استاذة ندى .. حالتي محيرتني .. اتمنى الاقي جواب عندك

[عربجية]

الســـــــلااام عليكم خواتي ،،،

من امس كنت احاول اكتب الموضوع بس انشغل كل مره

وماعرفت انام عدل حتى اصحى الصبح واقول اللي عندي لانه صج ابي افهم شو اللي يصير

استاذة ندى ..

مشكلتي هي وزني وهي سبب دمار شخصيتي وكل ثقتي ..

فعليا بحياتي من ولادتي ما كسبت شي اسمع ثقة ولا عرفت شو معناها

لكن هالفترة افضل من الماضي .. المهم

وزني الزائد كان يسببلي الانطوائية ويحسسني اني مختلفة عن الكل

وبأيام المدرسة على نهايتها وقتها شكلي كان كبير ومليااان مره ما شا الله

ووزني بوقتها كان 90 وطولي 170

بعد ما خلصت المدرسة وطافت سنة جربت وزنت نفسي وانصدمت لما لقيته 105

وفقدت الامل اني بضعف بيوم ومصيري اتم جذي

مع العلم اني الوحيدة اللي وزنها زائد بالعيلة فتصوري كيف يكون حالي

من وقتها ما شفت شكل الميزان وقلت خلني ما افكر بهالموضوع واعيش حياتي

مرت تقريبا 3 سنين .. وصارت الناس واهلي يقولون ضعفتي وايد عن قبل مختلفة وحليانه

انا تفاجأة لانه ما حطيت في بالي ابدا انه بيوم اسمع هالكلمة خاصة اني ما سويت اي رجيم ولا رياضة

التقيت بزميلاتي ايام المدرسة اللي كانوا من اصحاب الوزن الزائد بعد

ومستغربين كيف قدرت اضعف هالكثر شو سويت اي رجيم اتبعت لانهم بالفترة اللي مرت همة

اوزانهم زادت اكثر ونا العكس وكله اقول لهم والله ما سويت شي ومحسبين اني ابخل عليهم

طافت سنة ثانية وبعد يقولون ضعفانه اكثر ويبون يعرفون شو السر

لانه سواء زميلاتي او معارف الاهل يحاولون يضعفوا ويتعبون بالرياضة مو قادرين يضعفوا

ونا قاعده ما اسوي شي ويشوفوني اضعف

وهو مو توهم .. فعلا ملابسي صارت واسعه عني والتنورة كل شوي اتطيح

وزنت نفسي اخيرا بعد كل هالسنين بالميزان الحساس ولقيته 83

ما تتصوري مدى فرحتي وقتها والله يومها تميت ارقص من كثر الفرح وما عرفت انام الليل

وهنا تشجعت اني اكمل اللي تبقى واوصل للوزن المثالي

تغيرت حياتي وايد صرت احب نفسي اكثر ابتسامتي عيوني حركاتي ودلعي والارداف وجذي

غيرت نظام اكلي وصرت التزم بالوجبات الثلاث مع النوم الصحيح

والرياضة مشي باليوم ساعه او نص ساعه حسب تفرغي ومرات رقص

كل هذا ما رحت عن الميزان ابدا .. وبعد ما طافت تقريبا 5 اشهر او 6 يمكن قررت اشوف وزني

بس هالمره غيرت الميزان بواحد ثاني عادي .. كنت خايفه وايد

بس قلت بنفسي لا تخافي انتي تغيرتي بكل الاحوال عن قبل بوايد ..

ركبت ..........

للحين مو مصدقه اللي شفته ..

كم تتوقعي طلع .. ؟






































105

والله ما امزح الوزن هو نفسه ما تغير .. قلت اكيد في غلط

طلبت من اخواني يوزنو نفسهم وكل واحد وزنه طلع صح .. اللي ناقص كم من كيلو واللي زاد شوي

اشلون بعدي على نفس الوزن مو معقول ..

يوم كنت بشكل ضخم قبل كنت 90 والحين يوم صرت بشكل اصغر بوايد

حتى عظامي صارت واضحة عند الرقبة والايد والرجل والبطن اصغر بوايد.. ويكون وزني 105 !!

انا مندهشة اكثر من اني مصدومه .. مو فاهمة شو السالفة

انا اللي كنت افكر انه وزني قل ولو حتى 3 كيلو الاقي اني بعدي بنفس الوزن وكنت عايشة بوهم

كنت حاطه امال انه انقص 15 بس .. الحين احتاج انقص فوق الثلاثين

شو المعنى من كل هذا استاذة ندى نوريني .. خبريني شو اقدر اسوي

حاسه اني ضايعه الحين والله ..


​

 

[عربجية]

مع العلم انه طولي ما تغير هو نفسه 170

 

[الأعلامية شوشو]

الصراحه :surrender:....لكن ما عليـــــــج الله يساعدج و انتي بعد بالريجيم و بالرياضه ان شاء الله راح تضعفين

مادري اتوقع حبيبتي انها مشكله هرموناااات .. و ادعيلنا نضعف معاج و نوصل للوزن المطلوب


و اظن يا حبيبتي لما وزنج كان 90 و شكلج كبير ,, اظن انها كانت مشكله الميزان يعني ممكن انج كنتي اكثر من 90 في ذيك الايام و الحين ضعفتـــــــــــي << انا تصير معاي جذي لا تخافين بتضعفين ان شاء الله


انا يحليلي < كنت آكل وايد و وزني كان 125 او 126
ههه اعوذ بالله من السمنه تخيلي كان شكلي تحفه ,, خدود منفخه و أنف محشور بين جبلين و عيون غايره و وجه كبير و رأس كبير و اطراف دبه و ضخمه هههههه الحمدلله رب العالمين ,, و كان كلما يشوفني احد يكلمني عن الريجيم و الرشاقه و اختي عقدتني من كلامها و الله يخلي الاستهزاءات في الجامعه و الجروح الي كانت في قلبي من سمنتي .. الله لا يردها من ايام

و هذا كان قبل سنتين و حاليا وزني في التسعينات و ياارب تضعفين و نضعف معاج و نوصل للي نبغيه

 

[سميراميس]

أنصحك باستخدام ميزان آخر للتأكد وحبذا لو كان ميزاناً إلكترونياً. وإن شاء الله تكون الأخت ندى بخير وتساعدك في فهم مشكلتك وحلها.
تحياتي وتمنياتي لك ولنفسي ولكل السمينات بفقدان أوزاننا الزائدة.

 

[عربجية]

الصراحه :surrender:....لكن ما عليـــــــج الله يساعدج و انتي بعد بالريجيم و بالرياضه ان شاء الله راح تضعفين

مادري اتوقع حبيبتي انها مشكله هرموناااات .. و ادعيلنا نضعف معاج و نوصل للوزن المطلوب


و اظن يا حبيبتي لما وزنج كان 90 و شكلج كبير ,, اظن انها كانت مشكله الميزان يعني ممكن انج كنتي اكثر من 90 في ذيك الايام و الحين ضعفتـــــــــــي << انا تصير معاي جذي لا تخافين بتضعفين ان شاء الله


انا يحليلي < كنت آكل وايد و وزني كان 125 او 126
ههه اعوذ بالله من السمنه تخيلي كان شكلي تحفه ,, خدود منفخه و أنف محشور بين جبلين و عيون غايره و وجه كبير و رأس كبير و اطراف دبه و ضخمه هههههه الحمدلله رب العالمين ,, و كان كلما يشوفني احد يكلمني عن الريجيم و الرشاقه و اختي عقدتني من كلامها و الله يخلي الاستهزاءات في الجامعه و الجروح الي كانت في قلبي من سمنتي .. الله لا يردها من ايام

و هذا كان قبل سنتين و حاليا وزني في التسعينات و ياارب تضعفين و نضعف معاج و نوصل للي نبغيه

والله مشكوره على حضورك اختي شوشو والله الصراحة اسعدتيني ..
مرات تسمعين كلام من ناس على اساس يشعونك لكنهم يدمرونك لا اكثر :sadwalk:
اللي مستغربه منه اختي الغالية انه وقتها شكلي كان اكبر .. وزني فعلا كان 90
لانه كنا بالصحة المدرسية نسوي فحوصات مادري لشو كانت
وقتها حاولت اخبي وزني عن الكل والله تضايقت من نفسي :tears:
حاليا اللي يشوفني بيقول انه بالكثير وزنك 80 كلش مو شكل وحده وزنها 105
في وحده بمثل طولي من معارفنا وزنها 100 لكن شكله ما شا الله كبير ..

مع العلم انه وزني هذا بالوراثة ..

لكن الصراحة انا مو متحبطه ولا متضايقه .. بالعكس احس انه محاربتي للوصول لوزني المثالي
كونت شخصيتي وخلتني اقوى .. لما عرفت اني 105 ابدا ما تضايقت
عادي كملت رياضتي ورجيمي وحماسي زاد اكثر من قبل ..
الواحد ما يدري بحكمة ربنا بكل شي بحياتنا .. كنت اسأل نفسي دايما ليش انا اللي طلعت بروحي
المتينه بعيلتي والكل رشاقة .. دمرلي حياتي انا بس اللي تعيسه ..

لكن الحين احس انه لو ما كنت متينه زمان كنت طلعت بشخصية مختلفة عن اللي انا عليه اليوم
ومع الوقت بتغير اكثر واكثر ان شا الله :icon31: ..

وهدفي اوصل لشكل احبه انا مو شكل يحبه غيري .. ابي افرح نفسي :bigsmile:

وبانتظار الاستاذه للاجابه .. ^^ ..

​

 

[عربجية]

أنصحك باستخدام ميزان آخر للتأكد وحبذا لو كان ميزاناً إلكترونياً. وإن شاء الله تكون الأخت ندى بخير وتساعدك في فهم مشكلتك وحلها.
تحياتي وتمنياتي لك ولنفسي ولكل السمينات بفقدان أوزاننا الزائدة.

والله عرفت انه الميزان اللي طلعني بوزن 86 كان خربان .. بس الحمدلله
كان هذا بداية انطلاقي للتغير والوصول للوزن المثالي يعني مو مشكلة :icon31:

بس حتى بجرب ميزان ثاني لزيادة التأكد لما اسجل بنادي رياضي قريب ..

تسلمين اختي الغالية ودعواتي للكل بالصحة والعافية والاجسام الاحلى ..​

 

[باحثه2006]

حبيبتي استمري وابدا لا تيأسي اتشجعي وانحفي وصلي 70 انا وااااااثقه انه فيوم حلقى رساله خاصه في بريدي منك تبشريني انك وصلتي لل70 اكيد

 

[دوشه بلقيس]

عربجيه شو بدينا نخق ونستسلم...ان شاءالله يطلع وزنك 200 لاتستسلمين...انا زاد وزني كثير بعد طفلي الاول الى الثمانينات وقعد 3 سنين انحف حتى اني حسيت باليأس دخلت نوادي ولما اخلص كورس انحف بسسسسسسسسسسسسسس 3 او2 كيلو تخيلي ...كان خيي وبعد حيي يستهزئ فيني يقول تخسرين نفسك وتبهذلين زوجك وماتنحفين اهئ دايما يحطمني يقولي كذابه تبلعين وتقولي مسويه رجيم..؟؟
حتى امي تقولي بسك خلاص ذبحتي نفسك والحمدلله وصلت ل65 ومرات 60 اتذبذب مرات كذا ومرات كذا
لاتستسلمين وحنا وراكي واصلي والله معاك ...يحميك من عيون الحاسدين هههههههههههههههههههههههههههههههههههههه
هذي انشوده وطنيه زوجي يحبها