي اللي فرح بزلتي وانه راح تحسب له جميله انه ما طلقني وزاد تمرده وطلعاته ولا لي حق اسأل المهم رحت لبيت اهلي وقعدت حوالي 10 ايام وبعدين رجعت له متوسله انه يسامحني قاللي اوكي بحط كم شرط واذا نفذتيهم ارجعي المهم بعدها قعدت 3 ايام ونفذت شرطه ورجعت قاللي لا مو بهالسهوله لا ترجعين وقاللي بصارحك انتي شخصيتك منفره انطوائيه متطلبه وتقارنين حياتك بالغير قلت صح ممكن تكون هالأشياء فيني بس انا احبك وماأقدر اعطي جسمي واحد غيرك قاللي لا اذا كنتي بعتي صوتك بالحرام لواحد غريب بتقدرين تعطي جسمك لواحد بالحلال المهم انا انجرحت من كلامه وقلتله خلاص طلقني الكلام اللي قلته لي ما خلاني انام بالليل وقعدت عند اهلي بعدها اسبوعين وتوقعت يطلقني بأي لحظه المهم سافرو اهلي وانا قعدت بالصيف ببيتهم مع عيالي واختي الثانيه وللمعلوميه ما يعرف بالموضوع الا انا وهو وامي المهم بعد هالاسبوعين شغالتي قالتلي ابروح للبيت ابي اغراض لي ورحت بوقت كنت متاكده انه ما راح يكون بالبيت بس ربي قدر وجاء لما شفته ضعفت وقلتله تعال للغرفه بحاكيك المهم حسيت انه فلرح بشوفتي واشتاق لي وكان يبغى ينام معي بس انا رفضت ورجعت لبيت اهلي وقلتله انابكلمك وفعلا صار بيننا مكالمات واستغليت ان اهلي ما كانو موجودين وصرت اترك عيلي عند اختي ببيت اهلي واروح اسهر عنده بالبيت كني عشيقته وبيني وبينك عجبني الوضع لاني لقيت اهتمامه فيني وحتى الجنس كان له طعم ثاني وعرفت اني انفع كعشيقه له وليس زوجه تراقب طلعاته ودخلاته وكذا عجبته العيشه يطلع ويدخل على كيفه وينبسط معي يومين بالاسبوع وقعدنا على هالحال شهرين من امتع ما يمكن بعد هالشهرين رجعو اهلي وامي صارت تقوللي ارجعي لزوجك وقبل رمضان بيوم رجعت انا والعيال على انه نفتح صفحه جديده بس بنفس اليوم اللي رجعت بعد غياب 3 اشهر عن المبيت بالبيت بس لأني كنت اسهر عنده زي ما قلت لك قاللي افرش بالمجلس عشان الازعاج وسهر برا البيت وبكرا جاء من الدوام وقعد ساعه ونص بالبيت وسألته قلت وين بتروح قال بروح لأهلي وبعدين بروح للأستراحه وبسهر هناك قلتله انا توني راجعه ما فيه استثناءات قال يوووه بدينا بالمناقر تبين تطلعين اطلعي ارسلك سواق اهلي قلت لا المهم طلع وانا اصيح لأنع ماعبرني وقلت لأهلي يجون يتفاهمون معه وجاء وجو اهلي وقلتله انا مو معجبتني العيشه انا عايشه بفراغ معك دايم مطنشني وما ابغى ارجع للغلطه عشان اشغل نفسي عنك المهم قال انا ماراح اتغير هذي عيشتي وعصب وطلع وانا قلت لأمي انا ما راح اعيش معه انا بموت اذا قعدت مهمله كذا حاولت امي تهديني بس انا عندت واخذت اغراضي وطلعت ولما رحت لبيت اهلي ارسلت له مسج انه يجي وياخذ عياله دامه مو واثق بتربيتي ويتحمل مسؤوليتهم قام ارسللي اني اجيبهم لبيته مع السواق والشغاله وارسلتهم له ووداهم لبيت اهله عند امه وخواته لانه مايقعد بالبيت دايم طالع حرمني من شوفتهم ورافض الحين انهم يزوروني وهذا كان اول يوم من رمضان المهم ارسلت بعدها اني غلطت عليك واصبر علي وتحملني واني بغيتك تحس بالمسؤوليه بس وهو مايرد على مسجاتي والكل يبغاني ارجع له وخصوصا امه عشان العيال بس بغيت احط حد لتطنيشه وابغاه يحس فيني استاذتي العزيزه ممكن تشورين علي هل اللي سويته صح لأني بالسعوديه بس لوكنت بالأمارات كان تلقيني عندك اطلب النصيحه والله يكتب لك بكل حرف تردين علي فيه مليون حسنه ويوفقك وينور دربك بالأيمان والهدى والصلاح بس الله يخلييييييييييييييييييييييييييييييييييييييييييييييييييك لا تطنشيني وتصيرين مثل زوججججججججججججججججي
