اسئله للنقاش خطرت ببالي؟؟؟؟؟؟(دعوه للنقاش)

[المغلوبه]

1بنات كيف الوحده تخلي زوجها يحب اهلها ويحترمهم ويكرمهم؟:8:
2واذا جاك زوج مايفهم التلميح يعني مثلا يحلفون عليه انه يجي يبات عندهم اخوه او اخته وهو مايصدق على الله ويروح وينام وانتي تعرفين انهم يحلفون:35: مجامله كيف تقنعيه ان مو اي واحد يحلف نصدقه؟:35:
وكمان كيف تخلي الوحده زوجها يترفع عن بعض الا مور ويكون له هيبه وصيط قدام الناس؟:4:
4واذا كان زوجك من النوع اللي يتاثر من الناس هل من الممكن ان يتاثر بك مع العشره؟
5 وش الحل كمان بالزوج اللي اذا اكرمناه ويدري ان الناس اكرموه يتحجج ويتهرب من رد المعروف؟
6وماهي امثل الطرق لمعاملة اهل الزوج؟

اسئلة خطرت ف بالي من تصفح المنتديات

 

[دلع قلبه]

كم عمرك؟؟
احسك داخله حرب مو زواج !!
كل مواضيعك تفكيرك فيها السيطره الكامله على المدعو الزوج المسكين!!!

انتبهي لنفسك ولطريقة تفكيرك
واقرئي كثير في الرجل وتركيبتهـ
وتصفحي تجارب الاخوات واللي لهم باع طويل في الحياة الزوجيه!!
هداك الله وانار بصيرتك..

 

[المغلوبه]

انا عمري 26سنه واسئلتي مو للحرب بس من كثر ماقريت وسمعت قصص وتركيبت الرجل متثقفه فيها

 

[بنوتة بلادي]

يا اختي... انتي بتتزوجين علشان تغيرينه؟

بس بجاوب على اسئلتج..
1-تقول له أهلي يسلمون عليك... دايما تقول ان اهلها يمدحونه... إذا وصلها تقترح عليه يدخل البيت يسلم على الأهل...

2- يحلفون عليه: هذي ما يخصه فيها بصراحه... و بعدين الحلف مب شي هين و يقعدون الناس يحلفون مجامله.. ليش الناس استهانوا باسم الله عز و جل و قاموا يحلفون مجامله... الله يهدي اخوانج في هذي... هو ما يبي ياخذ وزرهم و علشان جذي بعد يجاملهم...

3- شو هي الأمور اللي تبينه يترفع عنها؟ وضحي...

4- طبيعي كل زوجين يتأثرون من بعض... فالأفضل تخلين تأثيراتج إيجابيه عليه...

5- شو دراج انه يتحجج؟ ممكن هو ما يعرف المجاملات... شوي شوي و انتي معاه بيتعلم.. أحد زاركم... قولي له نروح نرد الزياره.. و هيك يعني...

6- اهل الزوج مثل اهلج و مو مثل اهلج في نفس الوقت... يعني عامليهم بالحسنى.. عامليهم بالأسلوب اللي تبين مرت اخوج تعامل أهلج فيه... و في نفس الوقت حطي شوية حدود بينج و بينهم.. يعني ممنوع احد يدخل غرفة نومج لو شو ما صار... ما تدخلين لا أهلج و لا أهله في مشاكلهم... و ما تبينين انج متضايقه منهم او من ولدهم أبدا...

 

[المغلوبه]

وبعدين ليه مواضيعي دايما يكون فيها النقد هل للجرائه او المصداقيه وبعدين انا ماابغى اخذ خبرات الباع الطويل في الزواج التفكير والاسلوب تغير كل جيل عن اللي قبل احس مافيه اي تشابه يعني عيشة امي تختلف عن عيشة اختي وكل قبيله ومجتمع بعاداته

 

[واضحه حد الغموض]

السلام عليكم ورحمة الله وبركاته
تحياتي لك اختى العزيزه

اسئلتك في محلها وحلو الانسان يسال ويتعلم ويفيد ويستفيد

عجبني فيك طرحك للاسئله واهتمامك بالرجل وكيف نتعامل معه بمثل كذا امور

شوفي يا اختى انا وشلون خليت زوجى يحترم اهلى ما ارضى فيهم وبنفس الوقت ما اتعدى على اهله
ولو يوم من الايام حاول يلمح لمجرد التلميح انه يستقل باهلي ازعل عليه اكثر من لو انه غلطان علي اجل كيف هذولا اهلي عزي وما ارضى فيهم ودايم اوصل سلام اهلي له لو ان اهلي ماجابو له خبر
ودايم اقوله امي تدعي لك طبعن قبل لا تموت امى الله يرحمها ويغفر لها ويغفر لاموات المسلمين
اقوله امى اليوم جلست تدعى لك يقولى ليش ؟
اقوله لانها شافتنى مبسوطه ولابسه وكاشخه وشافت العز على فوق عزي الى كنت فيه يوم انا عندهم وانبسطت منك وقامت تدعي لك
من هنا هو تحمس صرت ما اروح لاهلى الا مكشخنى وشايل هم لبسي وكشختى قبلي هذا دعوات امى مو اى دعوه هههههههههه

وكمان اقوله اخواني يثنون عليك يقولون رجال كفو ومن هالكلام وش اسوى لازم علشان تظل محبة اهلي بقلبه
وبعد اذا رحت لاهلي اجلس اقولهم رجلي يسلم عليكم وكان بيدخل بس قال مدام مجتمعين اخليكم تاخذون راحتكم
لو ان زوجي مافكر ينزل يعنى انا صايره اداري على اهلي عند زوجى واداري على زوجى عند اهلى علشان تتوازن مركبتي وما اغرق

اما من ناحيه كيف يترفع عن الامور هذاي تقدرين تحكين له قصص عن رجال يتصرفون مثله وتقولين له وش رايك بالرجال الى يسوى كذا وتبادرينه بالاجابه انو عقله صغير ولازم يرفع نفسه عن هالامور

اما اهل الزوج فعامليهم مثل اهلك واخلصي النيه معهم الى ماترضينه على اهلك لا ترضينه عليهم
تاكدى انما الاعمال بالنيات وانما لكل امراء مانوى حطي ربي بين حجتك تعرفين كيف يعنى زى نقطه الهنود بالوسط بالجبهه وراقبي ربي بكل تعامل وشهدى ربي عليه حتى لو غلطو بحقك تاكدى ما يصح الا الصحيح بالنهايه انتى معهم مثل الزائره وقت وبتروحين احرصي تتركين ذكرى طيبه وتاكدى انك بمعاملتهم مثل الى تجمع لها رصيد ببنك وانتى جالسه تجمعين لك معامله طيبه بكرا تجبين ولد ويكبرويصير منا عينك تشوفينه متزوج ويتزوج وتجيك مرته تسدد الدين الى عليك شوفي وش تبين نوع هالدين سوا معامله طيبه او سيئه

ان شالله ما اكون طولت بكلامى وان شالله ما اكون بعد ضايقتك بردي



​