ارجو منكم مساعدتي(مشكلتي زوجي)

[tohfa]

هلا بنات اخباركم بدش فالموضوع علطول
مشكلتي هي زوجي انا صارلي 5سنوات متزوجة
والحمدلله عندي منه عيال.وكنت عايشة سعيدة
بس من سنة كل شي تغير.صار يتعصب ويترفز على اتفه الاسباب
وصار يهددني بالطلاق تدرون بنات والله طفح الكيل تحملت وايد
بس ماقادرة اتحمل خلاص .كل مايصير شي بطلقتج
مثل لو رحتي الشغل بطلقتج ,لو رحتي لاختج بطلقتج وطبعا الفاظه صارت
قبيحة ويسب.طبعا خواتي الله يهداهم كنت اقولهم خلاص بطلق يقولولي لا
اصبري اصبري بس لين متى انا تعبانة حيل..وكان يطرش مسج لو طلعتي من
البيت بيكون طلاقتج..لين امس على موضوع تافه كنت عند اختي تربي وقالي
ارجعي البيت قلتله اشلون ارجع اختي بروحها وماعندها احد لااهل زوج ولازوجها
ولاامي لانها متوفيه.وقعد يسب فالتليفون.بعدين طرشلي مسج قالي
(انتي طالق لو مارجعتي البيت)
طبعا خليت اختي الثانية تكلمه وتقوله عيب ماحد مع اختنا هي بروحها وانا قلتله انزين برجع بس اطمن على اختي والبيبي بس رده لا.
المهم اختي قالتله لاتخليني اقول للوالد قالها مايهمني قوليله انا مااخاف
واختي قالت للوالد ان زوج بنتك دائما يهددها بالطلاق والحين يبيها ترجع البيت واختنا قاعدة تربي
طبعا الشر كله كان في ويه الوالد وطلعله فوق لان انا ساكنه مع ابوي فالبيت وهزاه وقاله انت ماتستحي على ويهك وبعدين قاله هذي زواج من البداية غلط قاله زوجي ياعمي انا في بيتك
بعدين قاله ابوي رد الصراحة صعب وهو ستين داهية واطلع من البيت:8:انا انصدمت
وصحت لان صار هذي كله بس يابنات ابوي كبير وتعب من زوجي حطوا نفسكم مكانه زوج بناتكم كل شوي يقول ان بطلق ولو سويتي مادري شنو بطلق.وابوي وايد مريض
وبعدين طرشلي مسج زوجي قالي الحين خلاص كل شي انتهى
الصراحة انا تعبانة حيل ونفسيا زفت ابوي مسكين شافني اتهنت وايد من زوجي
مع ان زوجي طيب والله وايد وابوي يموت عليه..بس للاسف تدرون الاصدقاء يخربون بعض كل واحد يقول انا اسوي في زوجتي واضربها وماتتكلم
وانا من قبل قلتله انا مااتهدد بالطلاق .لو قلتها خلاص بنفصل .ويقول انا مااضرب بس
اهددتج بالطلاق لان هاي الي ينفع مع امثال صنفكم يالحريم.
انا نفسيا مدمرة الله يخليكم قولولي شاسوي انا ابي ارجع كرامتي
مع العلم اني وايد ساعدته في وايد اشياء بس للاسف مابين في عينه

 

[حالمه ولكن]

الله يهديه ويسخره لك عليك بالدعاء

سبحان الله وبحمده سبحان الله العظيم

 

[tohfa]

تسلمين حبيبتي عالدعاء

 

[ليل العيون]

الغالية الله يعينك

تصدقي يمكن زوجك يحس بالنقص لانه عايشين مع اهلك

وبعدين الزوج دايما يغالر من اهل الزوجة

وتهديدة بس كلام

عليك بسورة البقرة ان شالله يهدية ويصلح حالكم

 

[حناااان الكون]

الجأي للباري القادر ع كل شي والزمي الاستغفار والاستخخاره بامرك ودائما ادعي الله بين الاذان والاقامة وبجوف الليل ... لا رجعتي ارجعي بكرامتك وراسك عالي واكثر فخر بوالدك وتخلين والدك يتفاهم معه ويعلمه ان الطلاق ابغض الحلال عند الله وين حنا فيه ع كل شي بيطلق ترى الطلاق 3 هو كم مره بيطلق ويقوله وهذا وانا عيني ما نامت تعذب بنتي دمي ولحمي قدام عيني اجل لا نامت عيني وش حال بنتي ؟؟ ............... الله يصلح لك الحال ويخلي لك والدك ويحفظه من كل شر يارب​

 

[قطـــــريه]

سبحان الله الناس لهم قدرات في التحمل .. انا صارت لي في بداية حياتي الزوجية وعن طريق مسج وقلت له في مسج أبركها من ساعة .. وبعته فعلا .. بس رجع يعتذر وصالحني وتأسف لي وماخلى حد من هلي ما وسطه بينا عشان اكلمه لين قبلت .. ولا عادها .

 

[زوجه مؤدبه]

لاتكسريييييييين كلمت ابووووك ابوك بيحطلك قدر وقيمه لانه اذا كان موجود هالمره يمكن المره الثانيه مايكون موجووود لو بيطلقك ماارسلك يقول كل شي انتهى كان طلقك قدام ابوك انتي اتركيه لين يجي يعتذر ويحطلك ابوك قدر وقيمه الله يخليه لك ويطول بعمره والطلاااق مهوب لعبه يهدد فيه لازم يكون هناك حد والله شي يقهر ... ومبروك ماجابت اختك .

 

[tohfa]

الغالية الله يعينك

تصدقي يمكن زوجك يحس بالنقص لانه عايشين مع اهلك

وبعدين الزوج دايما يغالر من اهل الزوجة

وتهديدة بس كلام

عليك بسورة البقرة ان شالله يهدية ويصلح حالكم

يعطيتج العافية حبيبتي عالنصيحة وجزاتج الله الف خير

 

[tohfa]

الجأي للباري القادر ع كل شي والزمي الاستغفار والاستخخاره بامرك ودائما ادعي الله بين الاذان والاقامة وبجوف الليل ... لا رجعتي ارجعي بكرامتك وراسك عالي واكثر فخر بوالدك وتخلين والدك يتفاهم معه ويعلمه ان الطلاق ابغض الحلال عند الله وين حنا فيه ع كل شي بيطلق ترى الطلاق 3 هو كم مره بيطلق ويقوله وهذا وانا عيني ما نامت تعذب بنتي دمي ولحمي قدام عيني اجل لا نامت عيني وش حال بنتي ؟؟ ............... الله يصلح لك الحال ويخلي لك والدك ويحفظه من كل شر يارب​

يعطيتج العافية حبيبتي وجزاتج الله الف خير

 

[tohfa]

سبحان الله الناس لهم قدرات في التحمل .. انا صارت لي في بداية حياتي الزوجية وعن طريق مسج وقلت له في مسج أبركها من ساعة .. وبعته فعلا .. بس رجع يعتذر وصالحني وتأسف لي وماخلى حد من هلي ما وسطه بينا عشان اكلمه لين قبلت .. ولا عادها .

يعطيتج العافية حبيبتي وجزاتج الله الف خير
وللاسف في بعضهم يحسبون ان التهديد بالطلاق يخلي الزوجة تنهار وانها تخاف.اذا انت بايعني وقدرت تنطقها عايل اشلون بكمل حياتي معاه

 

[tohfa]

لاتكسريييييييين كلمت ابووووك ابوك بيحطلك قدر وقيمه لانه اذا كان موجود هالمره يمكن المره الثانيه مايكون موجووود لو بيطلقك ماارسلك يقول كل شي انتهى كان طلقك قدام ابوك انتي اتركيه لين يجي يعتذر ويحطلك ابوك قدر وقيمه الله يخليه لك ويطول بعمره والطلاااق مهوب لعبه يهدد فيه لازم يكون هناك حد والله شي يقهر ... ومبروك ماجابت اختك .

يعطيتج العافية حبيبتي عالنصيحة وجزاتج الله الف خير
وتدرين امس مكلم اخوي يقوله انا باخذلها فيلا ايجار ونطلع قلت لاخوي لا وين حل المشكلة اذا انا في بيت الوالد وتهنت وكل شوي يقولي بطلقتج عايل لو طلعت ويش بيسوي فيني
تدرين انا كنت في شقة كان دائما لما يصير خلاف يقولي روحي بيت ابوتج .لدرجة اني كنت مربية وولدي كمل شهر طردني من البيت وكانت ليلة عيد وقدام الخدم قالي اتطلعي وجيت امسك ولدي الصغير قال للخدامة لاتعطينها الولد
ااااااااااااااااه ياقلبي والله تعبت .لدرجة تركت شقتي وخليت اهله يسكونون فيها
ووايد ساعدته ماديا لدرجة لما يتعصب يقولي بعطيتج الفلوس الله يعزتج عالجوتي:30::8: