اريد حد يدلني الطريج الصح

[reem_2007]

اول شي السلام عليكم ورحمة الله وبركـــاتة
هذي اول مشاركة لي واريد بس التصيحة عادي قولوا ا اي شي بس دلوني شو اسوي
انا مخطوبه لشخص من صفاته تدل انه شمالي شرقي مزاجي مرة يكون اوكي عشرة لا
بإختصار صراحة ما يحب يطرش مسجات نادر ما سواها ولا يتصل إلا إذا اتصلت انا فيه ولو غبت عنه شهر ما درى عني
جد قاسي في مشاعره تعبت من كثر ما اتصل فيه يطنشني والله لو ادق علية الف مرة بيرد علي بكل برود (بتصل فيح بعدين) والله يرد وينام
طبعا بتقولون شو يسوي والله يا أهله قعداته في المجلس يا النوم يا طلعاته ويا ربعه انا اخر شي يفكر فيه
طفرت من تصرفاته بس اريد واحد يحس فيني
دلوني شو اسوي بليز من تقرا تقولي اي شي يريحني
الله يسعدها ويشرح لها بالها انشالله
خواتي سووري طولت عليكم​

 

[صدمتيز]

لا تحطي في بالك تري الاتصالات ما هي مقياس لمحبة زوجك لك و بعدين ليه ما تطنشي ليه تتصلي عليه
خليه لحد ما يتصل هو انتو لسع في الملكه خليه هو الي يركض ورك ماهو انتي اثقلي عليه تري فيه
رجال ما يحب الحرمه تدور وره على طول
والله يوفقك

 

[ميرندا حمضيات]

حاااااااااااسة فيك لاني تقريبا كنت مثلك
نصيحة لاتتصلين ادري والله انك تشتاقيلة لاكن ضروري تعودينة هو يجري وراك مو انتي خصوصا وقت الملكة
الله يسخرة لك

 

[زوجةاسير]

اتركيه راح يجيء يدور عليك وموفقه ان شاء الله

 

[reem_2007]

شكرا للاخوات صدمتيز وميرندا حمضيات على الرد

الله كريم جد احسه ما يحبني لو يحبني ما سوى اللي سواها من تطنيش

 

[باريس هيليتون]

طنشيه ولاعاد تدقين خليه يفقدك ويشتااق لازعااجك هههههه
نصيحتي ترا الرجاال مايحبون اللي كل اشوي تدق عليهم واكبر دليل يقول اشوي واكلمك ويسحب
(عاااااااااااد انا اكره هالاسلوووووووووووب )
انا عارفه انك تشتاقين له بس ولو خليه هو اللي يسأل اثقلي عليه
لين يحس فيك انتو توكم بفترة الملكه هو لمفروض اللي يدور عليك

 

[خلود بكر]

الله يوفقك يارب بس نصيحتي يااختي ترى الرجال تفكيرهم مو مثلنا الحرمه تفكيرها عاطفي لعكس الرجال وترى الاتصالات والرسائل والهدايا مو مهمه ابدا ابدا اهم شئ يجيب اغراضك والبيت كامل ومايغلط عليك يصير هم كذا بنظره رائع يعني انتي طفشانه وهو ولاهو دراي واذا سالتيه بيقول مااحب الاتصالات او مااحب احد يسألني وين انت وليش ماترد هم كذا يكروه السؤال يقولوا هذا حصار ونحن بنظرنا حب عاد كل واحد بتفكيره فاانتي نصيحتي لك لاتتصلي كثير وهو بيحس انك طفشتي ويمكن يتغير يمكن لا المهم اثقلي عليه وترى الرجال يحب الثقيله والي شخصيتها قويه طبعا مو تعاندي وتسبي لا لا قصدي تعزي نفسك كثير وتحبيها والله يوفق الجميع

 

[تكفون جنني هواه]

يمكن يكون فيه شيء شاغله!!
زي ماقالوا لك الاخوات اثقلي وشوفي ...

 

[الخط الفاصل]

دوسي ع فلبك وطنشيه إن شاء الله سنة

 

[جميلة وجذابة]

اكرر لك اختي انتي كمان

الاستقلالية حبيبتي معلش اصبري ادري انها مو سهلة

وسبحان الله ربنا خلقنا حساسات ورقيقات ونحتاج للحنان وعطاءه للغير

صدقيني اعطيه متنفس رح يشتاق لك

اعطيه فرصة

اقول لك عن قصة اخوي مع خطيبته

كل الوقت تتصل عليه ورسايل وغيره ليل ونهار

لين طفش وهو كان من النوع اللي ما يسال ولا يتصل وهي هالشي كان يجننها وتحس بالحاجة لحبه واهتمامه

فلما اختلفوا انا سالتها قالت لي والله اخوكي ما بيسال عني ولا هامه امري اتمنى ولو مرة يكلمني

او لما ارن عليه يتصل او يرسل مسج

رحت كلمت اخي رد علي والله هلكتني تلفونات يا اختي ما بلاقي وقت اتنفس

قلت له معلش تبغاك تهتم بيها شوي ليش ما بتتصل عليها او ترسل لها مسج ولو مرة كل يومين

قال لي ياااا اختي اصلا ما بتعطيني الفرصة والمجال اني افكر اتصل فيها او حتى اشتاق لها

كل الوقت لازقة فيني مليييييت

ورح تعرف على اخرى اجنبية عبر النت وانتي تعرفي الاجنبيات استقلاليات جننته وصار يركض وراها

تقطع قلبي على البنت مسكينة اللي قررت تتركه

للاسف

بس بعد كم شهر صار اخي يدور عليها

وصار يقول لي شنو اخبارها والله اشتقت لها وكل ما اطالع صورها اقول مع نفسي والله انك ضيعت بنت جوهرة من اديك

لكن رجع وقال لي بس اللي يخليني اتردد ارجع لها هو عادتها وادمانها علي

اتمنى تكون وصلت الرسالة حبيبتي

الله يسعدك اختي ويهنيكي

 

[ضحكت الدنيا1]

حبيبتي انا زوجي شمالي
كنت زيك اعاني
بس الحمدلله
الشمالي مايحب اللي تجري وراه
اثقلي عليه لا تتصلي ولا ترسلي الا نااااااااااااااااااااااااادر جدا
خليه هو يتصل ويرسل ويشتااااااااق لك
والف مبروووووووووك
ربي يسعدك ويوفقك

 

[محبة مكة]

اثقلي وطنشيه وقللي من الاتصالات
بما انه شمالي
الله يعينك
ما يحب اللاصقة

 

[reem_2007]

شكرا لكل من رد علي
بخبركم شي يوم ما اتصل فيه يقولي ليش ما تتصلين والله احسه يذلني
تصدقون ما عمري حسيت انه يريد يكلمني دوم انا اتصل طفرت جد طفرت من قلت اهتمامه بس الله كريم وانشالله راح اسوي اللي تقولونه خواتي
دعواتكم بس

 

[الجده الصغيره]

يالغلا هو مو مثلك رومانسيه واحلام .هو رجال وااقعي وعقلاني.لذا لااازم تتعودين على وضعك معه وترى الرجال يكره الحرمه اللي تلاااااااااحقه...

 

[وهم79]

اختي انتي قلتي انه شمالي شرقي يعني عارفه بظبط صفات الشمالي هم باردين بمشاعرهم اتجاه الناس لكن داخلهم انسان حساس ومرهف بس ما يبين واكره ما على الشمالي ملاحقتك له اعطيه الحريه والاستقاليه هم اصلا نادرا ما يهتموا بموضوع الاتصال والرسايل موب مهمه عندهم ابد لكن ان غبتي عنهم رح يفقدوكي ويبدائوا يدوروا عليكي طبعا يدوروا الين ما تلقونك يكلمك ويسلم ويفل بدون اي احساس بالشوق ويختفي من جديد الي ان يشتاقلك مره ثانيه ههههههههههههههههههههذا بظبط هو الشمالي يكره الحنه والمطارده والمراقبه الزايده

 

[احلى بلقيسة]

طنشييييييييييييية وسلي نفسك وهو بيرجع ويكلمك بس الحمدللة حنا الحريم مافينا صبر

 

[reem_2007]

صبااااح الخير
وثااااانكس للردود الحلوة
بس سؤال انا راح اسافر اقوله اني مسافره ولا اطنشه

 

[خلود بكر]

لا طبعا اختي قولي له عادي من باب الاستأذان من باب انك تخبريه به

 

[reem_2007]

وينكـــــــم يا بنات وين الفزعه

 

[الخط الفاصل]

مسافرة مطولة ولا فترة بسيطة؟
إذا مطولة أعطيه خبر برسالة ..مو استئذان
إذا فترة بسيطة مو لازم...