الطفولة اللي عاشها أكيد لها تأثير على الكثير من تصرفاته اللي يتصرف فيها اليوم ..
و يقول الله سبحانه في كتابه الكريم :" و ان كنت فظا غليظ القلب لانفضوا من حولك "
عليج بالحنية مع ريلج و بيني له شوقج ,, كلميه بدلع و خليه يشتاق لج
أحسن الى الناس تستعبد قلوبهم ... لطالما استعبد الانسن احسان ..
ريلج أكيد عارف غلطته بدون ما تقولين له .. و مو محتاج بهالفترة حق لوم و تأنيب يكفيه ما فيه
اذا بتكلمينه قولي له قدر الله و ما شاء فعل و هاللي صار كله أمر الله و مكتوب و لازم نواجه مشكلتنا بحل عقلاني سليم لأن النجرة و الهواش ما راح تجدم و لا تأخر ..
لازم توقفين معاه .. و تحاولين انه ما يدش السجن .. مو حلوه ابو عيالج يدش السجن ..
هذا في حالة اذا كان من النوع اللي يستاهل و شهم و خايف ربه .. و انتي أدرى فيه و بخلقه و طباعه ..
اما اذا كان من نوع آخر فالأمر يختلف ....
و قبل كل شي يا عمري يا حبيبتي .. صلي استخارة .. اذا بتتخذين قرار ..
و صدقيني ما ندم من استشار الخالق ..
و أسأل الله العظيم أن يفرج همج و تزول كربتج عاجلا غير آجل ..
عزيزتي ,,
اذا كنتي تبين تحسين بأن زوجك رجلا بمعنى الكلمة ..
عليج ان تكونين بالمقابل أنثى بمعنى الكلمة و أن تشعريه بضعفك و حاجتك اليه و رغبتك به و عاطفتك
وانك تريدينه لذاته ..و ليس فقط ليعود لأبناءه و لحفظ " برستيجج "أمام الناس
تبينه يتغير .. تغيري .. " ان الله لا يغير ما بقوم حتى يغيروا ما بأنفسهم "
و زين سويتي لما تذكرين زوجج بالخير جدام عيالج ..
لأن الطفولة السعيدة الخالية من المشاكل هي بوابة العيش طوال العمر بسعادة نفسية
و هي الحصن المنيع الذي يعين الطفل على مجابهة مشاكله لما يكبر ..
لذلك أقول لج ان ريلج قد يكون ضحية و قد يحتاج علاج نفسي يمحو الآلام التي عاشها في طفولتج
و التي أرجوج ان تحاولي جاهدة بمنعها ان تكرر مع عيالج ..
غاليتي ,,,
عليج بالدعاء ... فأنه لا يرد القضاء الا الدعاء ..
و أوصيج ب " حسبي الله لا اله الا هو عليه توكلت و هو رب العرش العظيم " 7 مرات فجرا و عصرا
و تذكري انه " من يتق الله يجعل له مخرجا و يرزقه من حيث لا يحتسب "
و استعيني بالصبر و الصلاة و الصدقات و قراءة البقرة و القرآن بشكل عام و ذكر الله
حيث يقول الله سبحانه " اذكروني اذكركم "
و لا تيأسي من رحمة الله " انه لا ييأس من روح الله الا القوم الكافرون "
و تذكري .. هذا زوجج لازم توقفين معاه و ترضين ضميرج جدام ربج
و ما تكونين معاه في وقت الرخاء فقط و وقت الضيق و أشد أوقات حاجته لج يلتفت و ما ما يلقاج يمه !!!!
بصراحة .. رالح تكون صدمة كبيرة !!
الحين الصديق نتوقع منه الوفاء و ان يكون موجود ساعة الضيق ..
فما بالج بالزوجة و زوجها .. و هم علاقتهم أقوى و أسمى و يربط بينهم مودة و حب و أبناء و مستقبل كامل ..
خلي زوجج يذكرج بالخير .. و يحمد ربه الف مرة انه لقى زوجة مثلج ..
و خليعرفون شنو الفرق بين بنت الديرة اذا احتاجها الريال و بين الغرب ..
و أبشري بالخير يالغالية فإن رحمة الله واسعة " و ان مع اليسر يسرا "
و أكثري من الاستغفار ..
اتمنى اسمع عنج أخباار سعيدة قريبا يا رب ..
اختج فلانة