اسئله ابيكم تجاوبوني عليها الله يجزاكم الجنه

[عاليه الصيت]

بسم الله الرحمن الرحيم
السلام عليكم ورحمه الله وبركاته
كيف حالكم ياحبوبات انا ودي استشيركم واسئلكم وماخاب من استشار

حبيباتي انا لي سنه متزوجه وقبل زواجي رحت

لدكتوره نساء واخذتلي تحاليل عشان انا ابيها

تصرفلي حبوب منع حمل لأني صغيره وادرس ثأنويه عامه ومابي احمل المهم عطتني حبوب

على هرموني واسمها لوجينن وزوجي اللحين

يبيني اتركها يبي عيال وانا صراحه خايفه

وحاسه اني موقد المسؤوليه بس نفس الوقت ودي احمل
وامي تقوليته انتي صغيره وتو الناس وزوجي يلح علي وانا ضايعه بين الأثنين
اسئلتي
1- الي اكلت الحبوب لما تركتها على طول

حملت ولا أخذت مده

2- في الحمل متى يبدأ يكبر البطن

3-السمنه في الحمل بشكل كبير ولا شوي
4-
هل في الحمل المؤخره تكبر ولالأ لأن امي تقول في حريم كثير اجسامهم قبل الحمل مو حلوه وبعد الحمل صارت حلوه

وسلامتكم

يارب ان شاء الله الي تجاوب على اسئلتي ترزقها من حيث لاتحتسب وتحققلها كل الي في بالها
اللهم امين

 

[حب رومانس]

ههههههههههههه

يا حليلك ضحكتيني والله في بعض الأسئلة

أول شيء بالعادة اللي تأخذ حبوب من البداية وهي ما حملت من الأساس تصير تعالج بعدين علشان تحمل

لأنه يسبب مناعة وفيه أجسام تصير عندهم المناعة قوية جدا فلما تترك الحبوب ممكن أنها تظل بالسنوات ما تحمل بسبب الحبوب

ثاني شيء أنتي مو صغيرة على الحمل بالعكس سنك ممتاز ومناسب

ثالث شيء البطن يكبر على حسب جسمك مو كل وحدة زي الثانية يعني قولي راح يبدأ يكبر أو تحسين أنك متضايقة من ملابسك من منتصف الثالث أو بدخول الرابع

والسمنة بالحمل مو ضرورية يعني مثلا أنا أنتفخ بشكل لا يعقل اللي يشوفني ما يعرفني من تغيير في الملامح وتغيير في الجسم وبطني يصير كبير

وزوجة أخوي عكسي تماما جلد على عظم تصير إذا حملت حتى بطنها صغير مو كبير ولا تتغير ملامحا ماشاء الله


وصحيح بعض النساء أجسامهم بعد الحمل تحلو والمؤخرة على حسب جسمك

يعني بعض الحريم تقولك انا حملي في مؤخرتي من زود ما هي تكبر عندها وهي بالأساس بارزة عندها كثير

فأنتي على حسب جسمك

وأحملي جيبي لك بيبي يونسك أحلى لك

 

[سلاف الشمال]

أنا الصراحه من وجهت نظري إنك تسمعي كلام زوجك والله العيال مينعوضوا وبعدين العيال ماهم رادينك عن الدراسة ياما حريم جابوا وكملوا واتخرجوا وهم عندهم اولاد توكلي على الله واسمعي كلام زوجك حرام عليك فرحية ليروح لغيرك
وبالتوفيق

 

[مانقو]

حبيبتي انا اكلتهم 5شهور وضرني حاسن هرمون المبيض علي وهرمونات اخرى صارت نازله عندي
انصك اسمعي كلام زوجك وتوكلي على ربك وكثير اعرفهم سبب تاخرهم الحبوب جلسوا يعالجون سنين

 

[سدوم وتدوم]

انا اخذت حبوب بعد الزواج من اول دورة وكانت رابع يوم زواج واستمريت عليها5 شهور لان زوجي باقي يدرس ومايبغى عيال واول ماتركتها صارحمل ضعيف اسبوعين ونزل وبعدها بشهر حملت والحين عندي ولد وبنت والحمد لله وادعيلي احمل لي 6 شهور تركت المانع وماحملت وزوجي يبي العيال عكس زمان

الله يرزقك الذرية الصالحة اتركي الحبوب وتوكلي على الله :11:

 

[خوخه أم تولاي]

أتركي الحبوب وأتكلي على الله

 

[عاليه الصيت]

الله يجزاكم خير
ولله يكتب الي فيه خير محتاره

 

[أميرة ريلي..]

هلا بالغلا ..

بالنسبه لي اقولج انتي قدها و قدود .. الحينه يوم عرسوج ما قالوا صغيره على الحمل صغيره ..لا حبوبه انت بنت ناضجه و يبين من اسلوبج بالموضوع ..

و بالنسبه لامج تسمعين كلامها صح و تحترمينها بس هذا شي خاص بالزوج و زوجته هم يقررون مو حد ثاني وحتى لو كانت الام خصوصيات زوجيه هذي ..

و بالنسبه للحبوب .. انا اللي اسمعه يعطي مناعه للجسم بس في حريم الحمدلله يحملون بسرعه ..يعني على حسب كل وحده و جسمها .. و بما انج صغيره ليش تاخذين حبوب ما تعرفين يمكن تأثر عليج لا سمح الله ..

و الكروشه يا حلوه تبدا تبرز اكثر شي بالسابع اذا انتي اصلا ما فيج كرشه قبل الحمل .. و يمكن قبل بشهر..

بالعكس يوم تعرفين انج حامل و خاصه بالبيبي الاول ما تتخيلين اشكثر بتفرحين و بتجوفين فرحة ريلج بعيونه صدقيني وناسه و شعور غير ..
و غير الاشيا اللي تصير ( عاد انتي ادلعي على ريلج ^^ و اي شي بخاطرج خله اييب لج بس مو تضغطين عليه ) و غير التجهيزات حق البيبي .. وناااااسه صدق ..

و كل شي بأجره حبوبه..

الله يوفقج الغاليه ..

 

[روح علاوي]

ااانا نفس كلام اميرة ريلي

كلامها صحيح


مية من مية

 

[فارسه الشوق]

انا اييد كلام الحلوااااااااات...
صدقيني يمكن تندمي لو استمريتي فاكل الحبوب اكثر ياحبيلك...
ليش تظري نفسك على اىلاقل الوحده اقل شئ تاكلهم بعد الزواج 5 شهور والزياده مو فصالحها ..
واذا على سنك قدرتي على الزواج مراح يثقل عليك بيبي بلعكس راح يرسخ العلاقه بينكم وبجد تحسي فمعزه واهتماااااام شكله غير من تجربه وتراني مو اكبر منك ياقلبي ....

 

[عاليه الصيت]

الله يجزاكم خير ان شاء الله
ريحتوني
الله يكتبلكم الخير وين مارحتو