اريد تفسير لمشكلتي جزى الله من ترد علي بجمال الخلق والخلق

[الشوق المغترب]

السلام عليكم ورحمة الله
انا اول مرة اكتب في المنتدى:blush-anim-cl:بس عندي لغز محير مخي تكفون ياسيدات وفتيات المنتدى يا جميلات الشرق الاصيل :icon31:اسالكم عن وحدة زوجها من تزوجها ما عمره عطاها هدية وحتى مايمدح فيها شي ولا حتى بشكلها اذا تكشخت مايمدح فيها ولا يعطيها وجه ولا حتى يناظر فيها كعادة اي زوج لمن تتكشخ زوجته يقعد يتغزل فيها هو طيب معاها بس لمن تتطلع معاه برى عينه دايم تزوغ معى انها طيبه وماتقصر بشي ماعمره قالها كلام حلو مره الا لمن تتخاصم معه يبدء يرقع طوال ملكتهم مايدق عليها واذا كلمها بس لمدة ماتزيد عن خمس دقايق من يوم تزوجها ماطلعها تتمشى معه ولا حتى يدلعها شهر العسل خلاها تنام في غرفة وهو بغرفة عند اهله اذا جت تسولف معه هو بوادي وهي كانها تحاكي الجدار ماعمره يرد على سواليفها اذا سولفت معه دايم يحب يطلع مع اصدقائه ويسهر لين اخر الليل فيه ميزة انه يحب الجمال بدرجه كبيرةهي من يوم شافت طبعه هكذا صارت ماتدقق عليه ولا تعطيه اهتمام كبير وهو مافكر ياترى ويش السبب ؟ تكفون يا احلى اخوات جاوبوني تكفون الله يسعدكم مع من تحبون دنيا واخره

 

[sanna]

الله يفرج همج ياأختي
رطبي لسانج بالإستغفار وإن شاء الله ربي يفرجها عليج
أختي خلي الثقة في نفسج إكشخي وإنت سمعيه كلام حلو حتى إذا هو ماقال لج..
في رياييل يعبرون عن حبهم لزوجاتهم بالأفعال مب بالكلام يعني يصلح شيء في البيت مثلا يمكن زوجج من هذا الأنواع تعبيراته أفعاله...ربي إهدي جميع أزواج المسلمات يارب

 

[دموع يائسه]

ياعمري انتي ...بس فيه رجال كثير طبعهم كذا ..
طبعه جاف بس من جو حنون ...انتي حاولي تتقريبن له اكثر واكثر وتزيد عليه الحنان والحب وكلام غزلي عشان هو نفسه يتعود ؟؟واذا مانتبه لكي وش لبسه انتي اساليه وشرايك ؟؟لو حطيت كذا احلي ولا الشكل هذا احلى ؟؟حاولي معه وعسى يارب يسخره لكي

 

[زوجةاسير]

الله يكون في عونك

 

[عرش قلبه]

في نوعيه من الرجال كذاا ..
يااما يكوون طبعه شديد ومايحب يبين .. واما قبل الزواج
حد عاطيييه نصايح مثل اللي نسمعها [ الحريم ماينعطن وجه .. ولاتعودها ع الدلال ]
<-- ومن هالحكي اللي يغث القلب

حبيبتي انتي اكشخي واتزيني وادلعي لنفسك ولاتنتظري
اي كلمه منه .. خلي ثقتك بنفسك كبيره ..

 

[الشوق المغترب]

جزاكم الله خير الجزاء وجعلكم قرة عين ازواجكم واسعد قلوبكم يا اله العالمين اللهم امين

 

[حنين احمد]

انا مع الاخوات في اللي قالوة
خليها تكثر من الدعاء و الاستغفار و كمان في رجال ما يعبرون عن حبهم غير بالافعال و خصوصا الانماط الشمالية

 

[نور كندا]

مو ضرورى يتكلم معى كلام حلو او يغازلنى او يثنى على شكلى ولبسى انا سااحب نفسى واحب شكلى واتغزل بجسدى وعطرى ولن انتظر منه ان يفعل اى شىء وصدقينى ان فعلتى ماانصحك به سيتغزل بك ويحبك غصبا عنه لكن بعد ان تثقى بنفسك وتحبيها

 

[السر المكنون]

حبوبه، الله يكون بعونج بس أكثر الرجال مايعبرون عن الأشياء اللي عاجبتهم بس الوحده سبحانه تحس بهالشي ويسوون نفسهم مومنتبهين، وتقدرين تشوفين هالشي من نظراته وتعابير وجهه، بس اللي ودي أعرفه اهو شنو مشكلته؟ يعني معقد؟ مايحب القيود؟ عنده فكره من الصغر إنه الزوجه تكون اسمها مكتوب بالعقد فقط؟ وبالنسبه للهديه موبس انتي أعرف وااااااااااااايد حريم ريايييلهم مايهادونهم فأتوقع بالنسبه للرجل شي عادي ولا مهم بس عندنا شي كبير.......... ودايما ألاحظ إذا حق زوجته الريال يبخل على زوجته بكلمه طيبه وفيها خير فمابالج بالهديه، بس لو كانت صديقته، أو عشيقته مثلا ........ يهديها كنوز الدنيا.

 

[مدري شسوي]

الله يكون في عونها ويسخر لها زوجها ويحنن قلبه عليها

 

[احلام عبدالله]

معظم الرجااال مايظهرووون اي عااطفه لا تسألين عن السبب اما خجل او يعتبره ضعف منه ..



الرجل مثل الجبل والمرأه بحر كثر ماترتطم بالجبل ينحفر مستحيل يتم مثل ماهووو <<< حكمه من عندي ههههه
المهم لا تيأسين منه بالعكس بادري بتقديم الهدااياا واهم نقطه لا تنتظرين منه شي ...

صدقيني مع الاياام رح يتغير لمجرد انج تقابلينه بابتساامه ثقه ومحبه ...

 

[دمعه بلمعه]

الله يكون بعونك ويسخرلك زوجك ويهديه يارب
ادعولي بالذريه الصالحة

 

[ام سعود11]

يابنتي يمكن طبعه كدا

يحب الوحده وانه يكون على الصامت

طولي بالك واتكمي بهدوء وانت معه بسياره

عبري له عن احتياجك للرومنسيه

والله يوفقك

 

[استيرا]

اهتمي بنفسك واطلعي مع صديقاتك ولاتسأليه وين رايح وين جاي وبالليل تزيني عدل وحتى لوتأخر نامي ولاتنظريه بس خليلك بلانجلري المثير عشان يعرف شوفاته

 

[ملكه الجليد]

انا زوجي كذه ما يقول كلام حب ولا يمدحني لو انا كاشخه ويعلق علي الملابس ولا يعجبه العجب بس الله يصبرني
المهم احسن من غيره في كثير ازواج يمدح زوجته ويهاديها ومن وراها يخونها اقول لنفسي الحمدلله احسن من غيري<اقنع نفسي

 

[؛%النادره%؛]

اذا جت تسولف معه هو بوادي وهي كانها تحاكي الجدار ماعمره يرد على سواليفها اذا سولفت معه دايم يحب يطلع مع اصدقائه ويسهر لين اخر الليل فيه ميزة انه يحب الجمال بدرجه كبيرة

سبحان الله بهالنقطه تشابه كبير بين زوجج وزوجي
وهو شمالي غربي اقري عنهم وبتشوفين الفرق

 

[الورد الصبوحي]

الله يكون في عونك والله يسخره ويهديه...

 

[مهجة الغيم]

كلام عرش قلبه صح والنعم في رايهاا
لا تخلي زوجك محور حياتك ان رضى ملكتي الكون وان زعل لا
انتي اهتمي بصحتك ورشاقتك واناقتك وجسمك ولبسك وومرده لك لا تخافي
لا تخليه محور حياتك

 

[الشوق المغترب]

الله يسعد قلوبكم يا حق يامبين

 

[ماماالحلوة]

اخيتي كل الكلام اللي قالوه البنات صحيح .اهم شي وانا اختك انك تحبين نفسك يعني البسي وتدلعي واذا صار اخر الليل ارسلي له رساله وقولي هات لي معك ايس كريم من باسكن روبنز .