استاذة موزة والعضوات " ابي مساعدتكم

سبحان الله يا اختي ........... ابارك انا للشيطان اللي دخل بمدخل النقاب وهو طاعه ملزمه فيها ... وفرق بينكم ....
يا اختي عجيب امرك ؟؟؟ كيف تعصين الله في امر واجب وتريدين الحل من العباد ... انا لا اشكك في ايمانك وقد تكون قوة ايمانك اقوى مني ولكن انت تجادلين في امر مفروغ منه الجدال .... احمدي ربك ان رزقك بزوج يعينك على طاعة الله ...
استغفري ربك وابعدي الشيطان عنك وتوبي لله وربنا كفيل بأن يحل كل مشاكلك .... بشرط ترك معاصيه واتباع طاعاته ..
ولي رجعه معاك في شريط للشيخ عبد المحسن الأحمد يهز القلوب لعل الله يفتح بصيرتك ...
 
صبـااااح الخيــــر

اختي ف الله ، اللي سويتيه غلط ، والكل قال هالشي عذرج مو قووي ، انتي لبسي النقاااب وتووكلي على الله

لا تخلين الشيطان يلعب براااسج بعذر سخيف مثل ذي ، اذا هو خطير وايد قولي له حبيبي انا ابي البسه بس

نستشير الدكتور اذا ممكن نسوي عملية وجي ، ولا تخسرين زوجج وحياتج علشان هالشي

اتصلي على زوجج وقولي له انت لي بالدنيا كلها واللي تقوله على عيني وراسي والعذر والسموحة على كل اللي صار

وروحي بيتك وعيشي مع زوجج احلى حياااة ، ودرسي وكملي دراستك وانتي راضية زوجج وربي يفتح عليج من حيث

لا تحتسبين ، توكلي على الله واتصلي له لا تخلينه والله مسكين هو يحبج بس يبي يبين لج ان الامر مهم له واااايد

علشان جي وداج بيت هلج بس هو يحبج والله ....

تقبلي مروري

المــ بسيفها ــداوية
 
للأسف كل مافكرتي بنقاب يجي على بالك رفيقاتك و خواتك و اقاربكم تخافين تكونين انتي الوحيدة من بينهم تلبسين نقاب و خايفة من كلام البنات عنك رغم انة هذا الخير و الافضل
سؤال . يعني انتي راضية تدخلين النار مثلا عشان ناس تبعتيهم و سمعتي كلام الشيطان
انتي ارتكبتي كذا معصية يا حبيبتي
اولها انك عصيتي زوجك رغم ان الي طلبة منك شي خاص بدين
ثاني شي تبعتي اهوائك و نسيتي الله عز وجل
مهما كان الي كنتني تسوينة ببيت اهلك و الي تعودتي عليك بيت الزوجية يختلف طابع منك و طابع من زوجك و تخلقون مملكة ثانية خاصة فيكم
فلاتنجرفين ورى كلام رفيقاتك و خواتك الي يقولون لا تتنقبين وع ولا مو شي
انتي بدولة اسلامية و خليجية فلبس النقاب مو شي غريب ولا مستغرب
و فية مية طريقة و طريقة بدل النقاب عشان انحراف خشمك
ممكن تسترين غطوة خفيفة مرة ترمينها على وجهك او نقاب من قماش خفيف
بعدين كيف عرفتي انك تنكتمين و انتي ماجربتية..؟


نصيحة يا اختي لاتهدمين حياتك بسبب شي ديني مفروغ منة اصلا و واجب
بكرة تندمين تقولين هدمت بيتي بس عشان قطعة قماش احطها على وجهي وهي اساسا ستر لي
 
على فكرة انا البس نقاااااااااااب و فيني انحراف و لحمية بعد هههههههههههههههههههه

ولا مت الحمد لله و زوجي مخليني اتحجب بسيارة عشان ما انكتم بس اول ما انزل مطعم او سوق لازم احطة ولا اتخيل نفسي امشي بدونة لانة حشمة لي
 
http://download.media.islamway.com/lessons/amusenahmed/SHakhsiyataha.mp3

اختي حلك مو عند موزة حلك هنا في العناد بينك وبين زوجك لكن اسمعيها بقلب وليس بإذن ... ارجوك من كل قلبي تسمعين ها الشريط وبعدها لك الحق في الخيار ... وربما غير الله مسار حياتك لأفضل لا تعلمين ..
 
حبيبتي خليج ذكيييه الامور الي مثل هاذي ماتنحل الا بالسياسه حاولي تساسين زوجك بعض الرجال طبعهم العناد واذا انتي مارخيتي عالموضوع مستحيل يرخي اترركي المسجات لاترسلين له ولا رساله روحي لبيتج وقولي له ابي اتفاهم معاك وفكري بكلمات وعبارات قوويه تاثر فيه بكل هدوء واذا مااقتنع لاتستعجلين قولي له انا بسوي هالشي علشانك لاني احبك وبضحي رغم اني مريضه والشرع يعذرني وانا مااحط مكياج ولا اتزين اذا طلعت ويهي
احس ان الشيطان داخل بينكم بعدين ماتدرين بعدج عنه يقسي قلبه اكثر ويمكن يتاثر فراي حد ويركب راسه وتخسرون بعض على موضوع تااااااااااااااافه امسكي بيتج ولادخلين حد بينكم ترى هو يغار عليج وهاي دليل محبه بس يمكن صارت اشياء قست قلبهحاولي تكسبينه وتحسسينه برجولته يمكن ناقصه هالشعور صدقيني الريال مثل الطفل سايسيه وانتي الربحانه
 
اسمحيلي الموضوع اكبر من انه نقاش او رائي تستنيه من بنات
الموضوع الحكم الشرعي للحجاب .....
وبعيد عن حكمه حكمي عقلك لو ثواني زوجك طلب منك النقاب فرض رائي
كذا مزاجه يحكمك ...لو ماحبك ماصبر عليك واعطاك فرصه وماصدمك ببداية حياتك معاهـ
زوجك لو مايغار عليك ماطلب طلبه مايبي كل عين تشوفك
وانا من وجهة نظري الي مايحب مايغار
الحمدالله الحجاب نعمه من ربي لنا ...يكفى انه تكوني درهـ مصونه مو كل عين تشوفها
والشي الغالي ماتلقيه معروض كذا
الله يهديك ويسترها عليك ويكتب لك الي فيه الخير
 
بالبداية كنتي تقولين انحراف
بعدين صرتي تقولين(مو داشة مخي)
والصحيح ان ان القضية مالها شغل بالأنحراف اصلا
ماراح ازيد على كلام الأخوات لكن ان لبستيه فأنتي الربحانه الوحيدة بالموضوع وان استمريتي رافضة الفكرة فبتكونين انتي الخسرانه الوحيدة
زوجك يحب ان زوجته تكون بكامل حشمتها وهذي صفة حلوة فيه
انتي مو رخيصة ليش تبين ترخصين نفسك بالقوة؟؟
 
ماراح ازيد على كلام البنات لان كلامهم صحيح .......زوجك رجال بمعنى الكلمة وفيه خير وغيووور والمفروض انك فرحانة مش تعاندينه وصدقيني هذا الشيطان لعب عليك .. وطيب ايش بتستفيدين اذا طلقك علشان موضوع ستر ؟؟اصلا احراج لك قدام الناس اللي انتي خايفة من كلامهم انك عاصية زوجك في شي يرضي الله ... نصيييييييييييحة احمدي الله على :
1- نعمة الزوج الصالح
2-انه ما يغصبك على معصية
3- انه ما طلقك على عنادك لا وقاعد يناقشك في موضوع مثل هذا حتى لو هو خذك وانتي مش منقبة بالعكس هذي نقطة لازم تحمدين الله عليها مش تحطينها عذر لك وشي ضده ..هذا معناه انه يحبك

واعرفي حبيبتي ان زوجك من النوع اللي لو تسوين ايش ما تسوين ما ينزل نفسه ويتنازل عن هالشي وقدااااااام العالم لانه لو طاعك في هالشي بيكون مش حلو ان مرته غصبته على رأيها لو ايش من تكون وخاصة في موضوع ما يحتاج نقاش.. والا هو ما تفرق معه اذاطولتي وما رديتي البيت ممكن يرد كرامته ويتزوج عليك بالراااااااااحة وتطلعين خسرااااااانة ضيعتي نفسك وزوجك وولدك اللي في ذمتك

وبالنسبة لك .: قولي انا راجعت نفسي واستخرت الله ولقيت الخيرة في النقاب وقولي اصلا انا مقتنعة بس كنت فترة نفاس ونفسيتي تعبانة ولقيت هالشي عذر اني اتعاند معك .. ولي شرط تسوي لي العملية وعلى حسابك .....

الله يردك لزوجك ان شاء الله ومثل ما قلت لك زوجك رجاااااااااااااااااااااااال وما يتفرط فيه واحمدي الله عليه :icon26:
 
ابد تأكدي انه مو عذر انفك
بنت خالتي وحده ثانيه انفها معقوف ويلبسون
اولا طاعه لله وحشمه لها
وستر
اتقي الله في نفسك وزوجك
 
حبيبتي انا نصيحه مني توكلي على الله ولبسي النقاب طاعه لزوجك وصدقيني صح اول شي راح تلقين صعوبه شوي بس عقب والله راح اتعودين عليه كلنا اول ما لبسناه قلنا ما نقدر وما نقدر بس بعدين صار الامر سهل الا وتعودنا عليه وخلج من وسواس الشيطان وردي لبيتج وخلي عنج كلام رفيجاتج لانهم اكيد ما ينصحونج على الخير اما العضوات كفو ووفو ما قصرو من نصايحهم وانشالله ما راح تندمين
 
أحب أشكر كل من رد عالموضوع وعسى الله يحفظ لكم ازواجكم ويستر عليكم اللهم آميـــن

بنات انا مشكلتي شي اكبر من النقاب " لوكان زوجي وفرلي كل شي وعيشني سعاده تامه وماكان يزعلني على امور تافه؟ جان مارفضت طلبه للنقاب ولو ان فعلا يضايقني ومجربته من قبل "
زوجي متحجر وايد " يبي يعودني ان اهوه من العصر لي بليل يطلع ويروح ودواوين وانا بالبيت قاعده بس وظيفتي اييب اعيال واربيعهم ولازم اني اقلل طلباتي " مره قلتله ليش ماننام ليلة بالفندق كنوع من التغيير " لان من تزوجنا مانمنا بمكان غير بيتنا ! رد علي لا ما احب اشك بالفنادق يحطون كاميرات يصورون!
وقتها انصدم اتفاجأ اقعد ابجي من داخلي ليش جذي حظي وانا بعدي صغيره " لان اللي اعرفه هالاشياء والحركات تطلع من الزوج مو المرأ تطلبها " تدرون عاد شسويت!
بطلعتي من النفاس قلت بعد مستحيل اطلع وارد بيتي هم مليت" رحت وحجزت اكبر سويت بفنادق الكويت ومعاه حوض سباحه!!! متخيلين رحت معاه وتفاجأه ولليوم يقولي ما انسى ذاك اليوم مر نفس الحلم ما اذكر شنو صار وشنو سويينا؟
وبعدها عرضت عليه الفكره عساس على السنة اليديده مااعجبه الموضوع!

ان بعد هم تعبت"مثل ماقلتلكم يبيني بس اييب اعيال واربيهم واهوه حياته مع ربعه وهواياته" والله مافي توافق بيني وبينه شسوي ارد اربيه من جد وجديد ولا اصبر عليه واتحسر من اللي حواليني شلون عايشين ومستانسين؟

انتوا بكلامكم لي تبيوني ارد والبس نقاب واتحمل باجي كل عمري مع انسان احس غاصبه نفسي عليه ومومرتاحه من طريقته معاي " ولا اطلق ويمكن الله يرزقني بواحد اتفاهم معاه من البدايه واعيش حياتي اللي ابيها " انا عمري 23 توني صغيرة ماودي اظلم نفسي " صج ان قرار الطلاق موهين بس ساعات ييكون راحه للأثنين.... والله اني اكتب وانا ابجي لان فعلا تعبت حيييل ​
 
المفروض بعد زوجج يكون اعقل من جي الامور ماتتاخذ بهالطريقه
ادري البنات بيهجمون علي بس اذا ريلها قاصد الالتزام فالالتزام بالدين يأمر الرجل بحسن المعاملة ولين الجانب يعني بطريقته هذي ينفر الزوجه منه
واعرف زوجات وايد تنقبوا لان ازواجهم يبون وبمجرد الطلاق او زواج الزوج عليها تخلع النقاب واعرف وحده خلعته لان الزوجه الجديده مب منقبه شفتوا كيف انها ماتنقبت لوجه الله تعالى بس للزوج
اختي العزيزة النقاب ستر وعفه بس بالاقناع وهالشي حاولي توصلينه لزوجج وفهميه انك كبرت الموضوع وايد وان المرأة الناشز الدين حدد طرق عديدة للتعامل معها مب تخليها في بيت ابوها قولي له انت حسستني انك تدور العذر عشان تتركني
باختصار لازم يجي ويجتمع معاك بان يتصل فيه ابوج او اخوج وتحلون الموضوع اما سياسه التجاهل اللي متبعها زوجج تراها غلط
واتمنى تفكرين في ولدج لانه حرام يضيع بينكم
حبيبتي استخيري مره واثنين وثلاث والله يقدم اللي فيه الخير
 
سبحان الله قال رسول الله صلى الله عليه وسلم (بدأالاسلام غريبا وسيعود غريبا فطوبى للغرباء)

اختي الكريمه من مصلحتك انتي دنيا وآخره تغطية وجهك وما علمنا بامرأة اختنقت او ماتت بسبب تغطتها لوجهها

ولكنك تخشين من كلام الناس وممن حولك من صديقات وأقارب فالله احق ان تخشيه وكوني قدوة حسنة لغيرك ووالله

ووالله لوكنت مكانك لقبلت تحت قدميه. كوني معينة له على الخير ولاتنسين كلام الاستاذه ناعمه في قصة برود ومطر

ان الرجل الجنوبي يحب ان تكون امرأته محجبه فهو سيغرم بها جدا وتزداد محبته لها .

رجاءا لاتعاندي فأنت المخطأه.
 
ياختي كيف اخذكي وهوعارف انك ماتغطي وجهك وبعدين انا معاي انحراف واتغطى وانت غطي وجهك طاعة لله ومراح تندمين
 
يا عزيزتي اتمنى انك تغطي وجهك وتحتجبي لربك مو زوجك ... وذا زوجك مو عاجبك استخيري في الطلاق ... وربي يكتيلك اللي فيه الخير ....لكن انصحك بسماع شريك ولا يبدين زينتهن لعبد المحسن الأحمد ....ربي يسعدك اسمعيه ..
 
واقسم لك برب العباد لو تركت المعاصي ولجئتي للخاق في اخر الليل ما راح يخيب ظنك وتشوفين الراحه النفسيه ..
 
بنات انا متردده وهذا شي موطبيعي

حتى ان في اول المشكلة كنت ابجي وتعبت لدرجة صرت احس بألم ببطني ورحت الطبيب وقالي هذا القولون العصبي منتفخ ولازم تريحين اعصابج ولا تفكرين بشي..
وبعدها ما انام بليل الا وانا مصليه ومستخيره ربي وصرت يوميا قبل ما انام اصلي ركعتين واستخير, والحمدالله وايد ارتحت " ولما احط ابالي يعني لو برد والبس النقاب ما راح ارتاح مثل الراحة وانا عند اهلي " بس هم اقول هذا يمكن الشيطان يوسوس فيني

وأسأل اللــــه ان يكتب فيه الخير لي​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل