استاذة النجده .. كيف اتزوج شخص راتبه ضعيف؟؟؟؟؟

[اعلامية طموحة]

استـــــــــاذة النجده

اكتشفت عندي مشكلة

انا ما اتخيل نفسي اقترن بشخص راتبه ضعيف

من حيث المبدأ انا موافقه .. بس ما اعرف كيف اطبق

انا عشت حياتي على مرحلتين الطفولة الى المراهقه كل شي محسوب لأن راتب الوالد الله يحفظه كان ضعيف

من المراهقه للآن اخواني اشتغلوا وصرت من الناس اللي يصرفوا من أول الشهر الى آخر الشهر بنفس المستوى

مع العلم اني مش من النوع اللي اروح الأسواق واشتري ملابس وعطورات لا .. ولا خصني في هالمجال

لكن اعبي رصيد وايد واشتري أكل وخرابيط وأشياء ماتوضح علي ... واشتري اغراض تجميل وايد كريمات شامبوهات صابون اخلص فلوسي على هالأشياء

بالنسبة لملابسي اختي تشتري كل شي تعودت على ذوقها خاصة من استقلت من وظيفتي وصرت البس ملابس بيت .. حتى ملابس العيد افتح الكبت قبل العيد بيوم واشوف شو بلبس بالباجر احصل ملابسي الجديده كلها مجهزه <<<< والله ما أبالغ

لأن ملابس العيد معنا عبارة عن تخوير وانا ما افهم في الهسوالف ابدا:icon28: ..

ولا اعرف اختار القطن والحرير ولا أي نوع من الأقمشه ولا أعرف اسعارهم:dunno: ..

فرافعه الرايه البيضا واختي تختار :surrender:

طبعا هي تختار كل شي الا العبايات والشيل .. هذا تخصصي أنا:smoke1:

اما ايام الجامعه ولما كنت اداوم لا كنت اختار خرابيطي بروحي :smoke1:<< طبعا ماكان عندي ملابس تليق بجلسة البيت التقليدية

كنت البس كل ماتكره امي من ملابس مفصخة تحت العباة :nosweat:

المهم .. ان اختي لما تختارلي تختار من المتوسط الى الغالي لأن وضعها المادي والحمد لله يسمح

الحين اذا صار وتزوجت:c016: .. وكان هالشخص راتبه متوسط او ضعيف لأن في الغالب الشعب اللي معنا كلهم هالشكل>>><<< ماديا طبعا

كيف بعيد برمجة هالعقل المقفل:e136:
​

 

[فطيم..]

نحن عندنا مثل في الامارات ينطبق عليج

انتي تزهبين الدوا قبل الفلعه ^_^

ليش تتخيلين لنفسج جي بيصيرلج ؟

يمكن الله يرزقج بواحد عنده خير او حالته الماديه متوسطه ؟

واذا صار وتقدملج شخص راتبه ضعيف

تراه لكل حادث حديث

والله يوفقج ان شاء الله

 

[وصــايــف]

ممكن تتزوجين واحد راتبه ضعيف وتساعدينه انه يرفع من مستواكم المادي ​

اقرب صديقاتي كان والدها فقير جدا جدا على قد حاله ساعدته زوجته يكمل دراسته ​

ويحصل احسن وظيفة والحين هم اغنياء كله ماركات وسفر من دولة لدولة وعندهم افخم بيت ​

اخذوهم فقراء يغنيهم الله .. وإذا أنتي خذتي الرجال على اخلاقه ودينه سبحان الله رب العالمين يسر اموركم
وبتصير حياتكم ولااراوع منها .. والرزق بيد رب العالمين ممكن تأخذين غني وتصير لكم ظروف وتصيرون فقراء
لاتفكرين بهالموضوع وماراح تأخذين إلا نصييبك بإذن الله وإن شاء الله يكون من خيره الرجال دين واخلاق ومال​

 

[اعلامية طموحة]

نحن عندنا مثل في الامارات ينطبق عليج

انتي تزهبين الدوا قبل الفلعه ^_^

ليش تتخيلين لنفسج جي بيصيرلج ؟

يمكن الله يرزقج بواحد عنده خير او حالته الماديه متوسطه ؟

واذا صار وتقدملج شخص راتبه ضعيف

تراه لكل حادث حديث

والله يوفقج ان شاء الله

ممكن تتزوجين واحد راتبه ضعيف وتساعدينه انه يرفع من مستواكم المادي ​

اقرب صديقاتي كان والدها فقير جدا جدا على قد حاله ساعدته زوجته يكمل دراسته ​

ويحصل احسن وظيفة والحين هم اغنياء كله ماركات وسفر من دولة لدولة وعندهم افخم بيت ​

اخذوهم فقراء يغنيهم الله .. وإذا أنتي خذتي الرجال على اخلاقه ودينه سبحان الله رب العالمين يسر اموركم
وبتصير حياتكم ولااراوع منها .. والرزق بيد رب العالمين ممكن تأخذين غني وتصير لكم ظروف وتصيرون فقراء
لاتفكرين بهالموضوع وماراح تأخذين إلا نصييبك بإذن الله وإن شاء الله يكون من خيره الرجال دين واخلاق ومال​

مرحبا بالأخوات وشكرا على الردود الحلوه ​

وحتى حن معنا هالمثل يا فطيم:bigsmile:​

الشي اللي بغيت اقوله .. انا ما عندي اعتراض ابدا على كلامكم​

انا بس ما اعرف كيف بطبق هالكلام .. كيف اطبق هالقناعه :sad_1:​

خذوهم فقراء يغنيهم الله ... سمعتها مره من وحده .. عجبتني بس كيف اطبق​

البنات معنا يتزوجن عادي شخص بمستوى منخفض .. المهم انسان محترم .. بس للحين انا مب متخيلة كيف عايشات​

انا ما اتكلم عن 400 ريال (4000 درهم) انا اتكلم عن أقل يمكن يوصل ل200 ريال (2000 دهم)​

وطبعا يكون داق سلفية علشان يبني غرفة فبيتهم ويتزوج​

وعاااااايشششيييييين​

المهم الستر والعفاف​

بس كيييييييييف؟؟؟ نفسي اتعلم افكر مثلهن:tears:

​

 

[ليل الشتا]

مرحبا بالأخوات وشكرا على الردود الحلوه ​

وحتى حن معنا هالمثل يا فطيم:bigsmile:​

الشي اللي بغيت اقوله .. انا ما عندي اعتراض ابدا على كلامكم​

انا بس ما اعرف كيف بطبق هالكلام .. كيف اطبق هالقناعه :sad_1:​

خذوهم فقراء يغنيهم الله ... سمعتها مره من وحده .. عجبتني بس كيف اطبق​

البنات معنا يتزوجن عادي شخص بمستوى منخفض .. المهم انسان محترم .. بس للحين انا مب متخيلة كيف عايشات​

انا ما اتكلم عن 400 ريال (4000 درهم) انا اتكلم عن أقل يمكن يوصل ل200 ريال (2000 دهم)​

وطبعا يكون داق سلفية علشان يبني غرفة فبيتهم ويتزوج​

وعاااااايشششيييييين​

المهم الستر والعفاف​

بس كيييييييييف؟؟؟ نفسي اتعلم افكر مثلهن:tears:​

والله انك صادقة اللي راتبة في حدود 200 ريال كيف بيعيش وياكثرهم معنا في عمان ..
عسى ربي يرزقك بواحد ميسور وقمة في الاخلاق ..
أنتي مبدئيا حاولي تشتري اشياء معقولة واللي محتاجتله فقط
وقولي اللي يشتغل من الحريم واللي يتزوجوهن علشان معاشهن كيف قادرات بعيشن بقلوب وعقول خالية من التفكير ..
الحين كل واحد داق على عمره سلفيه وبعد يبي يتزوج
يارب رحمتك ...
أتمنى الاستاذة ترد

 

[لحن المطر ~]

صحيح مشكلة نعاني منها نحن بعد

بس اللي حولي وراتب زوجها ضعيف تشتغل هي كمان

حتى لو شغلة بسيطة تشيل منها مصاريف نفسها

وبعضهم تصير هي المدير المالي لزوجها بدون ما يدري
وتحوش تحويشة العمر وتأسس لها مشروع صغير منزلي

بس أنصحج لو وضعج المادي أعلى من وضع الخطيب تفكري فالموضوع زين
عدم قبول وضعه المادي ما يدل على تكبر او اعتراض على الرزق لا الحمد لله على كل حال

ولكن مثل ما قلتي بعض الحريم اهم شي الستر ما يهمها المادة
تربيتها وشخصيتها كذا
ولو شفنا انماط الشخصيات بنلاقي الجنوبية اهم شي رومانسيه وخرابيط ما يهمها الوضع المادي كثير
مع انها تصرف وما تحاسب

لكن الشرقيه حريصه وبترتب وتحط جدول لراتب زوجها وبتقدر تتعامل مع الوضع حتى لو قليل

والغربيه اتوقع ما تصبر كثير لأنها متقلبه لكن بتقترح له اقتراحات يطور من مستواه المعيشي
والشمالية بعد هذا شي مهم بالنسبة لها وتحس بالامان لما يتوفر مصدر رزق مضبوط وسكن مضبوط

شوفي نفسج تقدرين تتحملين كم سنة ؟ وحدة ثنتين ؟ عشر ؟؟
وعلى اساسه تبنين شروطج
يعني تقبلين فيه بمعاشه الحالي بس يطور من نفسه مستقبلاً ويعوضج
واذا ما تقدرين لا تعرضين حياتج وحياته للمنغصات وتتحول لجحيم

انتي شوفي نفسج وقرري دامج عالبر ^،^

 

[haven]

موضوع قمة الاهميه
انا بعد كنت ابي اطرح عليكم نفس الموضوع ؛؛وبيبت اشتشيركم؛؛
فهالفتره اختي تقدم لها شاب وطبعن اخواني بعدما سئلوا عن اخلاقه
وعرفو كل شي عن الشاب طلع شاب محترم ومن عايله محترمه
بس مشكلته الوحيده انه راتبه ضعيف لكن اختي موظفه ولها راتبها
الخاص وببداية الامر كانت مترددة طلبت منها تستخيرربها وبعدما
استخارت اقتنعت ووافقت وتقول انه هالاشياء قابله للتغير؛؛؛
فمدري انتوا اشرايكم بشنو تنصحونها

 

[فاطمه محمد]

مادري شو اقول لج بس واجب اننا نفكر في هالكلام .. لانها حياه و المعيشه غاليه في بعض الدول و الحاله لازم تكون جيده على الاقل

2000 درهم صعبه و ما اخبي عليج .. كيف بتكفي ( مأكل و مشرب و ملبس و اغراض و حاجيات زوجه و اطفال )

فعلا تبغي لها ميزانيه مرتبه و تكفي ..

المهم ما علينا .. بس اذا قررتي ترتبطين بهالشخص فلاااااازم تقررين و ترتبين وضعج معاه يعني تعرفين منه كيف هو يقسم راتبه و هو شاب في بيت اهله و هل عنده او يحاول يكون عنده مصدر ثاني مساعد للدخل يعني محل صغير او تجاره بسيطه .. و على هالاساس تخططين الى شلون راح يكون مصرفكم في الشهر الواحد

بس تبغين الصدق

في هذا الزمن الوحده تشتري ريال زين لأنه الي عندهم احيانا يجونج شر و الله يعطينا و يعطيج الخير ...

 

[عشيقة مودي]

اختي اهم شئ الاخلاق وبعدها كل شئ يهون
انت تقدرين تحسنين وضعكم المادي باكثر من طريقة مثلا انك تتوظفين او انة (قصدي خطيبك) يكمل دراستة في الخارج ببعثة (إذا كان متخرج من الجامعة او الكلية بتقديرة ممتاز او جيد جداً )
وفي طرق كثييييييرة غيرها بس اهم شئ تصيرين صبورة
وكمان لاتنسين انكم ما تتكلفون بحفلة الزواج لان الديون بتتركم علية و صعبة تبدؤون حياتكم بديون بسبب ليلة وحدة
والله يوفقك

 

[ريمي انا]

انا كمان اتزوجت واحد راتبوا قليل مع انوا كنت مررة مو مقتنعة بالموضوع بس لازم البنت توصل لمرحلة وتتزوج وما تعقد الموضوع بس انا متاكدة انوا مع رداستوا وشغلى راح يتغير الوضوع املى بالله كبير انا ما بعرف جالسة اقنع نفسي او شو بس حاليا انا بتزوج واحد راتبوا ضعيف وبحس نفسي راضية وما بحاول اقارن نفسي باحد ثانى

 

[Ameera.oman]

حبيبتي إعلامية طموحة...
أنا معك في نقطة أنك ما تريدي تتزوجي واحد رتبه 200 ريال .. والله اللي رفع السماء.. شباب عمان صح فيهم اللي راتبه على قده بس ما تحصلي بشهامتهم وأدبهم وأخلاقهم وطيبتهم .. وهذي شهادة العمانيين وغيرهم .. وبعدين ترا المال يروح ويجي.. يا ما ناس كانوا الملايين عندهم ما تسوى شيء وبعدين دارت الدنيا وصاروا يستلفوا من الناس اللي كانوا أقل منهم ماديا .. وفي أمثلة كثيرة شفتها بعيني..

وفي المقابل في ناس كانوا عايشين على قدهم ويادوب ذاك الراتب يكفي لآخر الشهر لكن عاشوا ويمكن بعدين الله رزقهم من فضله.. أقرب مثال الناس اللي كانوا فقراء وبعدين أولادهم أجتهدوا ودخلوا الجامعات وصاروا أطبااااااء ومهندسيييييييييين و مدرااااااااااااء (ما شاء الله) .. واليوم رواتبهم فيها البركة ..

وترا دوام الحال من المحال.. يالغالية .. وإذا الحرمة ساعدت زوجها أكيد الله يبارك في مالها..

بس قصة أخيرة..^_^
أعرف وحدة ومن الأهل كان زوجها صاحب محل ذهب لا بأس فيه في المنطقة .. وصار أنه أحد سرق كل اللي في المحل وكانوا عايشين عليه ..؟؟!! ايش توقعي تكون حالتهم؟

صار الرجال مديون بمئات الآلاف .. وكان مهدد بالسجن .. المهم زوجته الوفيه (الله يبارك فيها) .. صارت تطبخ الحلويات اللي تعرفها للناس لما يكون عندهم مناسبات وترد فلوس .. وعاشت العايلة بكفاف لحد ما حصلوا الذهبات وردوها لصاحبها؟؟

بأمانة .. لو كنت مكان زوجته ايش بتسوي؟؟
"ما بين غمضة عين و انتباهتها *** يغير الله من حال إلى حال ِ"

 

[أنفاس الأمل]

احس صعبه ان الوحده تتعود على وضع وتروح تتزوج واحد
يتغير وضعها معاه فالمأكل والملبس والمشرب

انا عن نفسي في بيت هلي الصرااحه مرتاحه مب شايله هم فلووووووس وغيره
اكل واشرب والبس واصرف بدووووون ما احد يحاسبني حتى الحمدلله يوم امرض ما اتعالج الا في مستشفيات خاصه وعيادات خاصه

فالافضل ان كل وحده تاخذ واحد على حسب مستواهم المعيشي عسب مايكون في فارق او فوهه كبيره
وحلات الثوب رقعته منه وفيه
خذيلج واحد من ثوبج من مستواج المادي والفكري والتعليمي

انا اختي الوحيده فينا خذت واحد ماكان يشتغل الحب ومايسوي
وهي بعد ماكانت تشتغل وابوي كان يصرف عليها
وحتى يوم كنا نروح الاسواق ناخذها معانا عسب تشتري نعرف بحالة زوجها لين ما اشتغل بس بشهادة اعدادي شو بتأكله
وهي بعد اشتغللت وراتبها احسن عن راتبه يوم خذته كانت صغيره خلصت الثانويه ومارضت تكمل فضلت العرس


حتى حفلت عرس ماسوت رضت بالاقل من القليل لين ما ركب راسها

وبعد مانضجت وبدت تكمل تعليمها الجامعي وحست بالفرق الشاسع بينها وبين زوجها هي متعلمه وهو لا هي طموحه وهو لا شايله مسؤولية البيت والعيال والمصرف على راسها
وهو اخلى نفسى من المسؤوليات وحياتها مشاكل في مشاكل تعود على انها هي اللي تصرف
وهي اللي تمد يد العون ودها لو الايام ترجع بس عسب تصلح كل اللي صار
حتى دايما تقول لنا لا تغلطون غلطتي الحمدلله على نعمة العقل من صغري ماكنت ارضى بأقل من حقي الحمدلله
ليش افرط بنفسي اللي لها نصيب بتاخذه مو معناته اي واحد يدق الباب اوافق عليه صح انا مع ان الزواج ستر بس مب اي واحد ليش ارمي بنفسي للتهلكه لو الوحده تحسبها صح وتفكر بعقل ومنطق ما راح تطيح هالطيحه .....

اسمحولي طولت عليكم

والله يوفقنا يميييييع

 

[رمانه العود]

السلام عليكم

الله يوفقك اختي

المال مو كل شي شوفي الاغنياء على قد فلوسهم تلاقيهم مضايقين وعندهم مشاكل ياكثرها ولا حاسين بالسعاده
البساطه حلوه في كل شي

البنت دحين اهم شي تتزوج واحد خلوق ودين وهذا اللي راح يسعدها لانه يخاف من ربنا وماراح يظلمها وبعدين ربنا يرزقهم والله السعاده مو بالفلوس اهم شي الروح الطيبه والتعامل الطيب اما الملابس وغيره ماهي مهمه مره يعني ايام السنه العاديه البسي اي شي يعني مو شرط غالي اما في الاعياد مثلا او مناسبه خاصه اشتري شي غالي او سعره متوسط مو شرط كل الملابس غاليه في ملابس سعرها حلو وتكون شكلها كانها ماركه والحمدلله في كل مكان متوفر الرخيص والغالي وانتي ساعدي زوجك يعني مثلا اذا تعرفي تسوي اشياء عالنت ممكن تبيعيها او خياطه او تغليف هدايا او حلويات او طبخات مثلا وحده عندها مناسبه ممكن تسويلها الاكل وهذه لحالها ممكن تكلف 200 ريال او اي شي تحبيه بس هذا الشي لاياثر على زوجك ويخليه يكسل ومايشتغل رضوة انتي شجعيه على الشغل والدراسه لانه اذا اتعود الرجال انها الحرمه تصرف على البيت راح يكسل وعمره ماراح يشتغل ولا حيسوي شي وشويه شويه راح يرزقكم ان شاء الله الخير الكثير اهم شي القناعه انتي حطي براسك واقنعي نفسك انه اهم شي السعاده الزوجيه اش الفايده من فلوس وكل شي ويجي زوج يضربك او يهينك او مايقدرك او مطنشك او يخونك بالاخر راح تتركيه حتى لو هو طلب تدفعيله فلوس راح تدفعي عشان تنقذي نفسك لانك تعبانه بحياتك

اهم شي الان استخيري ربنا وان شاء الله اللي ربنا كاتبلك هو ان شاء الله يسير ومحد يدري فين الخير امكن ربنا يرزقكم مافي احد يبدا حياته او ينولد وهو غني الواحد بالاول يبدا من الصفر وهو يزيد نجاحه بتفكيره وخططه والعكس احس لما يكون راتبه ضعيف يحس بقيمه القرش وبقيمه الزوجه يعني مايضيع فلوسه في دخان وخرابيط ويكون متحمل مسئوليه يعني مو على اي مشكله انتي طالق وطبعا لازم الفلوس ماتاثر على حياتكم يعني لاتطلبي اشياء كثير من الزوج ولاتسوي مشكله عشان نقص المال


الدعاء الدعاء تراه يسوي العجايب
دايما رددي هالدعاء اللهم اغنني بحلالك عن حرامك وبطاعتك عن معصيتك وبفضلك عمن سواك
اللهم ياكريم اكرمني ياغني اغنني يارزاق ارزقني ياارحم الراحمين
اللهم بارك لي فيما رزقتني ورضني بما رزقتني به
واكثري من الاستغفار في كل وقت
وايضا الصدقه ترى الصدقه تكثر الرزق كثير ماشاء الله يتصدقو وربنا رزقهم وبارك لهم في رزقهم واغناهم

 

[هلاليه كيوووت]

وربي موضوع مهم السراحه"

شوفي قلبووو حنـــا عندنا في السعوديه اكثر العوائل يزوجون بناتهم نفس مستواهم"

يعني انـا مثلا مستواي المادي متوسط ويميل الى الغناء"

اتزوج واحد نفس الطبقه والمستوى"

وفيه ناس بعد تزوج بناتهم اقل من مستواهم بس مو كثيييرر مرررررره يعني يميل الى الفقر"

بس اللي اشوف من مجتمعي وخاصه اهل نــــــــجـــــــد انهم يزوجون بناتهم نفس المستوى"


لااااكن اذا فكرتي بتعقل اهم شي يكون الزوج اخلااااااق وديييييييين"

بالزمن هـــــذا وربي تخافين من كل شي من كثرة الفتن"

والمستقيمين تحسين انهم قلووو"

لكن اتمنى يكون احساسي خــــطأ "


وترى اهم شي بالحياة الدعاااااااااء وربي الدعاااااااء يفتح لك اشياء كثيره"

وغير كذا انتي تدعين ربك تطلبين شي لكن ربي يعطيك اجر بعد"

وخصوصا اخر الليل"

والله يرزقنا وياك الأزواج الصالحين يااااااااااارب"

 

[أ. أم منصور]

السلام عليكم ورحمة الله وبركاته

حينما قرأت مشكلتك ابتسمت .. فعلا كما قالت الاخت فانتي تزهبين الدواء قبل الفلعة .. وهذا امر جميل ..

جيد بأنك تفكرين بهذه الطريقة .. وانك تدركين وجود مشكله ولكن لا تجعليها اكبر همك .. كما يمكنك ان تبحثي عن عمل وتصرفي منه على نفسك دون الاعتماد الكلي على الزوج ..

من الجميل ايضا ان تدري انه لو كان لديك مثلا 300 درهم فانتي ستبرمجين حياتك تلقائيا عليها .. وان كان لديك 3000 درهم ايضا ستبرمجين حياتك تلقائيا عليها دون ان تشعري بالنقص .. وخاصة انك لستي من النوع المهتم كثير بالتسوق والموضه والفن وغيره ..

لا تجعلي من هذه المشكلة اكبر همومك وتوكلي على الله ..

 

[عبير عمان]

أختي تأملي هذه الآية..
قال تعالى" إن يكونوا فقراء يغنهم الله من فضله والله واسع عليم"
سورة النور (32)

 

[عيون عزيز]

حبيبتي لا تفكرين بهالطريقة..الزمن قبل غير ألحين..يعني ألحين المفروض انتي تكونين تشتغلين وعندج استقلال مادي عن زوجج..ادعي ربج يوفقج بزوج حنون وطيبويخاف الله وصدقيني هاي تجربة عشتها شخصيا بقولها لعل وعسى تفيدج..أول ما تزوجت زوجي حالته المادية كانت وااااااايد واااااااايد تعبانة حتى 100ريال ما يحط بيدي بسبب الديون بس كان ولا زال ولله الحمد طيب معاي وحنون ويحب يضحكني ويلاعبني ودايما مبتسم مع ان جيبه فاضي؟؟ كنت أتضايق وأزعل وأعصب ان رحت للمناسبات وماكنت بالمستوى المطلوب.الا بالعكس صرت أتهرب من الزيارات لأني كنت متعودة اني أنا فتنة الحفل والكل فالكل بس لما تزوجت كل هاي راح؟؟. وكنت أتضايق أكثر لأن خواتي متزوجين بناس فوق فوق وأنا أقل منهم بكثيييييييييييييييير.بس طالعت الموضوع من ناحية ثانية..وااااااااااايد من البنات الي حولي كانوا ريايلهم مريشين والخاتم بس الي بيد وحدة فيهم ما يقل عن30000 ألف ريال غير شنط الماركة واللبس والفشخرة و و و ومع هاي مب راضين على عيشتهم وكله يشتكون..اهنيه بس عرفت اني بنعمة غيري يتمنون ربعها..وتميت كله أدعي بعد كل صلاة وأقول ((ياربي انت عندك الخير كله وسميت نفسك الكريم لا تبخل علي برزقك الحلال.أنا طمعانة باللي عندك)) وكنت واااايد ألح بالدعاء..وكنت ولله مستااااااااااانسة مع زوجي وصبرت على هالحال سنة ونص وأنا في حالة مايعلم فيها غير ربج..كنت والله اذا وحده من خوات زوجي أو صديقاتي ولدت ما أزورها لأن زوجي ما عنده قيمة الهدية اللي ما تتعدى 500 ريال؟؟.كنت ساعات ألمح لزوجي بأني متضايقة من عيشة الفقر وأمد البوز وما جنيت غير الجفا بيني وبينه والمشاكل..اهنيه عرفت اني تافهة وان الدنيا والمظاهر غرتني وتلاحقت على نفسي قبل ما أضيع وأدمر بيتي على شي ما يسوى..وبعدين في يوم وليلة جه الرزق من ربج وانحلت ديون زوجي بقدرة قادر((ألف حمد وشكر لك ياكريم)) وشرينا بيت ملك ما يقل عن مليونين ريال بعد ما كنت عايشة في بيت ايجار الكلب وانتي بكرامة مايعيش فيه وما أقدر أعزم فيه حد لا وايجاره فوق العشر وكان ماكل راتب زوجي كله..وتوظفت بوظيفة مرموقة مع انه في ناس تستاهل هالوظيفة أكثر مني لأن مؤهلاتهم أحسن مني بألف مرة وراتبي الحالي 22000 ريال((ما شاء الله ولا قوة الا بالله))..والحمدلله الحمدلله ألحين زوجي ترقى وزاد راتبه وعايشين أحلى عيشة ..تدرين ليش؟؟ لأني صبرت ودعيت من كل قلبي بالفرج وكنت متفاااااااااااااااااائلة ومتيقنة انه بيرزقني مثل مارزق غيري..وكنت معطى الناس ظهري وأولهم أهلي الي كانوا يلاحظون انه حالتي عدم لأني كنت مرفهه في بيت أبوي وفجأة تغير كل شي,,عمري ما شكيت لهم عن الضيقة الي كنت أعانيها..كنت أشكي للواحد الأحد الي ما خيب رجاي أبد..خواتي أزواجهم هوامير بس وين السعادة وراحة البال .؟؟؟
خلي تفكيرج أرقى من جي بوايد..ترا الفلوس تروح وتجي بس ناااااااااااادر ما تحصلين زوج يخاف الله وحنون وكريم..ونصيحة مني حتى لو كان زوجج الوليد بن طلال كوني نفسج واشتغلي ولا تخلين لج حدود..طوري نفسج ..ترا شي وااااايد حلو ان الوحدة يكون لها كيان وعازة نفسها بنفسها..قطي كلام العالم ورا ظهرج ترا ما راح تعجبينهم لو شنو ما سويتي وما وراهم غير الحسد..أتمنى اني ماطولت عليج بس ياليت انج تتفائلين..((ترا ربج عنده خيييييييييير كثيييييييييييييييير))

 

[اعلامية طموحة]

حبيبتي لا تفكرين بهالطريقة..الزمن قبل غير ألحين..يعني ألحين المفروض انتي تكونين تشتغلين وعندج استقلال مادي عن زوجج..ادعي ربج يوفقج بزوج حنون وطيبويخاف الله وصدقيني هاي تجربة عشتها شخصيا بقولها لعل وعسى تفيدج..أول ما تزوجت زوجي حالته المادية كانت وااااااايد واااااااايد تعبانة حتى 100ريال ما يحط بيدي بسبب الديون بس كان ولا زال ولله الحمد طيب معاي وحنون ويحب يضحكني ويلاعبني ودايما مبتسم مع ان جيبه فاضي؟؟ كنت أتضايق وأزعل وأعصب ان رحت للمناسبات وماكنت بالمستوى المطلوب.الا بالعكس صرت أتهرب من الزيارات لأني كنت متعودة اني أنا فتنة الحفل والكل فالكل بس لما تزوجت كل هاي راح؟؟. وكنت أتضايق أكثر لأن خواتي متزوجين بناس فوق فوق وأنا أقل منهم بكثيييييييييييييييير.بس طالعت الموضوع من ناحية ثانية..وااااااااااايد من البنات الي حولي كانوا ريايلهم مريشين والخاتم بس الي بيد وحدة فيهم ما يقل عن30000 ألف ريال غير شنط الماركة واللبس والفشخرة و و و ومع هاي مب راضين على عيشتهم وكله يشتكون..اهنيه بس عرفت اني بنعمة غيري يتمنون ربعها..وتميت كله أدعي بعد كل صلاة وأقول ((ياربي انت عندك الخير كله وسميت نفسك الكريم لا تبخل علي برزقك الحلال.أنا طمعانة باللي عندك)) وكنت واااايد ألح بالدعاء..وكنت ولله مستااااااااااانسة مع زوجي وصبرت على هالحال سنة ونص وأنا في حالة مايعلم فيها غير ربج..كنت والله اذا وحده من خوات زوجي أو صديقاتي ولدت ما أزورها لأن زوجي ما عنده قيمة الهدية اللي ما تتعدى 500 ريال؟؟.كنت ساعات ألمح لزوجي بأني متضايقة من عيشة الفقر وأمد البوز وما جنيت غير الجفا بيني وبينه والمشاكل..اهنيه عرفت اني تافهة وان الدنيا والمظاهر غرتني وتلاحقت على نفسي قبل ما أضيع وأدمر بيتي على شي ما يسوى..وبعدين في يوم وليلة جه الرزق من ربج وانحلت ديون زوجي بقدرة قادر((ألف حمد وشكر لك ياكريم)) وشرينا بيت ملك ما يقل عن مليونين ريال بعد ما كنت عايشة في بيت ايجار الكلب وانتي بكرامة مايعيش فيه وما أقدر أعزم فيه حد لا وايجاره فوق العشر وكان ماكل راتب زوجي كله..وتوظفت بوظيفة مرموقة مع انه في ناس تستاهل هالوظيفة أكثر مني لأن مؤهلاتهم أحسن مني بألف مرة وراتبي الحالي 22000 ريال((ما شاء الله ولا قوة الا بالله))..والحمدلله الحمدلله ألحين زوجي ترقى وزاد راتبه وعايشين أحلى عيشة ..تدرين ليش؟؟ لأني صبرت ودعيت من كل قلبي بالفرج وكنت متفاااااااااااااااااائلة ومتيقنة انه بيرزقني مثل مارزق غيري..وكنت معطى الناس ظهري وأولهم أهلي الي كانوا يلاحظون انه حالتي عدم لأني كنت مرفهه في بيت أبوي وفجأة تغير كل شي,,عمري ما شكيت لهم عن الضيقة الي كنت أعانيها..كنت أشكي للواحد الأحد الي ما خيب رجاي أبد..خواتي أزواجهم هوامير بس وين السعادة وراحة البال .؟؟؟
خلي تفكيرج أرقى من جي بوايد..ترا الفلوس تروح وتجي بس ناااااااااااادر ما تحصلين زوج يخاف الله وحنون وكريم..ونصيحة مني حتى لو كان زوجج الوليد بن طلال كوني نفسج واشتغلي ولا تخلين لج حدود..طوري نفسج ..ترا شي وااااايد حلو ان الوحدة يكون لها كيان وعازة نفسها بنفسها..قطي كلام العالم ورا ظهرج ترا ما راح تعجبينهم لو شنو ما سويتي وما وراهم غير الحسد..أتمنى اني ماطولت عليج بس ياليت انج تتفائلين..((ترا ربج عنده خيييييييييير كثيييييييييييييييير))

ليش جيه يا عيون عزيز تصيحيني بنص الليل شو سويتلج:tears::tears:

كلامج والله درر في درر الله مع ان كلام كثير اسمعه بس انتي جسدتيلي اياه في طاقه فكرية وعاطفيه << كلام ماعرف من وين طالع اتمنى انك فهمتيه

كل الحب وكل التحية لج ولزوجك وربي يحفظكم من كل شر​

 

[عيون عزيز]

حبيت أقول شي ..ترا احنا أهل قطر نموووووووووووووت فأهل عمان ومبروووووووك عليكم كاس الخليج ..تستاهلون كل خير والله.. وعلى فكرة شيخنا حمد الله يحفظه وقع عقد مع عمان بتشغيل شبابهم عندنا هنيه في قطر مع رواتب قوية وسكن وعلاوات وآآآآخر دلع..يالله ان شالله تجين عندنا مع ريلج قطر ونسويلكم زفة لا صارت ولا استوت..انتي بس شدي حيلج..فديت عمان وأهلها

 

[اعلامية طموحة]

..يالله ان شالله تجين عندنا مع ريلج قطر ونسويلكم زفة لا صارت ولا استوت..انتي بس شدي حيلج..فديت عمان وأهلها

:blush-anim-cl::blush-anim-cl::blush-anim-cl:<< يعني استحيت​