اريد حلا لاطالب بحقي

صابرة الحمدلله

صابرة الحمدلله

New member
إنضم
2007/12/27
المشاركات
75
السلام عليكم خواتي

انا متزوجه من 3 سنوات و زوجي شمالي شرقي وعندى ولد واحد الله اعطانياه بعد عمليه انابيب

والسبب الرئيسي زوجي الحمدلله

انا اعاني من كذا شي ابي احله لاني بضعفي تنازلت عنه

اولا : زوجي محددلي زيارة لاهلي في عطلة الاسبوع اسبوع لهلي والاسبوع اللي بعدة لاهله وانا ابي اغير هذا الشي لانه انا الوحيدة اللي يمشي على هذا الشي ابي اشوفهم كل اسبوع وعذرة لاني بشقه مستقله وعلى فكرة شقتي ببيت حماتي يعني اشوف اهله اكثر من اهلي حتى بنص الاسبوع والحمدلله علاقتي معاهم جدا رائعه

ثانيا : احنا اتفقنا انا نسافر هالصيف وقال انه بيمشي مع اخوانه بس هم راح يمشون متاخر
واجازته قبل فماراح يمديه انه يستمتع بالسفرة واتفقنا انه نمشي بدونهم ولكن اصر انه ياخذ امه بس هي ملتزمه بعرس وخلاص رفض السفر وتناقشت معاه وقال انا بسافر لوحدي يبي يرتاح ويغير جو وقلت هذا مو اتفاقنا وتعذر انه ماتكفي افلوسه على الرغم انه عنده فلوس
واليوم سافر بس اخذت مصروفي وصروف ولدي وكنت ابي اكثر بس تعذر انه ماجاه المعاش

ابي الحين يعوضي عن السفرة وهاذي ثاني مرة يسويها اذا ماراحو اهله معاه ماياخذني ولكن وعدني انه نسافر لا جى وشلون اخليه يجيبلي اغراض معاه؟

ثالثا : زوجي مايوديني لسوق او لاي مشوار ابيه يقول روحي مع فلانه ولا خلي فلان يوديج
شلون اخليه يوديني ويجيبني؟

وبس وسلامتكم وتعيشون

بس لاتنسون تردون علي بحلول ابي اعرف اتصرف بها الامور واتخذ قراري​
 
حبيبتي مشاءالله عليك
يعجبني طريقه تبسيطك
للمشكله بس هذي
حلها اولا بيد الله
ثم بيدك تحتاجين
اول شي ثقه بنفسك
حبيبتي مايحقله يوعدك
ويخلف ترى انا اكثر انسانه
ععععععععععععععععانه
بسبب اخلافه للوعد
كان فيه ناس توديه
يمين ويسار كان
يسمع للكل الا انا
بس الحين الحمدلله
انا تغيرت جلس معه
وقلتله بنبر جججججججاده
ابي تعويض عن كل شي
صار و قالي ابشرري
وهو مستغرب
وسردت عليه
كميه من الطلابات
كنت متوقعه انه يرفض
بس الحمدلله
مابي اطول عيك
بنسبه لاهلك
في اسبوع الي تروحي لاهله
قوليله خواتي متجمعات او فلانه مسويه حفله بروح اذا تحب
واسكتيييييييي
اهم شي كل اسبوع طلعي حجه
وبعد فتره هو يتعود
بتوفيق
 
مشكوووووورة ياعسل على ردج وانا الحين قاعدة اطور من نفسي

وان شالله راح اكسبه وراح اكون اقوى وماراح اتردد ابدا وراح اعاهد نفسي اني

اعزها واحبها وادللها وراح القي اللي ابه منه ان شالله
 
جوابي على اولا:
زيارة لأهلك مرة في الأسبوع شي ممتاز..وأنصحك لا تقارنين نفسك بغيرك عشان تعيشين مرتاحة..
واللي تزور اهلها أكثر من مرة في الأسبوع هذه مو شطارة ولا نصاحة..لأن كل واحد له ظروفه ووضعه..
والحرمة تتبع زوجها..ودام إنك ساكنة قرب حماتك بديهي تشوفينهم أكثر من اهلك..

أما ثانيا وثالثا:
خذي اللي تقدرين تاخذينه مرة بالحب والدلال ومرة بالعقل والإقناع..
 
مشكورة اختي على ردك بس لتوضيح انا اروح لهلي مو كل اسبوع

يعني بهذا الاسبوع اكون عندهم والاسبوع الجاي عند اهل زوجي
 
الحمدلله ماعندك مشاكل

والحياة اخذوعطاء

زوجك وعدك بسفرة وان شاءالله يوفي بوعده

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل