اريد حلا> فشلتني بنتي

[عنقود حب حب]

بنتي عمرها سنه و8 شهور
صارت عدوانيه جدا وتضرب بدون اسباب وكل شويه وصارت عنوديه وماكانت كذا دوبها مالها غيرشهر وتضربني وتضرب ابوها وخالاتها وعماتها والكبار خاصة ومالاحظتها تضرب اطفال جربت معاها التطنيش مافاد وضربتها
وخاصمتها وصيحت عليها ايش الحل وايش ممكن تكون الاسباب الله يخليكم ساعدوني

 

[الالوان الجميله]

الله يعينك حبيبتي في هذا السن ماتفهم ولد حماتي عمره 3سنوات ونفس حركات بنتك ولافاد معه شي

 

[شريان الروح]

الله يعينك في ها العمر صعبه تقدرين تتفاهمين معها بنت اخوي مثل بنتك
عدوانيه وتطق والله بنتي بس تشوفها تجيها حاله خوف وتجي بسرعه وتجلس يمي
الله يهديها انشاء الله

 

[كلي فداك يابوي]

ياعمري عليها نفس عمر ولدي ونفس حركاته جنني
يفشلني اذا رحت لاحد بس يضرب:4:

ابي الحل مثلك :7:

الله يصلحهم يارب

 

[همـ ملكه ـس]

الي اعرفه انو كل ماتسوي كذا ضميها واعطيها حنان لاتدلعين احد قدامها حتى والدها عوديه يعطيها


حنان قدمااااااااايقدر..

الله يصلحها لكم يارب ويخليها لكم ويخليكم لها :28:

 

[عســـل صافي]

اذا ضرب طنشوه لانه اذا شاف ردة فعل يتحمس اكثر
وحاولي تبعديه عن الاطفال لو حسيتيه بيضريهم لانه ما راح يفهم لو وجهتيه
اذا شاف الكل مطنشه بيشوف لك شي ثاني يلفت النظر به
واشغليه حاولي من تشوفيه بيبدأ بحركاته اشغليه وفرقي طاقته بشي ثاني
كوره اي شي

 

[جارة حرم مكة]

ابي اسالك اختي هل عندكم اطفال غيرة يمكن غيرة ويبي يشد انتباهكم لان اطفالي الله يصلحهم كانوا كذا بس صرت مادلع احد على حساب الثاني ومشت الحمد لله الامور​

 

[اوقات]

أنا ولدي عمرة ثلاث سنوات. ونفس. الحركات
اتركه. لما. يهدي. وبعدين. أتكلم. معاه. بشويش لين.
افهم. طلبه. بس. هالحاله ماجت الا. تقريبا. من. شهر
بس. بسوي. مثل. كأصالة. الاخت. من شوي. حاولي
تضمينه. وتخزينه. ان. شتا الله. يصلح. حاله

واهم. شي ان. دايم. ادعي. له وان الله. بقدرني احسن
تربيته


دمتم. بوووود

 

[شماليه متطرفه]

جربي خلي اكلها صحي وفريش
وامنعي عنها العصائر المعلبه والمواد الحافظه
والشيبسات
والشوكولاته
==
لانها تسبب لهم طفش وترفع الظغط
وتسبب لهم عصبيه
==

 

[زنقه زنقه]

وه بث يااالبييييييييييه خليها تقطع شوشكم يا فديتها دنن
عادي طبيعي جدا كل الاطفال كذا خصوصا اذا كان يفتقد
شي من امه ولا ابوه

 

[بطبعى اميره]

اقرئي في كتب السلوك الخاصه بالاطفال ممكن تتعرفي على الاسباب الداعيه لذلك

 

[قاهرة الزمان]

باقلبي عليها الله يصلحها شوفي عامليها بحب وحنان لاعبيها لين تحسبن انك ملكتي قلبها وبعدين تقدرين تمنعينها عن الخطاء

 

[lЗèЯOo]

حبيبتي يمكن انتي وابوها تتخاصمو قدامها ولا شي لاسمح الله , انا في وحده اعرفها زي كده وولدها مسكين بس يضرب ضرب عنيف , اتعقد مسكين , هما صغار مايقدرو يوصفو شعورهم يعني بكعكسنا , الله يهدي سر بنتك يارب

 

[ام متعب33]

ياربي يخليها لكم وووه بث

حبيبتي سألتي عن الاسباب ؟ طيب ماتتوقعين انكم انتو السبب؟
مره لفتت انتبهاي وحده على موضوع ماقد خطر في بالي ولما فكرت فيه اقتنعت منه

بسألك انتي وزوجك لما تكونو بوقت علاقتكم الحميمه تكون هي معكم بالغرفه او قد شافتكم؟

اسمحيلي على السؤال
بس كثير يتهاونو بهالمسأله هذا اكبر غلط

تدرين ليه
الطفل لما يشوف امه وابوه بهالوضع وش يكون في تفكيره ؟
يكون يفكر ان الاب جالس يضرب الام ويقسا عليها
عشان كذا يكون فيه غضب داخلي يعبر عنه بالعنف والعدوانيه اللي تشوفينها


وممكن يكون السبب بعدوانيه البنت شي ثاني غيره من اخوانها او فاقده حنانكم او اي سبب الله اعلم به
ابحثي واشتري كتيبات تعلمك طريقه التعامل مع الاطفال العدوانيين

وعلى فكره فيه كثيييييييييير مثل كذا لا يضيق صدرك

بالتوفيق وعسى الله يخليها لك​

 

[الورده الوحيده]

الله يهديه

 

[بنت الطاااائف]

بنتي ما كانت تضرب تنضرب بس عنيده اتا جربت معها ابوسها واحضنها واسولف معاها والحمد االله تحسنت عمرهاسنتين ومن زمااااان بدات معاه لاتقولي صغيره بتفهم عليك خلي اسلوبك بسيط ادعولي ان الله يصلحها ويحفظها

 

[الشيخه ريميه]

هلا فيك اختي شوفي تصرفات بنتك جايه من شيئين اما انها تعرضت لموقف عدواني من الاطفال اللي اكبر منها واما انها تبي تثبت وجودها بطريقتها هاذي وتدلع نفسها تعرفين البنت لازم تثبت وجودها بأي طريقه وفي كل الحالتين يبيلها احد يتفاهم معها بطريقت الصغار يعني اسلوب الاطفال عشان يكسب ودها وياليت مو انتي لانك ضربتيها ومو بالبساطه هاذي تبي تفاعل معك خلي احد من خواتك او خوات زوجك تجيها باسلوب الاطفال وتتفاهم معها ومع الايام راح تفهم وتعرف لانها صغيره والله يخليها لك

 

[&شوكليت&]

يا دلبي عليها
اسمعي البنات ما قصروا
اخذت هذي المعلومه من دكتورة بعلم النفس
اذاالبيبي فكر يضرب أمه لا تمكنيها من هدفها خليك متيقضه وامسكي يدها وعينك بعينها وقولي لها لا تضربين ماما مو بقسوة بصوت واثق صريح ما فيه حنيه ولا خوف من ضربتها او غضب
الاطفال يعرفون نبرة صوت امهم وبعد كذا احضنيها وبوسيها وكلامك لها كله حب ...حبيبتي روح الماما ..الحلوة العسوله احلى بنت بالكون
كثير
واطلبي منها شغلات بسيطه وصفقيلها بهستيريا برافووووو بنتي الشاطرة
اهم شي ما تشوفك غضبانه منها
وياليتك شفتي حل على طول شهر ونص بتتطبع بس حاولي يمكن ياخذ وقت بس علاجه حب وكثير ضم لها وابوها لازم يكون مرة يحبها​

 

[شباصتن غانمة]

خخخخخخخخخخخ زنقة زنقة لو انها بنتك كان ماقلتي كذا


الله يصلحها ويخليها لكم يارب

 

[تحت زخات المطر]

مافي مشكله ومالها حل

في حل بسيط مشاءالله سنه و8 شهور تفهم
استخدمي معاها كرسي العقاب
كل ماضربت احد حطيها على الكرسي وفهميها انها على الكرسي عشان ضربت وعاندت
وفهميها انه للعقاب
في البدايه راح تتعبين لانك لاجلستيها عليه بتنزل لكن خليك قويه وصبوره وكل مانزلت رجعيها
اصبري ممكن ترجعينه خمسين ستين مره
واول ماتسوي اذى حطيها عليه مو تستنين احد يروح ولا لرجعتي البيت تعاقبينها
لا العقاب في وقته
ورب الكعبه ان كرسي العقاب احسن اداه لتربيه
مع مرور الوقت هي من نفسها لما تغلط تروح تجلس على الكرسي

طبعا بتقولين واذا سوت اذى عند الناس
من وين اجيب كرسي استخدمي اي كرسي عند الناس اليرحتي لهم وفهميها عشان انها سوت اذى

عشان مصلحتها اصبري وتحملي

والله امي استخدمت معي ومع اخواني كلهم ذي الطريقه

الاجانب كلهم يستخدمون كرسي العقاب غير احنا يالعرب مانفكر

حتى برنامج سوبر ماما الي كان يجي في MBC4 كانت تستخدم كرسي العقاب

ولاتنسين تدعين ان ربي يهديها

وسامحيني على الاطاله