ارجوووووكم ساعدوني لاتهملوني .
السلام عليكم ورحمة الله وبركاته ..أنا ابغى اقولكم قصتي .. والغرض من القصه .. هو اني عرفت الطريق الصح .. وجازمه اني امشي عليه ..لكن ابي الحلول الي توصلني لبر الامان والراحة والطمأنينه ..بداية .. انا تعرفت ع شاب لمدة تقريبا سنه وزياده حوالي السنتين .. ولكن لم استطع اكمل مشواري هذا .. لان من داخل قلبيومن اول يوم عرفته .. ما قدرت اذوق طعم الراحه الحقيقيه الي كانت قبل معرفتي به ..مشكلتي الان ليست مع هذا الشاب .. فأنا احببته .. وأحببني .. وانا جازمه من هذا الموضوع ..كل شي نعرفه عن بعض خصوصا اننا طلاب طب ..واخترت تخصصي هذا من بعد علاقتي به .. وانا الان مرتاحه في قسمي .. وتحمست له اكثر .. وحتى كنا نساعد بعض في المحاضرات فهو اكبر مني لكن فيه مواد مشتركه ..المشكله تكمن في اني قررت ان ابتعد عنه .. واصحى من غفلتي الي كنت عليها ..الشاب الي تعرفت عليه .. شاب اخلاقه عاليه .. ومحافظ ع صلاته في المسجد .. ويخاف ربه .. وعائلته جدا محافظه .. لكن قلبه حب ..خصوصا اني اعرف اهله عن طريقه .. يعني هو الي خلاني اتواصل معاهم بطريقته .. وغالبا ما نشوفهم ونطلع معاهم وصرنا مره حبايب ..وفي الاخير طلعنا نعرفهم من بعييييد .. لكن بالطبع ما يعرفون اي شي بينا ..قبل شهر تقريبا .. وضعت في بالي فكرة الإبتعاد عنه نهائيا .. فأنا لا استطيع العيش بهذه الطريقه ..ارى امي امامي .. فكيف بقلب مثل قلبها ارضى له ان يتقطع اذا علمت بما فعلته .. فهذا عقوق ..وقبل ذلك كله .. امام ربي .. فأنا عصيته .. وفضلت الحرام عن الحلال .. فكيف ضيعت كل تلك السنين والايام في غفله ..لا احد منا يعلم متى سيذهب عن هذه الدنيا .. الان غدا او بعد حين .. سأقابل ربي بماذا ؟انا قبل معرفتي به .. كنت فتاه محافظه ع كل ما يرضي الله .. صلاتي في وقتها .. واذكاري .. وقراءة القران دائما .. واسعاد والدتي والجلوس معاها قدر الإمكان ..لكن وانا معاه فقدت كل هذا .. لا استطيع العيش هكذا .. احبه نعم بل اعشقه .. لاكن لا استطيع .. سيبقى في قلبي فقط ..صارحته بالموضوع .. قبل شهر .. وقلت له .. الا ترى ان هذا يغضب الله .. فقال بلا اعلم ..قلت .. كيف تريد من الله التوفيق .. وكيف تقول لي قبل كل اختبار الله يوفقك .. وانت جالس تكلمني وجالس تسوي شي محد يرضاه ..قال قلبي وانا ما اقدر .. حبيتك وعشقتك وادري ان هذا حرام لكن انا راح اصلحه بالحلال ..قلت انا ما ابغى تصلحه بالحلال وانا معاك .. انا قررت اني اتركك .. وابعد عنك .. واذا انت متعلق فيني ..وتبيني .. بتعرف كيف توصل لي .. والي ربي كاتبه بيصير .. بس ما ابي اكون ضحيه زي الباقيات .. تجلس ترفض كل واحد وفي النهايه يتركها الي يقول انه حبها ويمشي ..قال لا تقارنيني فيهم .. قلت ما اقدر ما اقارنك فيهم .. الشي بالفعل يثبت مو بالقول .. وانا ما اطلب منك شي .. بس اذا انت تبي الحلال .. اقطع الحرام قبل .. عشان ربي يسعدنا ..ابي ارتاح لما اسمع امي تقولي روحي ربي معاك .. روحي ربي يوفقك .. الخيره فيما اختاره الله .. كييييييف ؟ وانا عاصيه ربيالمهم ..قالي دام هذا الي بيريحك .. صدقني سافعل كل شي يريحك .. بس اهم شي ما اشوفك كل ليلة تبكين ..لان هالشي يقطع قلبي بدون ما تحسين .. قلت من الي نسويه .. قال خلاص .. بنترك بعض .. واذا ربي كاتب لنا نصيب بيجمعنا ..حاولت اول الايام .. بس ما قدرت .. اول ما تجيني مشكله وما اتحملها اروح له .. تعودت .. ونسيت ان رب العالمين هو الي يحل مشاكل اكبر واعظم ..بعدها حاولت .. وحاولت .. وحاولت .. وهذا انا الان مبتعده عنه .. اسبوعين تقريبا.. انقطاع تااام .. واحسه انجاز بساخاف من الشيطان يوسوس لي .. وارجع مره ثانيه .. خصوصا انه ارسل لي مسجات وما التزم بكلامه بس احاول ما اقراهم وامسحهم .. ما ابي اخلي اي شي يرجعني ..ابغى طريقه تساعدني اني ما افكر ارجع له .. والي يسلمكم ابي طريقه تساعدني ..في النهايه ابي استفيد ..اولا واهم شي رضى ربي .. ورضى امي .. وحتى هو بيعرف اني انسانه صالحه يوم سويت كذا .. واني مو مثل البقيه الي يكلمون ومن بكرا يقولون لصاحباتهم ويفضحون في انفسهم .. انا سترت ع نفسي وسترت عليه .. وانا مو مثل الباقيات الي يطلعون ويتمادون .. انا علاقتي معاه وضعت لها حدود .. لكن .. لو ما انهيت هالعلاقه .. الواحد ما يضمن ان هالحدود راح تثبت وان العلاقه مرح تتطور ..وابغى اقول لكم شي .. اثنين من قرايبه يجلس معاهم كثير .. وهم كلهم معروفين بالعائله انهم سوا دايما .. هم الوحيدين الي يدرون عني .. واحد منهم متزوج عن طريق الحب .. وقالهم عني .. وانا خايفه من هالنقطه وزعلت حيل يوم قاليهـ الأيام حاولت ارجع زي قبل .. ادعي ربي ليل نهار .. اصلي في وقتها دايم .. جلست مع امي كثير .. شفت اخواني وضحكت معاهم .. اقوم الليل واصلي ركعتين .. بس بسألكم .. يصلح ادعي ربي يهديه ويبعده عن هالطريق .. انا ما ابيه من بعدي يستمر في هـ الطريق لانه هو مو كذا وانسان صالح واهله بنفسهم رافعينه للسماء .. ويصلح ادعي ربي انه يجمعني فيه ؟ يعني يصلح اتذكره ولا خلاص احاول امسحه من عقلي وقلبي ..واخر شي ادعوا لي وادعوا له ولجميع المسلمين بالثبات .. والستر .. والتوفيق .. وان ربي يجمعنا ..رجاءً لا اريد احد ان يرد باسلوب قاسي الي بقوله .. احنا ناس وبنات ربي بلانا بمشاكل .. فإحمدوا ربكم ان ربي ما بلاكم .. لانكم بتعيشون في ايام فيها هم وخوف والم .. وتحسون ان قلوبكم بتطلع من مكانها من كثر البكي ..انا جيت وانا اعلم اني اخطأت واعترف بذلك الخطأ .. واعلم اني عصيت ربي .. لكن لا اريد الاستمرار في العصيان .. واريد حلا لذلك ..فلا اريد ان يأتي احد ويقول خافي ربك .. ليه تتعرفين عليه .. انا لو ما خفت ربي ما جيت وقلت ابي حل لإيقاف الشي الي اغضب ربي .. وفي هـ الزمان .. الواحد ماله الا الدعاء بالثبات .. القابض ع دينه كـ القابض ع الجمر .. و العبد بين اصبعين من اصابع الله يقلبهما كيف يشاء .. يعني ما احد يضمن نفسه .. ولا احد يقدر يقول انا مستحيل اقرب الغلط .. بس الي يخاف ربه وسوا غلط .. يرجع ويتوب .. وربك غفور رحيموالله يستر ع جميع المسلمين والمسلمات ..اكبر عائق يعيقني عن النجاح الضعف والاستسلام وذكرياتي معاه ..
أبرز الأشياء التي تسبب لي الخوف وجودي معاه اكبر خوف في حياتي .. خوفي من عقاب الله وغضبهنقطه ضعفي .. الطيبه الزايده والاستسلام .. وذكرى الماضينقاط القوه .. طموحي دراسيا .. وجود امي بحياتي .. واحساسي ان بداخلي امل كبير بالرجوع للصواب وفعل الخير ..
أبرز الأشياء التي تسبب لي الخوف وجودي معاه اكبر خوف في حياتي .. خوفي من عقاب الله وغضبهنقطه ضعفي .. الطيبه الزايده والاستسلام .. وذكرى الماضينقاط القوه .. طموحي دراسيا .. وجود امي بحياتي .. واحساسي ان بداخلي امل كبير بالرجوع للصواب وفعل الخير ..
اسم الموضوع : ارجوووووكم ساعدوني لاتهملوني .
|
المصدر : أحضان الاستشارات البناتية