اريده و يريدني و لكن .....
يا بنات قصتي من القصص و المشاكل العويصة و معقدة جدا . كنت انا و زوجي عايشين في هنا و سعادة لحد ما اجى يوم و شفنا فيه عمل من اعمال السحر تجاهلناه انا و زوجي و ضلو ع درج البيت مرمي بعدها باسبوع بدأت مشاحنات من العدم بيننا و ذهبت لبيت اهلي و صرلي عندهم عشر شهور ما واحد فينا كره التاني و ضلينا ع تواصل بس لما تحسنت الامور ابي و امي صارو يشدو علي ما ارجعلو و يعقدوها و صارو بدهم الفلوس اللي صرفوها علي و ع ابني خلال فترة جلوسي عندهم و تأزمت الامور و لما وصلنا لحل اني اسكن انا و زوجي بشقة خارج بيت اهلو وقف والده بوجهنا و اتصل على والي و قال له اذا بنتك ما رجعت ع نفس البيت بخلي ابني يطلقها و بالفعل رفع علي قضية طلاق لكنه بعد فترة سحبها و زوجي صار يبعت برسائل لابي انا بدي ارجع مرتي و ابني و استمر والدي بالاصرار على رأيه و راح زوجي لعند والدي على مكان عملو و حصلت مشاجره بينهم و راح زوجي ضرب والدي و طلع ابي من يومها اصر اصرار شديد على عدم عودتي و روى احداث ما صارت انو زوجي ضربو بشكل مهين يعني صحيح انو ما بجوز لزوجي يمد ايدو على والدي ولكن والدي ضخم حجم الامور و اجبرني اروح اشتكي عن زوجي في الشرطة و اجبرني احلف يمين كذب و اجبرني ارفع قضية طلاق و اجبرني اضرب زوجي بلحذاء في احد جلسات المحكمة و كل ما تيجي عنا جاهة يطردها و ما بدو حدا يحكي معو و بالرغم انو زوجي تعرض للاهانة مني لما ضربته بالمحكمة الا انو الى حد الان مصر يرجعني و ع بيت خارج عن اهلو متل ما بدي انا و لكن عندو مشكلة مالية و انا معي قطعة ذهب اخيرة بتكفي للاجرة السنوية مع العلم انو جلسة طلاقنا النهائية في 11/27
حاول يقنع اهلو ما اقتنعو و خايفة افتح الموضوع مع والدي لأنو قال بلمحكمة انا بذبح بنتي ولا برجعها لزوجها لأنو اعتدى علي و ما حدا يحكيلي حاولي اقنعيه لأنو كمية الحقد اللي في قلبو بتخليه ممكن يقتلني واذا ما قتلني ممكن تصيبو جلطة او يمرض
زوجي اقترح علي نهرب و نروح ع بيتنا بدون استئذان من احد بس ما رضيت لأنو ما بدي اخسر اهلي و بالتحديد ابي
احكولي شو اعمل خاصة انو ابي منع كل اعمامي يتدخلو و ما سمح لحدا من وجهاء البلد يتدخل
شو الحل برأيكم؟ وهل افرط بقطعة الذهب و اعطيها لزوجي عشان يستأجرلنا بيت نعيش فيه بسلام؟
حاول يقنع اهلو ما اقتنعو و خايفة افتح الموضوع مع والدي لأنو قال بلمحكمة انا بذبح بنتي ولا برجعها لزوجها لأنو اعتدى علي و ما حدا يحكيلي حاولي اقنعيه لأنو كمية الحقد اللي في قلبو بتخليه ممكن يقتلني واذا ما قتلني ممكن تصيبو جلطة او يمرض
زوجي اقترح علي نهرب و نروح ع بيتنا بدون استئذان من احد بس ما رضيت لأنو ما بدي اخسر اهلي و بالتحديد ابي
احكولي شو اعمل خاصة انو ابي منع كل اعمامي يتدخلو و ما سمح لحدا من وجهاء البلد يتدخل
شو الحل برأيكم؟ وهل افرط بقطعة الذهب و اعطيها لزوجي عشان يستأجرلنا بيت نعيش فيه بسلام؟
اسم الموضوع : اريده و يريدني و لكن .....
|
المصدر : الأستشارات الزوجية العامة
