اروح بيت اهلي ولا شسوي وي هالشمالي المتعجرف

[جرح الهوى]

صباح الخير

/

خواتي ضاقت بي الدنيا مع الشمالي الشرقي المغرور الاناني الهمجي المتعصب

مافيه بيننا اي حوار دوم معصب معي كلما قربت منه يبعدني ويسمعني كلام سم

سم الله بدنه.......سهر على التي في ولا النت دوم بالمجلس مايجلس معاي

وحتى على السرير على جواله بالالعاب انا عرافه شيسوي ماله خرابيط

بس ماعنده وقت لي ابد.....ولاقيمه عنده وصل به انه يقول لي انه كرهني

وذا مو عاجبني هذا الباب ولا ارتكه لوحده مالي شغل فيه وهو مو مهتم فيني

دوم لما اكلمه قومي انطمي انقلعي ماعنده تفاهم ابد يتهمني اني مااسمع كلامه

هذا كله لما اجلس وابي اكلمه يكون رده علي ويطردني .....دموعي على خدي

من سؤء معاملته لي لمتى بصبر ............كل مره يعايرني ماعندك احد واهلك مايبونك

وانتي عقاب لي وبلاء عليه........كل هذا لما اقرب منه اوقات غصبا عني اعصب من معاملته

الوفته وقله احترامه لي على لسانه دوم اني مااستاهل ...لما اساله ليش يقول بكيفي

معقوله بعد هالسنين يقول لي كرهني ويبيعني كذا ....


شورا علي ودي اروح بيت اهلي بس متردده وخايفه من ابوي يمكن مايستقبلني

محتاره بامري والله وانا صابره عشان اولادي


بس بعد كرهه لي ....كرهته مو طايقته ابد


سامحوني وساعدوني ولو بدعوه خواتي


​

 

[جرح الهوى]

اعذروني على الاخطاء الاملائيه الدموع غطت عيوني


حسبي الله ونعم الوكيل

 

[ام احلى بنوتات]

أوف اوف حبيبتي ليش كل هذي الدموع طولي بالك اول شي الرجال مهما كان شخصيته مالازم يعرف باي شي بينك وبين اهلك ولا بيذلك عليه ليش انتي اهلك مايبونك وليش انتي موصله هذي المعلومه له

 

[جرح الهوى]

هذه غلطتي صارحته بسؤء معامله ابوي لي وانه شديد علينا انا وخواتي قبل ماننزوج وهو عصبي حار << ابوي الله يهديه واخواني كل واحد لاهي ببيته وقليل هم يخدموني بشىء يعني دوم يتذمرون لو مره ومرتين وصلوني بمكان ...يعني مايعتمد عليهم الله يحفظهم

وهو يعرف هالشىء وصار يذلني .......كل ماصار شىء بيننا ...وانا مقهوره اللحين وهو جالس ولا على باله

احترق وهو يأكل وضحك ولاهامه شىء بتروحي بيت اهلك روحي يقول هذا انتي اللي تبيه

شسوووووووي اجلس وياه ببيت واحد وهو كارهني ومايبي يحتك فيني شلوووووون اظل وياه

 

[لغيرك لاتخليني]

شووفي حبيبتي هدي نفسك بلأول....
كلمي ابوووك بلجواال وقوليله انه يعايرك وانه اهلك مايبووون وقوليله انه دائماا معصب واشكيله
شووفي شوو رده فعله<<او كلمي اخووك يكون مقرب لك
هااذا اكبر غلط الوحده اتعلم كيف معامله اهلهاا فيه ...
اوو انك تشووفي شنوو الاشياء اللي غيره عليك هل من بدايه حيااتك كان يعاملك هالمعاامله
شووفي شنوو شخصيته وطبقي الاشيااء اللي يحبهااا
ابعدي عن المشااكل والاشياء اللي بيعصبه
مرره سوي جو نيمي عيالك اتزينيله اجلسي ويااه حتى لو صد بلبدايه او قالك كلمه لاتنفعلي وتقوومين <<سوي نفسك ماتسمعين الااا ماتخذينه بحضاانك وكلميه بهدووء ايش الاشيااء اللي يضايقه منك وانك تحبينه ومن هالكلاااام
وطبعااا اكذبي عليه وانتي جالسه معه قوليله ابووي يسلم عليك دق علي الله يخليه لي وسأل عني ويقول انه زمان عني ويبي يشوفني ومن هالكلااام<<طلعي كل شوي كذبه بهتماام اهلك عليك
وهدي من نفسك ان شاء الله بيتغير بس انتي اهتمي فيه يمكن انشغلتي بعياالك وانسيتيه

 

[نضوج أنثى]

اول شي عزيزتي اهدأي واتأكدي كلنا بهالدنيا مبتلين وإن شاءالله ربي يجازي صبرك وتحملك مايضيع اجر عند رب العالمين ثقي بهالشي معاملة زوجك السيئه لك وصبرك عليه كل شي بأجره والواحد يبغى الأجر أولا واخيرا ولازم تعرفين سعادتنا وراحتنا مو برضا ازواجنا ولا تعاملهم الطيب معنا صح الإنسان له مشاعر ومايحب احد يجرحه ويحب يكون له احترام لكن لما تفتقدين هالشي لا تيأسين وتصيرين تعيشه الراحه الحقيقيه مع الله الجأي لله اشكي له همك اتقربي منه اكثر واكثر خلي همك رضا ربك اولا واخيرا وإنه السعاده كلها بيد الله بخصوص تعامل زوجك معك إنتي محتاجه تقوين شخصيتك وتشوين لنفسك قيمه قدام زوجك اول شي لازم تسوينه طنشيه همشيه خليه ولا كأنه موجود في البيت وقفي عتاب ولوم وزعل اعتبريه مو موجود ولا عايش معكم اهتمي بنفسك وفي بيتك واطفالك ماراح اقولك خليه اخر اهتمامك لا لاتعطينه اهتمام من الاساس خليه يعرف إنك تقدرين تعيشين بدونه وماراح تموتين بدونه وإنك ماراح تسمحين له يقلل من قيمتك اكثر وتطلبين منه عواطف وهو يقابلك بالجفا والجمود عيشي لنفسك ولأطفالك وادعي ربنا يهديه ويسخره لك ويحنن قلبه عليك مافي مثل الدعاء والاستغفار " إذا طلبت فاطلب الله واذا استعنت فاستعن بالله " زوجك امره بيد الله اطلبيه يصلح لك حاله ويسهل امرك .

هذي روابط بخصوص الشمالي الشرقي ان شاءالله تستفيدين منها

http://www.niswh.com/vb/showthread.php?t=329239

http://www.niswh.com/vb/showthread.php?t=313492

http://www.niswh.com/vb/showthread.php?t=335033

http://www.niswh.com/vb/showthread.php?t=318863

http://www.niswh.com/vb/showthread.php?t=300994

http://www.niswh.com/vb/showthread.php?t=278965

 

[نرجسييه]

حبيبتي هدي بالك ولاتضغطين عليه واذ كان مطنش وغيره وغيره أغلب الرجال كذا اثقلي عليه خليه هو اللي يجي لك بس قومي بواجباتك طبعآ وانتي غلطتي لما قلتي له عن أبوك بس معليش الحين خلك عاديه ولاتهتمين لامره اغلب الرجال كذا اذ شاف حرمته مهتم لامره يتغلى ويذب كلام اثقلي حبيتن وخليه الين يطيح اللي براسه بس خلك عاديه يعني مو تبيني انك زعلانه وكذا بس خفي عليه اهتمي باولادك وعيشي حياتك كم لك سسسنه متزوجه ؟

 

[جرح الهوى]

كل اللي يقوله لي انه يرتاح وانا بعيده عنه


وانا مو لاصقه فيه اذا جيت وكلمته يصدني ويقول لي انطمي واسكتي ابغى ارتاح


من كم شهر وهو معاملته سيئه لي...اقل شىء يعصب ويفهمني غلط كثير


مشكوره اختي لغيرك لاتخليني ربي يسعدك

 

[جرح الهوى]

والله صعبه انه يكرهني وهو اللي كان يحلف لي باولادي اللي اعز مااملك بهالدنيا انه يحبني

بسهوله يقولها كرهني وااسوي اللي ابيه بس مايبي احد من اهلي يجي يكلمه لو رحت لهم

ولو اطلب الطلاق بيطلقني بسهوله ياااااااااااربي والله تعبت وكرهت حياتي معه



مشكوره اختي نرجسييه

 

[لغيرك لاتخليني]

كل اللي يقوله لي انه يرتاح وانا بعيده عنه


وانا مو لاصقه فيه اذا جيت وكلمته يصدني ويقول لي انطمي واسكتي ابغى ارتاح


من كم شهر وهو معاملته سيئه لي...اقل شىء يعصب ويفهمني غلط كثير


مشكوره اختي لغيرك لاتخليني ربي يسعدك

حبيبتي مو من مرره صدك خلااااص صارت بلاياام تبعدين عنه
ان قالك راحته فبعدك <<قوولي بدلع لاايحبيبي راحتك وراحتي بقرب بعض
خلك قريبه منه ....
كل يوم اكشخي واتزيني ياحبيبتي وربي تقدرين اتغيرينه للاحسن
تعرفين انه النساء كيديهن عضيم ان بغيتيه تقدرين اتجيبيه<<بذكائك بأنووثتك
صح انه كلااام جارح ويصد بس اتحملي ولاكنك سمعتي شي الا ماترجعينه لك احسن من اول

بس سؤال بدايه حياتكم السنوات اللي راحت كاان كيذاا يعني هاذا طبع فيه؟؟؟

 

[جرح الهوى]

عزيزتي نضوج انثى ...........مشكوره والله ماقصرتي كلامك دخل قلبي حسيتك قريبه مني والله
ودموعي نزلت مني ربي يوفقك ويسعدك

ويوفق كل من رد ونصحني ربي يخليكم ويحفظكم من كل مكروه


دعواتكم

 

[لغيرك لاتخليني]

اختي برجيسيه ايش الفاايده لانشغلت حالك واهتم بعيالهاا وقل اهتمامهاا بزووجهاا يعني بيرجعلهااا بيحبهاا بلعكس بيكرهاا اكثر ويبعد عنهاا ويدور على غيرهااا يدور الحب الاهتماام

 

[نرجسييه]

خلاص أختي هدي بالك وزي ماقلنا لاتهتمين فيه حاولي تجنب المشاكل يمكن يرجع لرشده الزم ما عليك عيالك انبسطي اطلعي لجاراتك روحي سوق مع عيالك منتزه شي وانسيه الين يطيح اللي براسه اف من بعض الرجال يغثون

 

[جرح الهوى]

لااااااااااا ماكان كذا .....بالضبط ......يعني تعبيره عن المشاعر بالافعال وقليل جدا بالقول

واللحين لاقول ولافعل ......بالعكس زاد البعد والجفا.......انا مااقصر البس له واجدد بنفسي وبالبيت

ماايحب اتدلع عليه ولا يسمح لي اقرب منه لا ليل ولا نهار إلا اذا هو يبي **** يطرى لسانه ويعد

يومين يرجع لاتفه سبب !!

 

[نرجسييه]

لغيرك انا ماقلت تهمله قلت قومي بحقوقه كامله بس تقوله ليش معاملني وليه تسوي كذا كذا ومن هالحكي اذ مافاد معه تخليه الين يرجع لرشده بس تقوم بحقوقه طبعآ يمكن يتغير يعني لاتضغط عليه وتعاتبه

 

[جرح الهوى]

يرجع للمشاكل اقصد

 

[نرجسييه]

وبعض الرجال مايحبون الحن والزن وانا اخوي مثل زوجك يعامل حرمته الله يعين بسسس

 

[نرجسييه]

لايرجع زي ماكان على الاقل يعني يحس بتآنيب الضمر والله يسخره لك

 

[جرح الهوى]

دعواتكم بتفريج همي



شكرا لكن جميعاً
​

 

[جرح الهوى]

لاحول ولاقوه إلا بالله استغفر الله ربي واتوب إليه