استاذة موزة والعضوات " ابي مساعدتكم

ب

بنت كويتيه

New member
إنضم
2007/08/16
المشاركات
31
في البداية حاولت اتواصل مع الاستاذه ناعمة والاستاذه موزة عن طريق الاستشارات الهاتفية بس للأسف متوقفه حاليا ...

وانا مشكلتي مستعجله وما اقدر اصبر اكثر من جذي ابي حل ماني عارفة شسوي ابي مساعدتكم , مشكلتي بسيطة بس ممكن تنهار حياتي لسبب عادي بس لأن زوجي يشوفه اساس حياته معاي!!!


انا لي سنة ونص متزوجة والحين صار عندي ولد عمره 4 شهور , السالفة بأختصار

اول ماتزوجنا طلب مني (البس العباة والنقاب) لان كل اهله يلبسون مع العلم انا ما البسه بس وافقة ولبست عباية بس نقاب قلتله لأ انا خشمي فيه انحراف وبصعوبه اتنفس وما اقدر البسه واذا مومصدقني اروح معاك الدكتور ويقولك بنفسه ومع زعل وكذا وافق ومشت الحياة

الحين رد السالفة مره ثانية وخلاني عند اهلي وحرمني من المصروف وفقط يصرف على ولده ويعطي الشغالى معاشها " شرطه تلبسين نقاب ولا خلك عند بيت اهلك وصارلي شهر الحين؟

وكلم ابوي(وصار ابوي يعطيني مصروفي , اني للحين ادرس بالجامعة) واخوي وقال لأهله وسوه نفسه اهوه الزعلان وانا بعد ماسكت قلت اني لو اقدر البسه بس ما اقدر " والحين مايرد على مسجاتي ولا على اتصالاتي!

انا ماغلطت معاه بولا شي ونقاب مستحيل البس" اللي افكر فيه الحين اروح اجيب اغراضي وكتبي
لأنه معلقني الحين صاير الوضع هادي" وانا متردده اجيب اغراضي؟؟" امس دزيتله مسج قلتله ياترضى فيني جذي ياسو اللي يهديك الله عليه" ومارد علي

ماني عارفه شسوي محتاره!!!!​
 
معليش يا اخت رحاااب راح اكون صريحه معك وبدون زعل
==
انا اعتبر هالسبب تافه كيف تدمرين حياااتك علشاان شي هو اصلا خيرررررررر وصلاح لك
المفرووض تشكرينه لانه يريد الستر لك وانتي حاولي تقتنعين بالنقاااب مو تنفيذ لاوامر لزوجك
سويه لتنفيذ امر الله ورضااائه 0000والانحراف حاولي تعالجينه وانك انك تختارين نقااب يكون قمااشه مريح
ومايسبب ضيق لك
يااختي نصيحه راجعي قرارك ولا تخلين المسائله عنااد وتحدي
لابد تكون بالحيااه الزوجيه وبين الزوجين تنازلات انا مااقول ان الوحده تهين كرامتها بس لابد
اننا نتناازل عن بعض الامورررر علشان تمشي حيااتنا
والله يوفقك ويهدي زوجك
 
لحظة صمت جزاك الله خيرا على الرد
بس مو المفروض ان لما يكون عندي عذر طبي وانا ما اقدر البسه , يتنازل ويرضى ولا يكبر المسألة عشاني وعشان ولدي؟
بالعكس انا لما احط السالفة براسي اقول اهوه خلاني بسهوله واحس انه باعني , شلون الحين بتنازل؟

اتمنى من الكل يساعدني بالحل المناسب , وللأستاذه موزة انها ترد على مشكلتي
 
اختي اعتقد زوجك امكبر الموضوع وما له داعي دام رضى فيك من الاول واقتنع بمسألة انحراف انفك الله يهدية بس يا الغاليه يستاهل الامر كل هذا الزعل عشان نقاب صدقيني هذا الامر مو مستاهل ابدا وانا عندي تتفاهمون مع بعض احسن وتبين له انك اذا نفذت رغبته مو لانه امرك لا لانك سويته عن قناعة والله يوفقك
 
بصراحه وبدون زعل انتي مقتنعه بالنقاب ولا لا...؟؟ سوى بنحراف وا غيره
واذا كان مقتنعه بالنقاب عالجي الانحراف ورجعي لزوجك وزوجك ياغر عليك يبيك له بروحه مو كلن يطالعك المفروض تفرحين والله يصلح حالكم
 
انا مثلك اتنفس بصعوبة مع غطاء الوجه الكامل بس مستحيل افكر اشيله!!
مستحيل
مستحيل
لسبب بسيط اني مقتنعة فيه مليون في الميه.
برغم ان زوجي سامح لي اكشف وجهي في هذي الحالة متعاطف معي حليله
ولما يشوفني مبعده الغطاء عن وجهي واتنفس من تحت يفتح لي القزاز او يزيد هواء المكيف!
وعلى فكرة اختي :
لاتظني ان زوجك يفرض رايه وان هذي بداية التنازلات بالعكس طاعتك له تكبرك في عيونه
وخاصة في امر زي كذا
موفقه
 
تاج الأحزان
ملكة زماني
الحالمه

اشكركم على ردودكم , بس ما ادري شنو ارد عليكم , لاتعتقدون ان هذا اول شي بحياتي معاه بتنازل عنه عشان ارضيه " لأ انا عقلي كبير واتفاهم معاه مثل طلعات سفر ما اعاند معاه اذا قال لأ او ما اقدر اقتنع وامشي الموضوع
بس النقاب لما حسيت ان بيجبرني عليه واهو عارف انه بيضايقني ما قدرت اقول حاضر " لأن هم بعد انا من حقي ارفض الشي اللي يضايقني!!!

حاولت اقنعه وينسى سالفة النقاب وارد بيتي ولا كأن شي صار بس رافض!

ابي اعرف شلون اخليه ينسى سالفة النقاب وارد بيتي ؟​
 
رضا ربك اهم من رضا زوجك
اسميحي لي حبيتي الانحراف مو عذر انك ماتغطين وجهك
كبري عقلك شوي ولاتهدمين بيتك عشان نقاب
 
ياحبيبتي اشتري راحة بالك وراحة زوجك
مو ضروري تلبسي نقاب ... حطي غطوه بس
يعني لفي الغطوة عليكي والباقي تغطي فيه
وبكذا تكوني حليتي المشكلة
 
باختصاااااار يقلبى خليه يسويلك عملية يعدل الانحراف هذى سهله
وبعدها البسيله النقاب ومشى أمورك
 
اسمحيلي اختي....... انتي تبي تدمري بيتك بسب... يدخلك الجنه..... اقتنعي بنقاب اصلن وهو كل شي يسهل... لواني مكانك ابوس رجوله انه دلني على الطريق الخير... ياما ازواج يطلبو من زوجاتهم امور غير شريعيه وانتي بس زوجك طلب منك انك تتنقبي حتى لو عند ك مشكله.. في انفك.. اطيعي زوجك ولاتخربي بيتك..
(يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ )(الأحزاب: من الآية59

(يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ) (لأنفال:24)

صدقيني زوجك يبيلك الخيــــــــــــر
 
أختي لو سمحتي سؤال ليش زوجك رضى بالبداية والحين رد على سالفة النقاب ؟ أكيد في سبب يفسر كل شي......
 
اتفق العلماء على تحريم خروج النساء سافرات الوجوه ولاسيماء في زمننا هذا الذي يكثر فيه الفسق حيث كثر انتهاك الحرمات والمعاصي والفتن بسبب التكشف فالحجاب يسد الذرائع ويغلق باب الشر00والوجه موضع الحسن والجمال فستره واجب لئلا يفتن به اولو الاربة من الرجال لقول الرسول صلى الله عليه وسلم:
<<ماتركت بعدي فتنه اضر على الرجال من النساء>>
ثقي انك عصيتي ربك قبل معصية زوجك فلا تكوني انتي وامثالك سبب في فتنة الرجال فستحملين وزر كل من فتنتيه بتبرجك وسفورك ومشكلة انفك ليست حجه قاطعه انما ارضاء لغرور نفسك وطاعة لهوى النفس والشيطان 00
اللبسي الغطاء الكامل بدل من النقاب اذا كان يؤذي انفك 00
زوجك يغار عليك ويحبك و يريد لك الستر والعفاف يريدك جوهرة مصونه درة مكنونه لايراها غيره بعيدا عن نظرات الطامعين العابثين 00
اللتمسي رضاء الله عليك ورضى زوجك 00
هداك الله لما يحب ويرضى00
 
سحاب المزن قال:
أختي لو سمحتي سؤال ليش زوجك رضى بالبداية والحين رد على سالفة النقاب ؟ أكيد في سبب يفسر كل شي......
أنقر للتوسيع...


انا سألته بعد ليش رضيت وكنت اعتقد ان انتهى الموضوع رد: ان ما اقدر ازعلك وانتي توج عروس شنو بيقولون الناس! , وسكت عني وخلاني احمل وبعد ماولدت واللي كنت انطر منه مفاجأة حلوه مثل هدية او سفره حلوه " يقولي ابيج اتنقبين"

معناها ان علي اوافق وارضى بالامر الواقع! أحس حركه كلش موحلوه
 
قررت باجر الظهر قبل لا اروح الجامعة اروح بيتي اجيب كتبي والاب توب مالي لزوم دراستي واكيد راح احصله نايم , وراح اطلب منه جنسيتي وجواز السفر لانه طالبينها مني الجامعة ضروري حق استمارة التخرج

_بس اللي ابي اعرفه هل اكون جاده معاه بالكلام ولا اجيب طاري موضوعنا
_اوإني اعبرله عن اشتياقي له؟

بنات ساعدوني ارد لزوجي بس بدون ماألبس نقاب لان مستحيل البسه مو داخله بمخي السالفه:dunno:​
 
بنات ابي اطلب منكم الدعاء ان نرجع انا وزوجي حق بعض....
لأن مني ليما اخلص اخر امتحان فاينل 19/1 لازم اخذ قراري يا غصب البس نقاب وارجع لبيتي يا الحل بنظر زوجي ننفصل عن بعض؟
ــــــــــــ
يااااااااااارب أسألك الاستخارة بالأمر بيني وبين زوجي فأن كنت تعلم رجوعي له فيه خير لديني ومعاشي فيسره لي ثم بارك لي فيه, وان كنت تعلم ان رجوعي له فيه شر لي في ديني ومعاشي عاجله وآجله فأصرفني عنه " ​
 
القصة مو مستاهلة حطى نقاب خفيف احسن من خراب البيت وبعدين النقاب متعوديين عليه فى الخليج يعنى مو صعب ولا غريب احسن من هجره لك او طلاقك لاسمح الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل