اريد الحمل@@

[ياكريم2]

السلالام عليكم

هلا بنات اخباركم حبيباتي

انا جيت هنا الصراحه لاني ماعندي احد غيركم افتح قلبي له

يابنات انا جيت هنا ومابيكم تردووني

الصراحه نفسيتي تعبانه مرررررة

انا متزوجه وصار لي ست شهور من زواجي

والصراحه انا تعباانه مرررة

من تزوجت ودورتي تتأخر شهرين كل مرة تجيني

وحيل متعبتني

تخيلو يابنات

كل مرة قبل ماتجيني الدورة ينزل مني دم قليل قطرات يعني ويتم هالحال 5 ايام وبعدها تجي لي الدورة الحقيقيه

وحتى اذا جاتني ينزل مني دم تقريبا لمدة 14 يوم اسبوعين تقريبا

ودم غزير مررررة


وانا ودي احمل واحس قلبي متقطع

كل البنات من عائلتي وقد سني احملو وجابو اطفال الا انا

نصحوني يابنات افيدوني تكفون طلبتكم

وعلى فكرة مرة رحت المستشفى وعطتني حبوب منع حمل عشان تنظم دورتي بس مانفعتني

وانا في دوله غريبه مو في بلدتي ماقدر اروح المستشفى كل مابغيت

طلبتكم ساعدوني حيل نفسيتي تعبااانه

وودي احمل كثييير

ادري اني تو الناس علي بس مدري ليه احاااتي كثير

سامحوني على الاطاله بس ماعندي غيركم​

 

[غاااااية]

هلا حبيبتي
لاضايقين عمرج وبالنسبة للحمل أشربي بردقوش علشان الدورة تنتظم عندج
وبعدين إنتي توالناس تقولين 6 شهور يعني بعدج عروس يااااشيخة لاحقة على الحمل الحين استانسي وعيشي حياتك

ولا تفكرين بالحمل ترى الرجال تزوج علشان يستانس مب علشان تشغلين باله وضايقين صدره يريد يشوفك دوووووووووم عروس وإن شاء الله بتحملين وتترسين البيت عيااااااااال المهم أبدعي بنفسك ياأحلى عروس

 

[يفداني بقلبه]

ما ادري والله وش الحل
بس الله يشفيك يارب ويشفيني ويرزقنا الذريه الصالحه

 

[فـانــيـلـيـا.]

هلا حبيبتي
لاضايقين عمرج وبالنسبة للحمل أشربي بردقوش علشان الدورة تنتظم عندج
وبعدين إنتي توالناس تقولين 6 شهور يعني بعدج عروس يااااشيخة لاحقة على الحمل الحين استانسي وعيشي حياتك

ولا تفكرين بالحمل ترى الرجال تزوج علشان يستانس مب علشان تشغلين باله وضايقين صدره يريد يشوفك دوووووووووم عروس وإن شاء الله بتحملين وتترسين البيت عيااااااااال المهم أبدعي بنفسك ياأحلى عروس

وكــلامـي معـها ,,اســتانســي لاتضيقين بالكـ الدنـــيـا مــاتســوى:icon26::icon26:,,ويــمكن مصروفة عن شر..!:dunno:,,

أرضي بقـدر الــلـه ,,وأدعي ربـكـ انه يرزقكـ الــولد الـصالح ,, ....فــانـيـلـيـا

 

[^حبيبة حبيبها^]

الله يعطيكي ما تتمني

 

[ياكريم2]

مشكووورين حبيباتي

يعطيكم ربي الف عافيه

ويرزقكم بالذريه الصالحه ياااارب

طيييب عطوني حل حق دورتي لانها حيل معذبتني

تقريبا طول اياام الشهر فيني دورة تعبت

 

[أم حميدة]

روحي للدكتورة وقولي لها عن دورتك لأنه هذا ليس طبيعي ،، ممكن عندك اضطرابات في الهرمون ، وتعطيك منظم للهرمون ..........وادعي الله كثير فهو الذي يرزقك ...

 

[احساس الدنيا]

زي ما قالو الاخوات اجلسي وانبسطي ولا تشيلي هم توووك عروووسة

بس الدورة لازم تتنظم روحي لدكتورة ولازم تتابعي عندها والله يرزق الجميع

 

[ياكريم2]

بنات لحقو علي بعد يومين بكمل 3 اسابيع من جاتني الدورة والدم مو راضي يووقف قمت اخاف كثير

 

[آآآميرة الكل]

الله يرزقك بالحمل

 

[أم حميدة]

لازم تروحي للطبيبة فهذا الدم الزائد ليس دم دورة بل اسمه استحاضة ( نزيف ) يعني لازم تحليل هرمون عندك
، يعني إذا كان طبيعتك سبع أيام أصلا في السابق فالطبيعي حقك سبعة والزيادة استحاضة ، فتتوضئين وتغسلي المكان لكل صلاة وتصلين

 

[لووووز]

ممكن انك تحملين وتسقطين وانتي ماتدرين لان الدوره الخفيفه عادي ممكن تجي مع الحمل بس النزيف احتمال حمل لاتهملين نفسك

 

[ياكريم2]

هلا بنات مشكورين حبيباتي

ورحت وحللت حمل طلع مافي حمل

وقال الدكتورة انه هرمون

وان شاءالله ببدأ اتعالج

بس والله احس بهم فوق راسي من دريت اني مو حامل

محتاجه دعواتكم

 

[أم حميدة]

بعد أن ينتظم الهرمون ان شاء الله يصير حمل وكثيرين مروا بحالتك وحصل لهم حمل بعد انتظام الهرمون بحول الله وقوته ......

 

[شيك ليدي]

الله يرزقج الحمل إن شالله
وآنه معاج إن شالله

 

[حرب الأحساس]

حللي فقر الدم يعني الهيموجلوبين
حصل معي زيك وطلع ناقص ويسبب نزيف
وتعالجت بالحديد فيروز
وابر وريد فيروساك
حللي وردي علي نصيحة انتبهي لنفسك والموضوع سهل بس تعالجي

 

[جوري وعنبر]

الله يكون في عونك

 

[الغالي المنتظر]

مشكووورين حبيباتي

يعطيكم ربي الف عافيه

ويرزقكم بالذريه الصالحه وجميع من حرما منه

 

[Nno style]

الله يرزقك الذريه ويرزقني وكل محروم
بس ماشاء الله عليك لك ب6شهور ومستعجله على الحمل

(وبشر الصابرين )

 

[فديت ريلي]

حبيبتي.. اقري سورة البقرة كل يوم .. انا سمعتها تنظم الدورة باذن الله والناس سقرونها ويحملون بقدرة الله وامره جربيها والله يفرحج بعيالج