ناعمه الأمل بالله ثم فيك .................
السلام عليكم ورحمة الله وبركاته.....
ما اعرف كيف ابدأ رسالتي هذي لكن ببدا على أي حال لأن رايكم سيساعدني كثيرآ على تحديد مصيري ومصير عائلتي فأنا ام لثلاثه( ولد وبنتين) متزوجه من تسع سنوات تقريبا احب زوجي حب كبير خلاني ادور رضاه حتى بنسيان نفسي وحقوقي كان موظف وظيفه عسكريه براتب ممتاز وبعد سنتين من زواجنا تركها بسبب كثرة مشاكله مع المسئولين وبعد مكان العمل عن اهله وبدأت دوامة المشاكل ولكني اكملت دراستي بعد جهد وتعب وألم وانجبت بناتي وانا ادرس ونظرا لتعاطيه الحشيش والكبتاجون سآءت احواله النفسيه كثيرا وصارت معاملته متذبذبه وتعامله مزاجي معي ومع اولاده اللي متعلقين فيه كثير وضعنا المادي سيء جدآ حاولت كثير ونصحته وذكرته بالعواقب وسألته إن كان هذا جزا تضحياتي ولكن كسلوك المتعاطين (وعود ومحاولة اقناعي بأنه مومدمن ولا شي وإنما يتعاطى بكيفه وراح يبطل بكيفه ) طبعا اهو شخصيته شمالي شرقي متسلط من النوع البسيط الى شديد التسلط احيانآ وانا مضحيه ؟؟؟؟؟؟؟؟ حاولت كثير استفيد من الإستشارات الموجوده ولكن مو قادره اعرف له نظام ولا قادره القى له مدخل الحين المشاكل كثيره والجفا زاد وصرت اعيش بدوامه معه وخوف والله إنا هذي الفتره يادوب نلقى شي ناكله وولدي توه أول سنه بالمدرسه ملابسه اللي قصير واللي من باقي ملابس ولد اختي احس بحسره ما له حد وصبري نفد سبق ان تطلقنا ورجعت عشان عيالي بعد ما قاللي انه تغير ومو قادر يعيش من دوني وحزنت على عيالي لأنه شتتهم وخايفه كثير يأثر هالشي على مستقبلهم الحين هو صاير بس بالبيت لا يروح ولا يجي واذا احتاج فلوس حق الدخان يستلفهم وانا تعبت محد يساعدنا بشي وانا مقدر اطلب من احد اهله بعدوا عنه بسبب سوء طبعه وكثرة مشاكله واهلي يسكنون بمدينه غير اللي اسكن فيها ......
استاذه انا تائهه وضايقه فيني الأرض ارجوك حاولي تقبلين ان تقدمي لي استشاره ولو هاتفيه ارجوك والله الذي لا إله إلا هو اني لاأملك ريال واحد بحثت عن وظائف ولم اجد ادري انك مو متخصصه بعلاج المدمنين ولكن ابغى طريقه اساعده على العلاج فهو رافض تماما واهله بعيدين عنا نفسيا وامه تقول خليه عسى ينجن ونفتك من اذاه رغم انه وحيدها الذكر الآن افكر بالطلاق وامي تقول خلي عياله عنده يتحمل مسئوليتهم وانا مو هاين علي اتركهم عنده يحبهم بقوه ويضربهم بوحشيه على راسهم ووجيههم بناتي وحده ثلاث سنوات واحدعشر شهر والثانيه سنه وعشر شهور لا ويطالبني احمل الحين بعد انا اعطيت اعصابي فرصه حتى اشوف ردك لاني اتألم لدرجة اني احس بغثيان وصرت اتمنى الموت وربما فكرت انتحر لكني اخاف عقاب الله ارجوك اذا ما فيه مجال تساعديني خبريني لأن ماعندي نت بس اروح جيراني واحمل من عندهم الاشتشارات والاشياء اللي ابغاها ومايخفى على مثلك قد ايش ها الأمر محرج ومتعب للأعصاب والله يبارك لك بعلمك ويحسن نيتك وذريتك ويسدد خطاك ..............
