اريد مشوره جزكم الله خير

[الفايزة]

السلام عليكم ورحمة الله وبركاته
مشكلتي اني مااهتم ببيتي ولا احرك ولااغير به شي لاني ماحس انه بيتي واني صرت مسوله عنه :no:
ولا اهتم بزوجي وزوجي متضيق من هذآ ودايم يقول بتزوج وانا خايفه من كلامه اكني حولت اتغير وعجزت حاولت اكني ارجع مر ثاني
اريد منكم مشوره جزكم الله خير
ولكم خالص داعواتي:icon26:

 

[تعبت من الألم]

أول شي بالبدايه استعيني بالله عزوجل وحطي مسجل بالبيت وفيه سورة البقرة استغفري ربك كثير وانتي قاعده وانتي قايمه ..
دامك تعرفين للنت فهذا شي حلووو استغليه لصالحك ادخلي جوجل واكتبي(كيف تكسبين زوجك )صدقيني بتشوفين الالاف المواضيع الي يتحدث عن كيفية التعامل مع الزوج وكيفية جذبه لك ..
واذا حبيتي تقدري تروحي المكتبات وتشتري كتب عن الاهتمام بالبيت ..كيف اسحر زوجي بالسحر الحلال ومن هالشغلات..
حاولي قدر الامكان انك تكونين دايما قاعده تستقبليه عوديه ان اول وجه يشوفه لما يدخل البيت وجهك خليك مبتسمه لاتكشري بوجهه عوديه على الكلام الحلو (حبيبي -حياتي.....)والكلام الحلو صدقيني مايخلص حاولي تخلين غرفتك كلها شموع حطي فواحات دلعي عمرك دلعي حمامه دلعيه هو بعد صدقيني لما تحسي بأن لك مملكة صدقيني راح تجاهدين لتحمينه وتبعدين عنه الافكار السوده ..
وصدقيني رفقاء السوء كثيرين يعني ممكن تلقينه يفضفض لأحد وماتحصلين نفسك الا بوحده دخلت بحياته
فحاولي انك ترجعينه...

 

[عنقود عنب]

كم عمرك عزيزتي

وكم سنه لك متزوجة ؟؟

كيف كانت حياتك بيت اهلك ؟؟؟

هل كنت تقومين ببعض الاعمال المنزلية بيت اهلك ؟؟

هل تعانين من امراض ؟؟

 

[AUDI]

كم عمرك عزيزتي

وكم سنه لك متزوجة ؟؟

كيف كانت حياتك بيت اهلك ؟؟؟

هل كنت تقومين ببعض الاعمال المنزلية بيت اهلك ؟؟

هل تعانين من امراض ؟؟

اسئله مهمه

 

[منتديات]

مو بس تتعلمييييييين سحر التعامل مع الزوج ..

بيكون ماله فايده والبيت وغرفه النوووم مش منظمه هذي النقطه بتخليه مايرتاح في البيت حتى يكره البيت

ما ادري انتي تقصدي (ما احرك بيتي شي ) التنظيم يعني تغيري تنظيم بيتك هذا عادي مو ضروري بس يكون تغير خفيف او يقصد بجو البيت شغلي الفواحات بعد التنظيف بتحسي مو برائحه النظافه بس بطعم النظافه
ولازم في غرفه النوم لازم يكون في تغير وتنظيم يجدد حياتك اختي يعني مثلا تغيري لون المفرش مع الشمعدانات ومع المفارش الطاولات ومع مفرش في نفس الون للكنب في الغرفه هذا الشي يعطيك احساس كانك مغيره الغرفه بالكامل مع لمبه صغيره نفس لون المفرش .. مو شرط تكون غاليه .. يعني كل شهر او اكثر تشتري مجموعه كامله متناسقه ..
(( انا ما اقصد تغير مفرش السرير بالشهر اختي العجازه واسمحيلي اقولك كذا مفرش السرير لازم تغيريه يوميا بس اقصد تسوي تغير لغرفه النوم بشئ بسيط يعطي انطباع كبيرر ))



اما اذا كنتي تقصدي حتى ماتنظفي البيت اختي لازم تغيري جدولك وطريقتك وتنظمي وقتك يمكن جدولك ملخبط اليومي فلازم تنظمي في اشياء طلعت تسهل عليك وتسرع عمليه التنظيف:
مثل تجيبي غساله اتوماتيك للغسيل بتختصر عليك وقت كبير من الغساله العاديه
وبنسبه لمسح الرخام في الممسحه الي تعصريها من النص تلقيها عند كارفور نسيت اسمهااا
وبنسبه للمطبخ مهما كان وكنتي مشغوله لاتخلي صحن واحد بكذا مراح يتجمع عليك غسيل الصحون اضغطي على نفسك واغسلي في نفس الوقت ..

 

[اميره الرفاعي]

افادة رد

السلام عليكم ورحمه الله وبركاته اولا اختي يجب ان تالجين الي الله فهو الذي توكلين امرك له اكثري الصلوات والدعاء والحي في الدعاء وسورة البقره يجب ان تجعليه دائمان في بيتك شغل السوره ثم اهتم با حالك فهذا شي افضل لكي قبا زوجك فكلم اهتمن المراء في نفسه تحسنة نفسيته اولا غيري برنامجك حاولي ان تقري كثير في الكتب عن العلاقة الزمجيه تاني اذهب الى المول تسوق اشتري ملابس دلع يعني قمصان نوم ملابس استقبال مكيجات عطور يعني مثل متكوني عروس ديم استشوري شعرك حاولي تهتم اكثر با نفسك وبعد الاولاد يعني اذا عندك شغاله اتركي الاولاد له واذا ما عندك كلم زوجك وقويله انكتعبتي من الاولاد واذا ما يبي حاولي انك اتخلصي شغلك وهو با العمل علشان تهتمين بي نفسك با قي اليوم وشكرا اختك اميره الرفاعي

 

[^^ غرور أنثى ^^]

انتي كنتي مدلعه ببيت اهلك ’’ ولا كنتي لا تنظفين ولا تقومين بشي

ذكرتيني بنفسي اول ما تزوجت ما كنت اعرف ان البيت ممكن يغبر لاني ما عمري شفت غبار بحياتي على اثاث بيتنا الحمدلله والشكر
لكن بعد الزواج تفاجات ان الزواج مو لبس وشخلعه وخلاص ’’

سوي لك جدول يومي ’’ وجدول اسبوعي وجدول شهري ’’

اليومي ’’ الساعه الفلانيه مخصصه لغسل المواعين ’’ وتنظيف المطبخ ’’ حتى لو كان ما عندك غسيل مواعين نظفي ارضيه المطبخ والدواليب والطاولات ’’
الساعه الفلانيه لدورات المياه ,, خصصي لك علبه كبيره او طشت << وعاء بلاستيكي كبير ’’ حطي فيه ادوات التنظيف كامله عشان اذا شفتيها ناقصه ما تتعيجزين تجيبين الناقص
الساعه الفلانيه ’’ غسيل الملابس ’’ + كوي الملابس ’’
الساعه الفلانيه كنس الارضيات ’’ وترتيب غرفه النوم وترتيب مكان الجلوس (غرفه المعيشه)

اسبوعي ’’

يوم الجمعه ,,
الساعه الفلانيه ,, الارضيات ,,
الساعه الفلانيه ’’ مسح الاثاث ’’ وتنظيف التحف واللوح
الساعه الفلانيه ,, ترتيب الملابس بالدواليب ,, وتنظيف غرفه النوم من الى


الشهري ’’ تنظيف المجالس والشبابيك والابواب ’’

مثل كذا اسهل لك بالشغل لانك الحين كل يوم تصحين ما تدرين من وين تبدين ,,

 

[عطووووووورة]

حبيبتي التغيير يكون من داخل نفسج
أول شي حاولي اتغيرين من نفسج وشكلج قصة شعرج واهتمي ببشرتج
روحي الصالون وسوي كل إلي بنفسج اتسوينه
وبعدين راح اتحسين ان ودج اتغيرين بغرفتج النوم وشوي شوي تلقائيا كل شي راح يتغير لأن نفسيتج تغيرت
غيري اسلوب حياتج
بالتوفيييييييييييييييق

 

[الفايزة]

الله يجزكم خير على التفعل
كم عمرك عزيزتي ؟ عمري بالعشرنات

وكم سنه لك متزوجة ؟؟لي ثلاث سنوات وعندى بنت

كيف كانت حياتك بيت اهلك ؟؟؟ممتازه وكانت مرتحه وكانو يعتمدون علي بعد الله بكل شي

هل كنت تقومين ببعض الاعمال المنزلية بيت اهلك ؟؟نعم اقوم بكل الاعمال لكن انا يوم واخوتي يوم

هل تعانين من امراض ؟؟ الحمد لله لااعني من اي مرض ولله الحمد

 

[أنيقة]

هل انتي موظفه؟؟ لو كنتي موظفه وتعودين للمنزل تعبانه فحاولي تنظيم وقتك.. للعمل وقت وللمنزل وقت بما فيه وقت للزوج والأبناء ويأخذ كل ذي حق حقه.. بس لو ماكنتي موظفة شو تعملين 24 ساعه باليوم.؟؟. لا تقولين انك قاعده مقابلة زوجك طول الوقت.. !!!!!!!!!!

 

[مجروحه ولكن]

غاليتي
لماذا لاتحسين انه بيتك
هل انتي غير مستقره
اذا كان نعم فعليك بالانتباه فان الحياه مشتركه ولابد ان تاخذين راحتك
وان كان لا
فاحمدي الله واتوكلي عليه
واجعلي الاستغفار دائما بلسانك حتا يعينك الله
عل الاهتمام فهو منزلك مادمتك تسكنين فيه
.
.
ولا تنسي هذا الدعاء
اللهم اجعل لنا من ازواجنا وذرياتنا قرة اعين واجعلنا للمتقين اماما
.
الله ييسر لنا ولك امور ديننا ودنيانا
ويسخر لك زوجك
:icon26::icon26:
​

 

[الفايزة]

اشكر كل من رد على الموضوع
واحب ان اضيف على الموضوع ان استحى وايد لكن حاولت اتغير معرفت من حياي:in_love: