البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم
السلام عليكم ورحمة الله وبركااااته،
طبخة اليوم وااايد سهلة وحدها سريعة، واليهال يحبونها وايد، وفي نفس الوقت مفيدة
طبختنا هي:
سباغيتي بالدياي والخضروات
أول شي طبعا المقادير:
كيسة سباغيتي / دياي مفروم / طماطم مقطعة إصغار / فلفل حلو مقطع إصغار / آلو مقطع شرايح / وجزر مفروم بالطول / تابل / صلصة طماطم / مكعبين ماجي / بصل مفروم عدل مع ثوم بعد / بهارات متنوعة
الطريقة::icon30:
أول شي حمسي البصل ولين صار لونه إشوي شفاف خلي الثوم
ضيفي أول شي الدياي المفروم وبعدين الآلو مع الفلفل مع الجزر، وبعد إشوي حطي الطماط.
على ما ينضى الخليط، صخني الماي عدل عدل ولين صار حار، فرغي كيسة السباغيتي فيه، وخلي بالج لأن بسرعة ينضى السباغيتي ولا تنسين رشة ملح وملعقة كبيرة زيت.
نرجع للخلطة، بعد تقريبا 7 إلى عشر دقايق ضيفي البهارات والصلصة والتابل المفروم ورشة ملح وخلط بلط مع بعض، وخلي الخليط على نار هادية وإذا حسيتيه ناشف ضيفي ربع كوب ماي كل مرة. بس حاسبي لا يحترق.
إنزين إذا نضى السباغيتي شخليه، وخلي فوقه قطعة صغيرة زبدة مع مرقتين ماجي وهو حار وخلطي مع بعض لين ما تحسين الماجي إختفى. وخليه على نار هادية بس دقايق.
جيكي على خلطة الدياي مو تسوينه برجة من الماي، ولا ناشف ويحترق وتفشلينا، إي أكا قلت لكم.
في الأخير خلي السباغيتي في صحن وخليه فوقه خلطة الدياي والخضروات وقدمي معاه سلطة وليمون حامض، وهذا الشكل النهائي.
وعليكم بالعااااااااااااافية مقدما،:essen:
عاد ها، الله الله في التطبيقات والصور بعد :showoff:
السلام عليكم ورحمة الله وبركااااته،
طبخة اليوم وااايد سهلة وحدها سريعة، واليهال يحبونها وايد، وفي نفس الوقت مفيدة
طبختنا هي:
سباغيتي بالدياي والخضروات
أول شي طبعا المقادير:
كيسة سباغيتي / دياي مفروم / طماطم مقطعة إصغار / فلفل حلو مقطع إصغار / آلو مقطع شرايح / وجزر مفروم بالطول / تابل / صلصة طماطم / مكعبين ماجي / بصل مفروم عدل مع ثوم بعد / بهارات متنوعة
الطريقة::icon30:
أول شي حمسي البصل ولين صار لونه إشوي شفاف خلي الثوم
ضيفي أول شي الدياي المفروم وبعدين الآلو مع الفلفل مع الجزر، وبعد إشوي حطي الطماط.
على ما ينضى الخليط، صخني الماي عدل عدل ولين صار حار، فرغي كيسة السباغيتي فيه، وخلي بالج لأن بسرعة ينضى السباغيتي ولا تنسين رشة ملح وملعقة كبيرة زيت.
نرجع للخلطة، بعد تقريبا 7 إلى عشر دقايق ضيفي البهارات والصلصة والتابل المفروم ورشة ملح وخلط بلط مع بعض، وخلي الخليط على نار هادية وإذا حسيتيه ناشف ضيفي ربع كوب ماي كل مرة. بس حاسبي لا يحترق.
إنزين إذا نضى السباغيتي شخليه، وخلي فوقه قطعة صغيرة زبدة مع مرقتين ماجي وهو حار وخلطي مع بعض لين ما تحسين الماجي إختفى. وخليه على نار هادية بس دقايق.
جيكي على خلطة الدياي مو تسوينه برجة من الماي، ولا ناشف ويحترق وتفشلينا، إي أكا قلت لكم.
في الأخير خلي السباغيتي في صحن وخليه فوقه خلطة الدياي والخضروات وقدمي معاه سلطة وليمون حامض، وهذا الشكل النهائي.
وعليكم بالعااااااااااااافية مقدما،:essen:
عاد ها، الله الله في التطبيقات والصور بعد :showoff:
