ارجو الافاده..هذه مشكلتي

[سديم.]

((بسم الله الرحمن الرحيم))

السلام عليكم ورحمة الله وبركاته

انا جديده هنا سمعت عن الاستشارات اللي تقدمونها وان شاء الله تقدمون لي استشاره تنفعني

انا متزوجه من حوالي 3 اشهر واسبوعين تقريبا

من تزوجت وانا مدري ليش احس في حاجز بيني وبينه ومهما تقربت منه احس في شي بيننا

حاولت بشتى الطرق اني اتقرب منه وهو كذلك مايقصر معي ولكن لوقتي هذا كل مازاد الوقت الحاجز بيني وبينه يزيد

المهم والادهى

سافرت خارج السعوديه

واتغيرت معاملته معي ويحاول يستفزني باي شي لدرجة انه صار مثل العيال الصغار لما يخشوا دورات المياه وكيف يعبثوا فيه وانتو بكرامه

لما انظف يجي بعدي يعفس الدنيا

اتحجج ايام شهر العسل يقول انتي ماتطبخين لي
بس شي طبيعي اني ما اطبخ انا بشهر العسل

والحين صرت ادلعه كل يوم اسوي له شي ورجع الحين يقول انا مابي منك لاغسيل ولا طبخ ولا شي انا انسان عاطفي ابي تشبعيني عاطفيا
مع اني انسانه عاطفيه ورومانسيه بس خجوله في نفس الوقت بس مو مقصره عليه البس له واكشخ ونظيفه لابعد الحدود واللي يقدرني ربي عليه اسويه
ولكن حاليا انا اصارع صراحه مابين ضغط النفسي اللي اعيشه معه ومعاملته ويقولي ابيك تتغيرين وش اتغير فيه؟؟؟ والم الغربه والبعد عن ديرتي اهلي ودراستي

اتمنى الرد واخذ الموضوع بجديه

 

[زحمة جروح]

خلافات بينك وبينة انا اشوفها طبيعية انتوا في اول الطريق ولكل واحد وجهة نظر مختلفة لكن لا تطوول اعيدي نظر في نفسك
اشبعية من ناحية جنسية وتثقفي مررة من هذي الناحية واقرئي كثيرر في هذي المواضيع ومهم لبس ونظافة بقدر الثقافة الجنسية خليكي جريئة ومثيرة بكل الطرق وراح تشوفي زوجك كيف ينبسط بس انتي لازم تكوني متفاعلة معاه مو تمثلين لان الرجال يعرفون التمثيل
وعليك بسورة البقرة يوميا فهي تطرد الشيطاااان من البيت وتهدي بينك وبين زوجك
والله يوفقك ويسعدك
​

 

[قصه الم]

والله زوجك شكله مايهمه النظافه ومنقهر انك تضيعين وقتك في اشغال البيت
شبعيه عاطفه
العاطفه عند الرجال المتعه الجنسيه

 

[2010 lulu]

الله يفرج همك يارب