ارجو النصيحة

[assom]

هذي اول مرة اكتب فيها مشكلتي على النت , اتمنى اني احصل حل لمشكلتي عندكم . انا متزوجة لي تسع سنين . و زوجي انسان عصبي جدا عايش حياته كنه عزوبي . بدايتي معاه كانت غلط كنت ما اقوله لا في حياتي كل طلباته مجابه اغراضه توصله لحد ريوله كنت احسب انه بيقدرني و بيحطني في عينه بس اكتشفت اني اغبى الاغبياء اعتبرني انسانه غبية ما اقدر اعيش بدونه و صار يعيش حياته على كيفه . عايش حياته سفرات و طلعات و تلفونات و احنا ما نشوفه الا في اليوم بالكثير ساعة . الكل يقولي تصبري بيتغير و غيري من نفسش و سويت كل اللي يقولونه بس تعبت من الصبر احس انه يبعد اكثر و اكثر ادري انه بدايتي معاه غلط بس انا احاول اني اغير هذا الشي . الحين انا تغيرت و تبدلت و استويت مثل النوع اللي يكلمهم بس ما في نتيجة و ان زعلت قالي طز فيش و لا يسألني شو فيش . شو اسوي استمر و اصبر عليه و الا ما في امل انه يتغير و اتركه ؟؟؟؟ افيدوني جزاكم الله الف خير .

 

[ღ اُمـ رامي ღ]

الله يعينك خليكي زي مانتي الحين لا ترمي روحج عليه زيادة
و نصيحه لا تخلي كل همك في هذه الدنيا زوجك
عيشي حياتك وراعي نفسج ترا الرياجيل مايجيبو لنا غير المرض والاكتئاب
اشغلي نفسج باشياء انتي تحبيها
غيري اللوك حقج مو عشانه هو عشانج انتي
وطنشيه بس اذا تحسيه يخون وعلاقات محرمه هذا موضوع تاني خافي على نفسج بس لا يجيبلج الامراض
اما اذا واثقه انه مو راعي هالخرابيط اناا اقول اصبري شوي بس عطيه فرصه اخيرة وبعدها لو ماتعدل تكلمي معاه بتدخل احد كبير من العائله
والله يفرج همك​

 

[قيودالروح]

الله يكووون في عونك
نصيحتي لك عيشي لنفسك واولادك تجاهلي وجوده
حسسيه انك قويه وتقدري تعيشي من غيره
وقبل كل شي ادعي الله باستمرار
وربنا يكتب لك الخير في الايام الجايه​

 

[assom]

جزاك الله الف خير انا عندي امل انه يتغير و عايشة على هذاالامل الله كريم . بس يا خوفي انه يصدمني بشي يخليني اندم على هذا الصبر كله. الله يهديه

 

[دلع قلبه]

عزيزتي خربتيه عليك 9 سنين تتوقعينه في شهر بيرجع؟؟!!
مستحيل اصبري مثلهم واكثر وربي مايضيع لك تعب بإذنه
ادخلي الانماط وتعرفي اكثر على نمطه
http://www.niswh.com/vb/showthread.php?t=300628
هذا بعد موضوع كثييير مهم
http://www.niswh.com/vb/showthread.php?t=305166

عندك قسم الزوج والزواج مليان مواضيع تفهم نفسية الرجل وتفكيره اقرئيها وتعلمي واستفيدي من تجارب غيرك..

 

[صاحبةعيالي]

حلو كلامك على الامل طالما عندك يقين بهذا الامل راح توصلين له باذن الله ياقلبي انت صبرتي بس بطريقة عبوديه بحته
هلمره اصبري بس بطريقتك انت خليك وسط لاافراط ولا تفريط
بمعنى اهتمي بنفسك اكثر من اول انشغلي بنفسك وعيالك عيشي حياتك
كانك اسعد الناس لاتحطينه نصب عيونك طول الوقت تفكرين متى يتغير اذا له خيانات له رب يحاسبه مايهتم فيك انتي خفي بهتمامك فيه اهم شي بيتك لاتتطلعي منه انت ملكة هذا البيت يااختي اول انت تتغيري وهو راح يتغير بس حبه حبه
الله ييسر امرك

 

[النفوس الحائره]

الله يعينك مواي شي نسكت عليه ونعديه فيه حدود الله يهديه ويرجعه لصوابه يارب

 

[كامبوره]

عاميليه بالصمت يعني سوي كل طلاباته

بس لا تتوددي اليه كثير غير الواجب فقط

يمكن يتعدل معك وقتها واذا ماتعدل دوري طريقة ثانية

الرجال نحطهم في حقل تجارب على الله ينفع مع تجربة من تجارب الحياة

الله يعينك ياقلبي بالدعاء تلقي الدواء اكثري من الاستغفار وصلاة الليل

والدعاء في السجود وهو اقرب الله سبحانه وتعالى

موفقة ياقلبي

 

[دلال الدلوعة]

اللة يهدية ويسخرة لك
اكثري من الاستغفار والدعاء بان اللة يصلح بينكم

 

[assom]

ما شا الله عليكم انا ما توقعت الردود توصلني بسرعة الله يديمكم لي و جزاكم الله الف خير ....

 

[hadifa]

طنشيه ولا تستعجلي النتائج اصبري

هو مطمئن من ناحيتك يظن أنك ما تقدري تعيشين من غيره

لأنك من البداية جعلت زوجك محور حياتك مثل أغلبية النساء

وأنا منهن​