استاذتي ناعمه الا الموقف هذا كيف اتعامل معه؟؟؟؟؟؟؟؟؟؟

[الجوغيم]

استاذتنا الغاليه
اخواتي الاستشاريات.
اخواتي القارئات.
انا قبل وقلت لكم عن سفر زوجي والحمد لله بفضل الله وبفضل الاستراتيجيه التي قدمتها لنا الاستاذه ماشيه معاه تمام.
يعني حاسه انه بدا يداري خاطري من ناحية السفر.
المشكله الجديده انه بدا يستغبيني يعني قال لي مره انه بيطلع البر مع اصدقائه بس بيني وبينكم ماصدقته :tears::tears:.بس مابينت اني شاكه فيه يكذب علي .قلتله عادي الله يستر عليك مع اني شاكه انه بيسافر مو طالع للبر مثل مايقول.
وفعلا وطلع احساسي صادق انا من خلال اغراضه اللي بالشنطه يوم رجع اكتشفت انه مسافر.وهو يحسبني مصدقته مابينت له اي شي حتى بعد ماكشفت سفرته.:bleh::bleh:
اللي معذبني هل اللي سويته صح اني ماقلت اني كشفتك او ارد واقول انا عارفه انك كنت مسافر؟
والله محتاره اخليه يستغفلني وارتاح ؟او اصارحه على طول باني كاشفته؟
مع العلم ان سفرته كلها يومين بس.
ساعدوني .هل علشان مايبي يجرحني ماقال لي؟او يمكن خايف اعمل له مشكله.ايش الحل بالله؟؟؟؟؟؟؟؟؟:icon28::icon28::icon28:

 

[تلج هش]

السلام عليكم حبيبتي اكبر غلط انك تواجهينه بالعكس الحين الكوره في ملعبك حسسيه انك تثقين فيه وايدوايد علشان هذا يعكس على علاقتكم فيتصلح الموضوع تلقائي
ان شاالله اسمع اخبار حلوه

 

[*زين الوصوفي*]

وااايد حلو حسيسه انج تثقين فيه عشان يتم يداري رضاج

خطوه ايجابيه وااااااايد لصالحج والله يهديه ان شاء الله ويسخره لج يا بعد قلبي..

 

[سالي 33]

بالعكس اتصرفتي صح لانه بداء يشيل همك كده أفضل يروح ويفضل قلقان ويرد بسرعة عشان لا تكشفيه وشوي شوي انشاء الله بيبطل يسافر كثير والله الموفق

 

[**الغضه**]

بالعكس اتصرفتي صح لانه بداء يشيل همك كده أفضل يروح ويفضل قلقان ويرد بسرعة عشان لا تكشفيه وشوي شوي انشاء الله بيبطل يسافر كثير والله الموفق

كلام عين العقل 100%100 وانشالله مايكررها لاكن وش هالسفره بس يومين ولاحق التعب الله يهديه ويسخره لك ويصب حبك في قلبه صبا اللهم امين:icon26:​

 

[vdhq]

تصرفك سليم تماما

واصلي واعطيه الثقة علشان يشيل همك كل مرة

 

[خلود200]

انا مع كلام الاخوات .اهو اكيد مااخفى عليك الا اهو خايف على مشاعرك الله يهديه لك انشاالله

 

[الجوغيم]

الله يسعد لي ايامكم خواتي بس وين الاستشاريات كان ودي يردون علشان استفيد من نصائحهم.انا بانتظار اي وحده منهم

 

[العفريتة]

بس أنا عندي راي غير مع احترامي لكل الموجودين .... الحين اذا هي سكتت وما علمته بطريقه لبقة يمكن يصير احتمالين :
الاحتمال الأول يمكن يستغل الثقة ويعيد الكرة من أول ويديد ولا من شاف ولا من دري ( بحسب علمه هي ما تعرف وكل بالها إنه طالع بر)
الإحتمال الثاني وهذا عين الصواب :
تستدرجه في غرفة النوم وتبدأ وياه طريقة قمة في الذوق والاسلوب , يعني تقوله حبيبي إنت زوجي وأشهد الله إن حطيت ثقتي فيك ,,, لا أسألك وين رحت ووين ييت ... وثقتي بنيتها فيك رضاء لله .... أرضي الله برضاك يالغالي
طول ما انت صادق معاي ... فأنا قلبي مطمن لأن الله شايف وعارف ... واذا فكرت تخبي علي شي ... فأنا أوكل أمري لله .... وعند الله الحسبان ...

 

[ريف 30]

هلا الجو
الله يسخره لك بس لاتنسين الدعااااء والأستغفار والحمد لله على كل حاااال
والله ينسيه هالعاده يااارب

 

[اوراق الربيع]

انا اضم صوتي مع البنات سوي حالك واثقه فيه صدقيني

راح يحاول ان يحافظ على صورته :icon30:

الله يسخره لك ويفرج همك

 

[حواء في ارض ادم]

كذب عليك هل مره بيومين مره ثانيه بسبوع
اذاتقدرين تلبدين جوازه لبديه اتوقع احسن حل
وسوي نفسك ماتدرين عن شي

 

[الدكتورة نبضة قلب]

غاليتي

احتفظي بما يبت سفره
ولكن لا تواجهيه
وزيدي جرعت كلام الثقه شوي
مثل
انت عمرك ما تخبي علي
انا وايد فرحانه انك ما قمت تسافر وايد
ومن هالكلام

اذا كشفتيه ما عندج اي ورقة ضغط

​

 

[الجوغيم]

الله يسعدكم جميعا.
حبيبتي( حواء)على بالك غايبه عني فكرة اني اخفي جوازه بالعكس لو كنت عارفه ان فيها فايده سويتها.
حبيبتي لو اخفيت جوازه كيف اخفي بطاقته الشخصيه لعلمك ان بعض الدول يروحون لها فقط بالبطاقه الشخصيه خاصه دول الخليج بين بعضها.هل فهمتيني؟

 

[بيالة شاي]

انا مع الاخوااات لا تواجهيه ...واحيان الاستغفال يكون دليل على مداراه لمشارعك ...كل ماعليك فعله هو برمجته والاقناع بالايحاااء
يعني كرري ((ماتتخيل بعد ماقل سفرك شقد ارتحت ))..((انا مقدره اللي قاعد تسويه عشان ترضيني))..((نفسيتي وايد تغيرت من ترتكت سالفه السفر وصرت احس بالامن اكثر بوجودك))..((حتى البيت منور بوجودك معانا))..((الله يهداهم هالازواج اللي كل يوم والثاي مسافرين نسوا ان (كلكم راع وكلكم مسؤل عن رعيته )))..